Home Blog Page 23

Ọba Ṣoun Ogbomosho ń forígbárí pẹ̀lú ẹgbẹ́ ọmọbíbí ìlú

By
iroyinowuro
-

Ọba Ṣoun Ogbomosho ń forígbárí pẹ̀lú ẹgbẹ́ ọmọbíbí ìlú

Fẹ́mi Akínṣọlá

Àwọn àgbà sọ pé bí ọ̀rọ̀ ńlá kò bá tí ì tán èèyàn ńlá kò ní-ín sinmi àròyé rárá, bẹ́ẹ̀ lọ̀rọ̀ rí pẹ̀lú bí
awuyewuye mìíràn tún ti ṣẹ́yọ nílùú Ogbomọṣọ lẹ́yìn táwọn ọmọ ẹgbẹ́ ìgbìmọ̀ aláṣẹ Ogbomoso Parapọ̀ Àgbáyé tí Soun ìlú Ogbomoso, Ọba Ghandi Afolabi Olaoye Orumogege Kẹta, ti túká ké gbà jarè e pé kábíyèsí náà kò lágbára láti tú ìgbìmọ̀ náà ká.

Ninu fọnran kan ti alukoro ẹgbẹ naa, Kọmureedi T.M. Balogun, alaga abẹle ẹgbẹ naa, Alhaji Iliasu Jamiu ati ati akọwe abẹle, Arabinrin Janet Akintoyinbo fi ranṣẹ sawọn ileeṣẹ iroyin ni wọn ti ṣalaye pe igbesẹ Ọba Olaoye tako iwe ofin ati ilana ẹgbẹ Ogbomoso Parapo Agbaaye.

Awọn oloye ẹgbẹ naa ko ṣai fidi rẹ mulẹ wi pe awọn ko tabuku tabi ṣe arifin si kabiyesi, ṣugbọn awọn n tẹle nnkan to wa ninu ofin ẹgbẹ naa ni.
Awuyewuye mii tun ti ṣẹyọ niluu Ogbomoso lẹyin tawọn ọmọ ẹgbẹ igbimọ alaṣẹ Ogbomoso Parapo Agbaaye ti Soun ilu Ogbomoso, Ọba Ghandi Afolabi Olaoye Orumogege Kẹta, ti tuka ke gbajare wi pe kabiesi naa ko lagbara lati tu igbimọ naa ka.

Ninu fọnran kan ti alukoro ẹgbẹ naa, Kọmureedi T.M. Balogun, alaga abẹle ẹgbẹ naa, Alhaji Iliasu Jamiu ati ati akọwe abẹle, Arabinrin Janet Akintoyinbo fi ranṣẹ sawọn ileeṣẹ iroyin ni wọn ti ṣalaye pe igbesẹ Ọba Olaoye tako iwe ofin ati ilana ẹgbẹ Ogbomoso Parapo Agbaaye.

Awọn oloye ẹgbẹ naa ko ṣai fidi rẹ mulẹ wi pe awọn ko tabuku tabi ṣe arifin si kabiyesi, ṣugbọn awọn n tẹle nnkan to wa ninu ofin ẹgbẹ naa ni.
Lọsẹ to kọja ni Kabiyesi Ọba Ghandi Olaoye to jẹ baba isalẹ ẹgbẹ Ogbomoso Parapo Agbaaye kede pe oun ti tu igbimọ alaṣẹ ẹgbẹ naa ka.

Kabiyesi si gbe igbimọ fidihẹ kan dide eyi ti Ọjọgbọn Olusegun Ajiboye to jẹ akọwe agba ẹgbẹ to n ri si iforukọsilẹ awọn olukọọ, TRCN, tẹlẹ jẹ adari rẹ.

Igbimọ yii ni ori ade naa sọ pe yoo maa ṣakoso ẹgbẹ naa lọwọ yii.

Ọba Olaoye ni oun tu igbimọ alaṣẹ ẹgbẹ naa ka fun atunto ẹgbẹ Ogbomoso Parapo Agbaaye ki ẹgbẹ naa le wa ni ibamu pẹlu eto idagbasoke ọlọdun mẹẹdọgbọn oun fun ilu Ogbomoso.

Amọ, ọpọ lo ti n sọ pe igbesẹ kabiyesi ko ṣẹyin ibaṣepọ ori ade naa ti ko dan mọran pẹlu awọn oloye ẹgbẹ Ogbomoso Parapo Agbaaye, eyi to jẹ ki ọpọ ninu wọn jinna si aafin.

Iroyin kan tiẹ fidi rẹ mulẹ wi pe aarẹ ẹgbẹ Ogbomoso Parapo Agbaaye tẹlẹ to doloogbe loṣu Kẹfa ọdun yii, Adajọ fẹyinti Afolabi Adeniran, kuna lati wa ojutuu si faakaja to n ṣẹlẹ ninu ẹgbẹ naa.

