Ìròyìn Òwúrọ̀ tuntun
Dino Melaye dé pẹ̀lú àwàdà kẹríkẹrì
Dino Melaye dé pẹ̀lú àwàdà kẹríkẹrì
Yínká Àlàbí
Ẹ gbọ́ ọ, kí ẹ sì wò ó fúnra yín.
JAMB 2026: Oloyede fajúro sí àwọn tó ní kí obìnrin kan yọ Hijab ní Ìbàdàn
JAMB 2026: Oloyede fajúro sí àwọn tó ní kí obìnrin kan yọ Hijab ní Ìbàdàn
Láti ọwọ́ Yínká Àlàbí
Idanwo asewọle si Fasiti (JAMB) kaakiri orileede yii ti bẹrẹ lati ọjọ kẹrindinlogun, osu kẹrin ọdun yii gẹgẹ bii alaalẹ ajọ naa.
Idagbasoke tun ti de ba ajọ idanwo naa, bi wọn se n se idanwo ni esi rẹ n jade ni ọjọ keji. Eyi mu ki gbogbo ọmọ Naijiria maa Kan saara si ajọ naa.
Eyi to ya olori ajọ naa (Ọjọgbọn Ishaq Oloyede) lẹnu ju nibi idanwo naa ni ibusọ idanwo kan ti wọn ti ni ki arabinrin kan yọ Hijab to fi bori kuro.
Oloyede ni “Bawo ni wọn se maa ni ki iyawo oniyawo yọ ohun to fi bori, ẹ ba mi wa ipagọ naa ni ilu Ibadan?”
Oloyede ni eyi ko tọna rara, loju ẹsẹ lo si n beere ibi ti isẹlẹ naa ti sẹlẹ.
Ọdún Àjíǹde: AIG Jimoh fọwọ́ gbáyà ètò ààbò ní Eko àti Ogun
Ọdún Àjíǹde: AIG Jimoh fọwọ́ gbáyà ètò ààbò ní Eko àti Ogun
Igbakeji ọga patapata ọlọpaa ni orileede yii AIG Olohunde Jimoh ti Zone 2 labẹ ipinlẹ Eko ati Ogun ti rọ awọn araalu lati fi aaye gba ifẹ ki alaafia le jọba ninu aye wa, paapaa julọ ni asiko ti awọn ọmọ lẹyin Jesu kirisiti n s’ọdun Ajinde yii.
AIG jimoh salaye yii nigba to n pe DSP Afolayan Gbenga l’ọjọ Abameta ni Eko, asiko yii lo n salaye gbogbo eto aabo to wa nilẹ fun ọdun naa.
AIG salaye ọdun Ajinde Jesu gẹgẹ bi ọdun pataki to sọ bi Olugbala se ji dide to jawe olubori lori iku, ẹsẹ ati aisan ki eniyan le baa wọ ijọba Ọlọrun.
O salaye bi ọdun naa se salaye bi imọlẹ se jọba lori okunkun, to si fun wa ni ọjọ iwaju rere to tun sọ wa di atunbi.
AIG gba gbogbo olugbe ipinlẹ Eko ati Ogun nimọran pe ki a jẹ ki alaafia, ifẹ ati ifarada jọba ninu ọkan wa ki a le gbe igbe aye rere.
Ọga ọlọpaa yii salaye gbogbo akitiyan ijọba lati le jẹ ki alaafia jọba nipa kiko awọn ọlọpaa kaakiri awọn ile ijọsin ati lati jẹ ki awọn mọto ọlọpaa kan maa kaakiri gbogbo awọn ile igbafẹ ti awọn eniyan ti le fẹ naju lasiko ọdun yii.
AIG gba awọn aralu nimọran pe ki wọn tete kan si agọ ọlọpaa to ba wa nitosi wọn ti wọn ba kẹfin nnkankan tabi iwa idunkooko mọ ni lagbegbe wọn.
