Mi ò pẹ̀gàn Biola Bayo o -Laide Bakare

Mary Fágbohùn

Gbajugbaja oserebirin Naijiria, Laide Bakare, ti sọ pe oun ko pegan ẹlẹgbẹ oun, Biola Bayo nitori igbeyawo rẹ to fori sogi.

Iroyin jabo pe Bakare fi fonran kan ninu eyi ti a ti ri to n jo lede lori Instagram.

O fi oro akole sori atejade naa eyi ti awọn ọmọ Naijiria maa n saaba lo lori ero ayelujara lati tọka si ikuna ninu ibasepo tabi ijakule.

“Gbogbo wa ni yoo kan (Na Everybody Go Chop Breakfast). Asiko lo ma yato. E kaaaro gbogbo,” o fi akọle sori fonran naa.

Atejade yii waye laarin ikede ikọsilẹ Biola Bayo eyi ti gbogbo eniyan n gba bi eni gba igba oti lori ayelujara.

Amo sa, nigba ti o n sọrọ leyin ti gbogbo eniyan denu bo o, Bakare sẹ pe oun ko fi Biola Bayo ṣe yẹyẹ, o ni sababi lasan ni.

Nigba to n ṣalaye atilẹyin rẹ fun Biola ninu fonran tuntun ti o fi lede ni ọjọ Eti, o sọ pe, “Awọn alasọye buburu ati awọn ẹgbẹ gbaranmi d’eleru, o dabii pe nnkan n se yin.

“Ojo karun un Okudu la si wa ni California, mi o le pegan arabinrin Biola Bayo rara. Adura mi wa pẹlu rẹ. Mi o mo ohun to n sele lowolowo. Mo n ṣiṣẹ lọwọ pẹlu ayẹyẹ ikẹkọjade ọmọbinrin mi. Eniyan buburu ni awon gbaranmi d’eleru yii o.”

Oṣere Biola Bayo ni ọjọ Isegun kede ipinya pelu ọkọ re, Oluseyi.

Ó tó gẹ́, mi ò lọ mọ́ – Nasboi

Mary Fágbohùn

Onifonran alawada ati olorin, Lawal Nasiru, ti gbogbo eniyan mọ si Nasboi, ni iroyin jabo pe o ni ijamba ọkọ eyi to je ko fi opin si irin-ajo jakejado ipinle merindinlọgbọn ti orilẹ-ede yi.

Nasboi sọ pe ọkọ oun kolu ọkọ ajagbe kan to wa leba ona.

E ranti pe laipẹ yii ni olorin naa bẹrẹ irin-ajo jakejado orilẹ-ede, ti o ṣapejuwe rẹ gẹgẹ bi ipolongo lati gba ẹsẹ orin kan lati ọdọ akọrin Davido.

Amo sa, lẹyin ijabọ ijamba ọkọ naa, Nasboi ni oju opo ayelujara re fi da awọn ololufe rẹ loju pe oun wa ni alaafia ati pe o n se itoju are oun.

Gẹgẹ bi oro inu fonran, ara re balẹ, o sọ pe oun ko da irin-ajo ohun lẹbi fun ijamba ọkọ to sele.

O ni, “Mi o ti e mo ohun to sele, erin lasan ni mo n rin. Nitori pe eyi lagbara, ki n ya fi adagba eto ro sibi ni. Iṣẹlẹ iyalẹnu gba sugbon a dupe lowo Olorun ko si eni ti o farapa. Ko si eni to sese”

Ninu ifiweranṣẹ kan lori instagram o salaye pe pe “O ṣe Ọlọrun fun emi. Wakati diẹ sẹyin !! Ko si eni to farapa, ko si eni ti nnkan ya lara. Bayii mo n ronu boya ki n fi opin sii tabi ki n tẹ siwaju”.

Ọkùnrin kan jábọ́ láti orí ilé Cocoa House ní ilù Ibadan

Mary Fágbohùn

Ọkunrin kan ti enikan ko mo ni won so pe o jabọ silẹ lati ori aja Ile gogoro Cocoa House to wa ni agbegbe Dugbe, ni ilu Ibadan, ni ipinlẹ Oyo.

