Kò s’óríléèèdè tó yọ ìsẹ́ àti òsì kúrò nílùú f’ọ́dún mẹ́ta – Ọbafemi George

Ọmọwe Obafemi George jẹ onimọ eto oselu lo n ṣe idanilẹkọọ lorisii ọna fun gbogbo araye nipa eto oselu.
O ni “oludije du ipo Aare kan l’ọdun 2023 ti gba awọn osise to le lẹgbẹrun mẹrin (4,000), o ni ki wọn kan maa ta ko gbogbo ohun ti Aare Bola Tinubu ba ti gbe jade. Awon yii ni wọn maa n pariwo laala lori ẹrọ ayelujara. Eyi ni ọpọ ti nnkan ko ki n tete ye maa n tẹle ti wọn maa ni aye ko si lẹyin Tinubu mọ.”
“Awọn olutele yii ti dagba lati ẹgbẹrun mẹrin si ẹgbẹrun mọkanla (11,000)”. “Ti a ko ba fẹ tan ara wa ko si orileede to kuro ninu isẹ ati osi laarin ọdun mẹta.” “Mo maa n sabaa bi ọpọ eniyan lori redio ati telifisọn ti wọn ba ti pe mi, ki wọn fun mi ni apẹẹrẹ orileede kan to kuro ninu isẹ ati osi laarin ọdun mẹta”.
Ara awọn igbekugbe ori ẹrọ ayelujara ni – “Resign now” waye ni ọdun kọkandinlọgbọn sẹyin (29 years ago) ninu iwe iroyin P M news, Value Of Naira, Can It Be Safed? Waye ni ọdun kẹrinlelọgbọn sẹyin (34years ago) ninu iwe iroyin Citizen Magazine, Death toll reached 80, tension mount in Abuja, waye ni ọdun kẹrindinlọgbọn sẹyin (26 years ago) ati bẹẹ bẹẹ lọ.”
Obafemi tun fi kun un pe awon banki agbaye bii IMF gan-an gba pe orileede Naijiria wa loju ọna. O ni loootọ ni oju ogun le fun ara ilu sugbon a nilo afarada nitori pe ko si ọgbọn miiran ju bi Aarẹ se n see yii lọ. O ni “o gba orileede China ni ogoji ọdun (40 years) lati yọ isẹ ati osi kuro nilu, o gba Singapore ni ọdun mejilelọgbọn (32 years) nigba to gba Dubai ni ogoji ọdun (40 years) ki wọn to rojutuu ilu wọn nigba to gba Rwanda to jẹ adulawọ tiwa ni ọdun mẹrinlelogun (24 years) ati bẹẹ bẹẹ lọ” gẹgẹ bi o se salaye.
O ni ọdun mẹta pere ni Tinubu tii lo lori aleefa ti gbogbo wa n reti ise iyanu. O gba gbogbo omo Naijiria niyanju lati ni afarada nitori pe ilu yii si maa dara.
O tẹ siwaju pe “ko tii si Aarẹ Naijiria to doju kọ isoro orileede yii bii Tinubu. O ni bayii ko si ipinlẹ ti a ko ti ni ri ọwọ Aarẹ yii bayii. A maa ri nipa akanse isẹ kan tabi omiran”.
Obafemi se akawe Lagos /Calabar coaster road, o se apẹẹrẹ ti ọna Badagry si ilẹ Hausa ati awọn ọna kaakiri orileede, owo iranwọ ileewe fun awọn akẹkọọ Fasiti, imuduro owo naira, riro awọn ijọba ibilẹ lagbara, sise ilopo mẹta owo fun ipinlẹ kọọkan ati bẹẹ bẹẹ lọ.

Gbaju-gbaja olorin, David Adeleke ti gbogbo eniyan mọ si Davido lo n salaye yii lori opo ayelujara rẹ.
Davido ni oun ri ara oun bi ẹni to lagbara ju Banana Island lọ, eyi lo jẹ ki oun ta ilẹ naa ni biliọnu meji ati miliọnu meji naira.
“Mo ra ti Eko Atlantic ni biliọnu meje, mo si maa na to biliọnu ogun si akanse ise naa ko to le pari. Mo ni igbagbọ pe o maa pari ni ọdun to n bọ.” Alaye rẹ naa niyẹn.

Idande de si awọn ara ilu Woro ni ipinlẹ Kwara ati ti ipinlẹ Niger ni oni ọjọ karun-un, osu kẹjọ ọdun 2026.
Awọn eniyan yii ti wa ni igbekun awọn ajinigbe lati inu osu keji ọdun yii.
Ti eniyan ba gẹsin kọja ninu awọn ẹbi ati ara awọn to ri idande yii ko ni kọsẹ. Orin ọpẹ ati ogo fun Ọlọrun ni o gbẹnu gbogbo wọn.
Awọn eniyan to din meji ni ọgọsan-an ni awọn onisẹ ibi naa ko ni ipinlẹ Kwara nigba ti awọn to le ni ogoje lo ko sọwọ awọn ẹda buruku naa ni ipinlẹ Niger.
Awọn eniyan yii si wa labẹ itọju ki wọn to pada si ọdọ ẹbi wọn. Ipinlẹ mejeeji ti fẹmi imoore han si Aarẹ Bola Tinubu ati awọn ologun orileede yii. Ki aabo Ọlọrun maa daju lori wa.

