Gege bi ajafeto omo Yoruba, Oloye Sunday Adeyemo, ti opo mo si Sunday Igboho, se n gbaradi lati pada si Naijeria lati Cotounu, IROYIN OWURO ti seranti bi agba oje olorin emi, Timi Osikoya, se korun fun un nigba ti nnkan n gbona janjan.
Awon eniyan kan gba pe oloogun paraku ni Sunday Igboho.
Oun ni eni to n ja ija ajagbara fun Yoruba bayii, to si to koko wa ni ahamo ni Cutounu, nibi to ti ba ijoba jejo, latari bi o se fe te baalu leti lo si orile ede Germany.
Eyi waye leyin ti ijoba Naijiria kede lile e kiri gege bi odaran.
Sibesibe, olori emi to je gbajugbaja nigba kan, Alagba Timi Oshikoya, se orin kan fun un lati fi idunnu han lori ija ajagbara to n ja.
Akorin naa ti opo eniyana mo si Telemi so pe oun se eyi nitori ija ti Sunday Igboho n ja, kii se tori ti ara re nikan.
O ni o n ja ija naa lati gba awon eniyan re sile ni.
Telemi ni oun ko fara mo ohun kan ti awon eniyan kan n so pe oloogun ni Igboho, nigba ti oun je omolein Jesu.
O ni ti won ba ni oloogun ni Igboho, a ria won pasito kan naa ti won n lo oogun, ti won n ba Babalawo se awo.
Ni nnkan bii osu die seyin ni IROYIN OWURO ti koko woye oro yii.
A ri i bo se je pe kadara ati ayanmo se n rerin-in si gbajugbaja akorin Fuji, WQasiu Ayinde lojoojumo.
Lenu ise orin to yan laayo, laarin egbe ati ogba, ilosiwaju n ba a lodoodun ni.
A ranti bi Alaafin to waja, Oba Lamidi Adeyemi, se fi je oye Mayegun ti ile Yoruba.
Lojo die seyin naa, o mo tun di eni ti Aare Muhammadu n foye orile-ede yii da lola.
Eyi je ka wo o nigba naa pe loooto, eni ti Olorun ba da, ko see fi ara we.
Gege bee ni ti akorin fuji to je gbaju-gabaja, Wasiu Ayinde, ri.
Bi igba se n yi to, bi awuyewuye se n waye ni sakaani re leekookan to, Olorun si n fun un ni ise fuji se.
Apere eyi tun n waye ti a ba wo bi awo orin to gbe jade laipe ni nnkan bii odun meji seyin, to si n se daadaa loja.
Abi ibo ni won ko ti maa gbo Ade Ori Okin tit di oni?
Orin yii ni o n je ki opo eniyan maa dófun tolo nibi sise, ti won sim aa n so idi wuke bi o ba tin lo.
Awo orin naa lo je eyi ti awon orin ti Wasiu ti ko tele po ninu re.
Sibesibe, awon araye tun n ko o je ni.
Ohun ti eyi tumo si ni pe, lati odun 1984 ti Wasiu ti lagboro ja pelu ‘Tala ‘84’, gboin ni toóke ni oro re ja si.
Ni bayii, o ti le ni omo ogota odun daadaa, sibesibe tomode-tagba lo n gbo orin re.
Gege bi IROYIN OWURO se woye, ailara pupo re, ebun to ni to fi maa n so orin di tuntun, ati ni pato, kadara, tii je ebun Olodumare lo so o di iroko nla ti eni kan ko le wo lule.
Osere fiimu pataki, Opeyemi Ayeola, ti so pe ninu idanwo oniwe mewaa ti opo eniyan n pe ni WAEC, oun ko paasi Ede Yoruba, bi o tile je pe o se daadaa ninu awon ise miiran.
Nigba ti onifiimu naa n soro lori bi kadara ati Olorun se je ko ni aseyori ninu ise fiimu lo so oro yii.
Nigba ti ile ise Radio Lagos gba a lalejo lori eto OJUTAYE, Opeyemi Ayeola so hulehule bi o se bere ise fiimu, awon ise to ti se, aseyori to ti ni ati awon wahala to ti la koja.
O ni oun ati awon obi oun ko rokan pe ere fiimu ni oun maa se la laye oun.
O ni koda bi magiiki lo ri nigba ti won ko ni ki oun kopa ninu ere PAPA AJASCO.
Opeyemi Ayeola salaye pe ninu ise ere onise, Olorun o maa n duro ti eniyan, sugbon ikora eni nijanu naa se pataki.
O ni gege bi obinrin, ko si ki okunrin ma maa sufee pe eniyan, sugbon eni oro ba kan lo gbodo mo ohun to n se.
IROYIN YI WA LATI INU IWE IROYIN IROYIN OWURO TO TI JADE TELE…
Bayii ti gbajugbaja apesa egungun, Sulaiman Ajobiewe Aremu, pe eni addome odun – 70 years- like eepe, a ko le sai maa ranti awon nnkan nla ti Olorun ti se laye re o.
