Home Blog Page 89

Ní ìpínlẹ̀ Bayelsa, Ilé-ẹjọ́ wọ́gilé olùdíje Gómìnà APC níbò kù fẹ́ẹ́rẹ́fẹ́

By
iroyinowuro
-
Ní ìpínlẹ̀ Bayelsa, Ilé-ẹjọ́ wọ́gilé olùdíje Gómìnà APC níbò kù fẹ́ẹ́rẹ́fẹ́
Ọrẹ Òtítọ́jù
 Bí kò ṣe ju oṣù kan péré lọ mọ́, tí ètò ìdìbò sípò Gómìnà yóò wáyé ní ìpínlẹ̀ Bayelsa, ilé-ẹjọ́ gíga kan tó fìkàlẹ̀ sílùú Abuja ti wọ́gi lé olùdíje  fúnpò Gómìnà ìpínlẹ̀ ọ̀hún lábẹ́ àsìá ẹgbẹ́ òṣèlú All Progressives Congress, APC, Ọ̀gbẹ́ni Timipre Sylva, wọn ní kò lẹ́tọ̀ọ́ láti sọ póun ń díje, kò sì kúnjú òṣùwọ̀n láti dupò ọ̀hún.
Onídàájọ Donaltus Okorowo, ló pàṣẹ lọjọ Ajé, ọjọ́ kẹsan-an, oṣù Kẹwàá, ọdún 2023 yìí, pé kí àjọ elétò ìdìbò ilẹ̀ wa, Independent National Electoral Commission, INEC, pa orúkọ olùdíje ọhún rẹ̀ nínú ìwé ìdìbò, kí wọn sì yọ ọ kúrò lára àwọn olùdíje lẹyẹ-o-sọka.
Ìdájọ́ yìí wáyé látàrí ẹjọ́ tí ọmọ ẹgbẹ́ APC ìpínlẹ̀ ọhún kan, Domosueyefa Kosomo pe loṣu Kẹfa ọdun yii, tako iyansipo Sylva ninu eto idibo abẹlẹ APC ti wọn ṣe loṣu kẹrin ọdun yii, olupẹjọ naa ni Sylva ti APC fa kalẹ yii ko lanfaani lati dije fun ipo gomina ipinlẹ naa mọ, nitori wọn si ṣebura wọle fun un sipo gomina lẹẹmeji ọtọọtọ labẹ iwe ofin ilẹ wa, iyẹn constitution, ti ọdun 1999 ta a n lo.
Lásìkò igbẹjọ, agbẹjọro olupẹjọ, Amofin-agba Abiọdun Amuda-Kannike ṣàlàyé pé ẹẹmeji ọtọọtọ ni wọ́n ti búra wọlé fún Sylva sípò Gómìnà náà, kò sì lè díje wọlé fúnpò kan náà yìí lẹẹkẹta tó fẹ́ ṣe yìí, torí ṣíṣe bẹ́ẹ̀ yóò lòdì sí òfin tó wà ní isọri kejilelọgọrin, apa akọkọ iwe ofin ilẹ wa.
 Ó ṣàlàyé pé ọjọ́ kẹrinla, oṣù Kẹrin, ọdún 2007 ni àwọn aráàlú Bayelsa kọkọ dìbò fún olùdíje yìí, lábẹ́ ẹgbẹ́ òṣèlú Peoples Democratic Party, PDP, to wa nigba yẹn, to si yege ibo ọhun, wọn bura fun lọjọ kọkandinlọgbọn, oṣu Karun-un, ọdun naa gẹgẹ bii gomina.
Àmọ́, lọjọ kẹẹẹdogun, oṣù Kẹrin ọdún tó tẹle e, ìyẹn 2008, ilé-ẹjọ́ ko-tẹ-mi-lọrun ti ẹjọ́ awuyewuye ẹsùn ìbò máa ń pẹkun si nígbà náà, yọ Slyva dànù, wọn ni ibo to gbe e wọle mẹhẹ, wọn sì pàṣẹ àtúndì ìbò latokedelẹ.
Àtúndì ìbò mí-ìn wáyé lọjọ kẹrinlelogun, oṣù Karùn-ún ọdún 2008 ọ̀hún, Sylva yii ló tún wọlé lẹẹkeji, tí wọ́n sì bura fún-un lọjọ kẹtadinlọgbọn, oṣù Karùn-ún lẹẹkeji, ipò yìí lo si wà títí di ọjọ́ kẹtadinlọgbọn oṣù Kínní ọdún 2012 tí sáà ọdún mẹrin rẹ̀ pé.
Olupẹjọ yìí ní òun fẹ́ kí ilé-ẹjọ́ wo ìṣẹlẹ̀ yìí lójú ìlà ohun tí òfin sọ pé wọ́n kò lè búra fún ẹni kan fún ipò kan náà ju ìgbà méjì lọ.
Nígbà tí Onídàájọ Okorowo ń gbé ìdájọ
 rẹ̀ kalẹ̀, ó ní fifa tí APC fa Sylva kalẹ̀ gẹ́gẹ́ bíi olùdíje wọ́n tako òfin yìí, nítorí tó bá wọlé ìbò, yóò di ẹẹmẹta nìyẹn tí wọ́n ń dìbò yàn an sípò kan naa, ti wọ́n yóò sì máa búra fún un sípò Gómìnà, eyi tí kò bofin mu. Torí ẹ, ó wọgi le Mínísítà lórí ọrọ̀ epo rọbi tẹlẹri náà, ó ní kò kúnjú ìwọn láti dupò
Títí  dàsìkò tá a fi ń kó ìròyìn yìí jọ, kò tíì dájú bóyá Sylva yoo pẹjọ ko-tẹ-mi-lọrun lórí èyí, tàbí ẹgbẹ́ APC yoo gbé ìgbésẹ̀ mí-ìn. Ọjọ́ kọkànlá oṣù Kọkànlá ọdún yìí ni ètò ìdìbò tuntun yóò wáyé ní ìpínlẹ̀ Bayelsa.

