Seyi Makinde kò lè pa ìdùnnú mó̩ra, ó fi ijó sí i
Ilẹ̀ rírì ṣọṣẹ́ ní Ecuador, èèyàn 12 kú, ọ̀pọ̀ farapa
Ilẹ̀ rírì ṣọṣẹ́ ní Ecuador, èèyàn 12 kú, ọ̀pọ̀ farapa
Fẹ́mi Akínṣọlá
Èèyàn tí kò tíì kú, kò tíì mọ irú ikú tí yóó pa á.
Kò dín ní ènìyàn méjìlá tó ti pàdánù ẹ̀mí wọn nínú ìjàmbá ilẹ̀ rírì tó wáyé ní ẹkùn gúúsù orílẹ̀ èdè Ecuador.
Ọ̀pọ̀ àwọn ilé ló ti dàwó ní àwọn ìlú káàkiri lẹ́yìn tí ilẹ̀ rírì tó jìn tó ìwọ̀n 6.7 magnitude èyí tó wáyé ní nǹkan bíi aago márùn-ún ìrọ̀lẹ́ orílẹ̀èdè náà.
Agbègbè El Oro wà lára àwọn ìlú tí ìṣẹ̀lẹ̀ náà ti burú jùlọ níbi tí àwọn àjọ tó ń mójútó ìṣẹ̀lẹ̀ pàjáwìrì ní àwọn ènìyàn ṣì há sábẹ́ àwọn ilé tó dàwó.
Àwọn aláṣẹ ní El Oro ni ènìyàn mọ́kànlá ti pàdánù ẹ̀mí wọn ti ẹnìkan sì kú ní agbègbè Azuay.
Agbegbe Machala àti Cuenca náà wà lára àwọn ìlú tí ọ̀pọ̀ ilé ti dàwó, táwọn ọkọ̀ náà sì bàjẹ́ àmọ́ àwọn tó ń mójútó ìṣẹ̀lẹ̀ pàjáwìrì ti lọ ń ràn wọ́n lọ́wọ́.
Oníṣòwò kan ní Cuenca, Magaly Escandon sọ fún iléeṣẹ́ ìròyìn AFP pé òun sá jáde kúrò nínú ilé òun bọ́ sí ìta nígbà tí òun rí àwọn ènìyàn tí wọ́n ń sá fi ọkọ̀ wọn sílẹ̀.
Ààrẹ Guillermo Lasso rọ àwọn ènìyàn láti ṣe sùúrù kí àwọn aláṣẹ fi mọ iye ìpalára tí ìṣẹ̀lẹ̀ ti fà.
Iléeṣẹ́ Ààrẹ ní gbogbo àwọn tó farapa nínú ìjàǹbá ọ̀hún ló ti ń gba ìtọ́jú ní ilé ìwòsàn tí wọn kò sọ ohunkóhun síwájú sí i.
Wọ́n ní ọ̀pọ̀ òpópónà ni àwọn ilé ti dàwó dí ojú ọ̀nà wọn àti pé àwọn ilé ẹ̀kọ́, ilé ìwòsàn ni ìjàǹbá náà ṣe àkóbá fún.
Ilẹ̀ rírì yìí ni èyí tó fẹ́ẹ̀ lágbára jùlọ tó ń wáyé ní Ecuador lẹ́yìn èyí tó wáyé lọ́dún 2016, níbi tí ọgọ́rùn-ún méje ènìyàn ti pàdánù ẹ̀mí wọn tí ọ̀pọ̀ sì farapa.
Àwọn aláṣẹ ní Peru ní àwọn gbúròó ilẹ̀ rírì ní orílẹ̀ èdè ti àwọn náà àmọ́ kò sí ìròyìn bóyá ènìyàn ṣèṣe tàbí pàdánù ẹ̀mí wọn níbẹ̀.
Seyi Makinde jáwé olúborí níbùdó ìdìbó rẹ
Seyi Makinde jáwé olúborí níbùdó ìdìbó rẹ
Fẹ́mi Akínṣọlá
Gómìnà ìpínlẹ̀ Ọ̀yọ́ lọ́wọ́,Ẹnjiníà Ṣèyí Mákindé ti jáwé olúborí ní ibùdó ìdìbò rẹ̀, níbi tó ti dìbò láàárọ̀ ọjọ́ Àbámẹ́ta.