Iroyin naa sọ pe eyi gan an lo jẹ ki kabiyesi gbe igbesẹ to gbe tori o dabi ẹni pe awọn kan ti fẹ ja ẹgbẹ Ogbomoso Parapo Agbaaye gba.

Ìjọba Nàìjíríà fún àwọn àjèjì ní gbèdéke ọgbọ̀njọ́ àtúnṣe físà

By
iroyinowuro
-

Ìjọba Nàìjíríà fún àwọn àjèjì ní gbèdéke ọgbọ̀njọ́ àtúnṣe físà

Fẹ́mi Akínṣọlá

Ṣe wọ́n ní bí a se é ṣe níbí, èèwọ̀ ibòmíràn ni.
Bí àwọn ọmọ Nàìjíríà ṣe jẹ́ àjòjì ní àwọn ilẹ̀ ibò míràn tí wọ́n jápa lọ, bẹẹ ni àwọn àjèjì tó ti orílẹ-èdè míràn wá sí Nàìjíríà náà wà níbí pẹ̀lú.

Lábẹ́ òfin, ẹtọ ni fún àwọn àjèjì tó ń gbé Nàìjíríà láti ní ìwé ìwọlé jáde tí a mọ̀ sí físà, ṣùgbọ́n àwọn mìíràn kò ní.

Ọtọ ni awọn ti wọn ni iwe naa ṣugbọn ti ọjọ ti lọ lorii rẹ, ti wọn ko si sọ ọ di tuntun bo ṣe yẹ.

Nitori iru awọn eeyan mejeeji yii ni ijọba Naijiria ṣe kede ṣaaju, pe ki wọn ṣe atunṣe to yẹ ko too di oṣu Karun-un ọdun yii.

Lẹyin oṣu mẹrin ti wọn ti kede eyi ni wọn tun ṣẹṣẹ kede gbedeke tuntun bayii.

Gẹgẹ bi ileeṣẹ Nigeria Immigration Service, (NIS) to n ri si iwọle-jade lorilẹede yii ṣe kede bayii, anfaani tun ti wa fun awọn ajeji lati ṣe atunṣe iwe wọn titi di ọgbọnjọ oṣu Kẹsan-an ọdun 2025.

Ki ni yoo ṣẹlẹ lẹyin eyi? Minisita Eto abẹle, Olubunmi Tunji-Ojo, ṣalaye pe ijọba yoo bẹrẹ si fi ọwọ ofin mu ajeji ti iwe rẹ ko ba kunju oṣuwọn, bẹrẹ lati ọjọ akọkọ ninu oṣu Kẹwaa ọdun 2025.

Gẹgẹ bi ikede naa ṣe wi, anfaani gbedeke ọgbọnjọ oṣu Kẹsan-an yoo wa fun:

Awọn ti iwe wọn ti lejọ, tabi to tako ohun to wa lori iwe naa lọna kan tabi omiran.
Awọn ti iwe ti wọn ni anfaani lati lo lẹẹkan ṣoṣo tabi ju bẹẹ lọ ti kọja iye igba to yẹ ki wọn lo o.
Awọn to waa ṣiṣẹ ti wọn si ni anfaani lati gbe ilẹ yii, ṣugbọn ti ọjọ ti lọ lorii iwe wọn ju ọgbọn ọjọ lọ.
Bo tilẹ jẹ pe awọn iwe iwọle-jade kan ko ri jẹ ninu anfaani gbedeke oṣu kan yii, ileeṣẹ NIS sọ pe kawọn ẹni tiru ẹ ba kan naa ri i pe wọn ṣe isọdọtun iwe wọn tọjọ ba ti lọ lorii rẹ, ko ma baa di pe awọn n fi ọwọ ofin mu wọn.
Awọn ajeji tọrọ yii kan yoo ni lati lọ si oju opo NIS ko too di ọgbọnjọ oṣu yii, bi wọn ko ba tete ṣe bẹẹ, wọn yoo koju ofin.

Wọn yoo ni lati fi orukọ silẹ lati oju opo email wọn, nibi ti wọn yoo ṣalaye nipa ara wọn si, ti wọn yoo sọ nipa iwe irinna wọn ati idi ti wọn fi fẹẹ jẹ anfaani gbedeke yii.

Lẹyin eyi ni wọn yoo ṣafihan awọn iwe idanimọ wọn, titi kan ẹda fisa to ti lejọ naa.

Bakan naa ni wọn yoo sọ boya wọn ṣi fẹẹ maa gbe ni Naijiria lọna to ba ofin mu, tabi wọn fẹẹ kuro nilẹ yii funra wọn.

Bi wọn ba fi esi wọn naa ranṣẹ tan, wọn yoo ri idahun pe esi naa ti de ibi to yẹ ko balẹ si.