Àwọn tó pa ọkùnrin tó ni otẹẹli Water ti jẹ́wọ́ bí wọ́n ṣe gbẹ̀mí ẹ̀

By
iroyinowuro
-
Àwọn tó  pa ọkùnrin tó ni otẹẹli Water ti jẹ́wọ́ bí wọ́n ṣe gbẹ̀mí ẹ̀
Fẹ́mi Akínṣọlá
 Àṣé lóòótọ́ ni pé ẹgbẹ̀rún Sàámú kò lè sá mọ́ Ọlọ́run lọ́wọ́, èyí ló se rẹ́gí ìṣẹlẹ̀ bí ọwọ́ ṣe tẹ àwọn ọ̀rẹ́ méjì kan tí wọ́n jingíri nínú ìbálòpọ̀ eléèyàn mẹ́ta tàbí jù bẹ́ẹ̀ lọ, tí wọ́n ṣekú pa Adeniyi Ojo, ọkùnrin tó ni òtẹ́ẹ̀lì kan tí wọ́n ń pè ní Water View, tó wà lágbègbè GRA, nílùú Ìlọrin, ní ìpínlẹ̀ Kwara.
Bíi àjẹ́ tó jẹ  èèpo ọ̀bọ̀ làwọn afurasí ọ̀hún,
Joseph Joy Adama, àti Vandora Davies Ọrẹoluwa Favour, ti
ń kà báyìí, lẹ́yìn tọ́wọ́ tẹ̀ wọ́n ní Mowe Ibafo, ní ìpínlẹ̀ Ogun, tí wọ́n sá lọ lẹ́yìn tí wọ́n hùwà burúkú yìí.
Alukoro iléeṣẹ́ ọlọ́pàá àpapọ̀ nílẹ̀ wa, ACP Olumuyiwa Adejọbi, ló ṣàfihàn àwọn ọ̀daràn méjèèjì yìí pẹ̀lú àwọn afurasí mìíràn nílùú Abuja. Ó ní lọ́jọ́ kẹfà, oṣù Kẹwàá, ọdún yìí, lọwọ́ tẹ̀ àwọn afurasí méjèèjì, Adama àti Favour, tí wọ́n jẹ́ akẹ́kọ̀ọ́ ilé-ẹ̀kọ́ Gbogbonìse tìpínlẹ̀ Kwara (Kwara State Polytechnic), lórí ọ̀rọ̀ tó ní í ṣe pẹ̀lú ikú Ọ̀gbẹ́ni Adeniyi Ojo, tó ni òtẹ́ẹ̀lì Water View, n’llọrin.
Ó ṣàlàyé pé lẹ́yìn táwọn afurasí yìí ní ìbálòpọ̀ pẹ̀lú olóògbé tán, tí wọ́n bèèrè owó lọ́wọ́ rẹ̀, bọ́yá ìyẹn kò tètè fún wọn, ni wọ́n bá rọ ọ́ lọ́tí yó kí wọ́n lè rí i jà lólè, nìyẹn bá gba ibẹ̀ kú.
Nígbà tí ọ̀kan nínú wọn, Adama, ń bá àwọn oníròyìn ṣọ̀rọ̀, ó ní òun àti Adeniyi ti máa ń bá ara àwọn ní  àṣepọ́ ọjọ́ ti pẹ́, ó ní oníbàárà òun ni, ṣùgbọ́n lọ́jọ́ tí ìṣẹ̀lẹ̀ burúkú náà wáyé, àwọn lọ sí òtẹ́ẹ̀lì rẹ̀ láti lọ̀ọ́ jà á lólè ni, nígbà tí kò fẹ́ gbà lẹ́rọ̀ làwọn rọ ọ́ lọ́tí yó, táwọn sì jí fóònù àti àwọn ẹrù rẹ̀ mìíràn kó lọ káwọn tóó padà gbọ́ pé  ó ti kú.