Ajobiewe lo ye ki a maa ko orin o dun, o po, o pe, fun, tori, gege bi Sunny Ade se ko o, Oluwa lo n fun ni.
Lati nnkan bii ogoji odun ni Ajobiewe ti di ilumomika akewi ibile, to si je pe okiki re tubo n gbooro sii ni.
Bi o se n te awon ara ilu lorun, bee naa ni toba-tijoye n sugbaa re.
Sugbon sa o, oro Ajobiewe, akuko ti yoo ko ni, asa ko ni gbe e.
Bee, eni ti yoo ga, ese re a tin-in-rin.
Nigba to wa ni kekere, bo tile je pe kadara re maa so o di igilango pesa eegun, opolo re ko ji si iwe rara.
Funra Ajobiewe lo fenu ara re so eleyii, gage bi IROYIN OWURO se ranti, ninu iforowero kan to se pelu iwe iroyin THE PUNCH, ni odun die seyin.
Latari eleyii, odun mewaa gbako lo lo ni ile eko alakobere, nibi to ye ko ti lo mefa.
Leyin eleyii lo lo ko ise buredi sise, sugbon to je pe ife to ni si esa pipe je ki o se opo iwadii ijinle, eyi to ran an lowo lati di ilumomika lonii.
Nje e tile wa tun t gbo?
Musulumi ni Ajobiewe, eni to je omo bibi Ila Orangun.
Kii muti, ki mu siga, bee ni kii se oogun isoye.
Pabambari ibe ni pe bo se je gbajugbaja to, iyawo kan soso lo ni.
Ko to feyawo naa nko? O ti to omo gbon odun tori arinka to maa n ja bata!
Eyi ni iforo-wani-lenu-wo pataki kan ti Oludije Ipo Aare fun egbe All Progressives Congress, Asiwaju Bola Tinubu, se ni igba die seyin. Agboyanu ni awon nnkan ti Awiwaju so nibe, to si je pe iwe iroyin THE NEWS lo se iforo-wani-lenu-wo naa, ti awa si se atumo re. IROYIN OWURO ati magasini OSUMARE no lo gbe e jade ni Yoruba.
Ibeere – Bawo loselu Asiwaju se bere?
Asiwaju – Owo ni mo koko fi n ran awon oloselu lowo ni igba kan, ki o to di wi pe mo ti ara bo o ni asiko ti ijoba da ibo Ojogbon Femi Agbalajobi ati Oloye Dapo Sarumi nu. Eyin Yomi Edu ni mo wa, o si kuna ipo naa.
Awon ileese mi nibi ati ni oke okun se daadaa, ni eyi ti ko je ki n mo o lara pe a padanu ibo. Asiko yii kan naa ni ijoba Babangida bere eto Structural Adjustment Programme, iyen SAP. Emi ko fara mo eto naa rara ni eyi to mu ki n ko iwe imoran fun Babangida gege bii Aare Ologun ni igba naa. Inu re dun, o si tewo gba a.
Inu IBB dun, o si wo o pe iru eniyan bi temi lo ye ko wa ni ile igbimo asofin ki ilu le toro. Eyi naa wa lara ohun ti awon agba oje bii – Alagba Kola Oseni, Alhaji Hamzat, Busari Alebiosu, Demola Adeniji-Adele, Prince Olusi ati awon to ku ti won jo wa ninu egbee PRIMROSE naa – ko se fi mi lorun sile. Won ni ki n je ki a jo to Orileede yii.
Oga mi , Bob Parker, to je oga agba, Managing Director, ni Mobil ni igba naa koko ro pe ori mi ti daru ni igba ti mo dagbere fun un pe mo fe lo lo opolo mi fun oselu orileede mi.
Bee naa lo se ri lara alamojuto owo ibe naa, Ogbeni Akinyelure. Awon mejeeji o gba pe ara mi ya. Ileese Mobil ni igbagbo gidi ninu mi, won ni mo maa pada wa. Won wa seto leta igbaaye nibi ise fun odun merin peluu igbagbo pe ti oselu Naijiria ba ja jo mi loju, maa pada si enu ise mi.
Ipo wo ni e koko di mu nibi oselu?
Ipo Seneto Lagos West ni, bi o tile je pe Lagos Central lo ye ko je sugbon Lagos West ni isoro egbe wa ni igba naa. Owo si wa lowo mi daadaa ni igba naa, mo si tun lebun oro siso ni eyi ti gbogbo re sise fun mi.
Kin ni akitiyan yin ninu egbe NRC lasiko Alagba Micheal Otedola?
Mi o sakitiyan kankan nitori pe mi o tii jingiri ninu eto oselu rara. Eyi si se akoba fun egbe wa ni igba naa, nitori o ye ki a gba ijoba ni igba ti awon eleto ibo begi dina Alagba Sarumi ati Oloogbe Femi Agbalajobi. Otedola ko ba ma se jawe olubori ti won ba je ki a ri ede aiyede naa yanju. Gbogbo itu meje ti ode n pa ninu igbo ni Omooba Adeniji Adele pa titi di ale ibo ku ola sugbon eti ogbonin ni won ko sii, ni eyi to mu ki Otedola jawe olubori.