Ajeji naa yoo si le maa ri ibi to de duro nigbakugba to ba kan si oju opo naa lati mọ bo ṣe n lọ.

Ṣugbọn a ko mọ bi eto yii ṣe maa n pẹ to ko too pari.

Alaye ijọba Naijiria nipa gbedeke ti wọn fi ọjọ kun naa ni pe yoo jẹ ko han kedere pe ẹka irinna orilẹede yii ṣee fi ọkan tan.

Wọn ni yoo jẹ ko han pe akoyawọ wa, o si ṣee gbagbọ.

Yoo tun ran ijọba lọwọ lati ni akọsilẹ gidi nipa awọn ajeji to n gbe nilẹ yii, eyi yoo wulo lẹka aabo.

Lẹyin gbedeke yii, awọn ti iwe wọn ko ba tun kaju ẹ le di ẹni ti wọn n le jade ni Naijiria, nigbakigba ti ọwọ awọn agbofinro ba tẹ wọn.

Wọn si le fi ofin de wọn lati ma wọ Naijiria mọ laye.

Awọn ileeṣẹ ti awọn ajeji to n ṣiṣẹ pẹlu wọn ko ni iwe igbeluu pipe le ni lati san owo itanran, wọn si le le oṣiṣẹ naa pada si ilu rẹ, tabi ki ọrọ naa da iṣẹ paapaa duro nileeṣẹ bẹẹ.

Eyi kọ ni igba akọkọ ti ijọba Naijiria yoo fi anfaani gbedeke tuntun fun awọn ajeji to gba ọna eru wọ ilu yii, ti wọn ni ki wọn lọọ ṣe atunṣe iwe wọn bo ṣe yẹ.

Ni oṣu Keje ọdun 2019, nigba ijọba Oloogbe Muhammadu Buhari, o kede isunsiwaju oṣu mẹfa fun awọn ajeji to feru wọle si Naijiria lati lọọ tun iwe wọn ṣe.

Koda, ko nawo wọn lowo nigba naa, bẹẹ ni ko si itanran kankan fun wọn.

Àwọn òṣèré kẹ́dùn pẹ̀lú Peju Ogunmola lórí ikú ọmọ rẹ̀

By
iroyinowuro
-

Àwọn òṣèré kẹ́dùn pẹ̀lú Peju Ogunmola lórí ikú ọmọ rẹ̀

Fẹ́mi Akínṣọlá

Ádùrá kí á má fojú sunkún ọmọ ni gbogbo abiyamọ má a ń gbà sùgbón kò jọ pé ádùrá yìí gbà fún ìdílé àgbà òṣèrébìnrin, Peju Ogunmola, bí o ti pàdánù ọmọ rẹ̀ ọkùnrin kan ṣoṣo, Oluwanishola.

Alẹ́ ọjọ́ Ìṣẹ́gun, ọjọ́ kejì, oṣù kẹẹ̀sán án, ni ìròyìn ikú ọ̀dọ́mọkùnrin náà gba orí ayélujára.

Iroyin sọ pe, ọmọkunrin to di oloogbe ọhun nikan ni ọmọ to wa laarin Peju Ogunmola ati ọkọ rẹ ti oun naa jẹ agba oṣere, Sunday Omobolanle, ti ọpọ mọ si Papi Luwe.

Gẹgẹ bi iroyin to tẹ wa lọwọ, Peju Ogunmola wa ni oko ere nigba ti iroyin iku ọmọ naa kan-an lara.
O ṣapejuwe iku oloogbe gẹgẹ bi adanu nla, to si gbadura pe ki Ọlọrun ko tu iya rẹ ninu.

Bakan naa ni oṣere mii, Odunlade Adekola ati Seun Oloketuyi, naa fi iroyin iku naa mulẹ. Amọ titi di asiko ti a ko iroyin yii jọ, a ko tii le fidi ohun to pa oloogbe naa mulẹ.

Oṣu diẹ sẹyin la gbọ pe Shola Omobolanle pari eto agunbanirọ rẹ.

Atẹjade kan ti adari ere, Seun Oloketuyi fi tufọ ọmọ naa lọjọ Iṣẹgun sọ pe ẹni ọdun mẹrinlelogun ni Shola Omobolanle ko to di pe o jade laye.

Ni ọjọ Kejila, oṣu ọdun yìí ni Sholaa Omobolanle ko ba ṣayẹyẹ ọjọ ibi rẹ mii to ba ṣi wa laye.

Shola Omobolanle jẹ akọrin takasufee ti irawọ rẹ ṣẹṣẹ n jade.
Ọpọ awọn gbajumọ oṣere lo ti n kọrin aro lẹyin ti ikede iku ọmọ kan ṣoṣo ti Peju Ogunmola bi Shola Omobolanle jade laye.

