Home Blog

Toyin Abrahams fi òùntẹ̀ ìbùkún lu ìgbéyàwó Davido àti Chioma.

By
iroyinowuro
-
Davido ati Chioma
Mary Seunfunmi Fagbohun
Gbajugbaja oserebinrin ni, Toyin Abraham, ti fi idunnu re han si iroyin igbeyawo olorin olokiki ni, Davido, ati iyawo re Chioma Rowland, eyi ti o waye leyin ti won padanu omokunrin won, Ifeanyi Adeleke.
Ifeanyi ni o rii sinu odo iwe ebi naa, ni Banana Island, ni ilu Eko ni bi ose die seyin.
Oserebinrin naa gbadura, o si ya ebi na si mimo ni ede Yoruba ninu atejade kan lori Instagram:
O ko o wipe; “Omo Ola @davido 👏👏
Ayo e akun, inu e a dun.
OLORUN a wa pelu iwo ati Chioma 🤲🤲
Ilopo lo na ilopo OLORUN maa fun yin 🔥🔥.”

Ọmọ Ìgbò gbàjọba nínú ọkàn Ìyábọ̀ Òjó

By
iroyinowuro
-
Iyabo Ojo
.
Gbajugbaja oserebinrin Yoruba ni, Iyabo Ojo, ti gbe awon ti bo si agbami ife, bi o ti se fi ololufe re tuntun han.
Lori atedaje kan lori ero ayelujare, o fi han pe ololufe tuntun naa  wa lati eya miran ati pe kii se omokunrin Yoruba.
Obinrin ti o ti bi meji naa so wi pe omokunrin Igbo kan ni o pada wole si oun lara. Eni ti o dupe lowo re fun fife ti o fe lopo ati bi o se n gbe emi re soke.
O ko o wi pe:
“O seun ifemi fun fife ti o fe mi ati gbigbe emi mi soke…
Kai, okan omobinrin Yoruba yi ni omokunrin Igbo kan ti wole si.”
Alice Iyabo Ojo ni o je oserebinrin, adari, ati olugbe ere jade. O ti sere ninu fiimu bii aadojo, pelu bii merinla ti o se laye ara re.

Muyiwa Ademola sọ̀rọ̀ lórí ìrìnàjò rẹ̀ nínú isẹ tíátà

By
iroyinowuro
-
Muyiwa Ademola
Gbajumo oserekunrin ni, Muyiwa Ademola, ti so wi pe ebun atinuda re ti o sowon ni asiri ti o wa leyin bi oun se di ilumooka.
Ninu ijomitoro oro kan pelu iwe iroyin Punch, oserekunrin naa wi pe, “Mo ti n sere o ti le ni ogbon odun. Bi mo ba ni ki n ka akoko mi ni ile owe Girama pelu re, a o maa wo odun marundinlogoji. Ore ofe Olorun ni. Irinajo naa ko dan monran bi o ti ri. Sugbon, mo je ki ori mi duro lorun mi, mi o si yese nitori mo mo pe ebun atinuda mi sowon. Mo ti n ko itan lati igba ti mo ti wa ni ile iwe akokobere, eyi ni o si kimi laya lati tepa mo ise mi ni ile ise fiimu. Mo dupe lowo Olorun fun ibi ti mo wa bayii, mo si n lepa lati se pupo sii.”
Lori ohun ti o fun ni iwuri lati tesiwaju ninu ere tiata,
Ademola wi pe, “Fun mi, ere sise je gege bi ipe. O ma n dabi wi pe mi o pe ti mo ba gbiyanju lati se nnkan miran, nitorina mo ti pinnu lokan mi pe ere sise je ifarasin ti mo gbodo muse. Ohunkohun miran ti mo ba se, ma maa se pelu ere tiata ni. Inu mi dun pe gbogbo fiimu mi ti fowokan opolopo aye, bi opolopo ti mu eko ninu fiimu mi bii idiwon fun bi won yoo sese awon ohun kan ninu aye won.”