Ipa wo ni e ko ni asiko ibo MKO Abiola?
Abiola
A koko sise to po fun Oloogbe Yar Adua labe asia SDP, a ti jawe olubori ni ile igbimo asofin agba, emi ni mo fe di Senate President, gbogbo ile Yoruba ni a ti jawe olubori nigba ti olopolo pipe Alhaji Kashim Ibrahim ti ba wa wole si awon Seneto kan lara niile Hausa, Chuba Okadigbo ni ile Igbo, Iyorchia Ayu ni aaarin gbungbun. A wa peluu awon to rese wale bii Olu Falae, Biyi Dutrojaye ati Olusegun Osoba. Pelu opolo ti Olorun fun mi, mo ti ni Seneto Mejidinlogoji (38) ninu merindinlogota (56) to wa ninu egbe SDP ni igba naa.
Nigba ti ijoba ati awon eleto ibo begi dina fun Yar Adua ni Falae ati Durojaye wa ba egbe soro lati gbe ipo Aare fun ile Yoruba. Orisiirisii awuye-wuye lo n lo nigboro nigba naa. Awon iwe iroyin n gbee pe Babangida o fe fi ipo sile, koda iwe iroyin PUNCH tile gbe siwaju iwe won pe nitori asepo to dan moran to wa laarin emi ati IBB, mo n ti i leyin lati maa se fi ipo sile. Opo ni ko mo pe iro pata ni, bawo ni mo se fe fara mo ijoba ologun ju ti alagbada lo?
Nigba ti awuye-wuye yii n lo lowo ni MKO Abiola jade lati dije du ipo Aare Orileede yi. Mo kan dede rii ni ile-itura ti mo wa ni pelu Jubril Martin-kuye. Onisiro owo bii temi naa ni, o si mowe daadaa. Mo je ki o yee pe gbogbo awon to sise ta ko Oloogbe Obafemi Awolowo ko le rowo mu ni ile Yoruba. O si salaye fun mi pe ko ri bee ati wi pe oun maa gba Ikenne lo lati lo salaye ara oun ni eyi ti mo fara mo.
Nigba ti ibo Yar Adua daru ni egbe PDP je ki ipo Aare yi kan ile Yoruba. Eyi se akoba fun ipo Olori ile igbimo asofin agba ti mo n le. Egbe je ki o ye wa bi o tile je pe emi naa mo pe, won ko le fun ile Yoruba ni ipo Aare ki won tun fun wa ni olori ile igbimo asofin agba.
Nigba ti a ri alaale MKO Abiola, a rii pe, o ni eto rere fun Naijiria. O si tun ti we yan kanin-kanin nipa pe oun kii se ota Awolowo. Eyi mu ki a sise to po fun MKO. A panupo lori Iyiochia Ayu gege bi olori ile igbimo asofin agba. Emi naa je eni to lenu gan an ni ile igbimo naa.
Ogbon wo ni e da sii nigba ti Babangida fe ki eyin Seneto duro lati sise po pelu re?
Gbogbo ogbon ati ete Babangida ati awon ologun to ku ni a tete kefin. Eyi mu ki a gbogun ti diduro won. Yato fun ise ti awa ile igbimo asofin mejeeji se, a si tun rii pe awon oniroyin gbogun to lagbara ti won lojoojumo.
Akitiyan Ayu ko see fi owo ro seyin lasiko naa. Emi tile koko ro pe emi nikan ni mo ni Laptop ni ile igbimo asofin ni, ase Ayu naa ni, o si le loo daadaa. Gbogbo akitiyan wa yii lo n de odo awon oniroyin wa ni Naijiria ati oke okun. Gbogbo re naa lo sise gidi fun ijoba awa-ara-wa.
Babangida
Babangida ba gbogbo eyin ile igbimo asofin soro, bawo le se wa gbena woju re?
Loooto lo ba gbogbo wa soro pelu ogbon ni eyi to mu ki n da lohun lojo naa pe, afi ki o gbe ijoba sile fun alagbada ni o niyi ti o si ni ilana manigbagbe ninu. Leyin ipade yii, Babangida wa bo mi lowo. O ni mo kare, oun si je dodo igboya mi.
A sise to po fun MKO, a si rii pe o jawe olubori ibo naa. Ipinle mejilelogun (22 states) ni mo tele Abiola de lati lo polongo ibo Aare igba naa.
Olopolo pipe to mose ni Ojogbon Humphrey Nwosu. O je ki eto ibo naa lo ni irowo-irose, gbogbo awon alamojuto ibo nile ati leyin odi naa ni won gbe osuba fun un. Ife ti awon omo Naijiria ni si gbogbo wa nigba naa je ki won fowo sowo po pelu awon eleto ibo. Fun igba akoko ti oruko awon to dibo ko ju awon to foruko sile lo tabi ki o je idakeji.
Nibo le wa nigba ti Babangida wogi le ibo MKO Abiola naa?
