Lailatu Li Quadr ò kì ń se o̩jó̩ aye̩ye̩ – Sheikh Tajudeen
Yínká Àlàbí
Oru mo̩ju oni ti aawe̩ Musulumi pe me̩tadinlo̩gbo̩n ni ijo̩ Ridwanullahi to wa ni Liberty estate, Ibafo mu fun wiwa o̩jo̩ Lailatu Li Quadr.
O̩jo̩ yii ni o̩jo̩ ti gbogbo musulumi aye maa n gbadura lati ri ninu Osu Ramadan. Ramadan yii ni awo̩n Aafaa je ki o ye wa pe o loore ju e̩gbe̩run osu (1000 months) lo̩. Wo̩n tun je̩ ki o ye wa pe ti eniyan ba le se alabapade o̩jo̩ Lailatu Li Quadr naa. Eniyan naa ti je̩ e̩bun ayeraye O̩lo̩run to le gbe e̩ni naa fun o̩dun me̩talelo̩go̩rin ati osu me̩rin (83years, 4 months). Eyi si maa n je̩ ki awo̩n Musulumi se oju kokoro re̩.
Nigba ti aawe̩ ba ti pe ogun ni awo̩n Musulumi ododo ti maa n waa. Awo̩n kan tile̩ ti maa n digba dagbo̩n lo̩ si mo̩salasi to ba wu wo̩n nitori awo̩n nnkan to le ba wo̩n laawe̩ je̩.
Awo̩n Aafaa kan ni ko tile̩ le to be̩e̩, eniyan le maa so̩ awo̩n o̩jo̩ aawe̩ ti ko se e pin si meji( odd numbers) bii igba ti aawe̩ ba pe mo̩kanlelogun(21), me̩talelogun(23), marundinlo̩gbo̩n(25), me̩tadinlo̩gbo̩n (27) ati mo̩kandinlo̩gbo̩n (29).
Sheikh Tajudeen ti gbogbo eniyan mo̩ si “ta lo n so̩ro̩” lo wa ge̩ge̩ bii alejo pataki ni o̩jo̩ naa. Ibe̩ ni Aafaa yii ti n salaye fun awo̩n ijo̩ Ridwanullahi pe inu oun dun bi wo̩n se fara bale̩ ti wo̩n ko maa jo ijo e̩le̩ya bii awo̩n kan, ti wo̩n maa n jo ijo e̩le̩ya pe̩lu obinrin olobinrin, Aafaa yii ni ibe̩ ni wo̩n ti maa lu ofin O̩lo̩run.
Aafaa Tajudeen ni Lailatu Li Quadr ni ki a maa pe oruko̩ O̩lo̩run bi agbara wa ba se mo̩, ki a maa fi iyin fun Ojise̩ nla Mohammed (ki ike̩ àti o̩la maa baa), ki a maa ka Alikurani nitori asiko aawe̩ ni O̩lo̩run so̩ kurani naa kale̩ fun wa, ki a maa gbo̩ro̩ O̩lo̩run, ki a je̩ e̩ru to n dupe̩, ki a maa to̩ro̩ aforiji e̩se̩ nitori pe ko si bi eniyan se fe̩ rin ti ori ko ni mi ati adura nipa tito̩ro̩ ohun ti a ba fe̩ lati o̩do̩ Allah.
Aafaa yii ni igba ti a ba fi maa se eleyii tan , a maa rii pe o̩jo̩ ti lo̩ ati pe ko si aaye fun ijo e̩le̩ya kankan.
Chief Imam Liberty estate, Sheikh Ambali Gold ni o gba Aafaa naa lalejo. Imam naa fi kun un pe, aawe̩ ti n lo̩, k a ma se je̩ ki awo̩n ise̩ oloore ti a n se o lo̩, gbogbo iwa e̩se̩ ti a ti fi sile̩, kia ma se pada de ibe̩ mo̩. Lara awo̩n to tun se apo̩nle Sheikh Tajudeen ni Aafaa Moshood Adeyemi ti wo̩n je̩ igbakeji baba Imam, Aafaa Anido̩la, Aafaa Mohammed Soliu Olawale, Aafaa Idowu Jimoh Aliyu, Aafaa Ajiboye, Baba Omisoore, Baba Oshodi, Aafaa Ibrahim, Aafaa Bashir, Toyeeb, Aafaa T Aga, Aafaa S Badejo̩, Aafaa Mustapha, Aafaa Abdullahi, Aafaa Mubarak, Aafaa Mubashir ati awo̩n o̩mo̩ ile kewu pe̩luu gbogbo ijo̩ lo̩kunrin lobinrin Ridwanullahi.
Ni oru naa, Aafaa Soliu siwaju no̩fila, nigba ti Chief Imam ati igbakeji re̩ fi e̩mi imoore han si Aafaa Tajudeen ati awo̩n Aafaa nla-nla ti wo̩n jo̩ wa.