Àwọn tísà kan máa ń lù mi bí ẹni máa kú ní nítorí pé mo jẹ́ ọmọ Fela – Femi Kuti

By
iroyinowuro
-
Femi Kuti
Mary Seunfunmi Fagbohun
Femi Kuti, omokunrin agba oje olorin afrobeat, Fela Anikulapo-Kuti, ti se afihan iriri re nipa bi awon eniyan se korira re nigba ti o n dagba nitori pe o je omokunrin Fela.
Femi fi eyi han ni ori abala eto kan ti a mo si #withChude ni ose yi. O si tun soro bi oun se je baba ti o n danikan toju omo, pipadanu obi, ati ipa ti o ko ninu aye re.
O se iranti ohun ti oju re ri gegebi omokunrin Fela, nigba ti o n dagba, Femi wi pe “awon eniyan ko feran mi nitori pe mo je omo Fela. Ile iwe lilo wa di ohun ibanuje okan fun mi nitori awon oluko kan wa ti won feran baba mi, nigba ti awon kan ko feran re. Nitorina, ti mo ba se si okan lara awon oluko ti ko feran baba mi, oluko naa yoo na mi bi eni ma ku ni, nitori pe won ko feran baba mi. Nigbana awon omo olowo kan wa ni ile iwe ti mo n lo ti won ko feran mi nitori pe mo je omokunrin Fela. Fun idi eyi, gbogbo akoko mi ni ile iwe ni mo fi n ja.”
Iriri ibanuje miran ti oju re ri bo ti  se n dagba gegebi o se so ni pe baba oun ma n na oun nigba ti oun wa ni omode.
Femi tun so ohun ti o koju pelu ibanuje leyin iku awon ti o feran, ni pataki julo iya re. “Mo ni iriri iku naa. Iku iya mi ni o je akoko ti o buru ju nitori pe opomulero ni iya mi je fun mi, nigba ti o ku, mo sonu. Fun bi odun meta abi merin ni maa ji lowuro ti ma fe lo ki iya mi, e duro na! Fela sese lo, aburo mi obinrin ti lo, ibatan mi ti lo. Awon eniyan kan so asotele pe mejila ninu wa ni yoo ku, mo wa n ronu wi pe, se asotele yi yoo wa si imuse ni?
Nigbana na ni wahala de ninu ebi mi, iyamo mi ko mi sile, won wa n so wi pe, ‘Femi ti n ya were’. Sugbon mo dupe pe mo bori gbogbo re, mo ro wi pe eyi ni o so mi di eniyan gidi.”
Lori ibasepo pelu omokunrin re, ìyẹn Made, o wi pe “Nigba ti mo n to omokunrin mi, oro re jemil ogun gidi. Mo ti padanu iya mi, iyawo mi ti lo, Made wa je ayo fun mi. Fela ti lo, ohun kan ti mo ri diromo ni omokunrin mi. O tun je ki n ranti igba odo mi, awon eniyan ro wi pe nitori pe a je omo Fela, o je ohun ti o dara. Nitori naa, mo wa so wi pe, kinni ohun aburu ti Fela se gan ninu aye mi? Nibo ni mo ro pe o ti se asise, maa se atunse pelu omokunrin mi, ati ni ibi ti mo ro pe o ti se ohun ti o to, maa tenumo ati pe maa to ki oye le e ye pe mi o pe bii baba.”
Bi o se n tesiwaju, o fikun pe: “Nígbà tí o n dagba, a lo odun mefa ni ojubo Shrine nitori ti won n ran awon ipata ati olopaa lati maa lo kaakiri agbegbe naa. Mo ko gbogbo awon omo ti mo n gbato ati omokunrin mi si ori oke nigbana, enikan wa so fun mi pe, bi won ba pa omokunrin mi nko? Nitorina, mo ro wi pe ise iranse oselu ni nitori ti mo n se oselu gidi ni igba naa. Ko si ero ayelujara bi ti ode oni. Nitorina, awon eniyan yoo lo kaakiri, olopa naa yoo lo laakiri ojubo naa. Ko si eni ti yoo soro, awon onirohin n dite mi fun idi ti won mo laaye ara won. Gbogbo ohun ti mo ni ni omokunrin mi, egbon mi obinrin ati omobinrin re. Sugbon omokunrin mi sunmo mi gidi nitori pe o je omo mi. Nitorina, mo muu gidi, mo si fun ni gbogbo anfaani ti mi o ni ninu orin kiko ati bibeko. Nitorina, gbogbo eniyan ro pe mo n to bii akebaje, won a si maa so wi pe mo n baa je. Maa dahun pe: “Bi ododo lori o; emi ni mo n fun ni oorun, ti mo si n bomi rin.”