Ẹ máà pín owó rìbá yín kàn mí, ọ̀gá àgbà ọlọ́pàá kìlọ̀ f’áwọn ọlọ́pàá

By
iroyinowuro
-
Ẹ máà pín owó rìbá yín kàn mí, ọ̀gá àgbà ọlọ́pàá kìlọ̀ f’áwọn ọlọ́pàá
Fẹ́mi Akínṣọlá
Ṣé wọ́n ní ọlọ́tọ̀ ní tòun ọ̀tọ̀, Ọ̀gá àgbà iléeṣẹ́ ọlọ́pàá orílẹ-èdè Nàìjíríà, Kayode Egbetokun ti fi ọ̀rọ̀ léde  pé òun kò retí kí ọlọ́pàá kankan pín owó kan òun pẹ̀lú àlàyé pé ojúṣe tí òfin là kalẹ̀ fún iléeṣẹ́ ọlọ́pàá nìkan ló yẹ kó jẹ wọ́n lógún.
Igbákejì ọ̀gá àgbà iléeṣẹ́ ọlọ́pàá láti ẹkùn ikọkanla tó jẹ́ iṣẹ́ náà lásìkò àbẹwò sí olú iléeṣẹ́ ọlọ́pàá tó ń bẹ nílùú Ìbàdàn, olú ìlú ìpínlẹ̀ Ọ̀yọ́ l’Ọ́jọ́rú, Paul Ojeka Odama   pàrọwà si gbogbo òṣìṣẹ́ iléeṣẹ́ ọlọ́pàá láti dẹ́kun gbogbo ìwà tí  ó lè ta ẹrẹ bá aṣọ àlà iléeṣẹ́ náà.
Ó ní, “Iṣẹ́ tí ó lọ́lá nínú ni iṣẹ́ ọlọ́pàá, tí ó sì dúró fún ìdájọ́ òdodo àti àlàáfíà. Agbófinró tuntun ti wọ ìlú, òun sì ni ọ̀gá àgbà tuntun fún iléeṣẹ́ ọlọ́pàá. Gbogbo ìgbà sì ló máa ń fi ikorira hàn sí ìwà  àjẹbánu.
Àpẹrẹ rere ló máa ń jẹ́ ní gbogbo ibi tí  ó bá ti ṣiṣẹ́. Àkọsílẹ̀ àwọn ìwà náà ń bẹ n’íìpínlẹ̀ Kwara níbi tó ti ṣiṣẹ́ gẹ́gẹ́ bíi Kọmísánà àjọ ọlọ́pàá àtí àwọn  ibòmíì tí ó ti ṣiṣẹ́.”
Ọlọ́pàá tó bá mọ nǹkan tó ń ṣe kò ní báwọn gba r’íbà – Ọ̀gá àgbà ọlọ́pàá Nàìjíríà ṣe àlàyé pé iṣẹ́ ni wọ́n rán gbogbo ọlọ́pàá láti ṣe n’ígboro, bẹ́ẹ̀ sì ni kìí ṣe láti pa owó wọlé fún ẹnikẹ́ni gẹ́gẹ́ bí òfin orílẹ-èdè Nàìjíríà ti ọdún 1999 ṣe làá kalẹ.
Ọ̀gá àgbà iléeṣẹ́ ọlọ́pàá ní òṣìṣẹ́ àjọ náà tí ó bá mọ ohun tí ó ń ṣe kò ní bá wọn gba owó ìbọ̀bẹ́ lọ́wọ́ ọlọ́kadà tàbí awakọ̀ kankan.
Ó ní ìwà ìbàjẹ́ tí  ó gbudọ̀ dópin ni bí awakọ̀ ṣe ń gba owó lọ́wọ́ èrò ọkọ̀ láti fún ọlọ́pàá tó dènà ọkọ̀ nítorí owó ẹ̀yìn.
Egbetokun ní gbogbo òṣìṣẹ́  iléeṣẹ́ ọlọ́pàá ló gbudọ̀ ṣe iṣẹ́ wọn pẹ̀lú ìbẹrù Ọlọ́run kí wọ́n sì tẹ̀lé òfin ìjọba lẹ́nu iṣẹ́ wọn.
Bákan náà ló  ké sí àwọn ọlọ́pàá láti ṣọ́ra fún irúfẹ́ ìròyìn tí wọ́n ń pín kiri lórí ayélujára. Ó ní wọ́n gbúdọ̀ ṣe àyẹ̀wò fínífíní kí wọ́n tó pín ohunkóhun kiri lórí ìtàkùn àgbáyé.
Ọ̀gá àgbà iléeṣẹ́ ọlọ́pàá tún mẹ́nuba pàtàkì ìmúra àwọn ọlọ́pàá àtí bí wọ́n ṣe ń wọ aṣọ wọn lẹ́nu iṣẹ́ àti nígbà tí wọ́n bá ṣíwọ́ iṣẹ́, nítorí ìrínisí ni ìṣenilọ́jọ̀.
Tẹ́lẹ̀rí ni ìròyìn má a ń lọ káàkiri wí pé àwọn òṣìṣẹ́ ọlọ́pàá kan ti wọ́n ń hùwa ìbàjẹ́ n’ígboro tí wọ́n sì ń gba owó lọ́nà àìtọ́ ní àwọn ọ̀gá tí wọ́n n fi owó ọ̀hún jíṣẹ́ fún.
Ọ̀rọ̀ tí ọgá àgbà iléeṣẹ́ ọlọ́pàá fi léde fi hàn gbangba wí pé irú ìwà bẹ́ẹ̀ kò ní wáyé nínú ìṣàkóso tuntun yìí.