Agba oṣere, Jide Kosoko kọ soju opo Instagram rẹ pe eyi ko da rara, bawo ni a ṣe fẹ ṣalaye eyi… Sola Haaa

Adebayo Salami, ti ọpọ mọ si Oga Bello ni tirẹ sọ pe adanwo nla ni iṣẹlẹ naa to si jẹ asiko atironu. Oga Bello ni iru ọgbẹ ti iṣẹlẹ bi eyi maa n da si eeyan lọkan jẹ eyi ti kii jina rara.

O woye pe ko si ohun meji to ṣeeṣe ju ki eeyan gba fun Ọlọrun lọ nitori Oun ni ọba to mọ ohun gbogbo.

Femi Branch naa sọ pe ni kete ni iroyin naa kan oun lara ni oko ere ti oun wa ni ori bẹrẹ si ni fọ oun.

O ni “Anti mi, Ọlọrun nikan lo le tun yin ninu. Eleyii pọ ju, ko si obi to maa gbero iru nnkan bayii fun obi miiran. Ọlọrun a duro ti yin, a tu yin lọkan ma.”

Bakan naa ni Femi Adebayo juwe adanu ọhun bi eyi ti ko yẹ ki abiyamọ koju rẹ rara.

O kọ soju opo Instagram rẹ pe “lonii, a n ba ọkan lara awọn agba wa kẹdun, agba oṣere to n koju ọgbẹ ọkan ti ko yẹ ki iya kankan koju. Adura ati ero mi wa pẹlu yin ma. Ọlọrun Allah a fi si Aljannah Firdaus.”

Oṣere mii, Wunmi Toriola ninu atẹjade rẹ gbadura ki Ọlọrun tu Peju Ogunmola lọkan nitori ọfọ nla ni iṣẹlẹ naa jẹ.

Toyin Abraham sọ pe niṣe ni ọkan oun gbọgbẹ ti oun si n fi ifẹ ati adura ranṣẹ si Peju Ogunmola ni asiko yii.

Bukky Wright ninu ọrọ rẹ naa sọ pe ko si ọrọ kan ti eeyan le sọ lati fi juwe adanu yii. O ni oun n fi idile Ogunmola sinu ọkan.

Ètò ìgbadé Ọba Rashidi Ládọjà gẹ́gẹ́ bí Olúbàdàn tuntun

By
iroyinowuro
-

Ètò ìgbadé Ọba Rashidi Ládọjà gẹ́gẹ́ bí Olúbàdàn tuntun

Fẹ́mi Akínṣọlá

Àwọn àgbà bọ̀ wọ́n ní inú ẹni kìí dùn, kí á pà á mọ́ra, ló mú kí ìgbìmọ̀ tó ń mójútó fífi Olúbàdàn Kẹrìnlélógójì , Ọba Rasidi Adewolu Ladoja, jẹ́, ṣe kéde bí wọ́n yóò ṣe fi ọ̀sẹ̀ kan gbáko ṣètò ayẹyẹ ìgbadé náà nílùú Ìbàdàn.

Ikede igbade naa waye lẹyin ipade igbimọ ipo Olubadan ti wọn ṣe lọjọ Aje, ọjọ kin-in-ni, oṣu Kẹsan-an ọdun 2025, eyi ti Alaga igbimọ naa, Oloye Bayo Oyero, lewaju rẹ.

Bakan naa, Kọmiṣanna eto iroyin nipinlẹ Oyo, Ọmọọba Dotun Oyelade, ṣalaye pe eto igbade naa yoo bẹrẹ lọjọ Aje, ọjọ kejilelogun, oṣu Kẹsan-an ọdun 2025.

O ni eto ọlọkan-o-jọkan to ni i ṣe pẹlu aṣa, Iṣẹṣe ati ẹ̀kọ́ ni yoo maa waye lati Mọnde naa titi di ọjọ Ẹti, ọjọ kẹrindinlọgbọn oṣu Kẹsan-an ti gbogbo rẹ yoo wa sopin ni gbọngan Mapo, Ibadan.

Isin apapọ nilana ẹsin Kristẹni (Interdenominational service) ni wọn yoo fi ṣide ayẹyẹ igbade naa ni Mọnde, ọjọ kejilelogun, oṣu Kẹsan-an.
Aafin Olubadan to wa ni Oke Aremo, niluu Ibadan ni yoo ti waye. Ẹgbẹ CCII lo ṣagbatẹru rẹ bi ikede ṣe ṣalaye.

• Ọjọ Aṣa (Cultural Day) lo kan, iyẹn lọjọ Iṣẹgun, ọjọ kẹtalelogun, oṣu Kẹsan-an, eyi ti wọn gbe kalẹ pẹlu ajọṣepọ ileeṣẹ ijọba to n ri si Aṣa ati Irinajo afẹ nipinlẹ Oyo.

