Àwọn agbébọn palẹ̀ alága ẹgbẹ́ APC Èkìtì mọ́
Fẹ́mi Akínṣọlá
Ádùrá ni kí Ọlọ́run máa fi ìṣọ́ Rẹ̀ sọ́ wa lọ́wọ́ àwọn èèyàn búburú.Sùgbọ́n kò jọ pé ádùrá yìí gbà fún ẹni tí ṣe Alága ẹgbẹ́ òṣèlú All Progressive Congress, APC ní ìpínlẹ̀ Ekiti, Paul Omotosho bí ó se kó sọ́wọ́ àwọn ajínigbé.
Ìròyìn ní òpópónà Agbado-Imesi- Ekiti ní ìjọba ìbílẹ̀ Gbonyin ni àwọn ajínigbé náà ti jí alága ọ̀hún gbé lọ.
Agbenusọ ẹgbẹ́ òṣèlú APC ní ìpínlẹ̀ Èkìtì, Segun Dipe tó fìdí ọ̀rọ̀ náà múlẹ̀ fún àwọn akọ̀ròyìn ní ìrọ̀lẹ́ ọjọ́ Àbámẹ́ta ni ìṣẹ̀lẹ̀ náà wáyé.
Dipe ṣàlàyé pé alága náà ló dá wà nínú ọkọ̀ Venza rẹ̀ kí àwọn ajínigbé ọ̀hún tó ṣe ìkọlù sí i.
Ó ní àwọn ti fi ìṣẹ̀lẹ̀ náà tó àwọn ọlọ́pàá àti Amotekun létí lójúnà àti lè tètè ṣàwárí Omotosho.
