Bishop jẹ́rìí sí ìtúsílẹ̀ àwọn akẹ́kọ̀ọ́ Niger

Yínká Àlàbí

Bishop ti Kontagora Diocese ati Proprietor ti St. Mary’s Private Catholic Primary ati Secondary, Papiri, ipinle Niger, Most Rev. Bulus Yohanna, ti jẹrii si itusilẹ awọn akẹkọọ ile-iwe naa.
Dan Atori to jẹ olubani-damọran fun Bishop lo salaye yii fun oniroyin.
O salaye pe gomina ipinlẹ Niger, Umaru Bago ni lati ri awọn akẹkọọ naa ni ilu Minna ni oni ọjọ kejilelogun, osu kejila ọdun yii ki wọn to gba ọdọ awọn obi wọn lọ.

Ẹ f’òpin sí Indomine ní jíjẹ – NAFDAC

Yínká Àlàbí

Ajọ ijọba apapọ orileede Naijiria (National Agency for Food and Drugs Administration and Control) NAFDAC to n se amojuto ounjẹ ati oogun ti se ikilọ fun gbogbo ọmọ Naijiria lati fopin si Indomine jijẹ lasiko yii.
Wọn ṣe ikilọ pataki yii lati ara ayewo kan to waye ni orileede France nipa ounjẹ to yara se, yara ra ati yara lati jẹ ti a n pe ni Indomine .
NAFDAC ni awọn to n see ko salaye osuwọn miliiki ati ẹyin inu rẹ, ni eyi to le se akoba fun awọn eniyan kan gẹgẹ bi ẹya ara wọn se ri.
Ajọ NAFDAC wa ni ki gbogbo ọmọ Naijiria si ni suuru na ti iya sọtọ fi maa waye.
Eyi ti aleebu wa lara rẹ gan an ni “Indomie brand Noodles Vegetable Flavour product.”
Ajọ NAFDAC ti da awọn osisẹ wọn sita lati le maa wa ibi ti awọn Indomine yii wa, koda wọn fi nọmba wọn naa sita fun awọn ara ilu to ba kefin iru Indomine naa – 0800-162-3322.

Ẹran Ràgó kan ènìyàn kan ni gbogbo òsìṣẹ́ Oṣòdì/Ìṣọlọ̀ gbà fún Kérésìmesì

Yínká Àlàbí

Honourable Kehinde Oloyede tii ṣe alaga ijọba ibilẹ Oṣodi Iṣọlọ ṣe bẹbẹ lasiko ọdun keresimesi yii.
Ẹran rago kọọkan fun osisẹ kọọkan pẹlu awọn nnkan miiran ni awọn osisẹ gbe lọle f’ọdun.
Awọn osisẹ yii fẹrẹ le maa sepe nibi ti adura wọn pọ to. Wọn ni iru rẹ ko sẹlẹ ri, eyi si mu ki wọn maa fẹmi imoore han ninu fidio isalẹ.

Wasiu Ayinde gbé Dapọ Abiodun lọ ilé ẹjọ́ nítorí ipò Awujalẹ

Yínká Àlàbí

King Wasiu Ayinde Marshall 1 (KWAM 1) ti sọ ọ̀rọ̀ ipo Oba Awujale ti Ijebu di ọrọ ile ẹjọ.
K1 ni wọn o le maa f’ọbọ lọ oun lori ipo ti oun lẹtọọ si. O ni oun se eleyii nigba ti oun gbọ pe gomina ipinlẹ Ogun, Dapo Abiodun ti fẹ fi ọmọ oye jẹ laipẹ.
Ẹjọ naa da lori bi ile ọba ti oye kan naa, ẹbi Fusengbuwa se kọ lati yẹ iwe ti oun ko pe oun maa nifẹẹ si ipo Awujale.
Iwe ipe lẹjọ naa jade ni ọjọ kejidinlogun osu yii, igbẹjọ si maa waye ni ọjọ kejilelogun osu yii.

