Naijiria máa lọ World cup tí DR Congo bá kùnà ẹjọ́

Yínká Àlàbí

Àwọn agbaboolu Nàìjíríà to fe soju orileede nibi Idije Agbáyé FIFA 2026 ti fe ri ona abayo nipa ìròyìn tuntun tó yọ̀ nípa àǹfààní orílẹ̀-èdè DR Congo láti kópa ní ìpele playoff ìdíje Agbaye.
DR Congo ṣẹ́gun Super Eagles lórí ìkọlu ‘gbaa si mi ki n gbaa si o’ ní oṣù kọkànlá (November) láti soju Áfíríkà.
Ṣùgbọ́n àwọn ìròyìn tuntun ti fi hàn pé ẹgbẹ́ Congo lè dojukọ ìjìyà nítorí lílo àwọn agbábọ́ọ̀lù tí a ń fura pé wọn kò péye lábẹ́ òfin FIFA. Ìdàgbàsókè yìí lè tún ṣí ọ̀nà sí Nàìjíríà láti tún ní àǹfààní láti kopa nibi ìpele playoff tó yóò wáyé ní oṣù Kẹta, ọdún 2026.
Gẹ́gẹ́ bí ìròyìn ṣe sọ, tó fẹrẹ̀ jẹ́ agbábọ́ọ̀lù mẹ́fà lára ẹgbẹ́ DR Congo tí yí ìbáṣepọ̀ orílẹ̀-èdè wọn padà kò tíì parí gbogbo ìlànà ìfọwọ́sí tí FIFA béèrè.
Kókó ẹ̀sùn náà ni pé àwọn agbábọ́ọ̀lù yìí kò kọ̀wé kedere láti kọ́ ìlú orílẹ̀-èdè tí wọ́n ti jẹ́ tẹ́lẹ̀, èyí sì jẹ́ dandan nítorí DR Congo kò gba ìlú-orílẹ̀-èdè méjì (dual citizenship).
Àwọn ẹ̀sùn mìíràn tún sọ pé díẹ̀ lára àwọn agbábọ́ọ̀lù tí kópa nínú eré playoff náà ti pé omo odun mokanlelogun , wọ́n sì ní ìwé-ìrìn-àjò (passport) ilẹ̀ Yúróòpù, èyí tó lè rú òfin ìfọwọ́sí FIFA.
Láti jẹ́rìí ìpò ìjọba Nàìjíríà, Akọ̀wé Gbogbogbo Ẹgbẹ́ Agbaboolu ni Nàìjíríà (NFF), Dókítà Mohammed Sanusi, sọ pé wọ́n ti fi ẹ̀dùn ọkàn sílẹ̀ lọ́dọ̀ FIFA, tí wọ́n ń kọ̀wé kọ́ àǹfààní díẹ̀ lára àwọn agbábọ́ọ̀lù DR Congo nítorí àìtẹ̀lé òfin orílẹ̀-èdè àti ti FIFA.
“À ń dúró de ìpinnu. Òfin Congo sọ pé ẹnikẹ́ni kò gbọ́dọ̀ ní ìlú-orílẹ̀-èdè méjì, àwọn kan ní ti Faransé, àwọn mìíràn sì ní ti Netherlands,” gege bi Sanusi ae salaye.
Sanusi tún ṣàlàyé pé ìfọwọ́sí àkọ́kọ́ tí FIFA fún àwọn agbábọ́ọ̀lù náà dá lórí ohun ti won salaye fun FIFA.
“Ìdí nìyẹn tí FIFA fi fọwọ́sí wọn. Òfin FIFA sọ pé bí o bá ní iwe irinna orílẹ̀-èdè rẹ, o péye láti kópa. Ní ojú FIFA, wọ́n péye, torí náà ni wọ́n fi fọwọ́sí wọn. Ṣùgbọ́n ìṣòro ibe ni pé won tan FIFA jẹ́ kí wọ́n le fọwọ́sí wọn. Kì í ṣe ojúṣe FIFA láti rí i dájú pé òfin Congo ni a tẹ̀lé; FIFA máa ń ṣiṣẹ́ lórí òfin tirẹ̀. A sì ń sọ pé ìlànà náà jẹ́ ẹ̀tan,” gege bi o se fi kún un.
Tí FIFA bá pinnu lórí àǹfààní Nàìjíríà, Super Eagles lè tún padà sí ìdíje fún Intercontinental Playoffs ní Mẹ́síkò, bí eré náà kò bá tíì wayé.

