Kosi ibaṣepọ láàárín èmi àti àwọn tì inú bii nínú ẹgbẹ òṣèlú PDP….Goodluck Jonathan.

Ọrẹ Òtítọ́jù

Ààrẹ àná fún orílẹ̀èdè yìí, Goodluck Jonathan ti kéde pé kòsí ìbáṣepọ̀ kankan láàrin òun àti àwọn igun ẹgbẹ́ òṣèlú PDP tí wọ́n fi ọwọ́ jánú nínú ẹgbẹ́ náà àti wí pé àwọn igun náà kò jà fún ẹ̀tọ́ òhun.

Jonathan so eyi ninu atẹjade kan ti agbẹnuso rẹ Ikechuckwu Eze gbẹ jade.

Awọn gomina marun-un kan to pe ara n ni G5, Nyesom Wike ti Rivers,Seyi Makinde ti ipinlẹ Ọyọ, Samuel Ortom lati ipinlẹ Benue, Okezie Ikpeazu ti Abia, ati Ifeanyi Ugwuayi ti Enugu n ki Iyorchi Ayu fi ipo si gẹgẹ bii alaga ẹgbẹ PDP.

Eyi kọ ṣẹyin bi oludije ṣipo aarẹ ẹgbẹ naa, Atiku Abubakar ati alaga ẹgbẹ se wa lati igun orilẹede kan naa.

Ṣugbọn, Ayu fi apa janu pe ohun yoo paari saa oun gẹgẹ bi alaga ẹgbẹ naa.

Eleyi lo mu ariyanjiyan ati awuyewuye wa wi pe awọn ẹgbẹ G5 nja fun etọ Goodluck Jonathan, eleyi ti aarẹ ana kọrọ oju sii.

Jonathan sọ ninu atẹjade naa wi pe ohun ko ni ikun sinu sii Atiku Abubakar nitori pe oun kopa ninu awọn ipolongo rẹ lati dii aarẹ lọdun 2019.

Bakan naa lo ni oun tẹle lo si ipinlẹ Rivers ati Bayelsa ninu ipolongo ẹto idibo ọdun naa.

Goodluck Jonathan ti wa pe fun ijiroro laarin awọn igun mejeji.

O si rọ awọn to n gbe iroyin ofege nipa rẹ ati ẹgbẹ oṣelu PDP lati jawọ nitori ki irẹpọ ati alaafia le fẹsẹ mulẹ ninu ẹgbẹ naa ni oun n ja fun.

Ẹ má fẹ̀mí-in yín ṣòfò nítorí olóṣèlú kankan– Matthew Kukah

Ọrẹ Òtítọ́jù

Bíṣọ́ọ̀bù ìjọ Àgùdà ìpínlẹ̀ Sokoto, Mathew Kukah ti ké sí àwọn olólùfẹ́ àwọn olóṣèlú láti má pa ara wọn nítorí olóṣèlú kankan.

Kukah lo sọ ọrọ naa ninu ifọrọwerọ kan pẹlu ileeṣẹ iroyin abẹle Channels lẹyin wakati diẹ ti aworan kan jade nibi ti Bola Tinubu ati Atiku Abubakar ti n yọ mọ ara wọn ni papakọ ofurufu Nnamdi Azikwe to wa niluu Abuja.

O ni ọrẹ ni gbogbo awọn oloṣelu, ohun ti wọn yoo si jẹ ni wọn n wa, ko si yẹ ki awọn ololufẹ wọn maa ba ara wọn ja lori ọrọ oṣelu.
Alufa naa ni o yẹ ki awọn to n tẹle awọn oloṣelu kẹkọọ lara Tinubu ati Atiku ti wọn di mọ ara wọn lai si ikunsinu kankan lasiko ti wọn pade ni papakọ ofurufu.

Gẹgẹ bii ohun to sọ, o n tumọ si pe awọn ololufẹ awọn oloṣelu naa gbọdọ gba alaafia laaye ninu eto oṣelu ti wọn n ṣe.

O ni “Gbogbo aye wọn lawọn oloṣelu yii n fi n wa bi wọn yoo ṣe jẹ lara Naijiria, ti wọn yoo si pin laarin ara wọn.”