Àpapọ̀ iye ìbò tí Mákindé ni jẹ 174 nígbà tí ẹgbẹ́ òṣèlú APC ni ibo 28 níbùdó ìdìbò náà.
Àdúgbò Àbáyọ̀mí, ni ibùdó ìdìbò náà wà ní Iwo road, nílùú Ìbàdàn.
Àṣeyọrí Mákindé níbùdó ìdìbò yìí jẹ́ ìdùnnú nlá fún àwọn olólùfẹ́ rẹ̀ tó péjú sí ibùdó ìdìbò ọ̀hún.
Bí ó tilẹ̀ jẹ́ pé àwọn èsì ìbò tí ń jáde láwọn ibìkan,wọ́n ṣì ń ṣe àkójọpọ̀ àwọn èsì ìbò lọ́wọ́ káàkiri ìpínlẹ̀ Ọ̀yọ́ láwọn ìbomíràn, ó sì di ìgbà tí gbogbo èsì ìbò náà bá wọlé tán kí àjọ elétò ìdìbò, INEC, tó kéde ẹgbẹ́ òṣèlú tó jáwé olúborí.
Ṣèyí Mákindé ń du ipò Gómìnà fún sáà kẹjì lẹyìn tó ti kọ́kọ́ ṣe ọdún mẹ́rin àkọkọ́ gẹ́gẹ́ bíi Gómìnà ìpínlẹ̀ Ọ̀yọ́.
Àbájáde ìbò láti Ward 11, unit 001, Iwo Road, Ìbàdàn níbi tí Gómìnà Ṣèyí Mákindé ti dìbò:
PDP- 174
APC – 28
ACCORD – 5
LABOR – 3
Gómìnà Mákindé la Adelabu mọ́ iwájú ìta baba rẹ̀
Gómìnà Mákindé la Adelabu mọ́ iwájú ìta baba rẹ̀
Fẹ́mi Akínṣọlá
Olùdíje fúnpò Gómìnà ìpínlẹ̀ Ọ̀yọ́ lórúkọ ẹgbẹ́ òṣèlú Accord Party nínú ìdìbò tó ń lọ lọwọ́, Olóyè Adebayọ Adelabu ti fìdí rẹmi níbùdó ìdìbò rẹ̀.
Gómìnà ìpínlẹ̀ Ọ̀yọ́, Ẹnjiníà Ṣèyí Mákindé ló là á mọ́lẹ ní gbàdede ìta bàbá rẹ̀ níbẹ̀.
Ibùdó ìdìbò kẹwàá, ní wọ́ọ̀dù kẹsàn-án, lágboolé Oluokun, ní Kudẹti, nijọba ìbílẹ̀ Ila-Oorun Gúúsù Ìbàdàn, nígboro Ìbàdàn tí í ṣe agboolé tí wọ́n bí Adelabu sí náà ló ti máa ń dìbò.
Gẹ́gẹ́ bí aṣojú àjọ elétò ìdìbò nílẹ̀ yìí, INEC ṣe kéde ẹ,ọ̀kàndínláàdọ́rin (69) ìbò ni Mákindé ní. Ṣùgbọ́n èèyàn méjìdínlógójì (38) péré ló dìbò fún Adelabu tó jẹ́ ọmọ agboolé ọ̀hún nígbà tí Sẹ́nẹ́tọ̀ Teslim Fọlarin, olùdíje lórúkọ ẹgbẹ́ òṣèlú APC, tó ṣe ipò kẹta ní ìbò méjìlélógún (22) níbudó ìdìbò náà.
Bí Gómìnà Mákindé ṣe la Adelabu mọ́lẹ̀ nínú ìdìbò Gómìnà ọdún 2019 náà ló tún lù ú mọ́ iwájú ìta bàbá ẹ nínú ìdìbò ọdún 2023 tó wáyé lónìí ọjọ́ kejìdínlógún oṣù kẹta tá a wà yìí.