Odo Abiola ni mo wa ti a jo n soro ti a si n reti esi ibo ipinle Taraba ki a le maa dunnu kiri pe a ti jawe olubori. Ko pe si igba ti a soro tan ni a gbo pe ijoba ti ni ki won dawo kika ibo duro. A ti n gbo ti awon egbe alatako ti n pa ohun da nipa esi ibo naa. Ko pe si asiko naa ni a dede gbo iku baba Yar Adua. Kia ni Abiola ti seto baalu ayara bi asa lati gbe mi lo ipinle Katsina lati lo soju oun nitori pe won ko ni pe sin oku naa gege ilana elesin Musulumi. Bi Babangida se de naa ni won sin oku naa, gbogbo igbiyanju MKO lati ba ayeye isinku naa lo ja si pabo nitori papako ofurufu ti won ti nitori Aare to n koja. Igba ti Babangida pada tan ni won to si papako naa ni eyi to mu ki Abiola naa raaye koja. Nibi isinku yii ni mo ti ri Sheu Yar Adua to je aburo oloogbe ti oun ati Babangida soro pe titi. Emi tile ro pe o n parowa si i ni nitori eni to ku sugbon iyalenu lo je ni igba ti a pada de si ilu Eko ti a gbo pe ijoba ti wogi le ibo naa. Ile MKO ni mo koko gba lo, ni igba ti mo de ibe ni mo ri ero repete ni ita ti wahala nla si sele ti mo fere ma tii foju kan ri.
Nje Babangida salaye nnkankan fun yin gege bi ajose yin to dan moran?
Rara o. lati igba ti mo ti gbena wo oju re nibi ipade to ba awa ile igbimo asofin se ni oun ati awon ologun to ku ko ti gba temi mo. Emi o tile tii mo pe o maa fagi le ibo odun naa ti n ko ti fun un ni aponle bii ti tele mo. Ni igba ti a rira ni ibi isinku Yar Adua, gbogbo awon ero lo n se ranka dede re, tie mi si ko jale pe ko si ohun to jo bee mo.
Tinubu
Kin ni e le so nipa rogbodiyan wiwogi le ibo naa?
Egbinrin ote ni rogbodiyan naa. Babangida ti koko ri “oju ija ni ilasa” pe oun gbodo lo. Orisiirisii aba tun wa n waye lori bawo ni o se fe gbe ijoba sile ki enu to ko lori ijoba fidie. Isoro miran ni eni to maa je olori, eya wo lo maa je ati bee bee lo. Mo so fun Ayu pe ko le je oun. Mo mo pe inu Atiku ko dun bi won ko se fi se igbakeji MKO ati bee bee lo. Mo bere si ni n parowa fun awon eniyan to lenu loro ni okookan ki won ba Babangida soro ko gbe ijoba Abiola fun un. Mo ba Sheu Yar Adua soro pe ko je ki a gba fOlorun fun Abiola ti o ba wa di odun merin leyin re ki o wa se ijoba tire. Mo gbe mama mi Alhaja Abibat Mogaji lo si odo IBB…
Mo so fun Omotola pe ko gbodo maa fi gbogbo enu kiisi ninu fiimu – Baale Omotola, Mathew Ekeinde
Baale gbajugbaja osere fiimu, Omotola Jalaade-Ekeinde, ti soro lori iha to ko si ipa ti iyawo re maa n ko ninu awon ere naa.
Okunrin naa ti oruko re n je Matthew Ekeinde, ni ara kii ta oun nigba ti iyawo oun ba n fenu ko okunrin lenu ninu fiimu, tori oun mo pe ere ni won n se, kii se otito.
Bakan naa, Alagba Matthew, eni to je awako baaluu ti won n pe ni pilot, so pe oun tun mo pe lopolopo igba ti awon osere fiimu ba n se bi eni gbe enu si ara won lenu, won kan maa fie nu kan enu ni, eyi ti a mo si pecking. O ni won kii je ete bi awon ololufe gidi se maa n se e – eyi ti a mo si kissing.
Sugbon sa o, bale Omotola naa jewo pe okunrin ni oun, ti ko ni fe ki eni Kankan koja aaye re lodo iyawo oun, ti ko si ni fe ki obinrin naa tae se agere.
O ni oun jerii Omotola pe kafinta re ko gbodo jesoo. O ni oun ti kilo fun un pe ko gbodo se igbenu bo enu bi igba ti lokolaya ba n se e.
Ninu iforowanilenuwo kan ni Alagba Matthew ti so oro yii. Ninu iforowanilenuwo naa pelu iwe iroyin alatagba kan to n je kemiashefonlovehavens, Omotola naa se alaye iri re ninu igbeyawo won. O ni oko oun je eni kan to nifee oun denu, to se atileyin fun oun, to si je pe o lakikanju.
O ni loooto, Olorun lo n joba ninu igbeyawo naa, tori ko si ajosepo ti kii ni konu-n-oho lekookan.
O ni bi awn ba ni gbolohun aso, oun ni oun koko maa n be bale oun.
