Àwọn èrò ayélujára gbéná wojú Dele Farotimi àti àwọn mìíràn nípa ìtúsílẹ́ akẹ́kòó Ogbomoso

Ọjọ́ Ẹti ọjọ kẹwaa osu keje yii ni awọn akẹkọọ ati awọn olukọ to fẹẹ to aadọta jẹ jijiko ni ilu Ogbomoso, ni ijọba ibilẹ Oriire, ipinlẹ Ọyọ.
Ijiko awọn eniyan yii ti da orisii itabuku ba ijọba Aarẹ Tinubu.
Awọn ajinigbe ti n ji akẹkọọ ko ni oke ọya sugbọn ti isalẹ yii yatọ.
Orisiirisii oko ọrọ ni awọn ẹgbẹ alatako ti rọjo si Aarẹ.
Awọn ajinigbe pa olukọ kan loju ẹsẹ ni ile-iwe naa, wọn tun pa olukọ kan ni akata wọn nigba ti wọn de inu igbo, ọdọmọde jojolo kan naa ku si akata wọn bi o tilẹ jẹ pe wọn ni ọmọ naa ti n saarẹ ki wọn to jii gbe.
Lẹyin ọjọ kẹrindinlọgọta ni awọn eniyan yii to ri itusilẹ pẹlu ifọwọ-sowọ-pọ awọn ologun, ọlọpaa inu ati tode pẹlu awọn ẹsọ alaabo bii iru ẹkun ti Sunday Igboho.
Ju gbogbo rẹ lọ, wọn ko awọn eniyan yii wale, eyi lo mu ki awọn ẹgbẹ alatako, Dele Farotimi ati awọn miiran maa beere pe ko le rọrun lati ko awọn eniyan yii laaye, wọn ni oku ajinigbe meloo lo wa, meloo ni wọn ko laaye ati bẹẹ bẹẹ lọ.
Eyi mu ki awọn ololufẹ ati alarojinlẹ miiran maa kọ lu wọn pe kin ni wọn fẹ gan-an? Wọn ni o yẹ ki inu wọn maa dun bayii ni ko yẹ ko jẹ ibanujẹ fun wọn. Wọn ni ẹkun eke ni wọn tilẹ n sun nigba ti awọn eniyan yii wa lakata ajinigbe.
Awọn ololufẹ Tinubu ni se awọn ọlọtẹ yii fẹ sun oku awọn ajinigbe jẹ ni? Oko ọrọ ati epe n lọ lorisiirisii lori ayelujara.

Bí Tinubu ba fún àwọn ọmọ Yoruba nípò ní sáà kejì, mo ma bínú si gidigidi-Ṣẹgun Ṣowunmi

Ojulowo ọmọ ẹgbẹ oṣelu PDP ni mi ṣugbọn mo faramọ eto idagbasoke Aarẹ Bọla Tinubu, eleyii ti kọja ọrọ ẹgbẹ, Tinubu gbiyanju lẹka iṣẹ akanṣe atawọn eto amayedẹrun mi-in.

Gbajumọ oloṣelu, nipinlẹ Ogun, Oloye Ṣẹgun Ṣowunmi lo sọrọ yii lasiko ti ẹgbẹ oniroyin lede Yoruba, League of Yoruba Media Practitioners, ẹka ipinlẹ Ogun ṣabẹwo si i nilẹ rẹ nilu Abẹokuta.

Ṣowunmi tun gboṣuba kare fun Aarẹ Tinubu fun awọn iṣẹ akanṣe aritọkasi to ti ṣe paapaa lẹka awọn ohun amayedẹrun.

Gẹgẹ bi ọrọ rẹ, ‘Bi ija ba wa nibẹ ka pari ẹ, Tinubu ṣiṣẹ to lapẹẹrẹ, eyi tawọn eeyan ma ranti fun ọdun pipẹ’. O mẹnuba aṣeyọri aarẹ lori ọrọ atunṣe owo ori, eyi to mu igbaye irọrun ba awọn mẹkunnu, yiyọ owo iranwọ epo lati ṣe iṣẹ akanṣe kaakiri awọn ipinlẹ, pipese owo iranwọ fawọn akẹkọọ iyẹn NELFUND ati bẹẹ bẹẹ lọ.