Lẹyin eyi ni wọn yoo ṣe idanilẹkọọ lori igbade Olubadan. Agba onpitan, Ọjọgbọn Toyin Falola, ni yoo ṣe idanilẹkọọ ọhun.

Ọjọbọ ni wọn ya sọtọ fun isin agbayanu, eyi ti yoo waye ni Civic Centre, Idi Ape, Ibadan.

Ọjọ Ẹti, ọjọ kẹrindinlọgbọn oṣu Kẹsan-an gan-an ni Olubadan tuntun yoo gba ade ni Gbọngan Mapo bi wọn ṣe la a kalẹ.

Gẹgẹ bi Kọmiṣanna eto iroyin nipinlẹ Oyo ṣe wi nipa awọn aṣoju igbimọ Olubadan to wa nibi ipade ti wọn ti la eto yii kalẹ, o ni awọn alẹnulọrọ nipinlẹ naa ni.

Lara wọn ni: Awọn aṣoju Olubadan, Aṣipa Olubadan ti wọn yan sipo, Oba Hamidu Ajibade; Oloye Nureni Adisa ati Oloye Adeola Oloko to jẹ Akọwe iroyin fun Olubadan.

Awọn mi-in ni: Kọmiṣanna Aṣa ati Irinajo afẹ, ati ti eto awọn obinrin.

Awọn alaga ijọba ibilẹ Egbeda ati Guusu-Ila-Oorun Ibadan, awọn ọmọ ile igbimọ aṣofin lati Guusu-Ila-Oorun Ibadan ati bẹẹ bẹẹ lọ.

Ìròyìn òwúrò̩ tuntun

By
iroyinowuro
-

Ìròyìn òwúrò̩ tuntun

Ìjọba Makinde fẹ́ yá 300Bn awuyewuye sọ

By
iroyinowuro
-

Ìjọba Makinde fẹ́ yá 300Bn awuyewuye sọ

Fẹ́mi Akínṣọlá

Àwọn àgbà sọ pé bí èèyàn bá dákẹ́, dájúdájú ti ara rẹ̀ yóó bá dákẹ́ bóyá èyí náà ló fàá,
láti bí ọjọ́ mélòó kan báyìí tí ẹnu fi ń bẹ̀rẹ̀ sí ní kun ilé ìgbìmọ̀ aṣòfin àti ìjọba ìpínlẹ̀ Ọ̀yọ́, nítorí 300bn náírà tí ilé ìgbìmọ̀ aṣòfin náà buwọ́lù fún Gómìnà Ṣéyì Mákindé láti yá.

Ọkan lara ọmọ ile igbimọ aṣofin ipinlẹ Ọyọ to n ṣoju ẹkun idibo Iwọ-oorun Ṣaki, to tun jẹ aṣoju ẹgbẹ oṣelu APC, Họnọrebu Ibraheem Shittu lo kọkọ pariwo sita lori ayelujara Facebook wi pe, oun ko si ni ibi ti ile igbimọ aṣofin ipinlẹ Ọyọ ti buwọlu ẹyawọ ọọdunrun biliọnu Naira fun Gomina Ṣeyi Makinde.

Shittu ni iyalẹnu nla ni igbesẹ naa jẹ fun oun nitori pe ile igbimọ aṣofin ipinlẹ Ọyọ wa l’ẹnu isinmi ọlọsẹ mẹfa nigba ti oun gbọ iroyin nipa ẹyawo naa.

O fi kun ọrọ rẹ wi pe ipade pajawiri kan ni awọn alakoso ile igbimọ aṣofin ipinlẹ Ọyọ sare ṣe ki wọn le fun Makinde ni anfaani lati ya owo naa lai fi ọrọ to awọn ọmọ ile igbimọ aṣofin to ku leti.

Ibeere ti Họnọrebu yii wa n beere ni pe, “ki lo de ti ijọba ipinlẹ Ọyọ tun fẹ lọ ya owo nigba to jẹ wi pe aleekun ti ba iye owo ti ijọba apapọ n fun un pẹlu ilọpo ẹẹdẹgbẹta?”.
Bakan naa lo tun n beere wi pe ki lo de ti awọn alakoso ile igbimọ aṣofin ipinlẹ Ọyọ ko fi ọrọ to awọn ọmọ ile igbimọ naa leti ki wọn to buwọlu ẹyawo naa.

Lẹyin ọrọ ti Họnọrebu Shittu fi lede lori Facebook ni ọkanojọkan ariwisi ti n waye lori ọrọ naa.
Eyii lo mu ki ile igbimọ aṣofin ipinlẹ Ọyọ fesi ninu atẹjade kan ti adari ọmọ ẹgbẹ oṣelu to pọ ju nile igbimọ aṣofin naa, Hon. Sanjo Adedoyin ati alaga igbimọ ile to n ri si ikede, iroyin ati ọrọ to niiṣẹ pẹlu ẹrọ igbalode, Hon. Waheed Akintayo (Ilumoka) buwọlu, ti wọn si fi ranṣẹ si awọn akọroyin.

