Iko̩ agbábó̩ò̩lù tó lòdì sófin UEFA

Yínká Àlàbí

Ò̩sán o̩jo̩ E̩ti oni o̩jo̩ ke̩rin, osu keje, o̩dun 2025 ni ajo̩ UEFA fun awo̩n iko̩ agbabo̩o̩lu kan ni owo itanran pe wo̩n lodi s’ofin ti wo̩n n pe ni FFP (Financial Fair Play).
Ofin yii ni ko ni je̩ ki iko̩ agbabo̩o̩lu kankan wo̩ gbese. Ko ni je̩ ki wo̩n na inakuna ti ko fi ni je̩ ki iko̩ agbabo̩o̩lu be̩e̩ ni o̩jo̩ iwaju.
Awo̩n ti wo̩n maa san owo itanran naa ni – Olympique Lyonnais, Chelsea, Aston Villa, FC Barcelona, ati FC Porto.
Owo itanran wo̩n si je̩-
Chelsea: £17M
Barcelona: £12M
Lyon: £10M
Aston Villa: £9M
Roma: £2.5M

Ó mà s̩e o! Liverpool àti Portugal pàdánù ako̩ni

Yínká Àlàbí

Ibanuje̩ wo̩le to̩ e̩gbe̩ agbabo̩o̩lu liverpool ati orileede Portugal ni idaji oni, nigba ti ijamba mo̩to se̩le̩ si Diogo Jota. Ogunna gbongbo ni Diogo je̩ ninu iko̩ agbabo̩o̩lu Liverpool be̩e̩ naa ni orileede Portugal ko le koyan re̩ ki wo̩n ma fewe boo to ba ti je̩ ibi boolu gbigba. Aimo̩ye ife e̩ye̩ lo wa lo̩wo̩ re̩ nibi to dara de. O ma s̩e o! Iku bo̩la je̩.
PFF (Portuguese Football Federation) lo fi iroyin naa lede laipe̩. Diogo ati aburo re̩ André Silva ni wo̩n jo̩ wa ninu mo̩to ayo̩ke̩le naa. Ijamba mo̩to naa waye ni Cernadilla, Zamora ni northwestern ti Spain, o si da e̩mi awo̩n mejeeji legbodo.
Diogo se igbeyawo pe̩lu Rute Cardoso ni o̩s̩e̩ meji seyin, bi o tile je pe won ti bimo meta funra wo̩n.
O̩mo̩ o̩dun mejidinlo̩gbo̩n (28 years) ni Diogo nigba ti Andre je̩ o̩mo̩ o̩dun me̩rindinlo̩gbo̩n (26 years). Iko̩ agbabo̩o̩lu Penafiel ti ipele keji ni orileede Portugal lo n gba bo̩o̩lu fun.
Gbogbo iko̩ agbabo̩o̩lu Liverpool ati Portugal ku ase̩nde.

Asẹ́wó kú s’ọ́wọ́ ènìyàn mẹ́ta l’Ondo

Yínká Àlàbí

Ọga ọlọpaa DSP Oluṣọla Ayanlade salaye yii ni ilu Akure ni ana ọjọ Aje pe ọwọ sinkun ofin ti tẹ awọn eniyan mẹta ni ile itura Brothel to wa ni agbegbe Cathedral ni Akure. Arakunrin kan lo gbe alasewo kan lọ si ile itura. Nigba to di ki ere bẹrẹ ni arabinrin naa ni ara oun ko ya daadaa ati wi pe oun ko ni le se isẹ naa mọ.
Wọn bẹrẹ ariyanjiyan gidi lori ọrọ yii ni eyi to mu ki wọn ko ara wọn jade sita ti manega ilu itura naa gbiyanju lati ba wọn pari rẹ. Arakunrin to gbee lọ si ile itura ni ko si ija ki alasewo naa ba oun mu ẹgbẹrun meedogun ti oun fun un f’owo isẹ, alasewo naa kọ jale pe oun ko ni ko owo naa silẹ.
Ibi ariwo naa ti ọkunrin to ni owo ti pe awọn eniyan rẹ pe obinrin kan fẹ yan oun jẹ. Bi awọn naa se da debẹ mu ki ẹru ba awọn to ni ile itura, wọn si sare pe agọ ọlọpaa. Ọwọ awọn ọlọpaa tẹ mẹta ninu awọn ọkunrin naa, wọn si sare gbe alasewo naa lọ si ile iwosan awọn ọlọpaa to wa ni Akure.
Ile iwosan naa ni wọn ti salaye fun awọn ọlọpaa pe obinrin naa ti jẹ ipe Ọlọrun ko to de ile iwosan. Wọn ti tẹ obinrin naa si aaye igboku si ni ile iwosan fun ayẹwo to daju.
Iwadii si n tẹ siwaju ni ko jẹ ki Ọga ọlọpaa Ayanlade darukọ awọn ti ọrọ naa kan.

Mi ò fìgbà kan fìyà jẹ Mohbad – Sam Larry

Mary Fágbohùn

Lodi si esun ti won fi kan Sam Larry nigba ti gbajugbaja olorin Naijiria n ni, Aloba Ilerioluwa Imole ti gbogbo eniyan mo si Mohbad jade laye pe o lowosi ohun ti o yori si iku olorin naa. Sam Larry ni ohun ko mo nnkankan nipa re.

Ninu ifọrọwerọ kan laipẹ pẹlu ajafitafita Verydarkman, Sam Larry sọrọ nipa fonran to lo kaakiri to safihan pe o dojukọ Mohbad ni eti okun kan.

