Khadi, gbajúmọ̀ oníṣòwò ayélujára kú sílé ìtura n‘Íbàdàn
Fẹ́mi Akínṣọlá
Àwọn àgbà ní ọjọ́ tí ẹ̀dá yóó bà á rin àrìnsọnù, gá gá lara á yáwọn.
Arábìnrin Ọlayinka Adesina, tó jẹ́ ilumọọka aláṣọ lórí ayélujára tí wọ́n tún mọ̀ sí Khadi, ni wọ́n bá òkú rẹ̀ nínú ilé ìtura kan ní agbègbè Akobo, ní ìlú Ìbàdàn, ní ìpínlẹ̀ Ọ̀yọ́.
Ọlayinka, tí ó gbajúgbajà fún àwọn aṣọ aláràǹbarà tó má a ń rán àti báàgì tó má ń tà lórí ẹrọ ayélujára, ni wọ́n ní ó sọ fún ọrẹ rẹ̀ kan pé òun fẹ́ lọ pàdé ẹnìkan ní ilé ìtura kan ní alẹ́ Ọjọ́rú.
Ọkùnrin náà ló jí kúrò ní ilé ìtura náà ní ọjọ́ kejì àmọ́ tí wọ́n sì pé yàrá tí Khadi wà, tó sì sọ fún òṣìṣẹ́ ilé ìtura náà pé àlàáfíà ni òun wà, kí wọ́n tó gbà kí ọkùnrin náà máa lọ.
Àmọ́, òkú Khadi ni wọ́n bá lẹ́yìn ọ̀pọ̀ wákàtí tó ti yẹ kó jáde, tí wọn kò sì gbúròó rẹ̀ tàbí kó gbé ìpè rẹ̀.