Atẹjade naa tọka rẹ wi pe ọrọ ti Họnọrẹbu Shittu fi lede jẹ ọrọ to n ṣini lọna ti o si tun fi han wi pe Họnọrebu naa ko mọ ojuṣe rẹ.

Bakan naa ni wọn sọ siwaju sii wi pe gbogbo ọmọ ile igbimọ aṣofin naa ni awọn sọ fun wi pe ipade pajawiri kan yoo waye lọjọ Iṣẹgun, ọjọ kọkandinlogun oṣu Kẹjọ ọdun yii.

O ni awọn fi ikede sita ni oju opo Whatsapp ti ile igbimọ aṣofin ipinlẹ Ọyọ n lo.

Bakan naa ni wọn ya aworan atẹjiṣẹ ti wọn fi ranṣẹ si awọn ọmọ ile igbimọ aṣofin ipinlẹ Ọyọ lori ipade naa.

Ile igbimọ aṣofin ipinlẹ Ọyọ tun ṣe alaye siwaju sii wi pe Họnọrebu Shittu to n fi ẹsun kan yii kii saba kopa nibi awọn ipade ti ile igbimọ aṣofin naa ba pe pẹlu alaye wi pe ida ogun pere ni iwọn bi o ṣe n kopa nibi awọn ipade ile igbimọ aṣofin ipinlẹ Ọyọ.

Wọn ni iwọsi nla gbaa ni isansa to n ṣe lẹnu iṣẹ rẹ n ko ba awọn eeyan ilu Ṣaki ti o n ṣoju nile igbimọ aṣofin.
Alaye ti ile igbimọ aṣofin ipinlẹ Ọyọ ṣe ninu atẹjade ti wọn fi ranṣe ni pe biliọnu mọkandinlaadọjọ Naira(N149Bn) ni ijọba ipinlẹ Ọyọ fẹ fi san lara gbesẹ ti wọn jẹ ile ifowopamọ UBA(United Bank for Africa).

Biliọnu mọkanlelaadọjọ(N151Bn) to ṣẹku yoo jẹ lilo fun ipese awọn ohun elo amayedẹrun ati lati san owo iṣẹ fun awọn agbaṣẹṣe ti ijọba ipinlẹ Ọyọ gbe iṣẹ fun jakejado ipinlẹ Ọyọ.
Ninu oṣu kẹjọ ọdun 2021, ile igbimọ aṣofin buwọlu ẹyawo biliọnu mẹfa Naira(N6Bn) ti Gomina Makinde gba lati ṣe awọn akanṣe iṣẹ ilu.

Ninu oṣu Kẹwaa ọdun 2021 bakan naa, Makinde ya biliọnu mejidinlogun Naira mii.

Ile igbimọ aṣofin ipinlẹ Ọyọ tun buwọlu ẹyawo aadọjọ biliọnu Naira(N150Bn) fun Gomina Makinde ninu oṣu Kinni ọdun 2024.

Laarin ọdun 2025 taa wa yii, ile igbimọ aṣofin ipinlẹ Ọyọ ti buwọlu ẹyawo igba biliọnu Naira(N200Bn) ninu oṣu Kẹta, wọn tun fi ontẹ lu ẹyawo aadọfa biliọnu Naira(N110Bn) ninu oṣu Keje, ko to di pe wọn pe ipade pajawiri lati buwọlu ẹyawo ọọdunrun Billiọnu Naira(N300Bn) ninu oṣu kẹjọ ọdun taa wa yii.

Ìdí tí ìjọba tún ṣe fi kún owó pásípọ̀ọ́tì sí ₦100,000 àti ₦200,000

By
iroyinowuro
-

Ìdí tí ìjọba tún ṣe fi kún owó pásípọ̀ọ́tì sí ₦100,000 àti ₦200,000

Fẹ́mi Akínṣọlá

Ìjọba àpapọ̀ ti ṣe àfikún iye owó ìwé irinna Nàìjíríà lẹyin bíi ọdún kan ti wọ́n kọ́kọ́ fi owó lé ìwé ìrìnà ọ̀hún.

Ọjọbọ, ọjọ kọkandinlọgbọn, oṣu Kẹjọ, ọdun 2025 yii ni ajọ to n ri si wọle-wọde ni Naijiria, NIS, kede afinkun naa.

Awọn iwe irinna ti afikun yii kan ni iwe irinna ọlọdun marun un to ni oju awẹ mejilelọgbọn ati iwe irinna ọlọdun mẹwaa to ni oju awẹ mẹrinlelọgọta.
Afikun tuntun wọnyii lo n waye lẹyin ti Olubunmi Tunji-Ojo de ipo minisitita fun ọrọ abẹle.

