NDLEA mú Daddy G.O ní ṣọ́ọ̀ṣi Eko, wọ́n ló gbé òògùn olóró wọ Nàìjíríà

Fẹ́mi Akínṣọlá

Ọlọ́run nìkan ló mọ ẹni tó ń ṣe ti Ẹ̀ lọ̀rọ̀ dà báyìí ní bí àjọ tó ń gbógun ti gbígbé oògùn olóró lórílẹ̀-èdè yìí, ”National Drug Law Enforcement Agency” (NDLEA) ti nawọ́ gan olórí ìjọ kan nílùú Èkó, Pasitọ Adefolusho Olasele, fún ẹ̀sùn gbígbé oògùn olóró láti Ghana wọ Nàìjíríà.

”The Turn of Mercy Church” ni wọn pe orukọ ṣọọṣi ti Pasitọ Adefolusho Olasele jẹ oludasilẹ rẹ naa.

Femi Babafemi, Agbẹnusọ NDLEA, lo kede eyi ninu atẹjade to fi sita lọjọ Aiku, ọjọ kẹwaa, oṣu Kẹjọ ọdun 2025.

Atẹjade naa ṣalaye, pe Pasitọ Olasele tawọn eeyan tun mọ si Abbas Ajakaiye, ti ko oogun to lodi sofin wọ Naijiria lati Ghana lọpọ igba.

O fi kun un pe o ti to bii oṣu meloo kan ti Oludasilẹ ijọ tọwọ ṣẹṣẹ ba yii ti n sa kiri kọwọ ofin ma ba a tẹ ẹ.

Ọjọ kẹta, oṣu Kẹjọ ọdun 2025 ni wọn pada mu un ni ṣọọṣi rẹ to wa ni Okun Ajah, lagbegbe Lekki, ipinlẹ Eko.
Nigba to n ṣalaye kikun nipa oogun oloro ti Pasitọ Adefolusho Olasele, n ko wọle ati bi ọwọ ṣe pada tẹ ẹ, Agbẹnusọ NDLEA, Babafemi, sọ pe:
” Lẹyin ọpọ oṣu to ti n sa lọ silẹ okeere kọwọ ma ba a tẹ, Oludasilẹ ijọ The Turn of Mercy Church, Prophet Adefolusho Aanu Olasele (alias Abbas Ajakaiye) ti bọ sọwọ ofin fun kiko oogun oloro to lodi sofin wọ Naijiria.

” Ni ṣọọṣi rẹ to wa ni Okun Ajah, Ojuna Ogombo, Lekki, nipinlẹ Eko ni a ti mu un lọjọ kẹta oṣu Kẹjọ, 2025.

” Awọn oṣiṣẹ ajọ NDLEA to ti n duro de e lati aarọ pe ko pari isin ọjọ naa kawọn le mu un ni wọn pada mu Adefolusho nirolẹ, bo ṣe n jade lati inu ọgba ile ijọsin rẹ.

“Eemeji lo ti sa lọ si Ghana, lati oṣu Kẹfa ti awọn ọtẹlẹmuyẹ ti n ṣọ ọ, lẹyin ti wọn gba oogun oloro Loud ìṣí meji ti wọn lo ko de lati Ghana.

“Bakan naa ni a tun ri i pe o lọwọ si omiran ti a mọ si cannabis.

” Ọjọ kẹrin, oṣu Kẹfa ọdun 2025 ni a kọkọ gba oogun oloro ti iwọn rẹ to igba kilo (200kg) lọwọ rẹ ni Okun Ajah, nigba ti ọkọ to gbe iwọn ẹẹdẹgbẹrin (700kg) egbogi kan naa tun ha lọjọ kẹfa, oṣu Keje 2025.”

Atẹjade NDLEA sọ pe Pasitọ Adefolusho jẹwọ pe oun n ko egbogi oloro wọ Naijiria lati Ghana, ati pe ori omi ni ọkọ to n gbe e wa maa n gba.

Wọn lo tun jẹwọ pe oun ti sa kuro ni Naijiria lọ si Ghana, lẹyin ti oun bọ mọ ajọ yii lọwọ lẹẹmeji.

Hèèmọ̀! Déọ̀rẹ́bà ẹni ọgọ́taọdúndíkan yà pa èèyàn méjì,nílùú Ìbàdàn

Fẹ́mi Akínṣọlá

Àwọn àgbà sọ pé ẹni orí bá kó yọ nìkan ló bọ́ nínú ewu èyí ló bí ìṣẹ̀lẹ̀ abámì kan tó rán èèyàn méjì s’ọ́run,nígbà tí ẹnìkan farapa yánayàna.