Ti a ba n soro nipa omo Ijebu ti o gbajumo, ti o n ba awon eeyan se kaakiri gbogbo orileede agbaye, ti o ni owo ti oruko re si wa lenu awon eeyan lojoojumo, okan gboogi ni Oloye Kessington Adebukunola Adebutu je.
Baba yii bere aye re laifi bee ri nnkan pupo ponla, sugbon won tepa mo ise ti won yan laayo julo. Baba ni nigba ti awon ko ri iie se ni awon wa n wa okowo ti o see bere pelu owo die ni aye igba yen, seni awon ati ore won ti oje ore timotimo julo Oloogbe Solomon Adebayo Ayoku lo bere nnkan ti awon eeyan npe ni puulu (pool). Sugbon laarin odun die awon mejeeji ti di ilu mooka.
Leyin eyi ni won ko owo won lo si inu ise agbe, ile-kiko, sise awon ohun ero ti won npe ni manufacturing. Kope pupo ti baba yii bere awon nnkan wonyi ni o ba bere si fi owo owo re se aanu awon eeyan. Idi ni pe baba yii mo nnkan ti oju awon ti ko nii ma n ri, fun idi yii ni baba ba bere Kessington Adebukunola Adebutu Foundation lati maa fi ran gbogbo awon eeyan lowo.
Musulumi ni awon obi baba yii sugbon Adebukunola di Kristeni fun ra re, eyi si je oun to je ko tun rorun fun baba lati ran gbogbo elesin lowo lai yo enikan kuro. Kessington Adebutu ni o gba Gateway Hotels fun odun marundinlogun bayi ti o tun je alaga fun Premier Lotto. Gege bi omo bibi ti ilu Iperu Remo, baba ijebu ni awon eeyan ma n pe baba naa, sugbon baba Ijebu ti ko mo ila ti owo ko nila fi ran awon eeyan lowo ni.
Gbajugbaja akorin, Yinka Ayefele, tun gbe omiran wolu laipe yii.
Awo orin re tuntun maa jade ni aipe yii, eyi to pe akole re ni SO FAR, SO GOOD.
Funra Ayefele lo so oro yii ni ojo die seyin, to si soro pelu ibale okan ati ireti nla pe ojo iwaju yoo daa, yo dun ju ti ateyinwa lo.
Sugbon ko tan sibe. Pelu bi Ayefele se di eni ibukun, o ni oun naa se tan lati bu kun awon odo.
O ti wa n se eto nla kan ti yoo fi ko won bi won se le lo ebun won ni ilana orin bii tire, ti awon naa yoo se di ilomoka ati olokiki.
Ayefele fe ki won mo pe kii se orin hip hop nikan ni won le ti fakoyo.
Nipa bee, yoo se imuniloriya ati danilekoo alagbeeka to si je pe eto naa yoo wa lori ero ayelujara.
Ayefele, eni to je pe Olorun ti bu kun gbaa, to je pe oro re ti koja akorin lasan, to je pe oun lo ni Fresh FM ti irawo re to tan kaakiri agbaye, so pe oun yoo se eto amoriya naa pelu ajosepo ile ise kan ti a mo si CKrowd Africa Technology and Solutions.
O wa ni lojo keedogban osu yi, iyen September 25, ni awon yoo se eto to pe ni Digital Music World Tour.
Laisi aniani, Ayefele ti di baba.
Olorun ti gbe e ga, ti Olorun si n fi oro igbesi aye re ko awon eniyan lekoo pe eni ti Oun ba ti wa leyin re, o da bii akuko ti yoo ko ni, ti asa kan ko le gbe.
KA MA BAA GBAGBE: Igbokegbodo Yinka Ayefele (Lati inu iwe IROYIN OWURO)
Idaamu Ayefele ati oniruuru adanwo to ti ba awon agba akorin Yoruba
. Ajimobi pinnu lati saanu re leyin ti won ti wo ile
Baba Ibeta
Otito ni pe ko si eniyan to koja adanwo. Sugbon nile aye, adanwo ti eni kan maa n ju ti elomiran lo.
Ti a ba wo awon ajalu ti akorin pataki, Yinka Ayefele, ti la koja, a maa ri i pe o je eni kan ti oju re ti ri mabo.
Loooto, lati ara adanwo naa ni Olorun ti so o di eni giga, sugbon oun ti oju asegita n ri kii se keremi.
Ti ode Ayefele ba si ro ise ro iya, to ba peran ko ni fun eni kan je.
A ko mo pupo ninu wahala ti oju re ti ri ki o to di odun 1997. Sugbon ohun to sele si okunrin naa ni odun yii kii se ohun ti eni kankan le maa gbadura ki oju ota oun ri.
Eyi ni ijamba moto buruku kan to so o di eni to n lo osu mesan-an gbako ni osibitu. Ni igbeyin-gbeyin, asidenti naa ko mu emi re lo, sugbon o so o di alaabo ara di oni olonii.
