Ààwẹ̀ Mùsùlùmí bẹ̀rẹ̀ lónìí, Sultan ti Sokoto kédè!
Fẹ́mi Akínṣọlá
Ààrẹ ìgbìmọ̀ àpapọ̀ fún àwọn ẹlẹ́sìn Islam àti Sultan ti Sokoto, Muhammad Sa’ad Abubakar ti fi àrídájú hàn wí pé wọ́n ti rí Oṣù tuntun nínú àwọn sánmọ́ọ̀ èyiùn Òṣùpá èyí tó ń sàmì ìbẹ̀rẹ̀
Oṣù alápọ̀ọ́nlé tí Ramadan 1444AH.
Nínú atẹjade kan tó jáde lójú òpó abẹ́yẹfò ìgbìmọ̀ tó ń bójú tó rírí òṣùpá ní Nàìjíríà, Sultan ti Sokoto pé gbogbo Mùsùlùmí jákèjádò Nàìjíríà láti bẹ̀rẹ̀ Ààwẹ̀ gbígbà ní Ọjọ́bọ, ọjọ́ kẹtàlélógún oṣù kẹta, ọdún 2023 .
Gẹ́gẹ́ bó ṣe jẹ́ pé orílẹ-èdè Nàìjíríà ṣẹ̀ṣẹ̀ ń parí ètò ìdìbò ni, Sultan ti Sókótó tún késí àwọn Mùsùlùmí Nàìjíría láti Sàdúrà fún àṣeyọrí àwọn adarí tuntun tí wọ́n dìbò yàn.