JAMB ní ìròyìn òféegè lásán ni ìsún-sí-wájú ìdánwò tó jáde
JAMB ní ìròyìn òféegè lásán ni ìsún-sí-wájú ìdánwò tó jáde
Ajọ JAMB to n se amojuto idanwo ase-wọle si Fasiti Naijiria lo fọnrere ni ọjọ Abamẹta pe irọ lasan ni iroyin ti awọn kan gbe jade pe ajọ naa ti sun ọjọ idanwo siwaju. Wọn ni iroyin ẹlẹjẹ ti ko lẹsẹ nilẹ ni iroyin naa.
“Iroyin ofeege kan ti tẹwa lọwọ nipa isun-siwaju idanwo JAMB ọdun 2026. A fẹ ki awọn ara ilu paapaa julọ awọn akẹkọọ to fẹ se idanwo naa gba pe irọ lasan ni awọn asini lọna kan gbe jade, gbogbo eto lo ti to lati se idanwo naa gẹgẹ bi a se laa kalẹ,” ajọ naa salaye.
JAMB ni idanwo ọdun 2026 to maa bẹrẹ ni Ọjọ’bọ, ọjọ kẹrindinlogun, osu yii titi di ọjọ Abamẹta, ọjọ kẹẹdọgbọn, osu yii.
Loootọ ni idanwo ranpẹ waye ni ọjọ Abamẹta, ọjọ kejidinlọgbọn, osu kẹta jake-jado orileede yii bi o tilẹ jẹ pe ipenija waye ni awọn agbegbe kan. Awọn ọmọ to le ni ẹgbẹrun lọna igba lo yẹ ki wọn se idanrawo naa nigba ti awọn ẹgbẹrun lọna aadọjọ le diẹ raaye se tiwọn.
“Awọn ibudo ogun to ni ipenija yii ni ajọ wa ti yọ kuro fun idanwo ti osu yii,” JAMB se afikun yii.
Ajọ yii gba awọn akẹkọọ niyanju lati ma se lu jibiti bi o se wu ki o kere mọ. Paapaa julọ awọn onijibiti kan to n pariwo kiri lori ayelujara pe awọn le fi kun maaki wọn ti wọn ba sanwo.
“jibiti lasan ni gbogbo rẹ, gbogbo akẹkọọ ti ọwọ ba tẹ fun iwa ọdaran yii lo maa foju wina idajọ ajọ naa” ajọ JAMB sekilọ.
FANTI carnival máa mi Eko tìtì
FANTI carnival máa mi Eko tìtì
Ijọba ipinlẹ Eko ti kede pe awọn ọna kan ma wa ni titi fun ọjọ Aje nikan. Iroyin yii jade lati ileesẹ asa, igbafe ati iṣe ni ipinle Eko.
Ninu ikede naa ni wọn ti jẹ ko ye araalu pe awọn ọna naa ti maa wa ni titi lati aago meje aarọ titi di ọsan.
Awọn ona ti ayẹyẹ naa maa kan ni – King George titi de ile epo Mobil, Onikan Roundabout de TBS, Flagstaff House de TBS, Ita Marina titi de TBS, Opopona Campbell de old Defense building titi de Catholic Mission ni ọna ile iwosan Nicholas.
Ileesẹ naa gba awọn araalu niyanju lati gba awọn ọna ti ajọ LASTMA la kalẹ fun irọrun ni ọjọ naa. Wọn ni ki awọn to ba n bọ lati Obalende si Onikan Roundabout maa mori le Zone 2, nigba ti awọn to ba n bọ lati Bonny Camp si McEwen Bridge titi de Flagstaff House lọ TBS maa gba Bridge ti Obalende. Bẹẹ si ni awọn to n bọ lati ọwọ ita Marina si TBS naa maa gba Bridge ti Obalende bakan naa, ki alaafia le jọba lọjọ naa.
Ijọba ipinle Eko ni ki awọn eniyan jọwọ ba awọn fara daa ati pe awọn ko mọọmọ ni araalu lara. Won ni FANTI carnival naa se Pataki ki itan, asa ati ise pelu ewa ede Yoruba ma baa parun.