Gbenga Daniel fẹ́ kí Ìjọba Àpapọ̀ gba ìsàkóso Film Village tí Hubert Ogunde dá sílẹ̀

By
iroyinowuro
-
Daniel
Gomina ipinle Ogun teleri, Otunba Gbenga Daniel, ti ke pe ijoba apapo lati tete gba ase lori abule fiimu, ìyẹn film village, ti o wa ni Ososa, ni Ìpínlẹ̀ Ogun, ti ogunna gbongbo eléré orí ìtàgé ni, Oloogbe  Hubert Ogunde, da sílẹ̀.
O wi pe o se pataki fun ijoba lati se atunse ere agbelewo ati ile ise idaraya ni orile ede yi fun ere goboi and anfaani ti o po fun awon omo nibe.
Danieli, eni ti o je oludije fun ile igbimo asofin ti apa ila orun ipinle Ogun labe asia egbe oselu All Progressives Congress (APC), soro nibi eto idanilokowo kan ti o je okan lara awon ise ti Ijoba ibile Odogbolu ni ipinle naa seto.
Gegebi o se so, ipinle Ogun ni o bi opolopo awon osere ni orile ede Nigeria ti o si n tesiwaju lati je ibudo idaraya lagbaye.
O fi ireti re han pe atilehin ti o dan monran lati odo ijoba apapo, ile ise fiimu ati idaraya lai si ani ani yoo se iranlowo lati pese ise tabua ati nitori ki oro aje le e ma a dagba si nigbogbo igba ati idagbasoke orile ede yi.
Gomina teleri naa ranni leti bi oloogbe Ogunde, eni ti o je omo bibi Ososa, ni agbegbe ijoba ibile Odogbolu, ko ipa asaaju pataki ati irapada ere itage sise ni Nigeria, o fikun pe ohun ti a mo si fiimu agbelewo ni a le to ipase re lo si ise takuntakun akoni naa.
O wi pe, “ipinle Ogun n tesiwaju la ti maa je ibudo idaraya lagbaye. Ohun tuntun lati apa keji ti a n se ajoyo re lagbaye wa lati odo wa. Nigba ti inu wa n dun lati pin awon ebun abinibi pelu gbogbo aye, awa la ni i. E so nipa Olamide, D’banj, Kizz Daniel, Laycon, Fireboy DML, Asa, Wande Coal ati Reminisce, larin awon to ku, wa lati ibi”.
“Bi a ti se dari odun 1970, 1980, ati 1990 pelu awon bii Ebenezer Obey, Fela, Haruna Ishola, Wasiu Ayinde Marshal, Sir Shina Peters, Adewale Ayuba, Salawa Abeni, Batile Alake, Tope Alabi, bee ni a tun je adari lode oni. Kii wa se torin nikan o; ninu ere agbelewo lonii ni a ti ni awon oje bii Tunde Kelani, Yemi Shodimu, ati opolopo eniyan lati ipinle yii.
“Ipinle Ogun ni o ye ki a fun ni ero pataki ninu idagbasoke ile ise idaraya. Ajo igbimo ere ati asa lorile ede yi (NCAC) ni o ye ki o gba ase lori abule fiimu ni Ososa lati le e ma ri owo na daradara.
Danieli salaye pe larin awon eto amulo re lo si ile igbimo asoju ni lati mu ki ijoba apapo ni ife si ati se atilehin fun idagbasoke abule fiimu ni Ososa. O toka si pe eka ere agbelewo ti ile oke okun ati ti India ni o ti mu owo jaburata wole fun orile ede wonyi, o fikun pe Nigeria naa le e je ere yanturu lati eka ere agbelewo nipase sise idagbasoke ile ise na.
Oludije fun ile igbimo asoju naa jeje lati gbaruku ti abadofin ati eto imulo ti yoo gbe ile ise idaraya goke agba ti yoo si so eso eredi idasile re.
O wi pe, “Ohun nla kan ti o n ti eto oro aje ile America ni ere agbelewo, ohun nla kan ti o n ti eto oro aje ile India ni ere agbelewo. Bayii a ni ere agbelewo ti wa, ti won si n se daadaa. Nitorina, gbogbo isoro ainise ni ile yi, a le e lo awon ebun abinibi ti a ni ni ipinle Ogun.
“Lara ohun ti ano o se ni Abuja ni lati ti ijoba apapo lati wa gbaruku ti ominira abule fiimu ti a ni ni Ososa ti ijoba ibile Odogbolu.”

