*Àfi sùúrù*
Ẹni ayé yé jáwé ìyeyè
ni kòye.
ìdàndá lásán layé kò yémi
Só yé ọ?
Ẹni ayé yé kó sọ
Èèyàn táyé yé kó fọ̀
Ayé yé kò pamọ
Ìgbà dàgbà fìgbà hu langba
Tàgbà,màjèṣín tó ń fipò ṣègbè ìlú,
Ẹ finú pọnmi ayọ̀ síkùn,
Ẹ̀yin gan lẹ wáyé e re
Ànábì ò gbó tán tó fi bọ́kùn ẹ̀mí,
Jéésù ò jọjọ lọ́jọ́ orí sinmi sálákeji,
Agbára ò ràgbàlà ìdájọ́
À fi ká fọkàn mọ́ ,fàyà mọ́ àníyàn èrò rere
Báa bá ti finú mímọ́ wátẹ̀síwájú ẹni ń láálàṣé,
Ẹ jẹ́ á dunnú
A ti róore ayé kó lódindi
Ìwọ̀n sì lẹrù u bojì ó bààyàn.
Fẹ́mi Akínṣọlá
