Tinubu ní láti dá owó iná mọ̀nàmọ́ná padà sí bó ṣe wà tẹ́lẹ̀ –Ẹgbẹ́ Afẹ́nifẹ́re.
Gbọ́láhàn Quseem
Ẹgbẹ́ tó n s’ojụ́ àwọn ọmọ Yorùbá ni Nàìjíríà, Afẹnifẹre, ti korò ojú sí àfikún owó iná mọ̀nàmọ́ná tí ìjọba Ààrẹ Bólá Tinubu ṣe fáráààlú ní lọ́ọ́lọ́ yii.
Wọn ni ki Aarẹ da owo naa pada si bo ṣe wa tẹlẹ.Atẹjade kan ti Afẹnifẹre fi sita, eyi ti agbẹnusọ wọn, Jare Ajayi, buwọ lu lo sọ eyi di mimọ.
Afẹnifẹre ṣalaye pe ileeṣẹ apinnaka, Nigerian Electricity Distribution Company (NERC) n fi aikunju oṣuwọn tiwọn ni awọn ọmọ àti olugbe Naijiria lara pẹlu afikun owó ‘nà naa.
“Ọmọ Nàìjíríà ń jìyà yíyọ tí ‘wó ìrànwọ́ órí epo, bẹ́ẹ̀ gẹ́lẹ́ ni wọn ó tún jìyà iná mọ̀nàmọ́ná”
Afẹnifẹre ṣalaye pe nigba t’ ijọba yọ owọ iranwọ rẹ kuro lori owo epo, araalu ti ko mọwọ-mẹsẹ lo n jiya rẹ bayii.
“Araalu to fẹẹ lo ohun tawọn to n sanwo gọbọi lori ina ba ṣe ni yoo jiya afikun owo ina yii, gẹgẹ bo ṣe ri lori owó e ìrànwọ́ epo t’ ijọba yọ.
‘’Awọn ileeṣẹ yoo fikun ohun ti wọn ba n pese sita, awọn eeyan to fẹẹ ra ni inira yoo si ba.
‘’ Ina ti araalu o ri lo tẹ ẹ tun n fowo kun. NERC kan fẹẹ k’awọn eeyan Naijiria maa jiya aikunju oṣuwọn ileeṣẹ tiwọn ni.
‘’ Kaka ki wọn ronu ọna mi-in ti wọn le fi din owo ti wọn fi n pese ina ku, wọn ro pe kawọn kuku ṣafikun owo faraalu lo daa.
‘’Awọn eeyan tẹ ẹ ro pe afikun yii kan nikan kọ ni yoo koju inira rẹ, ilọpọ marun-un ọmọ Naijiria to n lo ohun ti wọn n pese ni.