Ti ẹ ko ba gbagbe, inu oṣu Kẹsan an, ọdun 2024 ni ijọba kọkọ ṣe afikun iye owo iwe irinna naa ti wọn si gbe owo eyii to jẹ ọdun marun lati N35,000 si 50,000, ti wọn tun gbe iye owo eyii to jẹ 70,000 si 100,000.
Ni bayii ijọba tun ti fi kun owo naa, to n tumọ si pe iwe irinna ọlọdun marun to jẹ N50,000 tẹlẹ yoo di N100,000 nigba ti iwe irinna ọlọdun mẹwaa to jẹ N100,000 bayii yoo di N200,000.

Amọ ṣa, afikun yii ko kan awọn to wa nilẹ okeere, awọn to wa ni Naijiria nikan lo kan.

Ki ni idi ti ijọba fi ṣafikun iye owo iwe irinna yii?

Agbẹnusọ ajọ NIS, ACI AS Akinlabi sọ pe afikun owo yii yoo bẹrẹ lati ọjọ Aje, ọjọ kinni, oṣu Kẹsan an, ọdun 2025 yii.

Gẹgẹ bii ohun to sọ, wọn ṣe afikun naa lati le tunbọ jẹ iki we irinna ọhun jẹ ojulowo ati eyii to ba igba mu.

O ni “Lọna lati ri daju pe iwe irinna Naijiria jẹ ojulowo o si ba igba mu, ajọ wọle-wọde Naijiria kede fikun owo iwe irinna.”

Ajọ NIS tun sọ pe afojusun awọn ni lati ri pe awọn sin araalu ni ọna to tọ ati ọna to yẹ, ati pe awọn araalu ri iwe irinna naa gba lasiko.

Ninu ifọrọwerọ kan pẹlu akọroyin, minisita fun ọrọ abẹle, Tunji Olubunmi-Ojo sọ pe afojusun oun ni lati ri pe awọn eeyan le maa forukọsilẹ lati gba iwe irinna naa lori ayelujara funra wọn.

O ni ohun kan ṣoṣo ti yoo maa gbe awọn eeyan lọ si ọọfisi ajọ naa ko ni lati ya aworan ara rẹ ati lati fi ika rẹ silẹ, awọn ohun to ku ni araalu yoo le ṣe funra wọn lori ayelujara.

Awọn to fẹ forukọsilẹ fun iwe irinna tuntun atawọn to ba fẹ ṣe atunṣe si orukọ wọn yoo le ṣe lori ayelujara lai kọkọ yọju si ọọfisi ajọ NIS.

Ṣaaju asiko yii, o maa n to ọpọ ọsẹ tabi oṣu ki eeyan to le ri iwe irinna rẹ gbọ amọ nnkan ko ri bẹẹ mọ bayii.

Wayi o, NIS ti ni aarin ọsẹ kan pere lawọn eeyan yoo ma ri iwe irinna wọn gba bayii lẹyin afikun owo yii.
Ẹwẹ, ọpọ ọmọ Naijiria lo ti koro oju si afikun owo iwe irinna yii, paapaa lasiko ti nnkan le koko niluu.

Ni kete ti iroyin afikun naa jade lawọn ọmọ Naijiria bẹrẹ si n sọ pe ijọba aninilara ni ijọba to wa lode latari pe kii ṣe irufẹ akoko yii lo yẹ ki ijọba maa fi kun owo iwe irinna.
Koda, awọn kan tilẹ sọ pe ijọba Aarẹ Bola Tinubu n mu aye nira faraalu, bẹẹ lo tun n m u ko nira fun araalu lati fi ilu silẹ.

Lara awọn alẹnulọrọ ilu to bu ẹnu atẹ lu afikun yii ni Peter Obi, oludije sipo Aarẹ to sọ pe niṣẹ ni ijọba to wa lode n mọọmọ di ẹru wuwo le araalu lori.

O ni ko yẹ ki iye owo iwe irinna le to 100,000 naira ambelete 200,000 naira ni orilẹede ti iye owo oṣu oṣiṣẹ to kere julọ ko to 100,000 naira.

Yatọ si Obi, ọpọ awọn ọmọ Naijiria mii lo ni ko yẹ ko ri bẹẹ, paapaa lasiko yii ti ọrọ aje ko ṣe deede ni Naijiria.

Bi o ṣe le gba iwe irinna Naijiria

Ikò̩ o̩ló̩pàá dóòlà è̩mí Peller kúrò ló̩wó̩ àwo̩n ajínigbé

By
iroyinowuro
-

Ikò̩ o̩ló̩pàá dóòlà è̩mí Peller kúrò ló̩wó̩ àwo̩n ajínigbé

Mary Fágbohùn

Gbajumo oniforan lori TikTok ni iko olopaa Naijiria ti ja gba leyin ti awon ajinigbe ko luu.