Ìjọba Ogun fèsì lórí fídíò ìrẹsì “palliative” tó gba orí ayélujára

By
iroyinowuro
-
Ìjọba Ogun fèsì lórí fídíò ìrẹsì “palliative” tó gba orí ayélujára
Fẹ́mi Akínṣọlá
Ṣé wọ́n ní bí ará ilé rẹ bá lẹ́nu, ó di dandan kí ìwọ paàpá ó lẹ́ṣẹ̀, bí bẹ́ẹ̀ kọ́,omi lè tẹ̀yìn wọ̀gbín lẹ́nu mọ́ olúwaarẹ̀ lọ́wọ́.
 Ìjọba ìpínlẹ̀ Ogun ti ní àwọn kan ló fẹ́ máa ba àwọn lórúkọ jẹ́ lórí ọ̀rọ̀ pínpín ìrẹsì gẹ́gẹ́ bí ètò ìrànwọ́ láti mú àdínkù bá ìṣòro tí àwọn ènìyàn ń kojú lẹ́yìn tí ìjọba àpapọ̀ yọ ìrànwọ́ orí epo bẹntiróòlù.
Ìjọba náà ṣèkìlọ̀ fún àwọn ènìyàn láti yàgò fún àwọn olóṣèlú tí wọ́n ń wá gbogbo ọ̀nà láti bu ẹnu àtẹ́ lu ìgbésẹ̀ tí ìjọba àpapọ̀ àtàwọn ìjọba ìpínlẹ̀ ń gbé láti mú kí ayé rọrùn fún àwọn aláìní.
Nígbà tó ń sọ̀rọ̀ lórí àwọn fídíò tó gba orí ayélujára níbi tí àwọn èèyàn kan ti ń fẹ̀sùn kan ìjọba pé ìrẹsì tí kò nǹkan ni wọ́n ń fún àwọn, agbẹnusọ gómìnà ìpínlẹ̀ Ogun, Lekan Adeniran ní iṣẹ́ àwọn ẹgbẹ́ alátakò ni àwọn fídíò náà.
Adeniran ní àwọn ènìyàn ń ṣe bẹ́ẹ̀ láti tàbùkù ìṣèjọba gómìnà Dapo Abiodun ni.
Ó ní ìjọba àpapọ̀ ti fìdí rẹ̀ múlẹ̀ lọ́pọ̀ ìgbà pé àwọn ìrànwọ́ náà kò sí fún gbogbo ènìyàn bíkòṣe àwọn tí kò rí ọwọ́ họrí láwùjọ.
Ó tẹ̀síwájú pé èròńgbà tí kò dára tó ni àwọn ènìyàn tí wọ́n ń gbé ìròyìn náà kiri lórí ayélujára ní láti fi bu ẹnu àtẹ́ lu bí ètò náà ṣe ń lọ dáradára láti ìgbà tí wọ́n ti bẹ̀rẹ̀ ètò pínpín oúnjẹ ọ̀hún.
Ó fi kun pé ṣáájú ni gómìnà Abiodun ti làá mọ́lẹ̀ pé ìrànwọ́ oúnjẹ náà gbọ́dọ̀ dé ọ̀dọ̀ àwọn tó ní ẹ̀tọ́ si àmọ́ àwọn kan ló ń mọ̀ọ́mọ̀ fẹ́ sọ ìjọba lẹ́nu.
Ṣaájú ni fídíò kan ti gbá orí ayélujára níbi tí ọkùnrin kan ti fẹ̀sùn kan ìjọba ìpínlẹ̀ Ogun pé ìrẹsì àpò kékeré ni wọ́n fún gbogbo àwọn tí àwọn ń gbé nínú ìletò àwọn láti pín.
Ọkùnrin náà tó pe ara rẹ̀ ní alága Sokeye CDA ní àwọn kan ló wá bá òun nílé, tí wọ́n sì gbé àpò ìrẹsì kékeré kan wá fún òun.
Ó ní wọ́n sọ pé ìrẹsì náà ló wà fún gbogbo àwọn olùgbé Ẹ́sítéètì Sokeye tí òun jẹ́ alága rẹ̀.
Ó ṣàlàyé pé ojúlé 147 ló wà nínú Ẹ́sítéétì àwọn, tí ọ̀pọ̀ ilé náà sì ní ẹbí tó pọ̀ àti pé kò yé òun bí òun ṣe máa pín ìrẹsì náà fún àwọn ènìyàn náà tó máa fi kárí.
Ó ní tí ìjọba bá fẹ́ ṣe ìrànwọ́ fún àwọn ènìyàn ó yẹ kí wọ́n ṣe ní ọ̀nà tó tọ́ nítorí gbogbo nǹkan tí wọ́n gbé fún àwọn láti pín kò tó ìdá mẹ́rin odidi àpò ìrẹsì kan.
“Tí ò bá ṣeéṣe ẹ má mú ara yín ní tipá láti ṣe ìrànwọ́ fún àwọn ènìyàn nítorí a kìí ṣe elébi ní ọ̀dọ̀ wa yìí.”
“Tí ẹ bá fẹ́ ṣe ìrànwọ́ fún wa, ẹ má fi bú wa nítorí èébú ńlá ni eléyìí jẹ́ fún wá.”
Ọkùnrin náà ní òun máa dá ìrẹsì náà padà nítorí kò sí bí òun ṣe máa pin.
Nígbà tó ń fèsì sí fídíò yìí, Adeniran ní àpò ìrẹsì tí ọkùnrin náà ń fi hàn kìí ṣe fún gbogbo àwọn tí wọ́n ń gbé nínú àdúgbò rẹ̀.
Ó ní àwọn tó ń pín oúnjẹ náà kàn gbe fún-un gẹ́gẹ́ bí alága àdúgbò rẹ̀ láti gbé fún opó kan tó bá mọ̀ tó nílò rẹ̀ nínú àdúgbò náà.
Agbẹnusọ gómìnà náà ní kàkà kí alága náà gbe fún ẹni tó yẹ, ó mọ̀ọ́mọ̀ ṣe fídíò láti fi ṣe òṣèlú tí kò dára tó.
Bákan náà ló ní àwọn àpò ìrẹsì míì ni wọ́n tún pín sí inú àdúgbò Shokeye tí ọkùnrin náà ń sọ àmọ́ tí kò gba ọ̀dọ̀ rẹ̀ kọjá nítorí ìsọ̀rí ìsọ̀rí ni wọ́n pín oúnjẹ ọ̀hún.
Ó wá rọ àwọn ènìyàn pé kí wọ́n kọ etí ọ̀gbọin sí fídíò náà nítorí kìí ṣe ohun tó wáyé gangan ni ọkùnrin náà sọ nínú fídíò  ọ̀hún.

