Mary Seunfunmi Fagbohun
Adele Oga Agba NYSC ajo agunbaniro (NYSC), Mrs Christy Ubah, ti ro awon agunbaniro lati se akanse ise ti yoo ni ipa to dara ni ileto won larin aaye odun kan ti won fe fi si ile baba won.
Eyi ni awon oloyinbo n pe ni community development work.
Ubah ni o so oro iyanju yii nigba ti o n ba Ipa keta awon agunbaniro odun 2022 (2022 Batch C Stream 11) soro ni ibudo idanileko ni Iyana-Ipaja ni ilu Eko.
O ni akitiyan won ni yoo se ise idagbasoke ti o nipon ni Naijiria.
“Lesekese ti e ba ti mo ileto yin, ni ki e bere akitiyan, ki e si safihan akanse ise ti e ri ni ileto yin ti yoo ni ipa ni awujo, e mase fi akoko sofo.
“Gbogbo eyi ni yoo lowo si idagbasoke orile ede wa, nitori naa, a gba yin niyanju lati gba ise ti a ba fun yin se ninu igbagbo rere ki e ba le e fi tokantokan se ise sinsin naa.”
Ubah fi kun un pe “E ma se pa ona je, e se ohun gbogbo bi o ti ye. E ni ibasepo ti o dan monran. E o je anfaani re bope boya. Okan lara awon ini ti e o kojo nihin loje, yoo ran yin lowo lojo iwaj.”
Ninu eto idibo odun 2023, adele Oga Agba naa pe awon agunbaniro ti won nifee lati kopa ninu eto yii lati gba eko ti o ye kooro ki won le e ni imo.
O ro won lati ma se kopa ninu oselu tabi yan egbe oselu kan laayo, ki won ni ife si orile ede won, ki won ma si se yese, ki won si se ohun ti o to nigba idibo.
