Ìdí tí mo fi se ìfiló̩lè̩ èròjà atárase — Bisola Aiyeola
Mary Fágbohùn
Osere tiata, olorin ati atokun eto mohunmaworan, Bisola Aiyeola, ti se ifilole eroja atarase re ti o pe ni, Brown Girls Magic, ati ile itaja tuntun.
Nigba to fi eroja tuntun mereerin naa lede nibi ayeye ti olusakoso re, The Temple Company gbe kale, ni Lekki, Eko, laarin ose, Aiyeola so pe oun n wa lati da imuyangan pada si odo awon to ni awo naa (ti won ko dudu, ti won ko si pupa lopo).
O wi pe, “Awon eroja naa ni won se pelu ife, ti won si gbe jade ni South Korea. Won se e fun awon eniyan ti ko dudu ju ti won ko si pupo lopo to je Afrika ati awon ti kii se Afrika bakan naa. A pe e ni Brown Girls Magic (idan omobinrin ti ko pupa ti ko si dudu ju), nitori idan wa ninu gbogbo wa. Mo fe ki gbogbo wa tewo gba idan to wa ninu wa, ki a si mu awo ara wa yangan.”
Nigba to n seranti ohun ru ife to ni si okowo naa soke, o wi pe, “Ni 2018, o so si mi lokan pe a o ni awon eroja to n daabobo ara lowo oorun lopo. Mo mo pe a nilo lati wa nnkan ti yoo di alafo naa, ki a si mu ki eroja atarase wa larowoto gbogbo wa.”
Awon alejo nibi eto naa ni obinrin akoko ni ipinle Eko teleri, Abimbola Fashola; Oga Agba egbe ni ile ise The Temple Company, Idris Olorunnimbe; ati awon osere tiata bii— Sharon Ooja, Bimbo Ademoye, Adesua Etomi, Omowunmi Dada, Ini Dima-Okojie; ati awon ilumooka miran bii, Banky W ati Dorathy Bachor.
