Ẹgbẹ́ òṣèlú PDP jáwé olúborí ní gbogbo ìjọba ìbílẹ̀ l’Ọ̀yọ́ láì ṣẹ́kankù

Fẹ́mi Akínṣọlá

Ṣé wọ́n ní kò sí n tó n níbẹ̀rẹ̀ tí kìí lópin.
Àjọ elétò ìdìbò ìpínlẹ̀ Ọ̀yọ́, OYSIEC ti kéde àbájáde ètò ìdìbò sí ipò Alága ìjọba ìbílẹ̀ tó wáyé lọ́jọ́ Àbámẹ́ta, ọjọ́ kẹtàdínlọ́gbọ̀n oṣù kẹrin ọdún 2024, àwọn olùdíje láti inú ẹgbẹ́ òṣèlú PDP ló sì jáwé olúborí jákè jádò àwọn ìjọba ìbílẹ̀ mẹ́tàlélọ́gbọ̀n tó ń bẹ ní ìpínlẹ̀ Ọ̀yọ́.

Alága àjọ OYSIEC, Ààrẹ Isiaka Olagunju (SAN), Kọmísánnà àjọ Ọlọ́pàá ní ìpínlẹ̀ Ọ̀yọ́, Adebola Hamzat àti àwọn ẹ̀ṣọ́ ààbò tí ó kù gbóṣùbà káre fún ètò ìdìbò náà, pẹ̀lú àlàyé pé ó lọ ní ìrọwọ́rọsẹ̀ láì sí ìwà ìpáǹle kankan bó ti í wù kó mọ.

Ẹ̀wẹ̀, ẹgbẹ́ òṣèlú All Progressives Congress (APC) ni ìpínlẹ̀ Ọ̀yọ́ ti fi ọ̀rọ̀ léde pé irọ́ lásán ni pé ètò ìdìbò náà lọ ní ìrọwọ́rọsẹ̀, nítorí pé ọ̀pọ̀lọpọ̀ àwọn nǹkan tí kò tọ̀nà tó sì lè da omi àlàáfíà ìlú rú ló wáyé nínú ìdìbò náà.

Wọ̀nyí ni ònkà ìbò tí ẹgbẹ́ òṣèlú PDP fi wọlé ní àwọn ìjọba ìbílẹ̀ mẹ́tàlélọ́gbọ̀n ọ̀hún:
1)Irepo PDP: 17,497 APC: 2,638