Bákan náà ni Gómìnà yìí tún fàgbà han gbogbo àwọn tí wọ́n bá a du agbára ìjọba ìpínlẹ̀ Ọ̀yọ́ níbi tí òun fúnra rẹ̀ ti máa ń dìbò níbudó ìdìbò kínní, wọọdu kọkànlá níjọba ìbílẹ̀ Ìlà-Oòrùn Àríwá Ìbàdàn.
Èèyàn mẹ́rìnlèláàádọ́sàn-án (174) ló dìbò fún Gómìnà tí wọ́n tún ń pé ní GSM yìí níbudó ìdìbò náà. Fọlarin, ẹni tó pọwọ́ lé e níbudó ìdìbò ọ̀hún ní ìbò méjìdínlọgbọn (28) péré nígbà tí ìbò Adélabú tó ṣe pò kẹta kò ju ẹyọ márùn-ún péré lọ.
Ikú dóró! ìgbákejì Gómìnà tó ṣẹṣẹ fipò sílẹ̀ jáde láyé
Ikú dóró! ìgbákejì Gómìnà tó ṣẹṣẹ fipò sílẹ̀ jáde láyé
Fẹ́mi Akínṣọlá
Àìsàn la rí wò, àwọn àgbà sọ pé kò séèyàn tó rí ti ọlọ́jọ́ ṣe.
Lẹ́yìn àìsàn ránpẹ́ tí wọ́n ló ṣe é, Ìgbákejì Gómìnà ìpínlẹ̀ Èkìtì, lábẹ́ ìṣèjọba Káyọ̀dé Fáyẹmí tó ṣẹṣẹ kógba wọlé, Ọ̀túnba Bisi Ẹgbẹyẹmi, ti kú lẹ́ni ọdún mọ́kàndínlọ́gọ́rin.
Oun tí a gbọ́ ni pé ó ti tó ọjọ́ mẹ́ta tó ti tẹ bàbá tó ti fìgbà kan jẹ alága ìjọba ìbílẹ̀ Ado-Ekiti náà díẹ̀, tí wọ́n sì gbé e lọ sí ọsibítù aládàáni kan tí wọ́n ń pè ní Multisystem Hospital, nílùú Ado-Ekiti, tí í ṣe olú ìlú ìpínlẹ̀ ọhún fún ìtọ́jú. Bó tilẹ̀ jẹ́ pé kò sẹ́ni tó mọ irú àìsàn tó ń ṣe bàbá náà, ó padà kú sí ọsibítù ọ̀hún ní òru ọjọ́ Ẹtì mọ́jú àárọ̀ ọjọ́ Àbámẹ́ta, ọjọ́ kejìdínlógún, oṣù Kẹta yìí.
Láàrin ọdún 2018 sí 2022 ni ọkùnrin tó jẹ́ agbẹjọ́rò, tó sì tún jẹẹ́ olóṣèlú náà fi ṣe igbákejì gómínà lábẹ́ ọ̀gá rẹ̀, Ọ̀mọ̀wé Káyọ̀dé Fáyẹmí.
Ọjọ́ kẹjọ, oṣù Karùn-ún, ọdún 1944 ni wọ́n bí ọkùnrin ọmọ bíbí ìlú Ado Èkìtì ọ̀hún.
Wọn kò tí ì kéde ikú ọkùnrin náà, ṣùgbọ́n àwọn tó sún mọ bàbá náà fìdí rẹ̀ múlẹ̀ pé ọkùnrin náà ti rewalẹ àṣà.
Wọ́ọ̀dùWọ́ọ̀dù ! Ìdìbò sípò Gómìnà àti ìlé ìgbìmọ̀ aṣòfin ìpínlẹ̀ bẹ̀rẹ̀ ní rẹbutu káàkiri ìpínlẹ̀ Ọ̀yọ́
Wọ́ọ̀dùWọ́ọ̀dù ! Ìdìbò sípò Gómìnà àti ìlé ìgbìmọ̀ aṣòfin ìbílẹ̀ bẹ̀rẹ̀ ní rẹbutu káàkiri ìpínlẹ̀ Ọ̀yọ́
Fẹ́mi Akínṣọlá
Ó fojúhàn pé nǹkan yàtọ̀ díẹ̀ lásìkò yìí níbi Ìdìbò sípò Gómìnà àti ìlé ìgbìmọ̀ aṣòfin ìpínlẹ̀ tó ń lọ lọ́wọ́ báyìí, yàtọ̀ sí bí àwọn èèyàn ṣe ń fi apa jánú lásìkò ìbò ÀàrẹOrílẹ̀ yìí tí a dì kọjá.