Ìjọba ní láti wádìí àsírí owó Farouk Ahmed – Dangote
Yínká Àlàbí
Ààrẹ àti Olórí Ilé-iṣẹ́ Dangote Industries Limited, Aliko Dangote, ti pe fún ìwádìí pẹ̀lú ìdájọ́ lórí Olórí Àjọ tó ń ṣàkóso Epo Midstream àti Downstream ní Nàìjíríà (NMDPRA), Ẹ̀njiníà Farouk Ahmed, tí ó fi ẹ̀sùn ìbàjẹ́-ọrọ̀ ajé kàn án, pe igbese re n ba oro aje ilú Nàìjíríà jẹ́
Nígbà tó ń sọ̀rọ̀ nípàdé pẹ̀lú àwọn oníròyìn ní Ileese Epo re ní àná, Dangote fi ẹ̀sùn kàn olórí NMDPRA pé wọ́n ń bá àwọn oníṣòwò àgbáyé àti àwọn agbewọlé epo ṣiṣẹ́ pọ̀ láti dá ìtúnṣe epo abẹ́lé dúró, nípa títẹ̀ síwájú lori ìwé-aṣẹ epo gbigba wole.
Dangote tún sọ pé Ẹ̀njiníà Ahmed ń gbé ìgbé-ayé tó ju owo osu re lọ.
Síbẹ̀, Alága Ẹgbẹ́ Dangote fi dá àwọn omo Nàìjíríà lójú pé owó títà pẹ́tírólù (PMS) yóò tún ṣubú síi, ní kíkìlọ̀ pé láti ọjọ́ Ìsẹ́gun, pẹ́tírólù kì yóò ta ju N740 fún lítà kan, bẹ̀rẹ̀ láti Ìlú Èkó, lẹ́yìn tí ilé-ìtúnṣe epo náà ti dín owó kù sí N699 fún lítà kan.
Ó sọ pé àwọn ibùdó epo MRS ni yóò kọ́kọ́ bẹ̀rẹ̀ sí í lo owó tuntun yìí.
Ó ṣàlàyé pé a ti sọ pé a fún ní ìwé-aṣẹ agbewọlé tó tó bílíọ̀nù lítà 7.5 ti PMS fún ìdámẹ́ta àkọ́kọ́ ọdún 2026, láìka pé agbára ìtúnṣe epo inú ilú tó pọ̀ wà.
Gẹ́gẹ́ bí òun, àwọn ilé-ìtúnṣe epo kékeré (modular refineries) ti ń jìyà lábẹ́ àyíká ìlànà tó wà lọ́wọ́lọ́wọ́, wọ́n sì sunmọ́ ìparun, nígbà tí fífi ìwé-aṣẹ agbewọlé títẹ̀síwájú ń tún ń jẹ́ kó burú síi.
Ó ní:
“Mi ò ń pe fún kíkúrò rẹ̀ nípò, ṣùgbọ́n fún ìwádìí tó péye. Ó gbọ́dọ̀ ṣàlàyé ìṣe rẹ̀, kó sì fi hàn pé kò lo ipò rẹ̀ láti ba àwọn ará Nàìjíríà jẹ́. Ohun tó ń ṣẹlẹ̀ yìí jẹ́ ìbàjẹ́-ọrọ̀ ajé.”
Ó fi kún un pé, “Ọ́fíìsì Code of Conduct Bureau tàbí ara ìjọba mìíràn tí a bá rí pé ó yẹ, lè ṣe ìwádìí ọ̀ràn yìí.”
Dangote ní: “Àwọn ìfẹ́ alágbára wà nínú apakan epo. Ó ń bà mí lẹ́rù pé àwọn orílẹ̀-èdè Áfíríkà ṣi ń gba epo tí a ti túnṣe wá láti òkè òkun, lẹ́yìn gbogbo ìpe fún ìtúnṣe epo inú ilú. Ìwọ̀n epo tí a ń jẹ́ kó wọ̀lú jẹ́ ìwà ailojuti, ó sì ń ba Nàìjíríà jẹ́.”
Ó ní: “A kò gbọ́dọ̀ jẹ́ kí ìfẹ́ ẹni kọọkan sakoba fun ilu. Oníṣòwò kò gbọ́dọ̀ jẹ́ alákóso. A ti fún ní ìwé-aṣẹ 47, síbẹ̀ kò sí ilé-ìtúnṣe epo tuntun tí a ń kọ́, nítorí àyíká kò rọrùn.”
Ó dájú pé àwọn ará Nàìjíríà ni yóò jèrè lọ́dọ̀ ìtúnṣe epo inú ilú ní ìpẹ̀yà, bó tilẹ̀ jẹ́ pé àwọn agbewọlé epo ń pàdánù.
Dangote sọ pé òun kì yóò sẹ́yìn láti rí i dájú pé àwọn ará Nàìjíríà rí àǹfààní ìtúnṣe epo abẹ́lé, Láti ọjọ́ Ìsẹ́gun, ó sọ pé gbogbo ibùdó epo MRS yóò bẹ̀rẹ̀ sí í ta PMS ní owó tí kì yóò ju N740 fún lítà kan, bẹ̀rẹ̀ láti Ìlú Èkó.

