Rema fún ilé-ìjó̩sìn Christ Embassy ní milionu márùnléló̩gó̩rùn ún

Mary Fágbohùn

Olorin Naijiria, Irawo agbaye, Divine Ikubor, ti a mo si Rema, ti fun ile ijosin Christ Embassy ni milionu marunlelogorun un ni ilu Benin, ipinle Edo.

Iroyin jade pe olorin ti a bi ni Edo wa ni ipinle naa fun ajoyo Edo ni eni odun metalelogbon (Edo@33) ti o si korin ni gbongan ti o gba egberun mefa eniyan ni Edo Dome ati ere orin ni papa isere Samuel Ogbemudia ti ijoba ipinle naa pe e si.

Rema, eni to fun olu iya ile ijosin ni Edo, eyi to wa ni adugbo Erediauwa, ni iyana Ekenwa, ni owo so pe o je imoore fun atileyin ti ile ijosin naa se fun ebi oun nigba ti nnkan ko rogbo fun won.

Olorin agbaye naa, eni to se idupe ni ile ijosin naa, seranti ipa ti ile ijosin naa ko ninu ebi oun leyin ti oun padanu baba oun nigba ti oun wa ni omo odun mejo .

Gege bi o se so: “Mi o si nibi lati gboriyin fun tabi fi ogo fun ara mi sugbon lati fi ogo fun Olorun.

“Mo roo pe o se pataki lati pada wa si ile ijosin to gba mi mora, ti won gbadura fun mi, ti won si je ki n wa ni idurosinsin ninu emi.

“Nigba ti mo wa ni omo odun mejo, ti mo padanu baba mi, a sonu, a si dabi eni ikosile.

“Won gba gbogbo nnkan ti a ni, mo ranti igba naa, Olusoaguntan Joy ati Olusoaguntan Thomas, awon Olusoaguntan ile ijosin yii; won si ile itaja fun iya mi, ibe ni won ti rowo ti won fi toju wa.”

“Lakoko, Mo fe jeje milionu lona ogoji naira fun idagbasoke ile ijosin, milionu lona ogun naira fun atejade iwe Rhapsody of Realities ati nitori pe mo wa lati eka awon ipeere ninu ile ijosin yii, mo fe jeje milionu lona ogun o le marun un naira.

“Lati fi kun eyi, ti o ba ni opo ti o wa ninu ile ijosin lonii, mo n jeje milionu lona ogun naira lati ran awon opo ti o wa nibi lonii lowo,” ni o fi kun un.

Mi ò fo̩ aso̩ rí láyé mi – Seun Kuti

Olorin takasufe Seun Kuti ti so pe baba re to ti di oloogbe, olupinlese orin takasufe, Fela Anikulapo-Kuti, fun ni itoju ti o yato laarin awon ibatan re.

Nigba to n soro lori eto Zero Conditions, Kuti seranti bi won se kee ni omode.

O wi pe, oun je aayo baba oun, o tenumoo pe baba oun je baba daradara si oun, koda bi awon ibatan oun miran ba so pe “baba buruku ni.”

Olorin naa gboya pe nitori ike ni oun ni lati omode, oun ko fo aso ri laye oun.

“Mo je tete baba. Fela Kuti ni aayo mi ni agbaye. Ti e ba beere lowo awon arakunrin mi, won le so pe baba buruku ni sugbon si emi, baba daadaa ni,” gege bi o se salaye.

“E o mo bi won se bami je to nigba ti mo n dagba. Di akoko yi, mi o fo aso ri laye mi. Mi o mo bi won se n fo ohunkohun. Mi o fi yangan.”

O tun safihan pe oun darapo mo egbe orin baba oun, Egypt 80, ni omo odun mejo.

“Mo ti wa pelu egbe orin Fela, Egypt 80 lati igba ti mo ti wa ni omo odun mejo. Nitori naa, nigba ti Fela ku, awon ebi mi ni ki n tesiwaju pelu egbe orin naa, ki n si di owo ti mo ba ri nibe mu.”

Blackface pè fún ìpàdé Plantashun Boiz

Mary Fágbohùn

Olorin, Augustine Amedu Obiabo, ti a mo si Blackface, ti pe fun atunjopade Plantashun Boiz, egbe orin kan eyi ti 2Face, Faze ati oun funra re wa.

Olorin ‘Hard Life’ naa lo si ori Instagram re laipe yi lati pe awon omo egbe orin re teleri fun ipade.

O toka sii pe agbara wa ninu isokan.