Àkọ́kọ́,àwọn òṣìṣẹ́ INEC tètè dé ibùdó ìdìbò.
Ẹ̀ẹ̀kejì, àwọn olùdìbò jádé láwọn Wọ́ọ̀dù káàkiri tí aṣojú kọ̀ròyìn Òwúrọ̀ dé.
Ẹ̀kẹta, àgbáríjọpọ̀ àwọn ẹ̀ṣọ́ aláàbò dúró gírí láwọn ibùdó ìdìbò gbogbo.
Ẹ̀kẹrin, àwọn olùdìbò kò sọ pé ẹ̀rọ tó yàwòrán àti dátà kò ṣiṣẹ́ .
Ọ̀kan tí a ò tíì lè fi ìdí i rẹ̀ múlẹ̀ ni pé , ṣé àwọn òṣìṣẹ́ tí àjọ náà lò rí ẹ̀tọ́ ọ wọn gbà. Ṣùgbọ́n ìròyìn Òwúrọ̀ yóó tọpinpin èyí náà , ní kété tí ètò ìdìbò bá ti kásẹ̀ ńlẹ̀.
Ẹ máa tẹ̀lé wa, pẹ̀lú ojúlówó ìròyìn, a ò ní-ín jáayín kulẹ̀.
PDP àti APC fìjà pẹẹ́ta n‘Íbàdàn, ẹ̀mí èèyàn mẹ́ta bọ́
PDP àti APC fìjà pẹẹ́ta n‘Íbàdàn, ẹ̀mí èèyàn mẹ́ta bọ́
Fẹ́mi Akínṣọlá
Ọ̀rọ̀ àwọn àgbà ni pé, ọmọ tí yóó bá dúró sin ìyà àti bàbá rẹ̀, kìí dúró níbi ọ̀kẹ́rẹ́ bá gbé n sẹ̀.
Ènìyàn mẹ́ta ti pàdánú ẹ̀mí wọn lásìkò tí ẹgbẹ́ òṣèlú APC àti PDP kojú ìjà sí ara wọn níìpínlẹ̀ Ọ̀yọ́.
Agbègbè Ilé-tuntun nílùú Ìbàdàn ni ìjọba ìbílẹ̀ Gúúsù Ìbàdàn, ní ìpínlẹ̀ Ọ̀yọ́, ni ìṣẹ̀lẹ̀ náà ti wáyé .
Gbogbo agbègbè náà ló dákẹ́ rọ́rọ́ lẹ́yìn tí wọ́n bẹ̀rẹ̀ sí ní gbúùró ìbọn kíkankíkan, tí ọ̀rọ̀ sì di ẹni orí yọ, ó dilé.
Ó ṣojúùmikòró kan sọ fún àwọn oníròyìn pé àwọn mẹ́ta tó kú lásìkò ìṣẹ̀lẹ̀ náà ti wà ní ilé ìgbóòkúsí.
Bákan náà ni wọ́n ní àsìkò tí ẹgbẹ́ òṣèlú APC n ṣe ìpàdé lọ́wọ́ ní ọọ́fíìsì wọn tó wà ní Ìyànà Court, Ilé-tuntun, ní Ìbàdàn, ni àwọn alatilẹyin ẹgbẹ́ òṣèlú PDP ń kọjá ní agbègbè náà.
Lẹ́yìn náà ni ìjà bẹ́ sílẹ̀, tí wọ́n sì fi ẹsùn kan ẹgbẹ òṣèlú PDP pé àwọn ni wọ́n kọ́kọ́ bẹrẹ sí ní yìnbọn fún àwọn ènìyàn àwọn.
Iléeṣẹ́ ọlọ́pàá ní ìpínlẹ̀ Ọ̀yọ́ ní ìwádìí ti bẹrẹ lórí iṣẹlẹ láti lè fi ìdí òtítọ múlẹ̀ lórí iṣẹlẹ náà, kí àlàáfíà sì jọba ní ìpínlẹ̀ Ọ̀yọ́.