Ìwé – Ẹ̀rí Tinúubú: Àtíkù kìí ṣe èèyàn dáadáa o – Tèmítópẹ́ Àjàyí

By
iroyinowuro
-

Ìwé – Ẹ̀rí Tinúubú: Àtíkù kìí ṣe èèyàn dáadáa o – Tèmítópẹ́ Àjàyí

 

Fẹ́mi Akínṣọlá/Nurudeen Ridwan

 

Àwọn àgbà bọ̀ wọ́n ní bọ́rọ̀  ńlá kò bá tíì tán,èèyàn ńlá kò ní-ín sinmi àròyé.

Olùdámọ̀ràn pàtàkì lórí ètò ìròyìn sí Ààrẹ Bọ́lá Ahmed Tinúubú, ọ̀gbẹ́ni Tèmítọ́pẹ́ Àjàyí, ti bẹnu àtẹ́ lu igbákejì olórí orílèèdé yìí tẹ́lẹ̀rí, Àláájì Àtíkù Àbúbákà, fún bó ṣe tẹpẹlẹ mọ́ gbígba ìwé-èrí Tinúubú jáde ní ilé ìwé fásítì Chicago( CSU), nílẹ̀ Àmẹ́ríkà, látàrí àwọn ìwádìí ìjìnlẹ̀ àti àṣírí kan tó n wá. Àjàyí ní ìwà tí Àtíkù hù náà kòdára tó, kìí sì ṣe èèyàn dáadáa rárá.

lójú òpó ayélujára ìkànì abẹ́yẹ fò bí Àsá(túítà) rẹ̀ lọkùnri náà ti sọ̀rọ̀ ọ̀hún lọ́jọ́ Ìṣẹ́gun , ọjọ́ kẹta, oṣù kẹsàn-án, ọdún yìí.

Tèmítọ́pẹ́ kọọ́ síbẹ̀ pèé: Ní tèmi o, ọ̀rọ̀ tó wà nílẹ̀ yìí kọjá boyá Ààrẹ Tinúubú gboyè jáde ní fásitì chicago tàbí ko ṣe bẹ́ẹ̀. òótọ́ tó wà ni pé igbákejì Ààrẹ àná, Àtíkù kìí ṣe eku ire.

“kó dàá kéèyàn yẹpẹrẹ ọ̀rẹ́ rẹ̀, tàbí wọ́ọ nílẹ̀ ní gbangba bíi irú èyí tí Àtíkù ṣe fún Ààfẹ Tinúubú yìí, nítorí ipò ayé lásán, àti ìdíje fún ipò àṣẹ.

Tinúbú tà á n sọ̀rọ̀ rẹ̀ yìí , kò sóhun tí ṣe tán láti ran Àtíkù lọ́wọ́ sẹ́yìn . Tinúubú tó dáṣọ iyì bo Àtíkù, tó tún pèṣè ibùgbé fún un lásìkò tí Ààrẹ Olúṣẹ́gun Ọbásanjọ́ àti ẹgbẹ́ ọ̀ṣèlú PDP rẹ̀ nàá lẹ́gba, tí wọ́n tún ja sí ìhòhò nídìí oṣèlú  lọ́dún 2007.

“kó dàá kí ọ̀rẹ́ kan sọ ara rẹ̀ di aléni mádẹ̀yìn gẹ́gẹ́ báwọn Èkìtì ṣe máa n sọ, bíí irú èyí tí Àtíkù ṣe yìí, kò sídìí tó fi yẹ bẹ́ẹ̀.