Ilé ẹjọ́ sì dúró lórí òfin tó de àwọn ọlópàá nípa gíláàsì mọ́tò dúdú

Yínká Àlàbí

Ilé-ẹjọ́ Gíga Ìpínlẹ̀ Delta tí ó fi ibujokoo rẹ̀ si Orerokpe ti se idajọ pe lati ori ọga ọlọpaa patapata, Koyode Egbetokun, Kọmísọ́nà ọlọ́pàá ìpínlẹ̀ Delta, ati gbogbo ọlọpaa Naijiria, pe ko gbọdọ si agbofinro kankan to n da ara ilu duro nitori gilaasi mọto dudu.
Ọjọ́ keji osu kin-in-ni ọdun 2026 lo yẹ ki ofin naa bẹrẹ gẹgẹ bi alaalẹ awọn ọlọpaa.
Ile ẹjọ ni awọn agbofinro gbọdọ tẹle idajọ ile ẹjọ yii titi ti ile ẹjọ miiran tun fi maa dajọ.

Farouk Ahmed kọ̀wé fipò sílẹ̀, Tinubu fi àwọn orúkọ mìíràn sọwó sílé ìgbìmọ̀ asòfin

Yínká Àlàbí

Farouk Ahmed àti Komolafe ti f’ìpò sílẹ̀ ní eyi to mu ki Aare Tinubu fi awon orukọ miiran ranse ṣe si Ilé-Ìgbìmọ̀ Aṣòfin (Senate) fún àwọn olórí tuntun NMDPRA àti NUPRC.
Ààrẹ ti béèrè lọ́wọ́ Ilé-Ìgbìmọ̀ Aṣòfin (Senate) kí wọ́n fọwọ́ sí ìyàn sipo Oritsemeyiwa Amanorisewo Eyesan gẹ́gẹ́ bí Alákóso (CEO) ti Nigerian Upstream Petroleum Regulatory Commission (NUPRC), àti Engr. Saidu Aliyu Mohammed gẹ́gẹ́ bí Alákóso (CEO) ti Nigerian Midstream and Downstream Petroleum Regulatory Authority (NMDPRA), lẹ́yìn ìfíf’ìpò sílẹ̀ Engr. Farouk Ahmed àti Gbenga Komolafe kúrò ní àwọn ilé-iṣẹ́ alamojuto epo rọ̀bì wọ̀nyí.

Ìwọ́de àjọ òsìsẹ́ wáyé jákè jádò orílèèdè yìí lónìí
Yinka Alabi
Ajọ awọn osisẹ ti orileede yii (NLC) tẹ̀síwájú pẹ̀lú iwọde wọn pẹlu gbogbo ipade ti wọn se pẹlu Ààrẹ Bola Tinubu ní alẹ́ ọjọ́ Ìsẹ́gun.
Àwọn olórí ẹgbẹ́ òṣìṣẹ́ sọ pé ìpàdé náà kò tó láti dá iwọde dúró. Nítorí náà, Ààrẹ NLC, Joe Ajaero, pẹ̀lú àwọn olórí ẹgbẹ́ òṣìṣẹ́ mìíràn àti àwọn ẹgbẹ́ awùjọ, péjọ sí Ilé-iṣẹ́ NLC ní Abuja láti bẹ̀rẹ̀ iwọde náà.
Aja fẹtọ omoniyan to tun dije du ipo Aare ri ni orileede yii, Omoyele Sowore, àti ẹgbẹ́ Revolution Now Movement tún darapọ̀ mọ́ iwọde náà. Sowore sọ pé orílẹ̀-èdè yii wa ninu ibanujẹ nítorí àìlera ààbò, tí ìjọba sì ti kùnà láti dáàbò bo àwọn aráàlú.
Ó tún ṣàlàyé pé ìjìyà ìfipa-gbé ènìyàn ń ṣẹlẹ̀ káàkiri, paápàá ní ilé ìjosìn, pé ọ̀pọ̀lọpọ̀ ọmọde ṣi wà ní ìgbèkùn ní Ìpínlẹ̀ Niger, àti pé àní àwọn ọmọ ogun Nàìjíríà kan tún ti gba wọ́n lọ sí orílẹ̀-èdè Burkina Faso. Ó sọ pé àkókò ti tó kí ará Nàìjíríà sọ pé, “Ó tó bẹ́ẹ̀.”
Ìròyìn tún fìdí rẹ̀ múlẹ̀ pé iwọde náà ti bẹ̀rẹ̀ ní àwọn ìpínlẹ̀ bíi Lagos, Enugu, Rivers, àti Abuja, níbi tí àwọn olórí NLC ti ń bẹ ìjọba pé kí wọ́n mu ààbò ẹ̀mí àti ohun-ini aráàlú lokunkundun.