LYMP kí Ṣẹgun Ṣówùnmí kú oríire ìyànsípò rẹ̀ sínú ìgbìmọ̀ ìpolongo ààrẹ

Ẹgbẹ awọn oniroyin ni ede abinibi, League of Yoruba Media Practitioners (LYMP), ti ki gbajumọ oloṣelu ati olori pataki nilu Ẹgba, Ọdọfin Ṣẹgun Ṣowunmi, ku oriire lori iyansipo rẹ sinu igbimọ ipolongo aarẹ ti ẹgbẹ All Progressives Congress (APC) ṣe atunṣe rẹ.

Ṣowunmi wa lara awọn eekan igbimọ naa to ma mojuto ẹka ikansaraalu ati iroyin , eyi to ma kopa ribiribi ninu ipolongo atunyansipo Aarẹ Bọla Tinubu.

Lara awọn olokiki miran ti orukọ wọn wa ninu atojọ tuntun naa ni Minisita fun Olu Ilu ilẹ wa l’Abuja, Nyesom Wike, ati Gomina Ipinlẹ Ọṣun, Ademọla Adeleke.

Wike ni yoo ṣe alabojuto ipolongo aarẹ ni Ipinlẹ Rivers ati Olu Ilẹ wa l’Abuja , nigba ti Adeleke yoo ṣe alabojuto ipolongo naa ni Ipinlẹ Ọṣun.

Awọn miran to wa ninu ẹka ibanisọrọ ati iroyin ni Minisita fun Ọkọ Ofurufu, Festus Keyamo; Abdulmumin Jibrin; ati Lere Ọlayinka, to jẹ oluranlọwọ fun Wike lori ọrọ iroyin. Bakan naa ni wọn tun yan Ọbafẹmi George gẹgẹ bi oluranlọwọ lori ọrọ iroyin.

Igbimọ na jẹ akojọpọ awọn gomina, awọn aṣofin, awọn minisita, awọn olori ẹgbẹ oṣelu ati awọn alẹnulọrọ lẹka eto ọrọ aje ti wọn si ma ṣiṣẹpọ fun atunyansipo Aarẹ Tinubu .

Sẹnetọ Abdulaziz Yari ni Oludari Agba igbimọ ipolongo naa, nigba ti Sẹnetọ Adams Oshiomhole yoo jẹ igbakeji rẹ nigbati Fẹmi Gbajabiamila yoo ma bojuto ikorajọpọ awọn olufẹ ati alatilẹyin aarẹ. Gomina Ipinlẹ Imo, Hope Uzodimma, yoo tẹsiwaju gẹgẹ bi akọwe igbimọ naa.

LYMP ninu ọrọ ikinni ku oriire naa sọ pe iyansipo Ṣẹgun Ṣowunmi jẹ anfaani lati kopa ninu iṣẹ ikansaraalu, ibanisọrọ ati ipolongo oṣelu ni orileede Naijiria.

Kàyéfì ni ikú arìnrìnàjò ọkọ̀ òfurufú Kenya ní Naijiria

‘Aisan lo se wo, a ko ri ti ọlọjọ se’ ni isẹlẹ buruku kan to waye ni Murtala Muhammed International Airport, Lagos.
Arakunrin kan ti wọn forukọ bo lasiri lo wọ baluu Kenya lati Eko lọ si orileede Madagascar sugbọn ti awọn alasẹ ọkọ ofurufu ilu naa ko jẹ ki o wọle, gbogbo akitiyan rẹ ati igbiyanju pẹlu agidi lo ja si pabo gẹgẹ bi ọgbẹni Micheal Achimugu to jẹ ọga kan ni Nigeria Civil Aviation Authority (NCAA) se salaye.
O ni ofin ọkọ ofurufu ni pe ẹni to ba gbe ero lọ, ti isoro tabi idiwọ kan wa naa lo maa gbee pada, lo fi jẹ pe Kenya Airline lo gbe arakunrin naa pada pelu agidi. O ni gbogbo igbiyanju arakunrin naa lati ma se pada si Naijiria lo ja si pabo, nigba ti ko fẹ gba fun wọn , ki o ma lọ daran tabi pa ara rẹ ni wọn ba de e mọ aga kan ninu baluu naa. Igba ti baluu balẹ ni wọn bẹrẹ si ni du emi rẹ ti ẹpa ko boro mọ.
Awọn ọlọpaa orileede yii ti gba iwadii naa kanri. Iwadii to gbopọn ti bẹrẹ nipa iku iyanu arakunrin onisowo naa. O ma se o!