Ìṣẹ̀lẹ̀ yìí ló wáyé ní ojú-ọ̀nà Ọ̀jọ́ọ̀- sí Iwo Road nílùú Ìbàdàn.
Ìṣẹ̀lẹ̀ àgbọ́gbárímú yìí ló ṣẹlẹ̀ lọ́jọ́rú ní nnkan bí aago méjìlá ọ̀sán, léyìí tó ya ọ̀pọ̀ àwọn èèyàn tó wà lágbègbè ọ̀hún lẹ́nu.
Àwọn èèyàn tó kú ọ̀hún ni ọjọ́ orí wọn wà láàrin ọdún méjìlélógún sí ọdún mẹ́tàdínlọ́gbọ̀n lá gbọ́n pé wọ́n n rìn lọ níbi tí awakọ̀ náà ti kọ lù wọ́n.
Àwọn kan tí ìṣẹ̀lẹ̀ náà ṣojú wọn sọ pé, wíwakọ̀ nílànà àìbìkítà ló mú kí ìṣẹ̀lẹ̀ náà la ẹ̀mí lọ.
Ojú ẹsẹ̀ tí ìṣẹ̀lẹ̀ náà
ti détí ilé-iṣẹ́ ọlọ́pàá ni wọ́n ti tawọ́ gán dẹ́rẹ́bà tó pààyàn méjì ọ̀hún.
Ìròyìn òwúrọ̀ gbọ́ pé ẹnìkẹta tó farapa ti n gba ìwòsàn lọ́wọ́ nílé ìwòsàn kan tí wọn ò dáákọ.

Ìṣẹ̀lẹ̀ náà tó n ṣe
ọ̀pọ̀ àwọn tó ṣojú wọn ní
bàì bàì ni wọ́n ti n pè fún ìdájọ́ òdodo kò lè jẹ́ ẹ̀kọ́ fún gbogbo ẹni bá n wakọ̀ àìbìkítà lójú pópó.

Alukoro fún ilééṣẹ́ ọlọ́pàá ìpínlẹ̀ Ọ̀yọ́ Adewale Osifeso ti fìdí ìṣẹ̀lẹ̀ náà múlẹ̀ tó sì fi dá aráàlú lójú pé ilé-iṣẹ́ ọlọ́pàá ìpínlẹ̀ Ọ̀yọ́ kò ní dọwọ́ bo ọ̀rọ̀ náà, àti pé etí wọn kò ní di sí bó bá ṣe n lọ.

Láàrín ìjọba ìpínlẹ̀ Ogun àti Gbenga Daniel ariwo ńlá sọ

Fẹ́mi Akínṣọlá

Ṣé àwọn àgbà sọ pé ẹni à n nà kan kìí dákẹ́ bí bẹ́ ẹ̀ kọ́ tara rẹ̀ yóó bá dákẹ́ ní ọ̀rọ̀ gómìnà tẹ́lẹ̀ tó tún jẹ sẹnetọ tó ń sojú ẹkù ìdìbò ìlà oòrùn ìpínlè ọhun rí bí Ìjọba ìpínlẹ̀ Ògùn ń ké sí I pé ohun tí òfin sọ nípa àwọn dúkìá rẹ tí wọ́n fẹ wó ni kó tẹ̀lé dípò kó máa wá ojú àánú kiri.

Kayode Akinmade, to jẹ agbẹnusọ gomina Dapo Abiodun lo sọ bẹẹ nigba to n sọrọ lori ile Daniel to wa ni Asọludẹrọ ati ile itura rẹ, Conference Hotel ti wọn fẹ dawo.

Ṣaaju ni gomina tẹlẹ ri naa, Gbenga Daniel, ti kọkọ ke gbajare lori awọn dukia ọhun ti ijọba to wa lode fẹ wo labẹ aṣia aato ipinlẹ naa ti wọn kọ lọdun 2022.

Daniel sọ pe gbogbo ohun to yẹ ki oun ṣe lọdọ ijọba loun ṣe ki oun to kọ awọn dukia naa ati pe ko si eyikeyi ninu rẹ ti oun kọ lai kọkọ gba aṣẹ ijọba.

O sọ siwaju si pe igbesẹ ijọba lati wo ile oun to wa ni Ṣagamu ati ile itura Conference Hotel lọwọ oṣelu ninu.

