Ó mà ṣe o, àgbàrá gbé òròmọdìẹ Tonto Dikeh lọ

Tonto Dikeh

Ilumomika onifiimu Noliwuudu kan, Tonto Dikeh, ti muni ranti itan kan ninu ALAWIYE YORUBA, ti Oloogbe J.F. Odunjo ko, ti gbogbo eniyan maa n ka ni ile iwe alakobere nigba kan.

Ninu itan naa ni eye asa  ti huwa buruku, to gbe omo adie arabinrin kan ti oruko re n je Tola lo.

Nigba to n se alaye bi oro naa se ka omo naa lara, asotan ni, ‘O ma se o, asa gbe omodie Tola lo.’

Ohun to sele ni pe bi o tile je pe asa ko gbe adie Tonto Dikeh lo, agbara ojo se oko adie – iyen poultry farm –  re lose ni ojo die seyin.

Opo eniyan ko mo pe Tonto Dikeh ni ogba adie.

Sugbon ninu akosile kan lori ero ayelujara lojo die seyin, o se alaye bi ojo alarooda kan se ya lu oko adie oun naa, to si gbe egberin (800) awon adie oun lo.

O ni oro naa dun oun wonu egungun.

Afi ki Olorun dun un ninu, ko di i fun un ni ona miran.

Ti a ko ba gbagbe, Tonto Dikeh je osere fiimu ti awuyewuye saaba maa n sere lori orule ile re.

Oun naa si ti wa ninu oselu bayii, to n se olubadije fun ipo gomina ni Ipinle Rivers.

 

LEAVE A REPLY

Please enter your comment!
Please enter your name here