“Awọn eeyan to n tẹle wọn si gbọdọ mọ pe awọn oloṣelu yii mọ ara wọn.”

Ọkùnrin tí àwọn adigunjalè yìnbọn mọ́ ní ọjà Bodija ṣì wà láyé — Ọlọ́pàá

Fẹ́mi Akínṣọlá

Ìròyìn òkèrè, bí ò lé, a dín.
Iléeṣẹ́ ọlọ́pàá ìpínlẹ̀ Ọ̀yọ́ ti ṣàlàyé bí ìdigunjalè kan tí ìròyìn sọ pé ó gba ẹ̀mí èèyàn kan ṣe wáyé ní ọjà Bódìjà nílùú Ìbàdàn.

Agbẹnusọ iléeṣẹ́ ọlọ́pàá, Adéwálé Òṣífẹ̀sọ̀, sọ nínú àtẹ̀jáde tó fi síta lórí ìṣẹ̀lẹ̀ ọ̀hún pé lọ́jọ́ ẹtì ni ìṣẹ̀lẹ̀ náà ṣẹlẹ̀.

Ó ní arákùnrin kan, Abubakar Ibrahim, ni àwọn adigunjalè kọlù ní nǹkan bíi aago mẹ́ta ku ìṣẹ́jú mẹ́ẹ̀ẹ́dógún, tí wọ́n sì yìnbọn mọ́ ọ kí wọ́n ó tó gba 270,000 Naira lọ́wọ́ ọ rẹ̀, nitori ikorita Bódìjà Ojúurin.

Ṣaájú ni àwọn iléeṣẹ́ ìròyìn orí ayélujára kan ti sọ pé ọkùnrin nà kú nítorí ọgbẹ́ ìbọn tí ó wọ̀ ọ́ lára.

À mọ́ ASP Òsífẹ̀sọ̀ sọ pé ẹ̀mí ọkùnrin ọ̀hún kò bọ́, tó sì ń gba ìtọ́jú lọ́wọ́ níléèwòsàn kan.

Òsífẹ̀sọ̀ sọ pé ìwádìí iléeṣẹ́ ọlọ́pàá fihàn pé àwọn adigunjalè náà tọ ipasẹ̀ Ọ̀gbẹ́ni Ibrahim láti ibì kan tó ti lọ̀ ọ́ ta ọjà nínú ìgboro Ìbàdàn, tó sì ń padà sí ibùgbé rẹ̀ ọjà Akinyele, níjọba ìbílẹ̀ Akinyele.

“Nítorí súnkẹrẹ-fàkẹrẹ ọkọ̀ tó wà nì òpópónà márosẹ̀, Ibrahim pinnu láti gba ọ̀nàaàbùjá kan tí kìí ṣe ibi tí ọ̀pọ̀ èèyà ń gbà. Ibẹ̀ ni àwọn adigunjalè náà ká a mọ́.

“Láti orí ọ̀kadà tí wọ́n wà, ni wọ́n ti yìnbọn mọ́ Ibrahim ní àwọn ìka ẹsẹ̀ rẹ̀, kí wọ́n tó ó gba owó tó wà lọ́wọ́ ọ rẹ̀.”

Agbẹnusọ ọlọ́pàá ní ìwádìí ti ń lọ lórí ìṣẹ̀lẹ̀ àgbọ́gbárímú ọ̀hún.

Iléẹjọ́ ò gba Akpabio gẹ́gẹ́ bíi olùdíje Sẹ́nétọ̀ ní ìpínlẹ̀ Akwa Ibom

Fẹ́mi Akínṣọlá

Iléẹjọ́ tó ń gbọ́ ẹjọ́ kòtẹ́milọ́rùn nílùú Abuja ti wọ́gilé ìdájọ́ iléẹjọ́ gíga láti yọ Godswill Akpabio gẹ́gẹ́ bíi olùdíje sípò sẹ́nétọ̀ lábẹ́ àsíà ẹgbẹ́ òṣèlú APC fún àríwá ìwọ̀ oòrùn ìpínlẹ̀ Akwa Ibom.

Ìgbìmọ̀ ẹlẹ́ni mẹ́ta tí Adájọ́ Damlami Senchi saájú rẹ̀ lọ́jọ́ Ajé, ni Akpabio kùnà láti pèsè àwọn ẹ̀rí lásìkò tó yẹ.