Amọ nigba to n sọrọ, Akinmade sọ pe gbogbo awọn to kọ ile si agbegbe ti Daniel kọ tirẹ si ni wọn fun ni iwe, ṣugbọn kaka ki gomina tẹlẹ ọhun mu iwe iforukọsilẹ ile rẹ lọ si ọọfisi ti wọn yoo ti ṣayẹwo rẹ, nṣe lo n ba orukọ ijọba jẹ.

O ni “ijọba ipinlẹ Ogun ko gbogun ti Gbenga Daniel rara.

“Ohun to ṣẹlẹ ni pe, ninu igbiyanju rẹ lati mu itẹsiwaju ba ipinlẹ Ogun, Gomina Dapo Abiodun ti bẹrẹ si n kọ awọn ile igbalode, bẹẹ lo n ṣatunsẹ sawọn ilu kekeke atawọn agbegbe nla.

“Agbegbe Ibara GRA lo ti bẹrẹ iṣẹ naa niluu Abeokuta, iṣẹ ọhun yoo si tun de Sagamu atawọn GRA to wa ni Ijebu-Ode.

“Iṣẹ ọhun pe fun ki a ṣe ayẹwo awọn ile to wa lawọn agbegbe yii ki a le mọ boya wọn gba asẹ ijọba, ọrọ naa kan awọn ile gbigbe, ile ẹkọ, ile iwosan atawọn ile itaja.”

Akinmade sọ siwaju si pe “inu Sagamu GRA ni ile Otunba Gbenga Daniel wa, yatọ si ile rẹ, ijọba tun fun awọn onilẹ mii lagbegbe naa ni iwe.”

Akinmade pari ọrọ rẹ pe ohun kan to ku fun Daniel lati ṣe ni lati mu iwe iforukọsilẹ ile rẹ lọ si ọọfisi ijọba to n bojuto ọrọ naa lati yanju ọrọ to n run nilẹ.

O sọ pe igbesẹ awọn ko lọwọ oṣelu ninu bo tilẹ jẹ pe Daniel gbagbọ pe wọn mọọmọ n gbogun ti oun nitori oṣelu ni.

Tinubu, Oyetola kò yan adíje dupò ọmọ oyè kan ní pọ̀sìn— Ọ̀gá àgbà àjọ NIWA

Fẹ́mi Akínṣọlá

Nígbaradì fún ìbò abẹ́nú ní ìpínlẹ̀Osun ,Ọ̀gá Àgbà fún ètò tó nííṣé àkóṣo erékùsù (NIWA), Asiwaju Bola Oyebamiji, ti tako àhesọ kan pé Ààrẹ Bola Tinubu àti Mínísítà fún ìfòkun dohun àmúṣọrọ̀, Adegboyega Oyetola, ti yan ẹnìkan pàtó fún ìdìbò ọdún 2026 .
Ọ̀rọ̀ yìí ló ṣàlàyé lásíkò ìfarakínra pẹ̀lú àwọn èèyàn lfedayọ níjọba ìbílẹ̀ odò ọ̀tìn.
Oyebamiji sọ pé irọ́ gbuu ni ìròyìn ẹlẹ́jẹ̀ ọ̀hún kí àwọn èèyàn má ṣe kọbi ara sí i.
Ó ní Ààrẹ̀ Bọla Tinubu kò fi ìgbà kankan sọ bẹ̀ẹ́ .Ó ní èyí tí àwọn n ṣe báyìí ni kí àwọn èèyàn lè túbọ̀ mọ àwọn lórí èrònà àwọn ní ìpalẹmọ́ fún ìbò gómìnà lọ́dún 2026.
Ó ní inú òhun dùn fún bí àwọn èèyàn ṣe tú jáde láti wá pẹ̀lú ìgbàgbọ́ tí
wọ́n ní tí wọ́n fi tẹ́tí balẹ̀ gbọ́ òhun.
Abiodun Idowu, Alága fún àwọn ìjọba ìbílẹ̀ lórílẹ̀ èdè yìí tó n jà fún ìdápadà àwọn alàga ìbílẹ̀ fìdí rẹ̀ múlẹ̀ pé Oyebamiji ,nìgbà tí Kọmísánà ètò ìròyìn tẹ́lè ní ìpílẹ̀ ọ̀hún Arabìnrin Funke Egbemode sọ pé àwọn èèyàn ìjọba ìbílẹ̀ Odò-Òtìn ti dúró tán láti tẹ̀lé Oyebamiji pẹ̀lú èròngbà rẹ̀ díje dúpò gẹ́gẹ́ bí gómìnà ní ìpínlẹ̀ Ọṣun lọ́dún 2026.