Blackface ro awon afenifere lati ba oun parowa si 2Baba ati Faze ki won dahun ipe isokan re.

O ko o pe: “Plantashun Boiz, ibeere naa ni pe se ki o wa bee tabi ki o ma wa bee, ati pe kin ni idi? @fazealone @official2baba.

“Eyin eniyan mi, o ya, e ba mi da si oro yi! A wa lori ise fun alaafia agbaye, kii se nnkan kekere!

“Isokan ni okun kii se iyapa. E je ki a lo eyin asegun.”

Plantashun Boiz pinya ni 2004 nigba ti won gbe awo orin ‘Sold Out’ jade.

Ni 2007, egbe naa se atunjopade fun awo orin won keta ati eyi to gbeyin ‘Plan B’, saaju ki won tun to pinya.

Mo nífè̩é̩ Kanye West’ – Tems gba

Olorin Temilade Openiyi, ti a mo si Tems, ti safihan ife ti o ni si alawuyewuye orin kiakia Amerika, Kanye West.

Nigba to n soro lori eto ‘Shopping The Sneakers’ laipe yi, olorin ‘Mr Rebel’ naa so pe oun nifee Kanye West, o ni oun maa n ba soro leekookan.

Tems tun soro lori ibasepo re pelu irawo olorin R&B Amerika, Brent Faiyaz.
“Brent Faiyaz je ore mi daradara. Mo ti moo lati 2021. O je eniyan gidi. O maa n satileyin fun ni. Mo ni awon olorin ti mo sunmo, o si je okan ninu won,” gege bi o se salaye.

Ewe, Tems ti di obinrin olorin akoko to je omo Naijiria ti bilionu kan eniyan yoo gbo orin re ni oju awe Spotify.

O ri aseyori yii gba leyin ti o gbe orin re ti awon eniyan ti n reti, ‘Born In The Wild’ jade.

Orí kó e̩bí mi yo̩ nínú ìjàm̀bá o̩kò̩ – Maraji

Mary Fágbohùn

Aderinposonu, Maraji ti safihan pe ori ko oun ati ebi re yo ninu ijamba oko.

Ninu fonran kan lori YouTube, o salaye bi ijamba oko naa se waye nigba ti won n bo lati ile ijosin.

Maraji wi pe oko won “yi biribiri fun opo igba ki o to bale.”

Onifonran naa, eni to ti kuro lori ayelujara lati osu kefa 2024, salaye pe ijamba oko naa lo mu ki o yera fun oju gbogbo eniyan.

“Ti e ba ti ni ijamba oko ri, e o mo imolara to wa laarin iku ati iye.

Ohun ti o je ko bami leru gidi ni pe gbogbo wa lo wa ninu oko. Oko mi, emi, ati awon omo mi.

“A n bo lati ile ijosin. O deruba mi, o mu ki n ro pe mo le ku. Ti mo ba ti ku, gbogbo ise ti mo ti se yoo kan lo ni.

“Kin ni koko ise ti eniyan n se laisi isinmi? O wa je ki n moriri aye gidi ati pe ki n se nnkan ti mo feran ju, eyi to je isinmi.

“Ijamba oko naa ya mi lenu. A n wa oko lo nigba ti oko miran gba wa lati egbe ti a si n yi kiri. O dabii fiimu Naijiria, o le ya ni ni were. Oko naa n yi gbirigbiri, leyin naa a ba ara wa ninu koto. Mo wo awon omo mi, ko si nnkan to se won. Mo dupe lowo Olorun to reku danu lori wa.

Ikú dóró ! Ó yo̩wó̩o̩ òsèré tíátà, Yusuf Olorungbebe láwo

Osere tiata, Yusuf Olorungbebe ti jade laye.

Osere tiata Yoruba naa ni iroyin jade pe o jade laye leyin ti o ja ijakadi pelu aisan kan ti o ko lati fi sile.

Iku re ni gbajumo osere tiata Foluke Daramola fi lede ninu atejade kan lori Instagram re.

O ko o pe, ”A padanu YUSUF OLORUNGBEBE.

”A gba fun Olorun.”

O̩ko̩ àfé̩só̩nà mi ni adúró-tini ló̩jó̩ ìsòro – Solidstar

Olorin Solidstar ti safihan imoore si afesona re, o gboriyin fun idurosinsin re bi o ti le je wi pe o dojuko akoko ti o le fun odun mewaa.

Amo sa, atejade naa ni o ti fa awuyewuye oro lati odo awon eniyan lori ayelujara.