Àwọn àjọ kan rọ Broda Shaggi láti dá àwọn èwe padà sí ìtàn àlọ́ lórísìírísìí
Àwọn àjọ kan rọ Broda Shaggi láti dá àwọn èwe padà sí ìtàn àlọ́ lórísìírísìí
Láti ọwọ́ Yínká Àlàbí
Ajọ Goggle ati Slum2School Africa ti parọwa si ilumọọka adẹrin-posonu Broda Shaggi, pẹlu Falz ati Layi Wasabi nipa akanse isẹ to maa da awọn akẹkọọ alakọọbẹrẹ si awọn eto Eko alọ apamọ ati apagbe.
Ki wọn si bẹrẹ si ni lo ọwọ wọn lati maa fi kun nnkan nipa bibẹrẹ pẹlu kereyọọnu.
Gẹgẹ bi Otto Orondaam, to jẹ oludasilẹ Slum2School Africa se salaye.
O ni eto ẹkọ ti bẹrẹ ki o to di pe awọn ọmọ de ile iwe nipa awọn itan akọnilọgbọn ti wọn ti maa gbọ nile lorisiirisii.
O tẹ siwaju nipa sisalaye pe awọn ẹko yii lo n sọ bi a se jẹ ni eyi ti ọmọ ti maa nimọ nipa rẹ ko to bẹrẹ ile-iwe.
Apero yii waye ni Slum2School Innovation Hub ni Lekki, ipinlẹ Eko.
Oludari Google West Africa, Ọgbẹni Olumide Balogun lo sisọ loju eegun apero naa nipa sisọ itan “Great Rivers of Nigeria”.
Alejo pataki ọjọ naa Nancy Isime ati Bisola Aiyeola pẹlu Balogun sọ itan “Walls of Benin ati Queen Moremi Ajasoro”.
Gbogbo ijokoo ọjọ naa n jẹ ki o ye awọn ewe pe asa wọn se e mu yangan nibi gbogbo.
Àhámọ́ ni ilé-ẹjọ́ da àwọn mẹ́jọ tí wọ́n fẹ̀sùn ìdàlúrú kàn ní Badagry sí
Àhámọ́ ni ilé-ẹjọ́ da àwọn mẹ́jọ tí wọ́n fẹ̀sùn ìdàlúrú kàn ní Badagry sí
Láti Ìròyìn òwúrọ̀
Àwọn ọlọ́pàá ní ọjọ́rú, fi ẹ̀sùn kan àwọn ọkùnrin mẹ́jọ níwájú ilé-ẹjọ́ àgbà Badagry ní Èkó, lórí ẹ̀sùn ìrúfin àlàáfíà àti ewu sí ẹ̀mí.
Awọn olujejọ ni Akinyemi Daniel, 20; Padonu Oluwaseun, 21; Monday Faseun, 22; Olaosebikan Ademola, 44; David Awajienu, 50; Clod Pobiri, 30; Padonu Esekieli, 19; ati Ogolo Mikel, 17.
Àwọn olùjẹ́jọ́ tí a kò sọ àdírẹ́sì wọn, ń dúró níwájú ẹjọ́ lórí ẹ̀sùn ìrúfin àlàáfíà àti ewu ẹ̀mí.
Síbẹ̀síbẹ̀, olúkúlùkù wọn salaye pé àwọn kò jẹ̀bi ẹ̀sùn náà.
Agbẹjọ́rò, ASP Edet Ekpo, sọ fún ilé ẹjọ́ pé ẹni tí wọ́n fi ẹ̀sùn kàn ṣe ẹ̀ṣẹ̀ náà ní ọjọ́ kejì oṣù kejì, ní nǹkan bí aago kan ku ogun isẹju ọsan ní Sunshine Hotel ní Magbon, Èkó.
Ekpo fi ẹ̀sùn kan pé àwọn olùjẹ́jọ́ gbìmọ̀ láti ba àlàáfíà jẹ, nípa fífi àáké dẹ́rù ba àwọn àlejò ní hótéẹ̀lì náà, èyí tó mú kí wọ́n sá lọ.
Agbẹjọ́rò sọ fún ilé ẹjọ́ pé àwọn olùjẹ́jọ́ náà ní wọ́n ba àwọn tábìlì tí iye wọn jẹ́ N370,000 tí ó jẹ́ ti ilé ìtura náà jẹ́
Ó ní àwọn tí wọ́n fi ẹ̀sùn kàn tún fi ìjà halẹ̀ mọ́ ẹ̀mí Israel Abola àti àlejò kan ní hòtòlì náà.
