Kabir Olaoye pe Ghandi Olaoye lẹ́jọ́ , fúnpò Sọ̀ún tuntun
Fẹ́mi Akínṣọlá
Ó n súnmọ́ òótọ́ bọ̀ báyìí o, ọ̀rọ̀ àwọn àgbà tó ní, ìdààmú ilé ọlá kìí rọ̀,ko ko ko ní-ín le.
Lẹ́yìn tí gómìnà Seyi Makinde ìpínlẹ̀ Ọ̀yọ́ ti buwọ́lu ìyànsípò Ọmọba Afolabi Ghandi Olaoye gẹ́gẹ́ bíi Soun Ogbomoso tuntun, ilé ẹjọ́ gíga kan níìpínlẹ̀ ọ̀hún ti pàṣẹ pé Makinde kò gbọdọ̀ gbé ọ̀pa àṣẹ fún Ghandi gẹ́gẹ́ bí ọba.
Ilé ẹjọ́ náà pàṣẹ fún Gómìnà ìpínlẹ̀ Ọ̀yọ́, agbẹjọro àgbà àti kọmiṣọnna ìjọba ìbílẹ̀ àti oye jíjẹ pé kí wọn semẹdọ ná títí tí ìdájọ́ ẹjọ́ tó wà nílẹ̀ lórí ọ̀rọ̀ oyè yóó fi wáyé.
Ọjọ́bọ ni adájọ́ K.A. Adedokun pàṣẹ yìí nígbà tí ó ń dajọ tí ọ̀kan lára àwọn tó ń du oyè Soun Ogbomoso, Ọmọba Kabir Olaoye gbé wá sílé ẹjọ́.
Adájọ́ Adedokun ní ẹjọ́ tí ó pè lẹsẹ ńlẹ̀ Ọmọba Kabir Olaoye
Bákan náà ni adájọ́ tún pàṣẹ pé Ghandi gan an kò gbọdọ̀ rí ara rẹ̀ gẹgẹ bí Sòún tuntun, bẹ́ẹ̀ ni kò gbọdọ̀ lọ sí ibi ayẹyẹ kankan láti gba ọ̀pá àṣẹ gẹ́gẹ́ bí ọba títí ìdájọ́ yóó fi wáyé lórí ẹjọ́ tó wà n ńlẹ̀.
Adájọ́ Adedokun ní lẹyìn tí òun ṣe àgbéyẹ̀wò àwíjàre Abiodun Ogunjimi tó jẹ́ agbẹjọ́rọ̀ Ọmọba Kabir, òun rí pé ẹjọ́ tí oníbàárà rẹ̀ pé lẹ́ṣẹ̀ ńlẹ̀.
Ilé ẹjọ́ ti wá sún ìgbẹ́jọ síwájú sí ọjọ́ Kejìlá oṣù kẹsàn án ọdún yìí.
Àwọn mìíràn tí ẹjọ́ náà kàn ní àjọ tó ń rí sí ọ̀rọ̀ oyè lápá àríwá ìlú Ogbomoso, Ọmọba Amos Olaoye, Mọ́gàjí ẹbí Ọláoyè, Olóyè S.O. Otolorin, Areago ìlú Ogbomoso tí ó tún jẹ́ Alága àwọn afọbajẹ, Olóyè Tijani Abioye, Baara ìlú Ogbomoso, Olóyè David Adeniran, Ikolaba ilẹ̀ Ogbomoso àti Olóyè Yusuf Rasaki Oladipupo, Abese ilẹ̀ Ogbomoso.
Lópin ọ̀sẹ̀ tó lọ ni Gómìnà Makinde kéde pé òun ti buwọ́lu ìyànsípò Ọmọba Ghandi gẹ́gẹ́ bíi Sòún tuntun ìlú Ogbomoso