O gba awọn ọmọ ilẹ kaarọ oojiire nimọran pe ki wọn ma ṣe pẹlu awọn atọhunrin kọyin sọmọ tiwọn nitoripe tẹni-n-tẹni.

Ṣowunmi sọ pe, iṣẹ pọ fun Aarẹ Tinubu lati ṣe, nitori naa lo ṣe gbọdọ lo ọdun mẹjọ rẹ pe.O ni gbogbo ọmọ Yoruba lo gbọdọ ṣatilẹyin fun Tinubu fun itẹsiwaju rere.

Ni ipari ọrọ rẹ, o ni, bi ọmọ Yoruba ba kọ lati ṣatilẹyin fun ipadabọ aarẹ lọdun 2027, oun ma binu si Aarẹ Tinubu gidigidi bo ba le fun ọmọ Yoruba kankan nipo ninu iṣakoso rẹ.

O ni bo tiẹ jẹ pe, eekan lara awọn ọmọ ẹgbẹ oṣelu PDP ni mi ti mi o si nii lọkan lati kuro nibẹ ṣugbọn bi ija ba wa nibẹ ka
pari ẹ, Tinubu gbiyanju bẹẹ lawọn eeyan ṣi ma ṣadura fun titi aye.

Agba oloṣelu naa tun rọ awọn ọmọ ilẹ kaarọ oojire lati ma bu ọla fun ede abinibi ilẹ Yoruba, o ni orileede to ba sọ ede rẹ nu ti sọ idanimọ rẹ nu atipe yoo dabi orileede ti ko ni ẹyin ọla.

Ṣowunmi jẹ ko di mimọ pe, bi awọn obi ati alagbatọ ba kuna lati jẹ kawọn ọmọ wọn ma sọ ẹdẹ Yoruba, o ṣee ṣe kawọn ọdọ iwoyi koju iṣoro lọjọ iwaju latari bi wọn ko ṣe fẹran lati maa sọ ede abinibi wọn. O ni, ọrọ naa ko yọ awon olukọ paapaa silẹ, ṣe ni ki wọn mu kikọ ati sisọ ede abinibi wa ni pataki ni yaara ikẹkọọ.

Eekan oloṣelu naa wa rọ gbogbo ẹka igbohunsafẹfẹ ati iwe iroyin lati maa ṣe igbelarugẹ ede ilẹ kaarọ oojiire nigba gbogbo.

O tun lo asiko naa lati rọ aarẹ orileede Naijiria, Aṣiwaju Bọla Ahmed Tinubu lati tubọ fẹsẹ imọ ẹkọ ede Yoruba mulẹ siwaju si i lawọn ileewe kaakiri ilẹ kaarọ Oojiire.

Oloye Olabode George di baba egbe ‘League of Yoruba Media Practitioners’

Ẹgbẹ́ awon oniroyin ede Yoruba, iyen ‘League of Yoruba Media Practitioners’ (LYMP) ti fi oye baba egbe naa da agba oloselu ati akinkaju omo Yoruba, Oloye Olabode Ibiyinka George lola. Ojoruu, Wesidee to koja yii leto idanilola ohun waye.

Egbe naa se eyi fun mimo riri ati atileyin ti baba fun egbe yii ati fun iran Yoruba lapapo.

Ọ̀pọ̀ àwọn àlejò ló péjọ síbi idalola naa, eyi ti ko yo awon omo Oloye Bode George sile, bee lawon omo egbe ‘League of Yoruba Media Practitioners’ naa wa nikale lati ye baba naa si

Lasiko to n gbe ami idalola naa fun Oloye Bode George, Ààrẹ ẹgbẹ́ náà, Olaide

Gold, so pe gbogbo egbe lo fenuko lati fi agba oloselu naa se baba egbe won nitori ipa nla ati atileyin ti ko legbe ti baba naa se fun egbe yii.

Nígbà tó ń gba oyè náà, Oloye Bode dúpẹ́ gidigidi fún ọlá tí wọ́n bu fún un yii. o sì ṣèlérí pé òun yoo lo gbogbo agbára to wa nikapa oun lati satìlẹ́yìn fún ẹgbẹ́ náà, ki ede Yoruba ati aṣa wa le tunbo gbayi si i kari aye.