*BÀTÁ JÁKÙN Ó DÌKÀLẸ̀, ABẸSẸ̀ OLÚBÀDÀN Ó DÀÁRỌ̀ GBÉRE*

Bá á rebi

À dógún ọdún
Bá á ràjò

À dọ̀gbọ́n oṣù

Abẹsẹ̀ Olúbàdàn ìrìnàjò irú èwo lèyí

Ìpapòpà yín ṣe wá ní jìnìjìnì

Ojora ńlá mú toyún inú tàṣẹ́ ìdí

Ẹ̀rù baya lọ́nà odò

Ojora mú gìrìpá láginjù lábọ̀ oko

Èèmọ̀ wọ̀lú

Ìpapòdà Abẹsẹ̀ yí domijé nù pòòròpò lójú èwe níbi gbogbo

Àdììtú ni ìṣíwọ́ iṣẹ́ Olóyè jẹ́

Gbogbo ẹni tó lọ́kàn alábahun lomijé ń tojú wọn dà pẹ̀ pẹ̀ pẹ̀ bí ìgbàsọ̀rọ̀

Ìmọ̀ tààrà lọ nílẹ̀ yí ojúdá

Olóyè Lékan Àlàbí lọ

Abẹsẹ̀ Olúbàdàn ti lọ

Ẹyẹ lọ ìtẹ́ dòfo
Erín kọ̀ jẹ

Erin kọ̀ mu

Erin ṣubú yẹ́kẹ́

Erin ò yáǹde

Àgbàmi ìmọ̀ sùn papòdà

Olóyè ò jórúkọ àdídùn mọ́

Abẹsẹ̀ Olúbàdàn họ́wù!
So ti yá a di ÀBẸ̀GBÉ nù-un?

Háà! Abẹsẹ̀ Olúbàdàn

ó di kọ̀ kọ̀ kọ̀ bí omi tú

lọ lọ́rùn akèrèngbè

Bá a bá níkú Olóyè dùn wà tayọ bọ́ọ́gọ́

A ò sọ̀rọ̀ àpọ́npo pínrín

Bá a bá ń ṣọ̀fọ̀ Àlàbí

Ọjọ́ orí ẹ̀ kọ́ ló gbomijé lójú wa

AGBẸ̀DU ẹ̀bùn t’Ádániwáyé bù fún ló mú ọgbẹ́ ọkàn báàyàn.

Olóyè ò ṣahun ẹ̀bún

Olóyé ò fi ẹ̀bún ṣòwò

Lékan Àlàbí fi gbogbo ara lo ìmọ̀ fún àṣeyọrí ní gbogbo bi tó bá dé
ni .