Lati ibi adanwo ijamba moto, o bo sinu adanwo eni ti ko le fi ese ara re rin mo, ti ko le da duro, ti ko si le se opolopo ohun ti egbe re n se. Ajalu moto naa lo so o di eni to n wa lori keeke alaileerin.
Oro naa le debi pe awon kan n ro pe boya ni okunrin naa le se ohun ti okunrin maa n se pelu obinrin mo. Sugbon riro ni ti eniyan, sise ni ti Oluwa. Gege bi akorin naa ti so, Olorun pa enu alabosi mo, to si je pe o si le n se okunrin lodo iyawo re.
Leyin ti kadara wa so Ayefele di eni nla, to ni owo, okiki ati ola ti awon olorin to lese mejeeji ko ni, a lero pe wahala ti tan laye re ni. Sugbon ohun to sele si okunrin naa lenu ojo meta yii fihan pe ko ri be e.
Eyi ni ede aiyede ati ija ajadiju to waye laarin oun ati ijoba Ipinle Oyo nigba kan lasikoGomina Oloogbe Isiaka Abiola Ajimobi , to fi di pe won wo lara ile re to wa ni Orita Challenge Ibadan.
Nigba ti awuyewuye naa koko bere, o dabi pe kannakanna p’omo ega ni, ija n bo, ija koi de. Bi ijoba se n leri ni Ayefele naa n leri. Lasiko kan, akowe iroyin re ana, Oloogbe David Ajiboye, tie so fun ijoba naa pe awon ko beru mo, ki o wa se ohun to ba fe. Idi nip e won gba pea won ko lebi rara.
Leyin eyi ni Yinka Ayefele gbe Ajimobi lo sile ejo.
Loooto, bi ariyanjiyan nla ba sele bayii, awon adajo je pataki ninu awon to maa n yanju re. Sugbon Yoruba naa lo bo ti won ni a kii ti kootu bo ka s’ore.
Ijoba Ipinle Oyo si duro lori pe awon setan lati wo ile Ayefele naa tori won ni akorin naa se sofin nipa kiko iru ile naa si orita naa.
A gbo pe won tin so pe ile oni oofisi rere, iye office complex, ni o ni oun yoo fi ko, ko to dip e o ko ile ibi ti won ti n sise redio ati orin, iyen studio.
Ibe naa ni ile ise redio Ayefele wa.
Ile ejo giga ti Oyo State High Court ni Ibadan ni Ayefele gbe ejo naa lo, pelu loya re, Ogbeni Olayinka Bolanle.
Adajo I. Yerima pase pe ki igbejo waye ni ojo Monday.
Bi gbogbo eyi se n lo, awon ololufe Ayefele ati awon osise re fi ehonu han ni ile ise naa.
Ni idaji Sunday ni awada di oooto. Ajalu nla wole ba akorin Tungba, Yinka Ayefele, nigba ti won gbe katapila bulldozer lo fa ile naa ya yannayanna mo ibi ti ina ti dahun.
***
Ayefele ba omokunrin je, o bu sekun gbagada!
Yoruba bo, won ni eni ti oro ko ba lo n pe ara re l’okunrin. Akorin pataki, Yinka Ayefele, lo le jeri si oro yi lowolowo yii.
Idi niyi ti o fi bu sekun gbagada ni Ibadan ni irole ojo kan, nigba to n ba awon oniroyin soro lori bi ijoba Ipinle Oyo se iwo ile ise redio re.
O ni gbogbo iwe to ye ki oun gba ni oun gba. O ni nigba ti wahala a o wole, a ko wole de, iyawo oun lo be Ajimobi lale ojo Satide molegbagbe. Ayefele ni Ajimobi so fun iyawo oun pe awon ko ni wo ile naa mo.
Koda, o ni Ajimobi fun iyawo oun ni nnkan alejo, eyi to je egberun dola kan – $1,000.
O ni eyi lo se ya oun lenu pupo nigba ti won tun gbe katapila de ni idaji Sunday molegbagbe kan.
Epe ti awon eniyan n se ko le ran mi tori n ko se aburu – Ajimobi
Gomina Ipinle Oyo nigba naa, Senito Abiola Ajimobi – ki Olorun dele f’eni to ti ku – soro lori bi ijoba re se wo lara ile akorin Tungba, Yinka Ayefele, ati epe pelu oro alufaasa ti awon eniyan ti fi n ranse si i.
Bakan naa, Ajimobi ni ijoba oun wo ile naa nitori Ayefele se si ofin ni.
O so fun ile ise iroyin BBC pe oun ko le so pe tori pe ile ise Fresh FM n pese ise fun awon eniyan tabi pe yefele je alaabo ara, ki oun maa wo won ki won te ofin loju.
O ni se ti adigunjale kan ba n gba awon eniyan sise, se ijoba a maa wo o niran ni?
Nigba ti Ajimobi tun n ba awon oniroyin soro lojo Ileya, Ajimobi ni gbogbo igbese ti oun n gbe lati igba ti oun ti gori aleefa, eyi to bofin eniyan ati ti Olorun mu ni.
