Ọmọ Yahoo gba ìdájọ́ ẹ̀wọ̀n
Láti ọwọ́ Yínká Àlàbí
Ajo EFCC to n foju to awon onijibiti ni won ti ko awon omo Yahoo marun-un fun esun orisiirisii lo ile-ejo ni ilu Lafia to wa ni ipinle Nasarawa.
Awon omo Yahoo naa ni Francis Chukwuka Okwechime, Olaniyi Odunayo Precious, Israel Stephen Auta, Oluwabori Azeez Rafiu ati David Stephen. Okwechime dibon pe oun ni Joshep Michael to je Oga Soja ni orileede America. O se eyi lati lu enikan to n je Molly ni jibiti owo dola oodunrunlelaadota ($350). Nigba ti Olaniyi n lu jibiti tire lori ero ayelujara lati fi gba Ogbeni Samuel Mayona. Isreal naa n dibon pe oun ni Ivy Jordan omo orileede America lati maa fi lu jibiti orisiirisii lori ero ayelujara,Oluwabori n dibon pe oun ni John Albert ati Raymond Lee lati orileede Singapore fun jibiti ori ero ayelujara naa ni gbogbo re, Stephen ni tire ni oun ni Major_hack007 lati maa fi lu jibiti gbogbo eni to ba ko si lowo lori ero ayelujara.
Gbogbo won ni won gba pe awon jebi esun naa. Onidajo Afolabi ju Olaniyi ati Stephen si ewon odun meji tabi ki won san egberun lona aadojo si igba naira (#150,000 – #200,000). Isreal ati Oluwatobi gba ewon osu mefa tabi owo itanran egberun lona aadota naira (#50,000), Owo itanran ti Okwechime je egberun lona ogorun-un naira (#100,000).
Ile-ejo si je ki Olaniyi mo pe ko ni ri foonu Infinix Note 10 to fi n lu jibiti gba mo nitori pe ijoba apapo ti gbese lee.