Ọjọ Iṣẹgun, ọjọ kẹta, oṣu karun-un, ni arakunrin naa jabọ ni Cocoa House, ile to ni aja mẹrindinlọgbọn, to si ti fi igba kan ri jẹ ile to ga ju ni ilẹ Afrika.

Iṣẹlẹ yii mu ki idiwọ ati idaduro ba ọpọ ile itaja ati awọn okowo to wa ni agbegbe naa.

Ọkan ninu awọn ti iṣẹlẹ naa ṣoju re, sọ fun awọn oniroyin pe, oun ro pe ẹyẹ nla lo n jabọ lati oke, lai mọ pe eniyan ni.

“Nigba ti eni ọhun balẹ ni mo ri pe eniyan lo jabọ.

“Mo ni ẹrọ ibaraẹnisọrọ mi lọwọ ṣugbọn mi o le gba iṣẹlẹ naa silẹ nitori bi ẹru ṣe ba mi.”

Ẹlomiran tun sọ pe “ẹni naa ti kọkọ balẹ si ori orule awọn ẹsọ alaabo, ki o to di pe o balẹ. Iṣẹlẹ iyalẹnu nla ni.”

Ohun to ṣokunfa iṣẹlẹ naa ni ẹnikan ko ti mọ ṣugbọn iroyin jabo pe, iwadii ti bẹrẹ lori rẹ.

Ileeṣẹ Odu’a Investment Company Limited, to n mojuto Cocoa House, ti fi atẹjade sita fun awọn oniroyin lati fidi iṣẹlẹ naa mulẹ ni ilu Ibadan.

Agbẹnusọ Ileeṣẹ ọhun, Victor Ayetoro, ninu atẹjade to buwọlu sọ pe ẹni to ṣubu yii ni awọn ti gbe lọ si ile iwosan bayii, to si ti n gba itọju.

“Iṣẹlẹ yii dun wa pupọ ṣugbọn a n fi da awọn araalu loju pe a o ṣe iwadii lori ohun to ṣokunfa iṣẹlẹ naa.”

Cocoa House ni ile alaja gogoro, awo ṣi fila akọkọ ni orilẹ ede Naijiria ati ni Iwọ oorun Africa.

Oṣu Keje, ọdun 1964 ni wọn kọ ọ tan, amọ oṣu Keje ọdun 1965 ni wọn ṣi i .

Ijọba ẹkun Western Region lo kọ Cocoa House, labẹ idari Oloye Samuel Ladoke Akintola.

Ile alaja gogoro naa ga ni iwọn mita marunlelọgọrun-un, to si ni aja mẹrindinlọgbọn.

‘Ile Awọn Agbẹ’ ni orukọ ti wọn kọkọ sọ Cocoa House. Ṣugbọn wọn yi orukọ naa pada si Cocoa House, nitori pe ere ti wọn ri lati ara koko tita si ilẹ okeere, ni wọn fi kọ ọ

Lasiko naa, Cocoa House jẹ nnkan iwuri ati amuyangan fun awọn olugbe ilu Ibadan ati Naijiria lapapọ.

Mi ò ní fi ààyè gba èébú ara – Alákóso Tems

Muyiwa Awoniyi, oluṣakoso awọn irawo olorin Naijiria, Tems, Omah Lay (Stanley), ati Lekan, ti ṣe ikilọ nla fun awọn alariwisi, ti o sọ pe oun ko ni gba eyikeyi iwa aibọwọ fun awọn olorin rẹ.

Ninu atẹjade kan ti wọn fi lede lori X, Awoniyi sọ pe nigba ti yoo foju fo o ti won ba pẹgan rẹ, ikọlu yowu si Tems, Omah Lay, tabi Lekan won yoo ri pipon oju oun.

“Mo ti sọ tẹlẹ ati pe mo n tun un sọ lẹẹkan sii. O n pẹgan mi? O temilorun. Ṣugbọn ti o ba pẹgan Temi, Stanley tabi Lekan? A o ni iṣoro. ‘Titi di igba miiran, o dabo na ” gege bi o se salaye.

Alaye rẹ tẹle oro eebu ara ti enikan so si Tems laipẹ ti o soro ti ko yẹ leralera nipa ara rẹ, ni pataki awọn idi rẹ.