O ni niwon igba ti oun ko ba se aburu, epe ila kii mu agborin, adura ni yoo maa se le oun lori.
O wa fi kun un pe ijoba oun yoo wo bi oun se le ran Ayefele lowo.
Ileese Fresh FM nigba ti won wo o
Ajimobi se ipade pelu Yinka Ayefele
Oro awon oloselu, nnkan nla ni. Eyi lo d’Ifa funOloogbe Ajimobi to tun se ipade irepo pelu Yinka Ayefele, ni ile ijoba to wa ni Ibadan.
Gomina wa so pe won maa da ajo komiti kan sile lati wo igbese ti won ni lati gbe lori isele ara ile Ayefele ti won wo ni Orita Challenge, Ibadan.
Opo eniyan lo bu enu ate lu gomina lori igbese ile wiwo naa, sugbon oun naa ni ika to ba se ni oba a ge ni oun se e.
Sugbon lasiko ipade naa, Ajimobi ni eniyan daadaa ni Ayefele, sugbon ko si anfaani ninu ki a maa se si ofin ile kiko.
Ayefele naa ni gbogbo ohun ti ijoba ni ki oun se ni oun se, sugbon awon ojise gomina ni ko fun oun laye lati ri i lasiko.
mmmmmmmmm
Idaamu Yinka Ayefele ati bi awon osere Yoruba se la oniruuru ajalu koja
Bi o tile je pe kii se gbogbo won ni ijoba wo ile won, opo awon osere Yoruba naa lo ti la laasigbo nla koja. Se eni ti yoo ga, ese re yoo tin-in-rin.
Eni kan pataki to koko maa n wa si okan awon eniyan niru asiko yii ni Fela Anikulapo-Kuti. O je eni kan to maa n ba ijoba fa wahala. Laye ijoba Obasanjo akoko, nigba to je ologun, won da awon soja si Afrika Shrine Fela to wa ni Jibowu ni Eko.
O buru debi pe Fela ni won ju iya oun sile lati ori oofusia, ti won sin a awon eniyan ni anaki ki won tun to fi ina si ile naa.
A ko si gbodo gbagbe pe opo igba ni won ju Fela si ewon. Eyin aasigbo naa ni Fela gbe awo orin UNKNOWN SOLDIER jade.
Olorin miiran to tun se agbako ijoba ni Oloogbe Hubert Ogunde. Laye oselu Awolowo, o gbe ere ati awo orin YORUBA RONU jade. Awon Awon ijoba Oloogbe Ladoke Akintola gba pe awon lo n ba wi. Nipa bee, won fiya je e.
Oloogbe Yusuf Olatuni ko jiya lowo ijoba, sugbon oun naa ri ajalu ijamba moto nla kan. Wahala naa le debi pe awon kan ni won ti gee se re nigba to wa ni osibitu. Leyin eyi ni Yusuf Olatunji korin Yegede won ko ge e…
Barrister
Oloye Ebenezer Obey naa foju wina ri. Ina kan seru ba a nigba to sese n dide gege bi akorin. Eyi lo bi orin ‘Lopelope oyinbo onilekeji/ To n kigbe/ Faa…/ Faa../ Faaya faya ki panapana to de.”
King Sunny Ade naa maa ri wi ti won ba ni ko ro ti enu re. Ni asiko kan, o jiya pupo labe asia ile ise orin Abioro. Ni pataki, aisan nla kan se e ni nnkan bii odun 1991 to si je pe Olorun lo yo o.
Meloo ni a fe kan, meloo ni a fe wi? Awon sorosoro bii Olanrewaju Adepoju, Gbena Adeboye ati beee bee lo foju wina gidi. Leyin pe ijoba Babangida ba Lanrewaju Adepoju fa surutu, bi a se n soro yii, oju n dun un, ti ko si le da lo si ibi kankan. Ki Oba Olojo Oni da oju akewi pataki naa pada.
A ko le gbagbe orisiirisii adanwo ti Oloogbe Sikiru Ayinde Barrister la koja. Lasiko kan, obinrin kan tie jade to ni oun ni oun bi i, bee Barrister mo pe Odere Sifawu ni iya oun. Iru awon wahala ti aye gbe si Dr Fuji nigba lo mu u korin OKIKI: “Okiki ti mo ni yi ko to o, Edumare/ Ba mi wa mii si o, Edumare…’
Leyin pe awon alaheso kede iku Kollington Ayinla bii eemeji, ina nla kan jo ile re ni Alagbado. Asiko naa ni iyawo re kekere kan to loyun ku, pelu iroyin pe won so pe ki o seyun ni. Alhaja Salawa Abeni ni won toka si. Ibinu eyi ni oun ati Kebe n Kwara fi ko ara won sile titi di oni olonii.to je ni o korin ‘Won so pe mo ku, ariwo gbale,/ Okiki kan ja gbogbo Naijiria….’