Gẹ́gẹ́ bí ó ti sọ, àwọn ẹ̀ṣẹ̀ náà lòdì sí àwọn ìpèsè ti ìpín 56, 168, 350 àti 411 ti Òfin Ọ̀daràn ti Ìpínlẹ̀ Èkó ti ọdún 2015.
Adajọ Agba, Ogbeni Nurudeen Layeni, fun awọn olujẹjọ ni owo idasilẹ ti o jẹ N500,000 fun ọkọọkan pẹlu awọn oniduro meji ni iye kan naa.
Ó gbà pé ọ̀kan lára àwọn onígbèsè gbọ́dọ̀ jẹ́ olùdarí ilé-iṣẹ́ tàbí olórí àwùjọ.
Ilé ẹjọ́ dá ẹjọ́ náà dúró títí di ọjọ́ kejìlélógún oṣù kẹrin, fún ìwádìí to dájú.
Fíìmù ‘Mercy’ ló gbégbá orókè nínú àtẹ Prime Video Nigeria
Fíìmù ‘Mercy’ ló gbégbá orókè nínú àtẹ Prime Video Nigeria
Láti ọwọ́ Yínká Àlàbi
‘Mercy’, eré tó gbayì tó dá lórí ìràpadà, ìrúbọ àti àbájáde àwọn ìṣe àtijọ́, ló gbajúmọ̀ jùlọ nínú àtẹ fíìmù Prime Video ní Nàìjíríà ní ọ̀sẹ̀ yìí.
Fíìmù náà ti gba àwọn olùwòran lọ́kàn nítorí bí ó ṣe jinlẹ̀ tó, bí ìtàn rẹ̀ ṣe wúni lórí àti bí ó ṣe ṣe dáadáa, èyí sì ti mú kí ó gba ipò àkọ́kọ́.
“Invincible”, eré oníṣeré tí ó kún fún eré nípa agbára ìfaradà àti ìwaláàyè lòdì sí àwọn ìṣòro ńlá, wà ní ipò kejì lórí àtẹ ìṣàfihàn náà.
‘The Bluff’ ni ipò kẹta, eré apanilerin tí ó kún fún ìdààmú tí ẹ̀tàn àti àwọn ìyípadà tí a kò retí ń fà, nígbà tí ‘Cross’, eré ìwà ọ̀daràn tí ó ń ṣàwárí ìdájọ́ òdodo àti ìwà rere, wà ní ipò kẹrin.
‘Ọmọdé Sherlock’, àtúnṣe àwọn ọdún ìbẹ̀rẹ̀ ti olùwádìí olókìkí Sherlock Holmes , gba ipò karùn-ún pẹ̀lú àdàpọ̀ ohun ìjìnlẹ̀ àti ìrìn àjò rẹ̀.
Fíìmù eré ìtàgé kan tí wọ́n kọ́ nípa àwọn arákùnrin méjì tí wọ́n wà ní iṣẹ́ kan tí ó léwu, wà ní ipò kẹfà, nígbà tí ‘Agent Zeta’, eré amí tí ó ní àwọn iṣẹ́ ìkọ̀kọ̀ àti àwọn ìwà ọ̀daràn tó gbajúmọ̀, wà ní ipò keje.
Àwòrán “56 Days” ló wà ní ipò kẹjọ, ere tó ń ṣe àgbéyẹ̀wò àwọn àjọṣepọ̀ àti àṣírí lábẹ́ àwọn ipò tó yàtọ̀.
‘Working man’, eré oníṣe tó ń ṣàfihàn ìjàkadì ọkùnrin lásán kan tó ń rìnrìn àjò nínú àwọn ìpèníjà ìgbésí ayé, ló gba ipò kẹsàn-án.
Àkótán àwọn mẹ́wàá tó ga jùlọ ni ‘Scarpetta’, ìṣẹ̀lẹ̀ ìwà ọ̀daràn lórí àwọn ìwádìí àti àwọn ọ̀ràn ọ̀daràn tó díjú.