Atiku Abubakar dáwọ́kọ́ lórí èró àti gba káàdì di èèkàn lẹ́gbẹ́ ADC

Fẹ́mi Akínṣọlá

Awọn àgbà bọ̀,wọ́n ní èrò ni ọbẹ̀ ẹ gbẹ̀gìrì.
Igbákejì Ààrẹ àná tẹ́lẹ̀ Atiku Abubakar, ti dáwọ́kọ́ gbígba káàdì African Democratic
Congress (ADC). Ìpinnu yìí wáyé látàrí bí àwọn kan ṣe n gbé yípo ẹnu pé Ààrẹ nígbà kan rí Goodluck Jonathan lè darapọ̀ mọ́ ìdíje Ààrẹ ọdún 2027, lábẹ́ òṣèlú tó kórajọ d’ọ̀kan ADC.

Atiku, tó ṣẹ́ṣé káàsa rẹ̀
kúrò nínú òṣèlú Peoples Democratic Party (PDP) nípa ìṣòro abẹ́nu, ti ṣètò gbogbo láti ríi dájú pé ó darapọ̀ wọnú ẹgbẹ́ òṣèlú ADC.
Gbagbaduu àti gba káàdì yìí ni àwọn alákòóso ẹ̀gbẹ́ ṣètò láti ṣe ní ilé rẹ̀ ní Jada,ní ìpínlẹ̀ Adamawa.

Ní báyìí ,ayẹyẹ ìdarapọ̀ ọ̀hún tí wọ́n ṣètò rẹ̀ fún ọjọ́ kẹfà oṣù kẹjọ ni wọ́n ti so rọ̀ di ọjọ́ mìíràn títí láé.
Alága ẹgbẹ́ ADC ní ìpínlẹ̀ Adamawa, Sheu Yohana,sọ pé òhun tí bá

Àwọn alákóso ADC ti sọ pé ìjíròrò pẹ̀lú Jonathan nípa ìṣèjọba Ààrẹ ti ń lọ ní kíkankíkan.

Alákóso ADC ní Adamawa, Shehu Yohana, sọ pé ó bá Atiku sọrọ, tó sọ pé ó ti yí ìṣẹ̀lẹ̀ náà sí àárín August, bíótilẹ̀ jẹ́ pé kò tíí sí pàtó ọjọ́ . Yohana sọ pé kò dájú pé ìṣẹ̀lẹ̀ náà lè wáyé títí di oṣù kẹsàán ọdún 2025, gẹ́gẹ́ bí Atiku ṣe ń dúró de àwọn gómìnà APC kan láti darapọ̀ mọ́ ADC.

Ìròyìn mìíràn sọ pé ìbẹ̀rùbojo Atiku, Peter Obi, àti ADC ti pọ̀ sí i, pẹ̀lú àníyàn pé ìṣèlú Obi ti nípa lórí ADC ní Gúúsù, tó lè fa ìṣòro lórí ìrètí Atiku. Alága gbogbogboò légbẹ́ òṣèlú ADC sọ pé bí nnkan ṣe n lọ báyìí, ìgbésẹ̀ náà lè mú kí Atiku padà sí ẹgbẹ́ òṣèlú Social Democratic Party.