Mo sì wà nínú ẹgbẹ́ APC- Lai Mohammed
Yínká Àlàbí
Alhaji Lai Mohammed, Minisita fun eto iroyin àti Àṣà tẹ́lẹ̀, sọ pé òun ṣi jẹ́ ọmọ ẹgbẹ́ olóòtítọ́ ti APC, ṣùgbọ́n kò tún kópa ní gbangba mọ́; ó ń ṣiṣẹ́ lábẹ́nú fun ẹgbẹ́. Ó si salaye ìtìlẹ́yìn rẹ̀ sí ìjọba Ààrẹ Bola Tinubu kò yí padà rárá.
Ó sọ èyí nibi ayeye ikarundinlogun (15th Convocation Lecture) ní Yunifásítì Achievers, Owo, ni ipinle Ondo níbi tí ó ti gba àwọn akẹ́kọ̀ọ́ tí ń parí ẹ̀kọ́ níyànjú láti jẹ́ alágbára.
Ó ṣàlàyé pé ìwé-ẹ̀rí yunifásítì kì í dá aṣeyọrí lójú; ìmótuntun, ìgboyà àti ìfaradà ló ṣe pàtàkì.
Lai Mohammed, ẹni tí ó ṣiṣẹ́ gẹ́gẹ́ bí Minisita fún ọdún mẹ́jọ ní ìjọba Buhari, pe ara rẹ̀ ní alátìlẹ́yìn gidi fún ìjọba Tinubu, ó sì rọ àwọn ará Nàìjíríà láti ṣèrànwọ́ fún Ààrẹ nínú oro ààbò orílẹ̀-èdè, nítorí pé àìlera ààbò ń dí ìdàgbàsókè ọrọ̀-aje dúró. Ó tún rántí bí ìfaradà àti ìfarapa tí ó dojukọ́ ní àkókò ìjọba PDP ṣe mú kí òun di ẹni tí orílẹ̀-èdè mọ̀ lónìí.
Nípa ti Yunifásítì Achievers, àwọn alákóso rẹ̀ sọ pé ilé-ẹ̀kọ́ náà ń tẹnumọ́ ìwa rere, ìmúra ẹ̀kọ́ tó péye àti igboran, tí kò sì gba oogun olóró tàbí egbe okunkun laaye (cultism). Wọ́n fi kún un pé ilé-ẹ̀kọ́ náà kì í ta ìwé-ẹ̀rí, ṣùgbọ́n ń gbé akẹ́kọ̀ọ́ tí ó ní ìwa rere àti ìmúra siṣẹ́ gíga jáde.

Ọpẹ́ o! Dangote já owó epo petiró wálẹ̀

Ìròyìn òwúrọ̀

Ileesẹ epo Dangote ti tun ja owo epo walẹ lati N828 si N699. Iye owo yii jẹ iye ti awọn to n gbe epo lọdọ rẹ maa gbe.
Eyi jẹ ida to le meedogun ninu ọgọrun owo epo ọja agbaaye to ja walẹ. Ọjọ kọkanla osu kejila yii naa lo yẹ ki awọn ara ilu ti maa jẹ anfaani ẹdinwo naa.

Òǹtajà àti Òǹrajà Báńgà ló máa fojú winá òfin – Àjọ Ọlọ́pàá

Ìròyìn òwúrọ̀

Bi ijọba apapọ ṣe n fọnrere “ẹ ma ra Banga, ẹ ma yin banga” ni awọn ọlọpaa ipinlẹ naa n lọgun, koda ti ijọba ibilẹ kan tun niyi.
“Ọga ọlọpaa yii ni ti ọwọ ba tẹ ẹni to yin banga yoo mu awọn de ibi to ti raa”.
Yoruba bọ “wọn ni ẹnu onikan la ti n gbọ pọnhun”. Ẹ gbọọ lẹnu ọga ọlọpaa naa –

Ó mà se o! Ikú pojú igbákejì gómìnà Bayelsa dé

Ìròyìn òwúrọ̀

Aisan lo se wo, a o ri t’Ọlọjọ se. Lawrence Ewhrudjakpo to jẹ igbakeji gomina ipinlẹ Bayelsa lo subu to si gba ibẹ jẹ Ọlọrun nipe.
Igbakeji gomina yii sẹsẹ pari ipade pẹlu awọn ajọ UNICEF ni o ba ni ki ohun pada si ofiisi lo ba dede subu, awọn to tẹlee sare du ẹmi rẹ lọ si ile iwosan
Federal Medical Centre (FMC) to wa ni Yenagoa.
Ile iwosan naa ni dokita ti jẹ ki o ye wọn pe igbakeji gomina ti dagbere f’aye.
Bi Douye Diri to jẹ gomina ipinlẹ naa se gbọ lo ti sare tẹ ọkọ leti lati oke okun, ni eyi to jẹ ki o wa lọna bayii.
Ewhrudjakpo daye ni ọjọ karun-un osu kẹsan-an ọdun 1965 ki iku to poju rẹ de lonii.