Àwọn ajínigbé ń bèèrè owó tuntun láti tú ẹni tí wọ́n jígbé sílẹ̀

By
iroyinowuro
-

Àwọn ajínigbé ń bèèrè owó tuntun láti tú ẹni tí wọ́n jígbé sílẹ̀

Fẹ́mi Akínṣọlá

Ọ̀rọ̀ burúkú tòun tẹ̀rín ni ọ̀rọ̀ ọ̀hún rí nígbà tí àwọn ajínigbé bèèrè lọ́wọ́ àwọn mọ̀lẹ́bí ènìyàn tí wọ́n jí gbé wí pé owó tuntun tí ìjọba ṣẹ̀ṣẹ̀ ṣe ìfilọ́lẹ̀ rẹ̀ ní àwọn ń fẹ́ gẹ́gẹ́ bí owó ìtúsílẹ̀.

Àwọn afurasí gẹ́gẹ́ bí agbéṣùmọ̀mí tó jí àwọn ènìyàn mẹ́rin gbé ní ìlú Kolo, ìjọba ìbílẹ̀ Gusau ní ìpínlẹ̀ Zamfara ló tún gba ọ̀nà mìíràn yọ báyìí.

Àwọn mẹ́rin tí àwọn afurasí náà jí gbé náà ni ọkùnrin kan, obìnrin kan àti àwọn ọmọdé méjì.
Gẹ́gẹ́ bí ìròyìn tó tẹ̀ wá lọ́wọ́, mílíọ̀nù mẹ́wàá náírà ni àwọn ajínigbé náà kọ́kọ́ bèèrè fún gẹ́gẹ́ bí owó láti tú àwọn ènìyàn náà sílẹ̀.

Àmọ́ nígbà tó yá ni àwọn ajínigbé ọ̀hún gbà láti gba mílíọ̀nù márùn-ún náírà láti tú àwọn ènìyàn náà sílẹ̀.

Ará ìlú náà kan tó bá àwọn akọ̀ròyìn sọ̀rọ̀ sọ wí pé bí àwọn ṣe ń sáré kiri láti wá owó náà láti ri wí pé àwọn gba ìtúsílẹ̀ àwọn ènìyàn náà ni àwọn ajínigbé ọ̀hún tún gba ọ̀nà mìíràn yọ.

Ó ní òwúrọ̀ òní ni àwọn ajínigbé náà tún fi àtẹ̀jíṣẹ́ ránṣẹ́ sí àwọn wí pé owó tuntun tí ìjọba ṣẹ̀ṣẹ̀ ṣe ìfilọ́lẹ̀ rẹ̀ ní àwọn ń fẹ́ wí pé àwọn kò fẹ́ èyí tí à ń ná lọ́wọ́ báyìí.

Ó ṣàlàyé pé àwọn ajínigbé náà ní àwọn yóò fi àwọn ènìyàn tí àwọn jí gbé náà sí àhámọ́ àwọn títí ìjọba yóò fi kó owó tuntun jáde nínú oṣù Kejìlá.

Ìgbìyànjú láti gbọ́ látẹnu agbẹnusọ ọlọ́pàá ìpínlẹ̀ Zamfara, Mohammed Shehu lásìkò tí à ń kó ìròyìn yìí jọ ló já sí pàbó.

Saudi Arabia gbo ewúròó s’ójú Argentina

By
iroyinowuro
-

Saudi Arabia gbo ewúròó s’ójú Argentina

Yinka Alabi
Ara o ki n tan nile alara nigba kankan ge̩ge̩ bi ipede Yoruba.
Nigba ti o̩po̩ eniyan gbo̩ pe orileede Lionel Messi ni Saudi Arabia maa ba fagagbaga ninu idije du ife e̩ye̩ Agbaye to n lo̩ lo̩wo̩ ni orileede Qatar. Awo̩n eniyan ni ape̩re̩ ni orileede Saudi fi maa ko bo̩o̩lu naa.
Orileede Argentina ti se ifigagbaga me̩rindinlogoji (36) ti wo̩n si bori gbogbo re̩.
iyale̩nu nla ni o je̩ nigba ti orileede Saudi bori idije naa pe̩lu ami ayo meji si e̩yo̩kan.

