Makinde fi òpópónà Akobo-Olorunda sọrí Gómìnà tẹ́lẹ̀ ní ìpínlẹ̀ Rivers, Nyesom Wike
Fẹ́mi Akínṣọlá
Gómìnà ìpínlẹ̀ Ọ̀yọ́, Seyi Makinde lọ́jọ́ Ẹtì sọrí òpópónà oní Ìbejì Akobo,Ojurin/Odogbo Barracks Olounda Abaa ní orúkọ Gómìnà tẹ́lẹ̀ ní ìpínlẹ̀ Rivers, Nysome Wike.
Gómìnà sọ eléyìí lásìkò tó ń se ìfilọ́lẹ̀ òpópónà náà nílùú Ìbàdàn.
Ojú ọ̀nà ní ìgbàgbọ́ wà pé yóó parí láàrin oṣù méjìlá, tí yóó sì ná ìjọba ní bílíọ̀nù mẹ́sàn àti díẹ̀ ní owó náírà.
Makinde ní ìdá ọgbọ̀n nínú owó ojú ọ̀nà náà ni ìjọba ti san fún agbasẹ́se náà láti lè jára mọ́ iṣẹ́.
Ó tún wá fi dá àwọn ọmọ ìpínlẹ̀ Ọ̀yọ́ lójú pé ìjọba òun kò ní dẹ́kun síse iṣẹ́ ìdàgbàsókè tí yóó se ọ̀pọ̀lọpọ̀ ànfàní fún ìpínlẹ̀ ọ̀hún.