Ó tún ní, “kí lo fẹ́ẹ́ tìdí ìtọpinpin àtọkudórógbó yìí jáde gan an? ìmúlè mófo lásán ni” bẹ́ẹ̀ lọkùnrin náà sọ.

Àmòó lójú ẹṣẹ̀ làwọn kan tí n fèsì sọ̀rọ̀ ọ̀hún . Bí wọn ṣe n sọ pé ni tòdodo , kò dáa kéèyàn finú han ọ̀rẹ́, wọn ní o ti méjì inú àwọn ọ̀rẹ́ ìmùlẹ́ Tinúubú báyìí tí wọ́n tẹ́nbẹ́lú ẹ̀ ní gbangba, bẹ́ẹ̀ làwọn mí ìn n sọ pé ìwà yíyíwèé àti irọ́ pípa lábẹ́ ọ̀fin kò dáa rárá.

Ẹ ò rántí pé lẹ́yẹ ọ̀ sọkà táwọn ìwé ẹ́rí Ààrẹ Bọ́lá Tinúubú ti tẹ Àtíkù lọ́wọ́ l’Amẹ́ríkà làwọn àṣírí kan ti bẹ̀rẹ̀ sìí tú jáde pé Tinúubú yíwèé, wọ́n ló ṣe ayédèrú ìwé- ẹ̀rí  Fásitì Chicago tó lọni, bẹ́ẹ̀  ló parọ́ iléèwé gírámà tó lọ.

Bákan náà ló jẹ́ pé àrọ̀nì ò wálé oníkòyí ò sinmi ogun í lọ ni Àtíkù fi ọ̀rọ̀ gbígba àwọn ìwé-ẹ̀rí náà ṣe nínú ẹjọ́ tó pè l’Amíríkà, bẹ́ẹ̀ ni dẹ̀yìn lóríàrọwà táwọn kan pá fún un pé kó jáwọ́ nínú wíwá fín-ín ìdí kókó sábúkéètì Tinúubú.

Mi ò je̩ e̩niké̩ni ní àlàyé ìdí tí ìgbéyàwó mi fi kùnà – Bolanle Ninalowo

By
iroyinowuro
-

Mi ò je̩ e̩niké̩ni ní àlàyé ìdí tí ìgbéyàwó mi fi kùnà – Bolanle Ninalowo

Mary Fágbohùn

Osere tiata Naijiria Bolanle Ninalowo ti so pe oun ko je enikeni ni alaye lori idi ti igbeyawo re se kuna.

Irohin jade pe osere tiata naa ni ojo Eti, ninu atejade kan to fi lede ni oju opo Instagram re, kede ipinya to waye laarin oun ati iyawo re, Bunmi.

“Emi ati iyawo mi ti pinnu lati pinya lati lo ona igbeyawo ti o tuka laisi atunse,” ni o so.

Leyin ikede re, fonran iforo-wani-lenu-wo osere tiata naa atijo kan pelu Jideonwo jade si ori ayelujara.

Ninu fonran naa, o soro nipa atunse ti o la koja lati doola igbeyawo re ti o kuna ati lati gba iyawo re pada leyin opolopo igbe aye aisooto re.

Fonran naa lo tun ru ina si aheso oro nipa ohun to se okunfa ipinya won.

Nigba ti yoo fesi si aheso oro naa lori itan Instagram re, osere tiata naa wi pe: “Eni to segun kii soro. Mi o je enikeni ni alaye lori ipinnu aye mi. Awon onirohin ayelujara je alagabagebe to n pongbe fun awo.

“Eyikeyi iforo-wani-lenu-wo to ba n lo kaakiri je ti odun mefa saaju ki n to ri igbeyawo mi eyi to ti dopin bayii. Emi ni mo n sajoyo, eyin le n se iyonu. Olorun to ran mi lowo yoo ran yin lowo.”

Ìdá mó̩kàndínló̩gó̩rùn-ún àwo̩n olùdámò̩ràn ayélujára kò rí ayé wo̩n tò – Yul Edochie

By
iroyinowuro
-

Ìdá mó̩kàndínló̩gó̩rùn-ún àwo̩n olùdámò̩ràn ayélujára kò rí ayé wo̩n tò – Yul Edochie

Mary Fágbohùn

Ogbontarigi osere tiata Naijiria, Yul Edochie ti se’kilo fun awon afenifere re sora fun imoran lati ori ayelujara eyi to toka si bii ti eni to n tiraka lati to ile aye won papo.

Edochie, eni to wa si abe adojuko ni opo igba lori ayelujara lati igba to ti se igbeyawo pelu iyawo re keji, Judy Austin; lo si ori Instagram re lati fi ikilo naa lede.

Osere naa gba awon afenifere re nimoran lati se ohun to ba sise fun won ati pe ki won dena imoran ti won ba ri lati ori ayelujara.

Edochie ko o pe, “Se e si n teti si imoran lati odo awon eniyan lori ayelujara? Mo rerin. Ida mokandinlogorun-un awon eniyan ti won n gba yin nimoran ko tii ri ona lati to igbesi aye won. Won o tii yanju isoro ebi won. Arakunrin, arabinrin, se o si n se bee. Se nnkan to ba sise fun e. Dojuko irinajo re.”