Pastor Adeboye ríran rí ọjú ikú rẹ̀ pé Sunday ni

Yínká Àlàbí

Nipa ipagọ ẹẹkan lọdun to pari ni ọjọ Satide, ọjọ kẹsan an osu kẹjẹ, ọdun 2025 yii ni oludasile ile ijọsin RCCG (Redeemed Christian Church of God) ti n salaye yii fun awọn ijọ.
Baba Adeboye ni oun maa pada sọdọ Ọlọrun lai mariwo tabi aisan dani. “Maa ku ni ọjọ isinmi lẹyin ti mo ba ti sọọsi de, ti mo si jẹ iyan to jẹ ounjẹ ti mo fẹran ju tan, ko ni si irora tabi inira kankan”.
G.O pe gbogbo awọn onigbagbo ododo nija lati fi adura gba ẹtọ wọn lọwọ Ọlọrun. O ni ki wọn ma gbagbe Israelites ti wọn ja fitafita ki wọn to de ilẹ ileri. “Ni ọpọ igba, wa a ja pẹlu adura kikan-kikan lati gba iwosan, ilọsiwaju, ọmọ bibi ati ẹmi gigun”.
Baba ni Jesu Kirisiti  (John 10:10) jẹ ko ye wa pe, a ni lati kọ aisan pẹlu igbagbọ gidi. O ni Ọmọ Ọlọrun si ti se gbogbo isẹ silẹ fun wa, pẹlu idi eyi, a ko gbọdọ saisan bẹẹ ni a ko gbọdọ talaka bi ekute sọọsi nitori pe a ni Ọlọrun.
“Onigbagbọ gidi kankan ko gbọdọ kaarẹ nibi adura pẹlu apẹẹrẹ Rachel ati Hannah inu Bibeli ti Ọlọrun pada da lohun pẹlu aisinmi adura ati igbagbọ ninu Ọlọrun”.
Oludasilẹ ijọ yii ni ki a ma se gbagbe pe Esu gọ sibikan lati le jẹ ki ọkan wa saarẹ, sugbọn a ko gbọdọ gba fun un. Baba fi apẹẹrẹ Jacob bi ko se gba fun Angẹli kan ninu iwe mimọ (Genesisi 32). O ni iku, aisan, osi, isẹ, airọmọbi ati adanu kii se ti ọmọ Ọlọrun.

Àsírí tú! Àṣé àwọn ọmọ Igbo ló run ilẹ̀ Igbo kìí se Fulani – Soludo

Yínká Àlàbí

Gomina ipinlẹ Anambra, alagba Charse Soludo to tun je gomina ile Banki gbogbogbo (CBN) tẹlẹ ni orileede yi ti sọrọ soke. O ni, o to gẹẹ, awọn ni lati pariwo ara awọn sita. O ni pẹlu iwadii ati awọn ti ọwọ awọn agbofinro ti tẹ.
“Ida ọgọrun un din boya ẹyọkan (99.9%) ọmọ Igbo lo n ji ọmọ Igbo ẹgbẹ rẹ gbe. Aṣe awọn lo wa ninu igo to n je jin-in. Afi ki Ọlọrun dari ji wa pẹlu ariwo Fulani darandaran ti awọn n pa lojoojumọ”.
“O ma se o! awọn ọmọ iya mi ni wọn ri jiji eniyan gbe bii isẹ sise to lo lowo lori ju, eyi buru jọjọ lati maa wa owo ni ọna epe. Loootọ lo dara ki gbogbo aye mọ ọmọ Igbo bii akinkanju sugbọn kii se bii ti ole, ajinigbe ati ipaniyan to gbode kan”.
Soludo ni bi wọn n sọrọ nipa awọn to n gbe egbo igi oloro tabi Yahoo Yahoo, awọn ọmọ Igbo naa ni awọn n ba nibẹ, o ni eyi doju tini lọpọ. Ipade Anambra town hall ni Amerika ni gomina ipinlẹ naa ti ba awọn ọmọ Igbo to wa nibẹ sọ ootọ ọrọ. O ni gbogbo agbara ti awọn naa ba ni ni ki wọn sa lati ba awọn ọmọ iya awọn sọ ootọ ọrọ.
“Awon kan naa lo n lọ gbe ounjẹ fun awọn onisẹ ibi yii ninu igbo, awọn kan lo n fun wọn lomi mu , bẹẹ si ni awọn kan n ta wọn lolobo iye ti awọn olowo aarin awọn ni ati ibi ti wọn n rin si lati le ri wọn ji gbe”.
Ariwo yii gan an ti de ori ẹrọ ayelujara pe ki gbogbo awọn oniroyin ati ijọba apapọ ba awọn ipinlẹ Anambra ati Imo pẹlu awọn ipinlẹ to ku kede fun gbogbo aye pe, awọn ilu nla kọọkan ti dahoro nipasẹ awọn ọmọ Igbo to n ji ni gbe. Wọn ni awọn ilu nla bii Orlu, Ihiala, Isseke pẹlu gbajugbaja ọja ibẹ lo ti dahoro, ko si ẹyẹ ni awọn ilu naa mọ.
Gbogbo nnkan ni awọn to se fidio naa fi bura ti o ba jẹ irọ ni awọn n pa. Wọn nilo iranlọwọ ijọba apapọ lati ran awọn lọwọ pẹlu awọn agbofinro to gbona janjan.