Tẹkún,tìbànújẹ́ ni Mohbad fi wọ káà ilẹ̀ sùn
Fẹ́mi Akínṣọlá
Ìbànújẹ́ ńlá ni kí màjèsín ó tojú òbí rọ̀run.
Pẹ̀lú omijé ni àgbààgbà àti àwọn ọ̀dọ́ tó péjú síbi ètò ìsìnkú Mohbad fi ṣe ìdárò lẹ́yìn tó wọ káà ilẹ̀ lọ nílùú Ikorodu.
Mohbad, ẹni ọdún mẹ́tàdínlọ́gbọ̀n ló jáde láyé lọ́jọ́ Kejìlá oṣù kẹsàn án.
Ọ̀pọ̀ èrò ló péjú síbi ètò ìsìnkún olórin tàkasúfèé yìí, tí wọ́n sì ń kọrin ìbànújẹ kíkankíkan ní ilé ìtẹ́ òkú sí nílùú Ìkòròdú.
Bákan náà ọ̀pọ̀ èèyàn ti bu ẹnu àtẹ́ lu bí wọ́n ṣe sin òkú Mohbad láì ṣe àyẹ̀wó láti mọ irúfẹ́ nǹkan tó ṣekúpa.
Ṣaáajú ni iléeṣẹ́ ìròyìn kan, Pulse NG ní àrùn etí ló ṣekúpa Mohbad.
Gẹ́gẹ́ bíi Pulse NG ṣe ṣàlàyé, Mohbad, gbéra lọ ilé ìwòsàn lọ́jọ́ Ìṣẹgun tó sì jáde láyé lẹ́yìn tó gba abẹ́rẹ́ ní ilé wòsàn náà.
Kò tíì sí àrídìmú láti fìdí ikú rẹ̀ múlẹ̀ ohun pàtó tó ṣekúpa Mohbad.
Olóògbé fi ìyàwó àti ọmọ sílẹ̀ láyé.