Ìyá mi kò lè kọrin nítorí pé ó jẹ́ ọmọbìnrin ọba – Wasiu Ayinde

Mary Fágbohùn

Akoni Fuji Wasiu Ayinde ti gbogbo eniyan mo si KWAM 1 tabi K1 De Ultimate ti fi han wi pe iya oun to ku, Halima Anifowoshe ko ipa pataki ninu ise orin.

Ogbontarigi ọmọ ọdun mejidinlaadorin naa ṣalaye pe iya oun kọ ọ ni awọn ilana orin ati ṣiṣẹ bi olupilẹṣẹ rẹ nigba aye rẹ.

Nigba ti o n soro lori eto fun iṣẹ akanṣe tuntun rẹ, Ganusi The Album Fuji Classical, K1 De Ultimate salaye pe ilowosi iya oun si aṣeyọri iṣẹ jẹ ki oun ya orin “Mama” lati inu awo-orin naa soto fun un.

Ó ní ìyá òun fẹ́ di olórin gẹ́gẹ́ bí ọ̀dọ́bìnrin, ṣùgbọ́n wọ́n ko fi aaye gbaa bii olórin nítorí o wa lati idile ọba àti pé ó jẹ́ obìnrin.

O sọ pe, “Orin ‘Mama’ jẹ iranti iya mi ti o tun kọ mi nipa awọn ilana orin. Iya mi bi ọdọmọbinrin jẹ akọrin, o jẹ ọmọ-binrin ọba ti ko ni anfani lati ṣe afihan iwa-ara si orin nitori eni ti o jẹ; Ọmọ-binrin ọba to wa lori ite ati obinrin ti wọn fẹ ki o gbe se igbeyawo bakan naa.

“Ṣugbọn ohun gbogbo [ẹbùn iya mi] ni Ọlọrun gbe wa si odo mi. O gbe wa si odo mi ati ni ọpọlọpọ igba o ṣiṣẹ bi olupilẹṣẹ mi, ni ọpọlọpọ igba aye rẹ. O kopa tirẹ fun idagbasoke orin mi. Nitori naa, mo ro pe o jẹ ọlọla fun mi lati ranti rẹ ati ko orin ni iranti re. ”

K1 De Ultimate padanu iya rẹ, Ọmọ-binrin ọba Halima Anifowoshe, ni oṣu kin-in-ni ọdun 2025.

O̩mo̩ mi kìí s̩e Duduke – Simi

Olórin Nàìjíríà, Simisola Kosoko, tí a mọ̀ sí Simi, ti rọ àwọn aráàlú láti jáwọ́ nínú pípe ọmọbìnrin rẹ̀, Adejare ní “Duduke.”

E ranti pe Simi gbe orin kan jade ti o pe akole rẹ ni ‘Duduke’ ni ifojusọna ibi ọmọ rẹ ni ọdun 2020.

Nitori bẹẹ, nigba ti oun ati ọkọ rẹ, akọrin ẹlẹgbẹ rẹ Adekunle Gold, ṣe itẹwọgba ọmọ wọn akọkọ ti a n pè ni Adejare ni oṣu karun-un ọdun 2020, diẹ ninu awọn ololufẹ kan bẹrẹ si ni pe ọmọbinrin wọn ni ‘Duduke’ lẹyin orin olokiki naa.

Ninu ifọrọwerọ kan laipe pẹlu VJ Adams, Simi salaye pe oun ko fe bi awọn eniyan se n pe ọmọ oun ni Duduke, o tẹnu mọọ pe ko ni itumọ.

Gẹ́gẹ́ bí ó ti sọ, ‘Duduke’ kan jẹ́ oro asodun tí oun lò nínú orin náà láti sọ bí ọmọ rẹ̀ ṣe jẹ́ kí ọkàn òun lu pipi.

O sọ pe, “Awọn eniyan n pe ọmọbinrin mi ni Duduke, eyi ti mi o fẹran. Kii ṣe orukọ rẹ. Ko tilẹ tumọ si nnkankan. Ti o ba tumọ si nnkan ti o dara, maa gba laaye. Ṣugbọn o je bi nnkan se n lu lasan ni, duduke, duduke. Ohun ti mo tumọ si niyi. Ọkàn mi n lu bi ilu.