Abẹsẹ̀ Olúbàdàn kìí fo jú pàáyàn rẹ́

Àkanlẹ̀dá ẹ̀dá Làlàbí, t’ọmọdé t’àgbà ni yó sàfẹ́kú baba

Eyín ká ilé ẹ̀rín wó

Ẹyẹ lọ ìtẹ́ dòfo

Àfèèbòjò kú ẹnu isà ń sọ̀fọ̀

Abẹ́rẹ́ Abẹsẹ̀ Àlàbí se rá rà rá abẹ́rẹ́ rá

Ìmọ̀ jìngòdò ṣe é dèèdé ẹsẹ̀ mẹ́fà

Ikú ṣe é yáwọ́ pajú akọni dé lódindi

Afẹ́fẹ́ bíńtín ṣe é gbẹ̀mí àtùpà

Ìjí jà ó gbódó

Ẹyẹ lọ ìtẹ́ dòfo

Àtàǹpàkò ò sí mọ́
Ọwọ́ dìlagbà

Àìsì mọ́ etí
Orí dàpólà igi

Abẹsẹ̀ Olúbàdàn Olóyé Lékan Àlàbí lọ
Ó ku kálukú pẹ̀lú ìwà

Àlàbí bá a ní o má jọ̀ọ̀kù

Bá a ní o má jẹran ekòló

Àyọjúràn ìṣe alákeji ni

Kò sí èèyàn tó dọ́run bọ̀ wáyé mọ n tí wọ́n bù lórí òkèlè

Olóyé bí jọ́ ìdájọ́ ò tí ì dé

B’Èdùwà Ò tí ì rí ti kóówá rò ní bojì

Abẹsẹ̀ Olúbàdàn,Lékan Àlàbí

Rere tó o gbáyéṣe
Ìmọ̀ tò tayọ tò ó ṣahun rẹ̀ yìí ń kọ́

Gbogbo ìròyìn ìdùnú táyé ń wí tomijé tomijé
wọ̀nyí ń kọ́

Àkọsílẹ̀ wọ̀nyí ò tàyé dàrú

Gbogbo wọn á gbẹnusọ ní kìyámọ̀

Ẹ wáyé láàyé
Ẹ yànpín tó gún

Ẹ rí ìpín lò dalẹ́

Alẹ́ yín là ń wò kò mọ́jú kẹlẹlẹ

N la ṣe mọ́ ikú lójú
N la ṣe ń fi apá jánú kiri

Ẹ kúkú dàgbà dáàyé kan

Ọjọ́ orí ò kéré

Ìrírí hẹ̀rìmọ̀

Àìsẹ̀ ikú Abẹsẹ̀ yí ṣèèmọ́ tórí pé ó lọ
Ó dàgbà kò dògbò gbórín

Kò sóhun méjì ìbànújẹ́

Ó fi ogbó ìyá ṣókè èèpẹ̀ ni

Àdììtú Èdùwà rè é
À ò rí ifá ẹ̀ ṣe,

Ọlọ́run Ọba tayọ gbogbo àníyàn

À fi kí Adẹ́dàá Ó bu tútù sí gbogbo ẹni t’íkú

Abẹsẹ̀ Olúbàdàn sọ sí
kàyéfì àpàpàndodo

Bó ṣé wù kọ́dún ò jìnà síra wọn tó

A kú ìpalẹ̀mọ́ ẹsẹ̀ mẹ́fà.

Ààyè ìrònúpìwàdà ò sí mọ́

Àsìkò yí ò lọ jù jù

Ìmí ìgbẹ̀yìn kò í dé

Àlàbí lọ
Gbogbo ayé ló ń fún ikú ní résúá

Ikú jíṣẹ́ àlùsì ọ̀hún nínú àìmọ̀kan

Olóyè Lékan Àlàbí ó dí gbéré

Abẹ́sẹ̀ Olúbàdàn, ó ti wá dàárọ̀ gbére

Ibi ẹ fàdàgbá ayé rọ̀ tì sí

Kí gbogbo ọmọ ó gbáyé ìrọ̀rùn lò yókù dògbó kùtàkùtà.

*Fémi Akínṣọlá*

Ademola Adeleke ti o jẹ gomina ipinlẹ Ọsun koro oju si Aare Bola Tinubu nitori idibo gomina osu yii.
Gomina ni lẹyin ti ẹgbẹ Accord oun ti mu Aare Tinubu gẹgẹ bi oludije du ipo Aare ẹgbẹ wọn, ko ye ki ẹgbẹ oselu APC tun maa ba awon du ipo gomina mọ.
Gomina sekilọ pe “nnkan buruku ko gbọdọ sẹlẹ si awọn eniyan ipinlẹ Ọsun. Kin ni ẹgbẹ oselu APC tun n fẹ lẹyin ti a ti mu Aare Tinubu gẹgẹ bi oludije du ipo Aarẹ ẹgbẹ wa? Kin ni Oyetola tun n fẹ ti ọlọpaa fi pọ to bayii ni ipinlẹ Ọsun? Emi ni olori eto aabo (CSO) ipinlẹ Ọsun, mi o si beere fun awọn ọlọpaa to pọ to bayii. Awọn ajinigbe ati agbenipa kun ilu to ye ki awọn ọlọpaa lọ koju, ko yẹ ki o jẹ awọn ara ipinlẹ Ọsun.” O tun tẹ siwaju pe “eyin ara ipinlẹ Ọsun ni lati jade ni ọpọ yanturu lati dibo, ki ẹ si duro ti ibo yin.”
Ipolongo ibo yii wa lara awọn igba ti ọpọ eniyan maa ri gomina Adeleke loju agbo lai jo. Ijo jijo gbogbo igba ti jẹ ki awọn eniyan maa pe e ni “dancing governor “. Ina ti wa jo dori koko bayii. Gomina pa ijo ti, o ke gbajare, o si gba awọn ara ilu nimọran lati dibo fun un.

Aare Bola Ahmmed Tinubu lo n salaye ni ilu Abuja nigba ti Olubadan ti ile Ibadan se abẹwo sii.
Olubadan fi ẹmi imoore han si Aarẹ nipa awọn akẹkọọ ati olukọ ti wọn gba silẹ ni ilu Ogbomoso.
Aarẹ ni ijọba ko san kọbọ lati gba awọn eniyan yii silẹ. O ni awọn si ti gbe gbẹrẹgi kana pẹlu wọn ti wọn ko ba jawọ ninu isẹ ibi naa.
Aarẹ Tinubu ni bi wọn ba se n ni ara ilu lara ni awọn maa ni awọn ẹbi ati ara wọn lara.
Ọba Rashidi Ladọja naa si kin Aarẹ lẹyin pe nnkan kan to le mu ki wọn siwọ naa niyẹn. Olubadan tun wa rọ ijọba apapọ lati fun okun eto aabo danindanin.
Tinubu lo ipade naa lati gbesẹ fun awọn Oba, o ni “ẹyin ọba naa ni lati gun awọn gomina ipinlẹ yin ni kẹsẹ ki wọn jẹ ki ọrọ aje rọ awọn ara ilu lọrun. Awọn gomina sun mọ ara ilu ju awa lọ”. Eyi ni Aarẹ salaye fun Olubadan nibi ipade naa.