Èmi ò lè gba obìnrin lákọ̀wé mọ́ – Pastor Adeboye
Yínká Àlàbí
Olori ijọ Redeem, Pastor Enoch Adeboye, ṣalaye idi ti wọn kò fi tún gba akọwe obinrin mọ́. Wọn ní awọn ṣe bẹ́ẹ̀ láti yà ara sọ́tọ̀ kí ohunkóhun má bà a di isẹ Oluwa lọwọ.
Alaye lori itan “Jonah Must Go” ní Holy Ghost Congress 2025” waye.
Baba rántí bí wọn ti ní akọwe obinrin ní Ebute Mẹta ṣùgbọ́n ọkan baba ko muu lọ si Ipagọ ti Lagos/Ibadan nitori ibẹru Olorun ati pe “ẹlẹran ara ni oluso aguntan naa”.
Baba Adeboye tún salaye bí wọn ṣe fún àwọn wòlíì RCCG méjì ni awọn imọran to gbopan ju awọ Erin lọ. Ẹni akọkọ salaye bi irin ajo aye rẹ se fẹ daru, baba si salaye fun un ki o lọ da akowe rẹ duro ki o ba le tẹ siwaju nibi isẹ Oluwa.
Ẹnikeji ti ko tete gba imọran, isẹ to gbe lọwọ daru.
Lẹyin ọpọlọpọ apẹẹrẹ awọn ise ti awọn akọwe obinrin ti daru mọ awọn ojisẹ Olorun lọwọ, ni ilẹ yii ati ni oke okun. Pastor Adeboye parí pelu pé kí Kirisitẹni gé gbogbo ìbáṣepọ̀ tó lè ba isẹ jẹ mọ wọn lọwọ, ki wọn si pọkan pọ si iṣẹ Ọlọ́run.
Pastor Adeboye ni awọn mọ ara awọn ki awọn to gba isẹ Ọlọrun. Iṣẹ yii ni ọfiisi le mu ki awọn di aago meji si mẹta oru pẹlu obinrin, eyi to lewu fun ẹlẹran ara.
Ojisẹ yii fi apẹẹrẹ Jonah bo se wa ninu iwe mimọ kọ awọn ọmọ ijọ lẹkọọ ninu ipagọ to n lọ lọwọ bayii.

Adeleke jáwé olúborí ipò gómìnà ẹgbẹ́ Accord

Yínká Àlàbí

Lẹyin wakati mẹrindinlogun ti gomina ipinlẹ Ọṣun, Ademola Adeleke fi ẹgbẹ oselu PDP silẹ, o si darapọ mọ ẹgbẹ Accord, kia lo sare gba tikẹẹti ipo gomina ni eyi ti gbogbo ọna si la kedere fun un. O wọle bii ẹni pe wọn jọ bẹrẹ ẹgbẹ oselu naa ni.
Gomina Ademola Adeleke ko da nikan si lọ si ẹgbẹ naa, o lọ pẹlu igbakeji rẹ, Kola Adewusi ati awọn olutẹle rẹ to ku ni wọn jọ Kẹyẹ lọ si inu ẹgbẹ Accord.
Elder Ibe Thankgod to jẹ Alaga awọn to n yẹ iwe awọn to fẹ dije du ipo gomina wo salaye pe Adeleke wẹ, o yan kanin-kanin. Alaga yii ni osuwọn rẹ kun daadaa.
Bi gomina se gba iwe ẹri yiyege tan lo f’ẹmi imoore han si gbogbo ẹgbẹ, o si sadura pe Elledua a ti awọn lẹyin lati jawe olubori ninu idije ọdun to n bọ.

Lennart Karl fìtàn balẹ́ ní Champions League games

Yínká Àlàbí

Ọdún mẹ́ta léra-léra ni ọ̀dọ́mọdékùnrin agbábọ́ọ̀lù, Lennart Karl fi n gbá boolu wọle alatako ninu idije Champions League games.
Eyi ko tii sẹlẹ̀ rí láti ìgbà tí ìdíje náà ti bẹ̀rẹ̀.
O
Ọmọ ọdún mẹ́tàdínlógún péré ni Karl.