Ẹgbẹ́ òṣèlú PDP ní òun pàdánù ènìyàn mẹta nínú ìjà tó bẹ sílẹ̀ láàrin ẹgbẹ́ òṣèlú APC àti PDP náà.
Wọ́n ní àwọn oní jàgídíjàgan náà ló lọ sí ilé Kánsílọ̀ kan, tí wọ́n sì yìnbọn pa á níwájú ìyàwó àti ọmọ rẹ̀.
Aṣojúṣòfin ní ilé ìgbìmọ̀ aṣòfin àgbà ní Nàìjíríà tó ń ṣojú ìhà Gúúsù Ìbàdàn, Họnọrébù Abass Adigun ló fi ìdí ìṣẹlẹ náà múlẹ̀, lásìkò tó ń bá àwọn akọ̀ròyìn sọ̀rọ̀.
‘’Èmi gangan ni wọ́n fẹ́ mú balẹ̀ lásìkò tí à ń ṣe ìpolongo ìdìbò ní agbègbè Oríta Aperin sí Adesola.
Nígbà tí a dé agbègbè Ilé-Tuntun, ni a rí àwọn alátìlẹyìn ẹgbẹ́ òṣèlú APC ti wọ́n bẹ̀rẹ̀ sí ní ju omi lù wá àti òkúta.
Mo sọ fún àwọn èèyàn mi pé kí wọ́n má dà á wọn lóhùn, tí mo sì pé ọlọ́pàá ní kíákíá.
Kò pẹ́ lẹ́yìn náà ni mo rí àwọn ọmọ ẹgbẹ́ wa lóríi kẹ̀ẹ̀kẹ́ pẹ̀lú ẹ̀jẹ̀.
Kò pẹ́ rẹ̀ ni mo gbọ́ pé wọ́n ti pa Káńsẹ́lọ̀ ní ẹkùn mi, ní ilé rẹ̀ ní Ilé-Tuntun tí wọ́n sì pa àwọn méjì mìíràn.’’
Ẹgbẹ́ òṣèlú APC, nígbà tóun náà ń ṣàlàyé bí ìṣẹ̀lẹ̀ náà se wáyé ní àwọn ń ṣe ìpàdé lọwọ́ ni, olùdíje lẹ́gbẹ́ òṣèlú PDP àti aṣójuṣòfin tó jẹ́ ọ̀kan lára àwọn adarí ẹgbẹ́ òṣèlú PDP ní ìpínlẹ̀ náà wà pẹlú àwọn alátìlẹ́yìn rẹ̀.
Wọ́n ní aṣojúṣòfin ọ̀hún ni wọ́n rí tó sàdédé mú ìbọn, tó sì bẹ̀rẹ̀ sí ní-ín yin ìbọn náà lu àwọn èèyàn, tí wàhálà sì bẹ́ sílẹ̀.
Àwọn ọmọ ẹgbẹ́ òṣèlú APC náà fi ara pa yánna-yànna, tí wọ́n sì ní orí ló kó olùdíje sípò aṣòfin ìpínlẹ̀ lẹ́gbẹ́ òṣèlú APC, Warris Aláwúje yọ nínú ìṣẹ̀lẹ̀ ọ̀hún.
Aláwújẹ sọ fún àwọn akọ̀ròyìn pé òun dúpẹ́ pé ẹ̀mí òun kò lọ sí iṣẹlẹ naa amọ ori lo ko oun yọ.
‘’A wà níbi ìpàdé lọ́wọ́ ni a gbọ́ pé àwọn ọmọ ẹgbẹ́ òṣèlú PDP n káàkiri agbègbè ọọ́fíìsì wa’’
‘’A rọ àwọn èèyàn wa pé kí wọ́n dúró, kí wọ́n lọ, àmọ́ láìpẹ́ ni ìlúmọ̀ọ́ká kan nínú ẹgbẹ́ òṣèlú PDP ọ̀hún sọ̀rọ̀ wúyẹ́ wúyé sí àwọn alátìlẹyìn rẹ̀.
