Ìbùkún ńlá , ọ̀kan lára àwọn Olórí Ọọ̀ni bí Ìbejì làǹtìlanti
Fẹ́mi Akínṣọlá
Ìdùnú subú lu ayọ, nílé lfẹ̀ bí Olorì Tobilọla Ògúnwùsì, tó jẹ́ ọ̀kan lára àwọn ìyàwó Ọọ̀ni Ifẹ̀, Ọba Adéyẹyè Ẹnitan Ògúnwùsì, ti bí Ìbejì báyìí.
Nínú àtẹ̀jáde kan tí Ọọ̀ni gbé sí ìkànnì fesibúùkù rẹ̀ láìpẹ yìí ló ti ní òun dúpẹ́ lọ́wọ́ Ọlọ́run fún ire ńlá tó wọlé tọ ilé Odùduwà.
Ògúnwùsì kí ìyàwó rẹ̀, Olorì Tóbilọ́ba, ẹni tó bí Ìbejì làǹtìlanti kú oríire àwọn ọmọ tuntun náà. Ó ní ọmọọbakùnrin kan àti ọmọọbabìnrin kan làwọn ọmọ tí ìyàwó òun bí ọ̀hún
Ó sọ síwájú pé ìyá àtàwọn ọmọ náà wà lálàáfíà.
Gẹ́gẹ́ bó ṣe sọ lórí fesibúùkù rẹ̀ lọ́jọ́ kẹrìndínlógún, oṣù Kẹta, ọdún yìí, Ọba Ògúnwùsì ní, ‘Ògo ni fún Ọlọ́run fún oun ńlá tó ṣe.
‘Mo kí ilé Odùduwà àti Olorì Tóbilọ́ba, ẹni tó bí Ìbejì làǹtìlanti fún ìtẹ́ Odùduwà lónìí kú oríire. Ìyá àtàwọn ọmọ wà la lálàáfíà fún ògo Ọlọrun.
