Nítorí à ti lè tẹ̀síwájú nínú ẹ̀kọ́ mi ni mo ṣe lọ ń kọ́ iṣẹ́ irun gígẹ̀’
Fẹ́mi Akínṣọlá
Akẹ́kọ̀ọ́ ilé gíga Moshood Abiola Polytechnics tó wà ní ìpínlẹ̀ Ogun ni Rukayat Temilorun Akinbola.
Yorùbá ní ọ̀nà kan kò wọ ọjà ló mú Elizabeth, bó ṣe jẹ́ akẹ́kọ̀ọ́ ilé ẹ̀kọ́ gíga yìí, gbèrò láti wá ìmọ̀ kún ìmọ̀ rẹ̀.
Elizabeth pa èrò pọ̀ pé iṣẹ́ ọwọ́ tí àwọn obìnrin kìí sábà ṣe ló wu òun láti kọ́ kí òun le dá yàtọ̀ ní àwùjọ.
Ìdí nìyí tó fi lọ kọ́ iṣẹ́ irun gígẹ̀ dípò irun dídì tí wọ́n mọ obìnrin mọ́.
Ó ṣàlàyé pé òun wò ó pé òun nílò láti túnbọ̀ ní ìmọ̀ mìíràn yàtọ̀ sí ilé ẹ̀kọ́ tí òun ń lọ ni òun ṣe bẹ̀rẹ̀ sí ní kọ́ iṣẹ́ irún gígẹ̀.
Ó ní bí ó tilẹ̀ jẹ́ pé ó nira fún òun láti máa lọ sílé ẹ̀kọ́ àti láti máa kọ́ iṣẹ́ ọwọ́ papọ̀ mọ́ lílọ sí ilé ẹ̀kọ́ gíga, ó ní òun máa ń ri dájú pé kò dí ara wọn lọ́wọ́.
Ó ní òun ní ìgbàgbọ́ pé iṣẹ́ ọwọ́ tí òun ń kọ náà máa jẹ́ aṣínà fún òun láti túnbọ̀ tẹ̀síwájú nínú ẹ̀kọ́ tí òun ń ṣe tẹ́lẹ̀.