Ìgbìmọ̀ ọ̀hún tẹ̀síwájú pé Akpabio, ẹni tó ra tíkẹ́ẹ̀tì láti dupò ààrẹ Orílẹ̀ yìí lábẹ́ àsìá ẹgbẹ́ òṣèlú APC kò kópa nínú ètò abẹ́nú tó wáyé ní ọjọ́ kẹtàdínlọ́gbọ̀n, oṣù karùn-ún.

Tí àjọ elétò ìdìbò INEC, tó ṣe agbátẹrù ìdibo sì kéde Udom Ekpoudom gẹ́gẹ́ bíi olùdíje ẹgbẹ́ ọ̀hún.

Àgùntan kò je̩ lábe̩ Gè̩é̩sì ni ò̩ré̩ èmi àti Tiwa Savage – Ke̩mi Olunlo̩yo̩

Seunfúnmi Fágbohùn

Ako̩ro̩yin ati onise̩ isegun ni, Kemi Olunloyo, to so̩ro̩ lakootan lori idi ti o fi pinnu lati ma se ilara gbajumo̩ olorin ni, Tiwa Savage.

Nigba ti o n so̩ro̩ lori e̩ro̩ ayelujare, Kemi Olunloyo ni ibe̩re̩ pe̩pe̩ ilara re̩ nii se pe̩lu o̩ro̩ ti o jade pe olorin naa ni o n bo̩ oun.

Ge̩ge̩ bi Kemi ti se so̩, ko nireti wi pe Tiwa yoo dake̩ lori aheso̩ o̩ro̩ naa.

O nireti wi pe, Tiwa Savage yoo so̩ro̩, ti yoo si da gbogbo akiyesi naa danu.

Ninu ariyanjiyan re̩:

“TIWA O SE NNKANKAN FUN MI.

MI O BEERE FUN OHUNKOHUN.

MO KAN MUU GE̩GE̩ BI O̩RE̩ TI O KERE SI MI NI.

E̩ DAKE̩ ATI MA A SO̩ OHUN TI E̩ KO GBO̩.

LOOOTO̩! MO N BINU SI I NITORI WI PE O DAKE̩ NIGBA TI ADETOUN SO̩ PE TIWA SAVAGE NI O N BO̩ MI.

TIWA KO BO̩ MI O, KO FUN MI LOWO, BE̩E̩ NI MI O BEERE FUN UN”.

Mike Bamiloye rí àwo̩n tí ó ń kó owó náírà pamó̩ sílé bíi asiwèrè pó̩ńbélé.

Seunfúnmi Fágbohùn

Ilumo̩o̩ka osere onigbagbo̩ ni, Mike Bamiloye ri iwa asiwere po̩nbele ninu igbe aye awo̩n o̩mo̩ Nigeria ti wo̩n n ko owo bantabanta pamo̩ sile.

Lati igba ti ile ifowopamo̩ apapo̩ lorileede yii ti kede pe wo̩n yoo gbe owo naira tuntun jade ni gbogbo awo̩n ti o ko owo ribiribi pamo̩ sile ti n tu u jade.

O so̩ro̩ yii lori e̩ro̩ ayelujare pe:

“Awo̩n eniyan kan lo se eyi!
Mi o mo̩ idi o?

Iwa asiwere po̩nbele lo gbo̩do̩ je̩!

Nigba ti o̩po̩lo̩po̩ awo̩n eniyan n sise̩ ti wo̩n si n jiya ninu osi ni awo̩n eniyan kan ti fi idunnu gbe owo ainiye ti wo̩n ko le e na pamo̩ sinu ile.

Eleyii je̩ e̩mi buburu to fe̩ fiya je̩ awcn alaise̩.

Awo̩n adari buru,

Sugbo̩n ki O̩lo̩run fi o̩wo̩ kan o̩kan wo̩n lati se ohun ti o to̩.
Nigeria yoo dara!

Ni oruko nla Jesu!

Gbogbo awo̩n ti wo̩n n mo̩o̩mo̩ seka fun awo̩n alaise̩ ni oju yoo ti.

Yoo dara fun orileede yi!