 

Tí ìgbéyàwó re̩ bá kùnà, wàá dá owó mi padà -Cubana Chief Priest

By
iroyinowuro
-

Tí ìgbéyàwó re̩ bá kùnà, wàá dá owó mi padà -Cubana Chief Priest

Mary Fágbohùn

Gbajumo oloti Naijiria Pascal Chibuike Okechukwu, ti a mo si Cubana Chiefpriest ti safihan pe to ba wu tokotaya kan lati pinya, won gbodo san owo ti oun na ni ojo igbeyawo won pada fun oun.

Cubana Chief Priest so eyi di mimo ninu atejade kan to fi lede lori Instagram ni ojo Isegun.

O so pe saaju ki tokotaya to pinnu lati pinya, won gbodo gbiyanju lati wo iranlowo owo ti awon eniyan se fun won ni ojo igbeyawo won.

Cubana tesiwaju wi pe ti won ba pe oun si ibi igbeyawo, tokotaya naa yoo fi owo si iwe lati seleri pe won yoo san owo fun oun pada ti oro won ko ba wo mo.

O wi pe, “Saaju ki e to pinya e gbiyanju lati wo Owo/Akoko/Agbara ti a fi dokowo si inu igbeyawo yin.

“Ni itesiwaju ti o ba pe mi fun igbeyawo a maa jo ni adehun pe ti igbeyawo yin ba fe baje e maa da owo mi pada.

Atiku la Tinubu mọlẹ l’Amẹrika, adajọ ni ki wọn ko satifikeeti fun un

By
iroyinowuro
-

Atiku la Tinubu mọlẹ l’Amẹrika, adajọ ni ki wọn ko satifikeeti fun un

Ọrẹ Òtítọ́jù
Ṣé àwọn àgbà ní bí ọ̀rọ̀ nlá kò bá tí ì tán, èèyàn nlá kó ní-ín tí ì sinmi àròyé ní ṣíṣe bẹ́ ẹ̀ lọ̀rọ̀ dà báyìí bí Ilé-ẹjọ́ gíga agbègbè Àríwá Illinois, ìyẹn United State District Court in Norther Illinois, ṣe pàṣẹ pé ní kíá, tí kò gbọdọ̀ ju wákàtí méjìdínláàádọ́ta lọ, èyí tí í ṣe ọjọ́ méjì péré, kí Fásitì ìpínlẹ̀ Chicago, (Chicaago State University), kó gbogbo iwe-ẹri àti àwọn àkọọ́lẹ̀ Bọla Ahmed Tinubu tó wà níkàáwọ́ wọn sílẹ̀ fún Alaaji Atiku Abubakar, wọ́n ní gbogbo ìwé ọ̀hún gbọdọ̀ tẹ Atiku lọ́wọ́, ó pẹ́ tán, aago méjìlá msán ọjọ́ Ajé, ọjọ́ kejì, oṣù Kẹwàá, ọdún 2023 yìí, kò sì gbọdọ̀ pẹ́ jù bẹ́ẹ̀ lọ.

Onidaajọ Nancy Maldonado, lo paṣẹ yii lọjọ Abamẹta, Satide, ọgbọnjọ, ọsu Kẹsan-an, ọdun yii, latari ẹjọ ko-tẹ-mi-lọrun kan ti Aarẹ ilẹ wa, Bọla Ahmed Tinubu, pe sile-ẹjọ naa, lati ta ko idajọ ile-ẹjọ Majisreeti kan to ti kọkọ waye ṣaaju, ninu eyi ti Onidaajọ Jeffrey Gilbert ti paṣẹ pe ki Fasiti Chicago ti Tinubu loun ti kawe gboye ko gbogbo sabukeeti ati awọn akọọlẹ to fi kawe boode fun Atiku Abubakar, laarin ọjọ meji pere.

Idajọ to waye logunjo, oṣu Kẹsan-an, ọhun, ni ko tẹ Tinubu lọrun, eyi lo mu kawọn agbẹjọro rẹ, Amofin Victor Henderson ati Christopher Carmichael, sare pẹjọ ko-tẹ-mi-lọrun siwaju Adajọ Maldonado, wọn ni ko ba awọn yiiri aṣẹ ti Adajọ Gilbert pa ọhun wo, tori awọn o lero pe ile-ẹjọ Majisreeti rẹ lagbara labẹ ofin ilẹ Amẹrika lati pa iru aṣẹ gboogi bẹẹ, ati pe aṣẹ ọhun tẹ ẹtọ onibaara awọn, iyẹn Bọla Tinubu, ti i ṣe Aarẹ Naijiria loju, tori ofin kan nilẹ Amẹrika daabo bo ẹtọ oni-nnkan, wọn ni Bọla Tinubu funra rẹ lo le sọ fun fasiti ọhun lati ko iwe-ẹri ọhun boode fẹnikẹni, ati pe labẹ ofin naa, ẹni ti ko ba ba ni sanwo ileewe, tọrọ sukuu naa ko kan an lọwọ tabi lẹsẹ ko le maa beere pe ki wọn jẹ koun ri sabukeeti ẹni.