Wọ́n bẹ̀rẹ̀ sí ní yìnbọn. Ọ̀pọ̀lọpọ̀ fi ara pa, tí wọ́n sì ba àwọn ọkọ̀ jẹ́ nínú ìṣẹ̀lẹ̀ náà.’’
CHRISTOPHER KOLADE: Onínú funfun bí ahá ẹmu
Akeem Lasisi
Aja to ba lo si ile ekun to bo, o ye ki a ki aja ku ewu, ka si ki ekun naa ku ewu.
Ti a ba wo bi iwa ojelu ati ibaluje miiran se tan kale ni orile ede yii, ti a ba wa ri eni kan to si le we to yan kaninkanin, ti ko je ki awon jegudujera o ta epo si aso ala oun, o ye ki a kan saara si i gidi.
Eni ti a n soro nipa re naa ni Dokita Christopher Kolade, onimo, oloye to si ni mimo, oninu funfun gege bii aha emu.
Pelu ogo Olorun, Alagba Kolade lo ti di eni aadorun-un odun bayii.
Opolopo eniyan, to fi mo Aare Muhamadu Buhari, lo si n ki i ku oriire.
Won n so nipa iwa rere re, ati idagbasoke to ti mu ba Naijiria.
Dokita Kolade je amuyangan omo Yoruba to je pe iwa omoluwabi je e logun.
Gbogbo ibi to ba wa, ko le daa lo maa n se.
Apeere eyi ni ipo to di mu lasiko ijoba Goodluck Jonathan. Won fi Kolade se olori ajo ti o nawo ti won ri lori ayokuro owo iranwo lori epo (subsidy), ti a mo oruko re si SURE P.
Owo naa po tabua. To ba je pe awon eniyan miiran ni, won ko ba teba ti i ni, ti won ko ba gbogbo re da sinu apo tiwon.
Awon kan fe gbowo kowo, sugbon Kolade si ja fitafita. Nigba to ri i pe esuke fe wo rara, o ba kowe fi ipo sile.
Iru eyi kii saaba maa n waye ni orileede yii tori ohun ti awon eniyan yoo je ni won mo.
Odun 1932 ni a bi Dokita Christopher Kolade to je omo bibi ilu Erin Osun.
O lo si ile iwe Government College, Ibadan ati Foura Bay College, ni Freetown, ni Orile Ede Sierra Leone.
O ti figba kan je oga agba ni ile ise Broadcasting Corporation of Nigeria ati Cadbury Nigeria Plc.
Ni pataki, Dokita Kolade ti je ambasado fun Naijiria ni orile ede United Kingdom.
Ibi to si wa dagba de yii, Kolade si n fi ogbon ati imo boa won eniyan, nipa sise ise oluko ni Trans Atlantic Unuversity, ni Ipinle Eko.
Pelu iyi ati eye ni IROYIN OWURO se yan Dokita Kolade ni OPOMULERO YORUBA.
Ee rebi wa bi: Davido lo si ibi ayeye ojo ibi ibatan re
Onirawo Davido lo si ibi ayeye ojo ibi re, Nike Adeleke, ni ale Ojobo.
Nike fi fonran ayeye ojo ibi re naa lede ni oju opo Instagram re ni ojo Eti.
Davido, eni to joko sunmo olojo ibi naa ninu fonran naa, ni a ri to n korin to si n jo si orin ti o n dun ni abele.
Eyi waye leyin ojo die ti olorin naa pa awon atejade to wa ni oju opo Instagram re re fi mo aworan re ti o wa nibe ni o yo kuro.
O ma se o, iya akorin Seyi Vibez dero orun alakeji
Ilumooka olorin Naijiria, Balogun Afolabi, ti a mo si Seyi Vibez, ti kede iku iya re ni ale ojobo.
Olorin naa fi irohin iku iya re lede nigba to fi aworan to sofo ni oju opo Instagram re.
O ko o wi pe, “Eni je ojo to sokunkun ju ni aye mi 💔💔💔 ojo kerin-din-ni-ogun osu keta, mo padanu eni ti mo ti ara re jade! 🕊 N o nife yin titi ti maa fi wonu iwon ese mefa iya mi❗️SUN RE O 🕯”