Qatar fìtàn balè̩ ní World cup

By
iroyinowuro
-

Qatar fìtàn bale̩ ní World  cup

Yínká Àlàbí

Orileede Qatar ni o gbalejo ere bo̩o̩lu idije du ife e̩ye̩ ti agbaye o̩dun 2022 yii.
Fun igba ako̩ko̩ lati igba ti ere bo̩o̩lu naa ti be̩re̩ ni o̩jo̩ ke̩tala osu keje o̩dun 1930, olugbalejo ni o ko̩ko̩ maa n gba bo̩o̩lu lati side. Be̩e̩ ge̩le̩ naa ni o ri , amo̩ igba ako̩ko̩ niyi ti olugbalejo maa lule̩ nibi idije ife Agbaaye naa.
Orileede Qatar lule̩ pe̩lu ami ayo meji si odo lo̩wo̩ orileede Ecuador.

Wọ́n ti mú babaláwo àti ọmọ ‘yahoo’, ẹ̀yà ara èèyàn ni wọ́n bá lọ́wọ́ wọn.

By
iroyinowuro
-
  1. Wọ́n ti mú babaláwo àti ọmọ ‘yahoo’, ẹ̀yà ara èèyàn ni wọ́n bá lọ́wọ́ wọn.

Ọrẹ Òtítọ́jù

Géndé kan tẹ́nìkan ò tí ì mọ orúkọ ẹ̀, lọ́wọ́ àwọn agbófinró ti tẹ̀ báyìí, òun àti babaláwo ẹ̀, Ọ̀gbẹ́ni Ike, táwọn èèyàn mọ̀ sí Ọgẹnẹsu, ni wọ́n ti dèrò àhámọ́ àwọn ọlọ́pàá ọ̀tẹlẹ̀múyẹ́, ibi tí wọ́n ti n wá èèyàn tí wọ́n fẹ́ ẹ́ fi ṣètùtù ọlà ni wọ́n ti mú wọn, bẹ́ẹ̀ ni wọ́n tún bá òkú èèyàn kan tí wọ́n ti pa nílé e babaláwo ọ̀hún.

Ohun ti a gbọ ni pe ,nnkan bii aago marun-un kọja ogun iṣẹju, lọjọ Ẹti, Furaidee, ọjọ kejidinlọgbọn, oṣu Kẹwaa, ọdun yii, lawọn ọlọpaa to n yẹ ọkọ wo nirona kan lagbegbe Obiaruku, da ọkọ ayọkẹlẹ ti afurasi ‘ọmọ Yahoo’ ọhun n wa lọ, duro, ṣugbọn dipo ti iba fi duro, niṣe lo ṣina bolẹ, to n sa lọ. Eyi lo mu kawọn ọlọpaa naa fura si i, lawọn naa ba gba fi ya a.

Ẹnikan tọrọ ọhun ṣoju rẹ sọ funweeroyin Punch pe nigba tawọn agbofinro naa le e ba, wọn yẹ ọkọ rẹ wo, ni wọn ba ri iwe kan ti wọn kọ ọ sibẹ pe o ni lati wa ori eeyan, apa ati ẹsẹ eeyan tutu wa fun oogun owo to loun fẹẹ ṣe, bẹẹ Yoruba bọ, wọn lẹni ti yoo lo ori ahun atẹsẹ ahun, odidi ahun ni tọhun yoo ra.

Wọn bi i leere ohun to fẹẹ lo awọn nnkan naa fun, o ni etutu kan bayii ni, ko si sọ itumọ etutu naa fun wọn.

Awọn ọlọpaa wọ ọ de teṣan wọn, lẹyin naa ni wọn lọọ gba iwe aṣẹ lati lọọ yẹ ile rẹ wo lọjọ keji. Lẹyin ti wọn gbọn yara mẹta to n lo naa yẹbẹyẹbẹ, wọn ni wọn tun ri iwe mi-in to fara jọ ti akọkọ, ẹya ara eeyan bii ori, ẹsẹ, apa leyi naa n beere pe ko mu wa.

Ibẹ lọkunrin yii ti jẹwọ pe babalawo oun, iyẹn Ike ‘Ọgẹnẹsu’ lo kọwe naa foun, o loun lo ni awọn nnkan toun gbọdọ wa wa lati fi ba oun ṣoogun owo niyẹn. O ni ẹni ti oun yoo lo ori, apa atẹsẹ ẹ loun n wa kiri tawọn ọlọpaa fi da oun duro lọna lọjọsi.