Ohun to daju saka nipe titi aye ni Oloye Bode George yoo maa ranti ohun tawon omo egbe ‘League of Yoruba Media Practitioners’ yii se fun un.

Atiku àti Obi ń fẹ́ ìrànlọ́wọ́ mi láti àtìmọ́lé Kuje – Sowore

Omoyele Sowore to jẹ gbajugbaja fun jija fun ẹtọ ọmọniyan ni awọn ọlọpaa ọtẹlẹmuyẹ di ni papa mọra fun ẹsun ibani-lorukọ-jẹ. Sowore pe Aare Bola Tinubu ni ọdaran ni eyi to dọran sii lọrun. Ile-ẹjọ ni ko lọ f’asọ penpe roko Ọba ni ọgba ẹwọn Kuje.
Ọjọ mẹsan-an gbako ni Sowore lo ni atimọle ki wọn to gba beeli rẹ pẹlu miliọnu lọna igba pẹlu oniduro ti o ni ile to kajuẹ, ti owo ori ẹni naa pe, ti ẹni naa si jẹun kanu to tun rẹsẹ walẹ pẹlu ori ade kan.
Ọjọ kẹsan-an ti Sowore jade lo tun ti bẹrẹ si ni ba awọn oniroyin sọrọ lori ohun toju ri latimọle.
“Awọn ọlọpaa ọtẹlẹmuye (DSS) lo f’ọwọ sinkun ofin mu mi, wọn kọkọ da mi duro fun wakati kan gbako lai si nnkankan. Wọn gbe mi si inu ọkọ dudu wọn, wọn si bẹrẹ si ni f’ibọn dun ikoko mọ mi, mo jẹ ki wọn mọ pe, a ki n pohun magogo lẹnu, ẹ ti se eleyii ri ti ko ge iyẹ apa mi, kin le wa n dara yin laamu fun? Mo mọ pe gbogbo idun kooko yi ko sẹyin ọga awọn ọtẹlẹmuyẹ, Ọgbẹni Tosin Ajayi.”
“Gbogbo nnkan maa n sisẹ fun ara wọn ni, to ba jẹ Atiku tabi Obi lo wa ni atimọle bẹẹ maa ti ko awọn eniyan sodi lati gba wọn silẹ sugbọn wọn ko le se bẹẹ fun emi. Atimọle yii naa ni mo wa ti wọn tun ti n ransẹ si mi pe ijọba ti da ẹgbẹ awọn nu. Mo jẹ ko ye wọn pe emi ti mo wa latimọle ko le ja fun wọn, mo ni ki wọn yanju ara wọn.”

Ọwọ́ pálábá àwọn olè “one chance” ségi

Ajọ awọn ọlọpaa ipinlẹ Eko ti f’ọwọ sinkun ofin ko awọn onijibi ti gbogbo eniyan mọ si ‘one chance’.
Ibi ti ọwọ ti tẹ awọn afunrasi kan ni wọn ti bẹrẹ si ni ka boro-boro pe ki awọn ọlọpaa se awọn jẹjẹ nitori pe awọn ni ọga.
“Ọga naa lo ko mọto sita ti awọn si fọn kaakiri ilu Eko. Foonu ati gbogbo ohun to ba wa lọwọ awọn ti a ba fi moto gbe ni a maa n gba”.
Kọmíṣọ́nà ọlọ́pàá, Ọ̀gbẹ́ni Fatai Tijani, ló sọ èyí ní ọjọ́ ìṣẹ́gun nígbà tó ń bá àwọn oníròyìn sọ̀rọ̀ ní ilé iṣẹ́ àwọn ọlọ́pàá ní Ikeja.
“A ti sún mọ́ ọn, mo sì ní ìgbẹ́kẹ̀lé pé wọn yóò mú un láìpẹ́,” ni kọmíṣọ́nà náà sọ.
Olórí ọlọ́pàá náà sọ pé àwọn ọlọ́pàá náà gba oríṣiiríṣii fóònù alágbèéká aadọta lọ́wọ́ awọn afurasi náà, tí wọ́n gbàgbọ́ pé ó jẹ́ awọn tí wọ́n ti gbà tẹ́lẹ̀.
Tijani sọ pé ìgbàpadà àwọn fóònù náà jẹ́ àmì ìdàgbàsókè pàtàkì nínú ìsapá tí wọ́n ń ṣe láti tú ẹgbẹ́ náà ká àti láti dín ìjalè ní òpópónà káàkiri ìpínlẹ̀ náà kù.
Gẹ́gẹ́ bí ó ti sọ, àwọn ìsapá ń lọ lọ́wọ́ láti gba ọkọ̀ tí wọ́n lò nínú iṣẹ́ náà padà àti láti mú àwọn ọmọ ẹgbẹ́ ẹgbẹ́ náà mìíràn tí wọ́n ṣì wà níbẹ̀.
Tijani fi dá àwọn ará ìlú lójú pé àṣẹ náà yóò tẹ̀síwájú láti mú kí àwọn ọlọ́pàá tí àwọn ológun ń darí pọ̀ sí i, ó sì rọ àwọn ènìyàn láti tete maa ta awon lolobo tó yẹ kí ó lè ran àwọn ilé iṣẹ́ ààbò lọ́wọ́ láti gbógun ti ìwà ọ̀daràn.
Ó sọ pé gbogbo àwọn afurasi ni a ó ṣe ìwádìí wọn dáadáa, tí a ó sì fi ẹjọ́ wọn jẹ ní ìbámu pẹ̀lú òfin nígbà tí a bá parí ìwádìí.