Ìgbà àkọ́kọ́ kọ́ nìyí tí irú ìsẹ̀lẹ̀ báyìí máa wáyé –
Ni osu kẹta ọdun 2019, ẹni ọdun mẹrinlelaadọta kan to wọ ọkọ ofurufu Delta Air Lines lati Atlanta ni Amerika wa si Eko gbẹmi mi ni bi o se ku isẹju diẹ ki baluu naa balẹ si Eko.
Ni osu kẹsan-an ọdun 2025, isẹlẹ buruku bẹẹ naa tun sẹlẹ ninu ọkọ ofurufu United Airlines lati Eko si Washington D C.

Àwọn bàlúù tí kò ni ìsẹ̀lẹ̀ burúkú rí –
Easyjet Airlines to bẹrẹ isẹ ni ọdun 1995 ni ilu London.
Etihad Airways bẹrẹ isẹ ni ọdun 2003 ni ilu United Arab Emirates.
Eva Air bẹrẹ ni ọdun 1989 ni agbegbe Europe.
Finnair bẹrẹ ni ọdun 1923 ni orileede Finland.
Hawaiian Airlines bẹrẹ ni ọdun 1929 ni orileede U.S
JetBlue bẹrẹ ni ọdun 2000 ni ilu New York.
Qantas bẹrẹ ni ọdun 1920 ni ilu Australia.
Qatar Airways bẹrẹ ni ọdun 1997 ni orileede Qatar.
Virgin Atlantic bẹrẹ ni ọdun 1984 ni ilu London.

Ìdí tí Tinubu fi máa jáwé olúborí nínù ìbò 2027 – Donald Duke

Gomina tẹlẹ ri ni ipinle Cross River to tun je oludije du ipo Aare fun egbe PRP (People Redemption Party), Alagba Donald Duke lo n salaye fun awọn oniroyin ni ana ọjọ wẹside.
O ni “iyapa ẹnu to sẹlẹ laarin igbakeji Aarẹ tẹlẹ ri ni orileede yii, Atiku Abubakar, Peter Obi to jẹ gomina tẹlẹ ri ni ipinlẹ Anambra ati Kwankwaso lo fun Tinubu laye jẹ ni ọdun 2023, ti ẹnu ko ba tun ko fun ibo pdun 2027, a jẹ wi pe wiwọle Tinubu ti maa rọrun ju”.
O tẹsiwaju pe ti Atiku ati Obi ti wọn fẹrẹ maa leke ẹgbẹ alatako ba tun pin yẹlẹ-yẹlẹ, a je wi pe Tinubu maa wọle ẹlẹẹkeji niyẹn nitori imọ tara ẹni nikan to n ba wa ja”.
Donald Duke tun se afiwe orileede Amerika ti a n tele pẹlu eto oselu ati isejọba wọn pe “orileede Amerika ni ẹgbẹ oselu meji, ti awọn naa ba lọ tọwọ aye bọ ẹgbẹ oselu Democrats gẹgẹ bi apẹẹrẹ, ti wọn pin si meji tabi mẹta, a jẹ pe ẹgbẹ oselu Republicans maa selu lọ titi aye” gẹgẹ bi o se salaye ni ori ẹrọ tẹlifispọn Channels ni ori eto owurọ wọn.

