Èmi àti Murphy sọ̀rọ̀ ni àgó mẹ́san àbọ̀ saájú ikú rẹ – Golugo

Èmi àti Murphy sọ̀rọ̀ ni àgó mẹ́san àbọ̀ saájú ikú rẹ – Golugo

Ọrẹ Òtítọ́jù

Ohun tó pamọ́ ojú adẹ́dàá tó o. Ọ̀rọ̀ òkèèrè sì nìyí, bí kò bá lé, yóó dìín .” Irọ́ ni ìròyìn kan tó ń jà kiri pé àwọn aláwo ti gé orí àti etí Murphy Afolabi lẹ́yìn tó jáde láyé.”

Gbajúgbajà òṣèré tíátà, Adekola Tijani tí ọ̀pọ̀ mọ̀ sí Golugo ti sọ̀rọ̀ nípa bí ìrìnàjò gbajúgbajà òṣèré tíátà tó di olóògbé, Murphy Afolabi se wá sópin lọ́jọ́ Àìkú ọ̀sẹ̀ yìí nílùú Èkó.

Golugo, lasiko to n ba sọ̀rọ̀ níbi ètò ìsìnkú olóògbé ọ̀hún tó wáyé ni Adamọ nílùú Ikorodu ní ohun ìyàlẹ́nu ló jẹ́ fún òun nítorí òun pẹ̀lú Murphy sọ̀rọ̀ ọgbọ̀n ìsẹ́jú sẹ́yìn kí òun tó gbọ́ ìròyìn pé ó subú.

“Èmi àti Murphy sọ̀rọ̀ ni ago mẹ́sàn àbọ̀, ó ṣubú ní ago mẹ́wàá ni wọ́n pè mí pe o ṣubu”.

“Mo ni ki lo sẹlẹ, wọn ni ki n ṣaaa maa bọ, bi mo ṣe de ibẹ, mo ni ki a gbe e sinu ọkọ ka maa lọ ile iwosan ṣugbọn Murphy ti dakẹ ki a to de ile wosan

“Ko si nnkan ti a le ba Ọlọrun fa nitori a ko gbọn ko Ọlọrun, ọdọ Ọlọrun ni a ti wa, ọdọ rẹ naa ni a maa pada si. Gbogbo nnkan Murphy lo ti di ohun igbagbe.

“Ọmọ kekere ni Murphy, a jọ bẹrẹ ni, emi ni mo baa ya sinima rẹ akọkọ, nnkan da emi ati Murphy papọ gan”.
Pẹlu omije loju ni Osere tiata, Nofisat Olayiwola ti ọpọ mọ si Ọmọ Ẹja fiṣalaye ibaṣepọ rẹ pẹlu Oloogbe Murphy Afolabi nibi eto isinku rẹ.

Nofisat ni igba ti oun fẹ ṣe sinima rẹ akọkọ, oun ko ni owo kankan lọwọ ṣugbọn oloogbe ni ki oun lọ mu iyekiye ti oun ba ni wa lati fi se sinima to di ilumọọka naa.

“Murphy ni kí ń lọ mú iyekiye wa, ó dẹ ya sinimá ọhún, apá kìíní àti ìkejì nílùú Osogbo.

“Mi o le gbagbe Murphy laye, mi o ni ile niluu Eko, Murphy lo tẹwọgba gba mi sile rẹ fun ọdun marun un”.

Ọ̀pọ̀ àwọn òṣeré tíátà ni wọ́n ya wọ iléègbé olóògbé nílùú Ikorodu láti ṣe ádùrá ìkẹyìn fún un

LEAVE A REPLY

Please enter your comment!
Please enter your name here