Dauda Akanmu Epo Akara naa kare lona orun. A ko le gbagbe bi moto oun ati awon elegbe re re se se konge ijamba moto ni eti Alapako lona Ibadan. Won n ti Eko ti won ti lo sere bo lojo naa ni. Eniyan mejeeji otooto – Omoboade ati Dauda – ni won je Olorun nipe nigba naa. Asiko yii ni Epo Akara korin ‘Ni o f’abo f’Olorun lorun/ Ni o f’abo f’Olorun lorun/ Asiko tonikaluku ba yan/ Asiko tonikaluku ba yan/ Ni o f’abo f’Olorun lorun…”
Bakan naa, a ko gbodo gbagbe pe Oloogbe Orlando Owoh lo si ewon lori esun igbo, to fi wa korn E GET AS E BE nigba to jade. E get as e be…, o nib o se je.
Ayinla Omowura ti ko wo ewon, gbogbo bo se lagbara to, won gun nigo pa ni. Eyi tumo sip e, loooto, ko si eni to koja adanwo.
A bi oloye Michael Adeniyi Agbolade Ishola Adenuga ni ojo kokandinlogbon osu kerin, odun 1953.
Baba to bii lomo, Oloogbe Michael Agbolade Adenuga, ni o je agba olukoni nigba aye re, nigba ti iya re, Omoba Juliana Oyindamola Adenuga, ti oruko re maa n je Juliana Oyindamola Onoshile tele je onisowo pataki ni igba aye re.
Ibadan Grammar School, ni ilu Ibadan, ni olowo tabua ti opo eniyan mo si THE BULL gbe kekoo, ti o si tun lo si Comprehensive High School Ayetoro fun ipele ti won n pe ni Higher School Certificate.
Oro Adenuga je mo kadara, nitori pe eni ti o wa di olola, oloro pataki yii naa ti la isoro koja.
Bi apeere, o ti wa moto tasin (taxi) ri ni ilu Oyinbo, lati ri owo fun eko unifasiti ni Northwestern Oklahoma State University.
Pelu aforiti ati ipinnu pe oun maa je eniyan gidi laye, o tun ra pala lo si Pace University ni ilu New York, bakan naa ni orile-ede Amerika, nibi to ti gba oye imo isowo, Business Administration.
Oro Adenuga wa ja si pe, lopo igba, eni ti ko se bi alaaru l’Oyingbo, ko le se bi Adegboro l’Oja Oba.
Sugbon bawo ni Adenuga se bere si lowo gan-an?
Opo eniyan ko mo pe ibi isowo alabode ni akanda Edumare naa ti bere owo nini.
Ni odun 1979 lo ti koko di eni to n ni owo milionu, nigba to n ta aso leesi ati oti elerindodo ti a n pe ni minerals. Eni odun mokandinlogbon (29 years) nii se nigba naa.
Ti a ba wa gba awon elomiran nimoran pe ki won se karakata, paapaa awon to lo si yunifasiti, oro le ma tete ye won tori ise ti won a ti maa wo kootu, ti won a fun okun mourn ni o maa je won logun.
Ni odun 1990 ni irawo Michael Adenuga ri apere ati gboregejige, nigba ti o gba iwe ase lati maa wa epo. Leyin odun kan, ile ise iwapo re to n je Consolidated Oil ri epo ni Ipinle Ondo, to si je ile ise epo ti Naijiria to je akoko lati se iru aseyori bee.
Ohun ti eyi tun n fi ye wa ni pe ko ye ki eniyan maa duro soju kan yala lenu ise oba ni tabi nidii isowo.
Bakan naa, oruko ile ise Adenuga to n je Consolidated Oil lo jo pe o bi oruko ti awon ile ita epo betiro re, iye Con Oil, ti jade.
Igba to tun di odun 1991 ti foonu GSM de, Adenuga ko tun sun asungbagbe.
O woye pe ojo iwaju ibanisoro alagbeeka yoo dara.
Pelu ireti ati ikiya lo tun se gbe owo nla jade, to si dije fun iwe ase lanseesi.
Adenuga koko ri ikuna nigba ti ijoba Obasanjo to bere GSM gbegi le eto tita ati rira lanseesi naa, ti o si gbe Adenuga lowo lo.
Sugbon nigba ti ko tori eyi sa kuro nibi ti ireti re wa, nigba to di odun 2003, o ri lanseesi Globacom gba, to si je pe, lonii, ile ise naa lo je eyi to laami-laaka sikeji.
Adenuga sin i lati bere sii sowo, to si je pe, di oni olonii, idan n lo lorita meta ni.
Awon eniyan kan beru nigba kan pe eniyan dudu ko le da se eto ile ise ero ibanisoro, tori awon bii oyinbo ati awon to wa lati orile ede miiran ti idagbasoke ti wa lo wa nidii awon ie ise miiran.
Sugbon sa, Adenuga ti fihan pe ko si ohun ti igun se ti obo ko se, to si je pe o ti re egun naa danu lori omo Naijiria ati Afirika.
Ko wa jo ni loju pe opo oye ni won ti fi da olola wa naa lola.
African Entrepreneur of The Year at the first African Telecoms Awards (ATA) in August 2007.