Iroyin jabo pe gbajumo oun ni awon sunmomi agbebon kan ti enikan ko mo ji gbe nigba to n se fonran bii ise re lori TikTok ni Ojoru.

Amo sa, ninu iroyin to Jade ni aaro Ojobo, ojugba Peller ati akegbe re, Sandra Benede ti so di mimo pe awon olopaa ti ri gba pada.

Sandra ninu fonran so pe won ti ri Peller ati pe o wa lodo oga olopaa.

“Won ti ri o. Oga olopaa ti rii. Won o so ekunrere alaye fun wa sugbon won ti ri,” o salaye bee.

Afeez Owo sàlàyé ipa tí ìkànnì ayélujára kó nínú ìpínyà òun àti ìyàwó rè̩

By
iroyinowuro
-

Afeez Owo sàlàyé ipa tí ìkànnì ayélujára kó nínú ìpínyà òun àti ìyàwó rè̩

Mary Fágbohùn

Gbajugbaja osere tiata Naijiria ati oludari ere, Afeez Owo, ti salaye idi ti oun ati iyawo re̩, osere tiata Mide Martins fi pinya.

Osere naa so eyi leyin bi odun mewaa ti iroyin nipa ipinya won ti lo jakejado lori ayelujara.

Lasiko to n fidi Iroyin naa mule ni Osu kerin odun 2016, Mide salaye ninu atejade kan lori ayelujara fi esun kan Afeez pe o ko jade ninu ile fun oun “ni bii osu meta leyin ti ede aiyede kan waye lori itoju awon omo wa”.

Amo sa, lasiko ti n soro nipa isele naa lori eto ‘Behind The Fame’, Afeez ni atejade Mide lori ayelujara lo mu oro naa di isu ata yananyanan.

Nigba to n salaye bo se ku die ki ikanni ayelujara ba igbeyawo awon je, osere naa so pe oun ba iyawo oun pari ija leyin to pada wa toro aforijin lowo oun.

“Iroyin nipa ipinya wa lo kaakiri. Ija naa si di akoko ati to gbeyin bii tokotaya. O le gidi sugbon O̩lo̩run ba wa pari re̩.

“Mi o ro pe mo se nnkan to dara nitori mo fi ibinu kuro nile leyin ariyanjiyan kekere.

“Amo, ero mi ni lati lo ojo meji ni ile itura ki n si pada sile, sugbon o fesun kan mi pe mo kuro nile, mo wa pinnu lati wa nibe fun opolopo ojo.

“O pada wa toro aforijin, a si pari ija. Ija to ye ka yanju laarin ara wa ni, sugbon ikanni ayelujara ba wa fe loju pupo sii,” ge̩ge̩ bi o se salaye.

E ranti pe Mide Martins ni akobi obinrin ti ologbe osere tiata, Funmi Martins to jade laye ni osu karun un o̩dun 2002 fi sile̩.

Leyin igba die ti Funmi Martins ku, Afeez Owo, alakoso re se igbeyawo pelu Mide Martins ni 2003.

 

 

Inú mi kò dùn báyìí rí láyé – Toke Makinwa

By
iroyinowuro
-

Inú mi kò dùn báyìí rí láyé – Toke Makinwa

Mary Fágbohùn

Gbajumo osere Toke Makinwa korin tuntun pelu bo se ki omo tuntun jojolo kaabo.

Laipe yi ni iroyin jade pe Toke Makinwa salabapin ayo pelu awon ololufe lori ayelujara ni bo se fi aworan oyun re lede.

O fi ona ara safihan pe omobinrin ni o n reti nipase fonran to ti n tu ebun jade ninu atejade kan lori Instagram re.

Osere naa fi iroyin ayo yi lede lori ikanni Instagram re ni Ojobo, ni bo se fi inu didun ati imoore han.

Makinwa ni iroyin jade pe o bimo si United Kingdom, to silekun abala tuntun ninu aye re.

Gbajumo ohun safihan oruko omobinrin re ni kikun bii Yakira Eliana Olakitan Iyanuoluwa Ikeoluwa Adunola, oruko to wu awon ololufe re lori bi itumo re se jinle to ninu asa ati emi.

“Mo di abiyamo, inu mi ko dun bi eyi ri. Omo mi to se iyebiye, ife ti mi o mo pe o wa. Okan mi ninu eda eniyan miran, ife mi,”
O fi oro ifori si.

Awon ololufe ati afenifere ti fi oro ikini ku oriire ranse si Makinwa lori ayelujara, won kan saara sii fun inu didun to safihan re bii abiyamo.

1...222324...134Page 23 of 134

EDITOR PICKS

POPULAR POSTS

POPULAR CATEGORY

© Iroyinowuro 2022