Ninu atejade naa, Solidstar fi aworan oun ati afesona re lede, ti o si so nipa irora, omije, ati ibanuje okan ti o farada pelu isesi re.

O ko o pe: “Idurosinsin! Fun odun mewaa, gbogbo nnkan ti o ri lati odo mi ni irora, omije ati ibalokanje. Sugbon ko jawo loro mi.”

Nigba ti awon kan n gboriyin fun idurosinsin ati ifarasin afesona naa, awon kan n da Solidstar lebi, fun bi o se fi nnkan ti o n fa iponju ba enikeji re yangan.

Awon elomiran n beere pe ki lode ti o fi je pe nnkan ti ko dara nipa ibasepo won lo toka si, nigba ti awon miran n fi esun aimora ati imotara eni nikan kan an.

Mo nílò àdúrà, isé̩ abe̩ kíndìnrín tí mo s̩e kò yo̩rí sí rere – TG Omori

Mary Fágbohùn

Gbajumo adari fonran orin Naijiria, Thankgod Omori, ti a mo si TG Omori, se ise abe kindinri laipe yi ni Eko.

Adari orin naa safihan eyi ninu atejade kan to fi lede lori X ni Ojobo, o so di mimo pe ise abe naa ni ko yori si rere.

O pe awon afenifere re lati gbadura fun oun, paapaa julo lasiko yii ti o n ba aisan kindinri ja.

O safihan pe kindinri oun baje ni odun to koja.

Omori ko o pe, “Leyin odun kan ti kindinri mi ko sise mo, mo se ise abe asopo fun omiran ni ile iwosan St Nicolas ni Eko, sugbon ko yori si rere. E gbadura fun mi.”

Mi ò tíì setán láti l’óyún – Kassia

Omole Elegbon Agba Naijiria, abala ‘No Loose Guard’, Kassia ti so pe oun ko tii setan fun oyun.

O so eyi nigba to n jiroro pelu oko ati enikeji re lori ero, Kellyrae, ni Ojobo.

Oko re so fun in pe, baba re yoo gbogun ti won lati bi omo leyin ti eto naa ba pari sugbon o fesi pe, oun ko tii setan, o tenumoo pe, won nilo lati wa owo.

Kellyrae: “Ti a ba jade ninu ile, baba re yoo ma yo o lenu lati loyun.”

Kellyrae: “Ko si aaye.”

Irohin jade pe Kassia ati Kellyrae se igbeyawo saaju ki won to lo si ori eto naa.

Awon tokotaya naa ti n gbiyanju lati fi ibasepo won pamo fun awon omole to ku bii ete lori eto naa.

Ó ye̩ kí n ti fè̩yìntì nínú isé̩ orin’ – Rudeboy

Mary Fágbohùn

Olorin, Paul Okoye, ti a mo si Rudeboy, ti so pe oun ati awon akegbe re ni o ye ki won ti feyinti ninu ise orin bayii.

Eni Odun marundinlaadota naa so pe ninu ilana orin, ko ye ki olorin sise fun igba ti o pe.

Nigba to n soro lori eto Adesope, Rudeboy ni, o je nnkan ti o soro fun okunrin ti o ni idile lati je olorin ti o n sise gidi.

“Ni ilana ti a fi n ko orin tele, awon bii tiwa bayii ye ki o ti feyinti,” gege bi o se salaye.

“Gbogbo nnkan ni akoko wa fun ni aye yi. Awon nnkan a maa sele. Ti o ba je Ilumooka ti o si ro pe gbogbo igba ni awon eniyan yoo maa ri o bii Angeli, gba mi gbo, ko si ibi ti o n lo. Igba kan wa ti awon nnkan ko ni ba o lara mu. Bee lo se maa n ri.

“Gbogbo awon gbajumo olorin ni won ti ni idalebi tabi awuyewuye ri. Koda, awon ti won se n dide bo, pelu, yoo ni ipin ninu re lojo kan. Bii nnkan se ri ni [ninu ile ise alarinrin]. Sugbon, ohun ti o niise ju ni iru eni ti o je ati bi o ba se koju re.”

Rudeboy di olokiki ni 2000 bii okan lara awon olorin P-Square pelu Ikeji re Peter Okoye, ti a mo si Mr P.

Awon egbe naa ni o koko pinya ni 2016 sugbon ti won pada re ni 2021. Ni osu kejo 2024, Rudeboy fi idi re mule pe P-Square tun ti pinya, leyin ti arakunrin re Peter fi esun kan oun ati egbon won, ti o je alakoso won teleri, Jude Okoye pe won fi owo egbe naa si apo ara won.