Iyán ogún ọdún n jó Aregbesola lọ́wọ́ nípa Tinubu

Awọn ololufẹ ayelujara ti ya bo Ogbeni Rauf Aregbesola lori ayelujara. Ori ẹrọ ayelujara yii kan naa ni Aregbesola ti n salaye ilo ede ti ko dara ti Tinubu lo ni ilu Abeokuta pe “emi lo kan”.
Aregbesola ni ilo ede naa ko dara rara, o lọwọ igberaga ninu, o tun salaye siwaju sii bayii pe “O n salaye bi ẹni to ni agbara lati oke pe emi lo kan, ko sọ pe awa lo kan tabi ẹgbẹ lo kan tabi eeyan lo kan.”
Eyi lo mu ki awọn eniyan maa soko ọrọ sii pe ‘o yẹ ẹni gbogbo ko dinwo aro, ko yẹ atọọle.’ Wọn ni lẹyin ogun ọdun ti Tinubu ti n fẹyin pọn ọn bọ, o wa le maa sọọ jade bayii pe Tinubu ni ede igberaga lẹnu bii alagbara kan.
Wọn ni Tinubu to sọọ di kọmisọna fun ọdun mẹjọ, to sọọ di gomina f’ọdun mẹjọ, to sọọ di minisita f’ọdun mẹrin ni ko wa gbede mọ lẹyin ogun ọdun.
Onikaluku kan n sọrọ saka-saka si Aregbesola lori fọnrọn ti enikan lọ wu jade nipa rẹ nigba ti o naka aleebu si Tinubu nibi eto idibo to kọja.

Ìròyìn òwúrò tuntun

Ìròyìn òwúrò

Ìbò 2027 máa rọrùn fún Tinubu ju ti 2023 lọ

Oludije du ipo gomina ni ipinlẹ Eko, Obafemi Hamzat labẹ ẹgbẹ oselu APC lo salaye yii.
Hamzat ni igbakeji gomina ni ipinlẹ Eko bayii. Oun ati gomina Babajide Sanwo-olu ti n sejọba Eko lati nnkan bii ọdun mẹjọ.
Hamzat n salaye lori ikanni TVC pe idibo ọdun to n bọ maa rọrun fun Aarẹ Bola Tinubu ju ti ọdun 2023 lọ.
O ni “l’ọdun 2023, ariwo ẹlẹyamẹya ati ẹlẹsinmẹsin pọ gan-an, paapaa julọ lori tikẹẹti Musulumi ati Musulumi”. O tesiwaju bayii pe ” awọn ọmọ Naijiria ti wa fi oju ara wọn rii bayii pe Aare Tinubu o ki n se ẹlẹyamẹya ati ẹlẹsinmẹsin. Ẹni to kaju rẹ lo maa n fi si isẹ”.
Alaye yii ni Obafemi Hamzat se lori ẹrẹ Tẹlifisọn naa.

Sanwo-olu bá ẹbí Olu Jacobs sè’dárò

Gomina ipinlẹ Eko, Babajide Sanwo-olu ti ba Joke Silva to jẹ iyawo oloogbe Olu Jacobs sedaro ọkọ rẹ to dagbere faye.
Gomina fi ọrọ ibanikẹdun yii ransẹ si ẹbi Oludotun Bayegun Jacobs ti gbogbo eniyan mọ si Olu Jacobs lati ọdọ olubani-damọralori iroyin, Ọgbẹni Gboyega Akọsilẹ.
Sanwo-olu ni orukọ agba osere naa ko le tete parẹ lorileede yii ati ni oke okun. O ni awọn ere akọnilọgbọn pọ ninu ere oloogbe naa.
Gomina ni Olu Jacobs kopa ninu ọpọlọpọ ere bii aadọta ọdun.
Olu Jacobs dagbere fun aye ni ẹni ọdun mẹrinlelọgọrin.