Lọjọ keji, ọkunrin naa mu awọn agbofinro lọ sọdọ babalawo rẹ yii, wọn tu ile rẹ, wọn o ri nnkan kan, ṣugbọn bo ṣe ku diẹ ki wọn jade ni oorun buruku kan bu tii lu wọn, babalawo naa si ṣalaye pe oun ni odo ẹja kan ninu ọgba oun, awọn ẹja to ku toun yọ sọnu lo jẹra lapa ibi kan nibẹ, eyi to ṣokunfa oorun ọhun.

Awọn ọlọpaa ni ko mu awọn debẹ, wọn si ri apo lailọọnu nla kan lẹgbẹẹ odo ẹja naa loootọ, ni wọn ba tu u, ṣugbọn dipo ẹja jijẹra, oku eeyan ni wọn ba nibẹ to ti jẹra, bi wọn tun ṣe wo ọọkan ni wọn tun ri ori eeyan to n jẹra nibi to wọn ko oku ẹja mi-in si, wọn ni tori kawọn aladuugbo ma baa tete fura lo ṣe n ko oku ẹja sibẹ pẹlu, lati fi oorun ẹja bo teeyan mọlẹ.

Wọn mu babalawo naa, pẹlu ori eeyan ati iyooku oku to jẹra ọhun, ati ọmọ Yahoo to fẹẹ ṣoogun owo, gbogbo wọn ti wa lakata awọn ọtẹlẹmuyẹ fun iṣẹ iwadii to lọọrin, ki wọn too taari wọn sile-ẹjọ.

Ko si ibaṣepọ láàárín èmi àti àwọn tì inú bii nínú ẹgbẹ òṣèlú PDP….Goodluck Jonathan.

By
iroyinowuro
-

Kosi ibaṣepọ láàárín èmi àti àwọn tì inú bii nínú ẹgbẹ òṣèlú PDP….Goodluck Jonathan.

Ọrẹ Òtítọ́jù

Ààrẹ àná fún orílẹ̀èdè yìí, Goodluck Jonathan ti kéde pé kòsí ìbáṣepọ̀ kankan láàrin òun àti àwọn igun ẹgbẹ́ òṣèlú PDP tí wọ́n fi ọwọ́ jánú nínú ẹgbẹ́ náà àti wí pé àwọn igun náà kò jà fún ẹ̀tọ́ òhun.

Jonathan so eyi ninu atẹjade kan ti agbẹnuso rẹ Ikechuckwu Eze gbẹ jade.

Awọn gomina marun-un kan to pe ara n ni G5, Nyesom Wike ti Rivers,Seyi Makinde ti ipinlẹ Ọyọ, Samuel Ortom lati ipinlẹ Benue, Okezie Ikpeazu ti Abia, ati Ifeanyi Ugwuayi ti Enugu n ki Iyorchi Ayu fi ipo si gẹgẹ bii alaga ẹgbẹ PDP.

Eyi kọ ṣẹyin bi oludije ṣipo aarẹ ẹgbẹ naa, Atiku Abubakar ati alaga ẹgbẹ se wa lati igun orilẹede kan naa.

Ṣugbọn, Ayu fi apa janu pe ohun yoo paari saa oun gẹgẹ bi alaga ẹgbẹ naa.

Eleyi lo mu ariyanjiyan ati awuyewuye wa wi pe awọn ẹgbẹ G5 nja fun etọ Goodluck Jonathan, eleyi ti aarẹ ana kọrọ oju sii.

Jonathan sọ ninu atẹjade naa wi pe ohun ko ni ikun sinu sii Atiku Abubakar nitori pe oun kopa ninu awọn ipolongo rẹ lati dii aarẹ lọdun 2019.

Bakan naa lo ni oun tẹle lo si ipinlẹ Rivers ati Bayelsa ninu ipolongo ẹto idibo ọdun naa.

Goodluck Jonathan ti wa pe fun ijiroro laarin awọn igun mejeji.

O si rọ awọn to n gbe iroyin ofege nipa rẹ ati ẹgbẹ oṣelu PDP lati jawọ nitori ki irẹpọ ati alaafia le fẹsẹ mulẹ ninu ẹgbẹ naa ni oun n ja fun.

123...7Page 1 of 7

EDITOR PICKS

POPULAR POSTS

POPULAR CATEGORY

© Iroyinowuro 2022