Wọn ni aṣẹ lati ko iwe-ẹri Tinubu boode ọhun yoo fa awọn ipalara ati ewu kan fun Aarẹ Bọla Tinubu, tori ẹ lawọn ko ṣe fara mọ ọn.

Wọn tun wi awijare pe to ba tiẹ waa di karangida, ti Atiku ba ni ohunkohun i ṣe pẹlu iwe-ẹri Tinubu, kidaa sabukeeti rẹ nikan ni ki wọn paṣẹ fun fasiti ọhun lati mu boode, ki wọn ma ṣe ko awọn iwe ati akọọlẹ yooku fun Atiku rara. Bẹẹ ni wọn tun ni ẹjọ nipa ijawe olubori Tinubu ninu eto idibo aarẹ to kọja ni Naijiria, eyi ti Atiku n tori rẹ wa iwe-ẹri Tinubu kiri yii, ẹjọ naa ti tẹnu bọpo, tori igbimọ onidaajọ Tiribuna ti dajọ pe Tinubu lo wọle ibo, ko si fi bẹẹ si ohun ti sabukeeti Tinubu le yi pada ninu idajọ ọhun to ba de iwaju awọn adajọ Supirimu kọọtu, iyẹn ile-ẹjọ to ga ju lọ nilẹ wa, eyi ti Atiku gbe ẹjọ lọ bayii.

Amọ niṣe ni Onidaajọ Maldonado da gbogbo awijare ati atotonu yii nu bii omi iṣanwọ ninu idajọ rẹ, o ni:

“Fun awọn idi ta a ti mẹnuba ninu iwe Ipinnu ṣiṣe ati aṣẹ kootu yii, iyẹn Memorandum Opinion and Order, ile-ẹjọ yii wọgi le Aarẹ Bọla Tinubu lori bo ṣe ta ko aṣẹ ti Adajọ Gilbert ti pa ṣaaju, ile-ẹjọ yii si fara mọ aṣẹ ọhun, ki aṣẹ naa mulẹ gẹgẹ bi Onidaajọ Gilbert ṣe pa a.

Nitori eyi, ile-ẹjọ yii faṣẹ si awọn ibeere ati ẹbẹ Atiku Abubakar, labẹ isọri kejidinlọgbọn iwe ofin USC, ti ọdun 1782.

Ẹ oo ranti pe Atiku Abubakar, ti i ṣe igbakeji aarẹ orileede yii nigba kan, lo dije funpo aarẹ labẹ asia ẹgbẹ oṣelu Peoples Democratic Party (PDP), loṣu Keji, nigba ti wọn kede Bọla Ahmed Tinubu, labẹ asia ẹgbẹ oṣelu All Progressives Congress (APC) gẹgẹ bii ẹni to wọle ibo, ti wọn si bura fun un sipo aarẹ loṣu Karun-un, ọdun yii.

Lẹ́yìn tí ètò ìdìbò sípò Ààrẹ ti parí ni Atiku ti gba ilé-ẹjọ́ ilẹ̀ Amẹ́ríkà lọ láti bèèrè fún àwọn ẹdà iwe-ẹri Tinubu, ó lóun fẹẹ wo àwọn iwe-ẹri sẹkọndiri àti tí ọjọ́-orí tó fi wọlé sílé ẹkọ́ náà, òun sì fẹẹ mọ bóyá ọkùnrin ni Tinubu ọ̀hún ni tàbí obìnrin.

Mo jé̩ ò̩dájú si àwo̩n ò̩ré̩bìnrin mi té̩lè̩rí – Ruger

By
iroyinowuro
-

Mo jé̩ ò̩dájú si àwo̩n ò̩ré̩bìnrin mi té̩lè̩rí – Ruger

Mary Fàgbohùn

Gbajumo olorin Naijiria, Michael Adebayo Olayinka, ti a mo si Ruger, ti so itan to wa leyin orin re ‘Dear Ex’ lati inu awo orin re akoko, ‘Ru The World.’

O ni iwuri fun orin naa wa lati inu awon ibasepo oun ateyinwa ninu eyi ti oun ti je eni to mo ti ara re nikan ni odo awon orebinrin oun teleri.

Eni odun metalelogun naa so pe oun je “odaju gidi” si awon orebinrin oun teleri bo ti le je pe oun “nifee won” gidi.

O so eyi ninu fonran kan to n lo kaakiri lori ayelujara.

Ruger wi pe, “Gbogbo ohun ti e gbo ninu awo orin naa je ohun to sele si mi. O ni orin yi ‘Dear Ex’ ninu awo orin mi, je nipa ibasepo meta kan ti mo wa ninu re ni igba kan naa.

“Mo je odaju si awon arewa obinrin wonyi mi o si fi won sile di igba to wu mi lati je ki won lo. E mo, mo kan n wa be mo si n lo bi o se wu mi ati pe won si n duro fun mi. Mo kan n lo anfaani re. Awon meteeta si se pataki fun mi.”

1...888990...138Page 89 of 138

EDITOR PICKS

POPULAR POSTS

POPULAR CATEGORY

© Iroyinowuro 2022