Ìjọba Oyo kéde ìṣéde oní wákàtí mẹ́rìndínlógún ní ìjọba ìbílẹ̀ mẹ́wàá

Gomina Seyi Makinde ti kede isede oni wakati mẹrindinlogun ni awọn agbegbe ijọba ibilẹ mẹwaa.
Gẹ́gẹ́ bí ìwé ìròyìn tí Akọ̀wé fún Ìjọ́ba Ìpínlẹ̀ náà, Ọ̀jọ̀gbọ́n Musibau Babatunde, gbé jáde ní Ìbàdàn ní alẹ́ ọjọ́ Ìṣẹ́gun, ó sọ pé isede náà yóò bẹ̀rẹ̀ láti ọjọ́’rú ọjọ kẹrinlelogun titi di ọjọ’bọ, ọjọ karundinlogun osu kẹfa odun 2026.
A isede naa maa wa laarin agogo mẹrin irọlẹ si agogo mẹjọ owurọ.
Àwọn ìjọba ìbílẹ̀ tí ọ̀ràn náà kàn wà ní ààlà pẹ̀lú ọgbà ìtura orílẹ̀-èdè Oyo àtijọ́.
Àwọn ni: Olú-ilé-iṣẹ́ Oriire LGA, Ikoyi-Ile; Olú-ilé-iṣẹ́ Orelope LGA, Igboho; Olú-ilé-iṣẹ́ Irepo LGA, Kisi; Olú-ilé-iṣẹ́ Saki West LGA, Saki, àti olú-ilé-iṣẹ́ Saki East LGA, Ago-Amodu.
Awọn miiran ni ile-iṣẹ Atisbo LGA, Tede / Ago-Are; Ile-iṣẹ LGA Itesiwaju, Otu; Iseyin LGA olu, Iseyin; Olorunsogo LGA olu, Igbeti, ati Atiba LGA olu, Offa-Meta, ni Oyo town.

Ile-ẹjọ to fikalẹ si oluulu Naijiria ni Abuja ti da gbaju-gbaja ajafẹtọọ-ọmọniyan, Omoyele Sowore pada si ọgba ẹwọn Kuje.
Ọgba ẹwọn yii wa lara ọgba ẹwọn to lagbara, to ni aabo ni orileede yii.
Ibẹ ni ile-ẹjọ da Sowore pada si lori ẹsun ibani-lorukọ jẹ. Oun ni o pe Aare Tinubu ni ọdaran lori ẹrọ ayelujara.
Eyi lo faa ti awọn agbofinro se muu pe ki o wa salaye awọn iwa ọdaran ti Aare ti wu ti awọn asiri naa si wa lọwọ rẹ.
Idajọ tun di ọjọ kẹrinlelogun osu kẹfa ọdun 2026 yii.