Fidio naa fa ibinu pẹlu bi ọpọlọpọ awọn eeyan se gbagbọ pe o jẹ ẹri ikọlu.

Sam Larry sọ pe awon eeyan fun fonran naa ni itumọ oto ni, o ṣalaye pe oun sunmọ Mohbad lati beere pe ki o da owo ere kan to gba sugbon to ko lati wa pada.

“Fidio iseju aaya ni. Mo wa pẹlu ọmọ mi ni eti okun. Nigba ti mo ri Mohbad, mo lo sọdọ rẹ ati beere pe ki o fun mi ni owo ere to gba sugbon ti ko wa. Zlatan wa nibẹ o si yara wọle lati yanju rẹ. Ko si ikọlu kankan, mi o fiya je Mohbad ni gbogbo ojo aye re, “ni o so.

Sam Larry tun soro nipa ibi to wa lakoko iku Mohbad, o ni oun wa ni Dubai, nigba ti ẹlẹgbẹ rẹ Naira Marley wa ni Amsterdam.

Ọmọ méjì da èmi àti Sẹgun Ogungbe pọ̀ sùgbọ́n a kò f’ẹ́ra – Omowunmi Ajiboye

Mary Fágbohùn

Gbajugbaja oṣere tiata, Omowunmi Ajiboye, ti sọrọ sita lori ajọsepọ to wa laaarin oun ati akẹgbẹ rẹ, toun naa jẹ ilumọọka oṣere tiata, iyẹn Segun Ogungbe.

Ninu ifọrọwerọ kan to ṣe laipe yi, Ajiboye ni won ko ṣe igbeyawo tabi ni erongba lati fẹ ara won.

O ni Segun Ogungbe ko mọ awọn mọlẹbi oun yatọ si ọrẹ aburo oun kan to mọ ni ilu Eko.

Agba oṣere naa, to bi ọmọ meji fun Segun Ogungbe wa rawọ ẹbẹ si awọn ololufẹ rẹ pe ki wọn ṣe pẹlẹ pẹlu rẹ nitori ko ki n ṣe eeyan buruku.

Wunmi sọ ninu ifọrọwerọ naa to ṣe wí pe nigba ti oun wa ninu igbesi aye Segun Ogungbe, nnkan dara fun un, ti nnkan si tun dara fun nigba ti oun kuro ni ile rẹ.

“Ẹ jẹ ki n sọrọ yii, ko tan, emi ati Segun Ogungbe, a ko ṣe igbeyawo tabi ni erongba pe a o fẹ ara wa.

Ko mọ mọlẹbi mi, yatọ si ọrẹ aburo mi kan to n gbe ni Eko. Segun funrara rẹ le jeri si oro yi.

“Si awọn ololufẹ mi, mo n rawo ebe si yin pe ki e se pẹlẹ pẹlu mi.

Mi o ki n ṣe eniyan buruku, mi o si ba aye Segun Ogungbe jẹ.

“Nigba ti mo wa ninu aye rẹ, nnkan lọ daada fun, nigba ti mo kuro, ko yipada, nnkan si n lọ daadaa fun un.

“Ẹ jọwọ, ẹ jẹ ki n gbadun aye mi. Mo gba adura pe ile yin o ni bajẹ,” ni Wunmi sọ.

Ọdun 2023 ni ipinya waye laaarin Segun Ogungbe ati Wunmi Ajiboye lẹyin ti wọn bi ọmọ meji fun ara wọn tán.

Kò sí ọpọlọ nínú kíkó ohun àlùmọ́nì rẹpẹtẹ jọ – Made Kuti

Mary Fágbohùn

Olórin Afrobeats Made Kuti ti sọ pé òun mọyì ìrọ̀rùn ju kiko ọrọ̀ àlùmọ́nì jo nítorí pé bàbá òun gbajúgbajà olórin Femi Kuti se tọ́ òun dàgbà.

Nigba ti o n soro lakoko ifọrọwero lori eto Breakdown ti Pulse gbe kale, Kuti ṣe beere idi ti opolopo fi n ko ọkọ ayọkẹlẹ pupọ jo, o ṣapejuwe wọn bi awọn ohun-ini ti iwuyi re kii pẹ.

Ó ni oun gba láti máa gbé ní ìbámu pẹ̀lú àwọn ìlànà ara oun, nigba to mu itelorun ninu ara eni bi ohun pàtàkì ju kíkó àwọn ohun ìní pupo jo.

“Mo kan rii pe o jẹ ohun ti ko bojumu lati ni awọn ọkọ ayọkẹlẹ pupọ,” ni o so, o tẹnumọọ pe ifẹ ọrọ-aye kii ṣe pataki fun oun.

“Mo je iru eniyan ti o n ṣe ohun ti o fẹ. Nitori naa ọpọlọpọ awọn ohun ti mo feran ni … Boya baba mi ni oye pupọ pẹlu bi o ṣe to wa dagba. Ṣugbọn ero temi ni pe, mi o bikita nipa awọn ọrọ̀ àlùmọ́nì rara. Fun apẹẹrẹ, ọkọ ayọkẹlẹ meloo ni o nilo lati wakọ? Ko ye mi idi ti o fi nilo ọkọ ayọkẹlẹ meje, mejo. Wọn je awọn ohun-ini ti iwuyi re kii pẹ. Laipe jojo, won ko ni wuyi mo lawujo.

“Nitori naa, o jẹ ohun ajeji si mi, ṣugbọn awon eniyan miiran nifẹẹ sii”, ni o salaye.