2) Orelope PDP: 24, 569 APC: 5,519

3) Surulere PDP: 19,493 APC: 1,619

4) Kajola PDP: 11, 232 APC: 9,373 SDP: 1,28

5) Ogo-Oluwa PDP: 9011 APC: 854 LP: 12

6) Olorunsogo PDP: 8,501 APC: 3002 NNPP: 175

7) Ido PDP: 20059 APC: 3059 LP: 498

8) Ibarapa East PDP: 13,896 APC: 1,606 SDP: 08

9) Iseyin PDP:69,896 APC: 8,241 NNPP: 581

10) Saki East PDP: 9,732 APC: 1,571 ADC:36

11) Saki West PDP: 19,621 APC: 4,920 ADC: 1,846

12) Ogbomoso South PDP: 20,102 APC: 3,471
ADC:06

13) Ibadan Northwest PDP: 21,810 APC: 3,848 ADC: 22

14) Ogbomoso North PDP: 13,681 APC: 4,691 ADC: 11

15) Akinyele PDP: 66,325 APC: 3,477 ADC: 147

16) Ibarapa Central PDP: 14,124 APC: 3,500 ADC: 14

17) Ibadan Southeast PDP: 23,220 APC: 4,265 ADC: 27

18) Atiba PDP: 19,259 APC: 5,086 ADC: 06

19) Itesiwaju PDP: 7,303 APC: 3,795

20) Atisbo PDP: 25,336 APC: 6,567 ADC: 139

21) Egbeda PDP: 24,573 APC: 5,637 ADC: 30

22) Iwajowa PDP: 5,610 APC: 2,969 ADC: 150

23) Afijio PDP: 18,662 APC: 198

24) Oyo West PDP: 12,974 APC: 3,712 ADC: 90

25) Orire PDP: 15,301 APC: 5,579 ADC: 12

26) Lagelu PDP: 65,786 APC: 4,172 ADC: 150

27) Oluyole PDP: 17,063 APC: 3,536 ADC: 55

28) Ibarapa North PDP: 17,307 APC: 6,963

29) Oyo East PDP: 27,567 APC: 3,051 ADC: 16

30) Ona-Ara PDP: 13,093 APC: 4,187 ADC: 15

31) Ibadan North: PDP – 73,240, APC – 5,548, ADC – 0

32) Ibadan Southwest: PDP – 25,702, APC – 5,978

33) Ibadan Northeast: PDP – 17,920, APC – 7,958

Bobrisky! Bó ṣé pín àga ọ̀fẹ́ lọ́gbà ẹ̀wọ̀n, ló ń tún p’ẹjọ́ kòtẹ́milọ́rùn

Fẹ́mi Akínṣọlá

Àwọn àgbà gbà pé èèyàn tí òmìnira rẹ̀ kò sí ní ìkápá rẹ̀, ọ̀wọ́ ọlọ́wọ́ ni onítọ̀hún wà.
Ọkùnrin tó máa ń múra bíi obìnrin, Idris Olanrewaju Okuneye, ti pe ẹjọ́ kòtẹ́milọ́rùn tako ẹ̀wọ̀n oṣù mẹ́fà tí ilé ẹjọ́ dá fún un lẹ́yìn tó jẹ̀bi ẹ̀sùn títàbùkù owó náírà.

Idris, tí ọ̀pọ̀ mọ̀ sí Bobrisky, ló pe ẹjọ́ náà láti ọwọ́ agbẹjọ́rò rẹ̀, Bimbo Kusanu, pé kí ilé ẹjọ́ yí ìdájọ ẹ̀wọn tó fún òun padà, kó sì fún òun láǹfàní láti san owó ìtanràn dípò ẹ̀wọ̀n.

Ọjọ́ Kejìlá, oṣù Kẹrin, ọdún 2024 yìí ni adájọ́ Abimbola Awogboro ti ilé ẹjọ́ gíga ìlú Èkó ṣèdájọ́ ẹ̀wọ̀n oṣù mẹ́fà láì sí ànfààní láti san owó ìtanràn kankan fún Bobsirky lẹyìn tó jẹ̀bi ẹ̀sùn títàbùkù owó náírà.

Nígbà tó ń dájọ́ ọ̀hún, adájọ́ náà ní ìdájọ́ náà yóó kọ́ àwọn aráàlú tó bá fẹ́ máa wu irúfẹ́ ìwà bẹ́ẹ̀ lọ́gbọ́n.

Ṣaájú ìdájọ́ yìí lọ́jọ́ kàrún un, oṣù Kẹrin yìí kan náà ni ọ̀daràn ọ̀hún ti kọ́kọ́ sọ pé òun jẹ̀ẹ
bi ẹ̀sùn tí àjọ EFCC fi kan òun.

Nínú ìwé ìpẹ̀jọ́ kòtẹ́milọ́rùn rẹ̀, ọ̀daràn náà sọ pé ilé ẹjọ́ fún òun ní ìjìyà tó pọ̀ jùlọ fún ẹ̀ṣẹ̀ tí òun ṣẹ bó tilẹ̀ jẹ́ pé òun kò ní àkọsílẹ̀ kankan ṣáájú ìṣẹ̀lẹ̀ náà gẹ́gẹ́ bíi arúfin.

Gẹ́gẹ́ bíi ohun tó sọ, ìdájọ́ ọhún wáyé láì sí ojú àánú kankan fún òun, èyítí kò sì ní ìbámu pẹ̀lú àlàkalẹ̀ òfin Administration of Criminal Justice, ACJA, ti orílẹ̀-èdè Nàìjíríà.

Ó fi kún pé adájọ́ náà kò tún wo ti pé òun kò fi àkókò ilé ẹjọ́ ṣòfò látàrí bí òun ṣe tètè sọ pé òun gbà pé òun jẹ̀bi ẹ̀sùn tí wọ́n fi kan òun.

Ẹ́wẹ̀, láàrin nǹkan bíi ọ̀sẹ̀ méjì péré lọ́gbà ẹ̀wọ̀n, ìròyìn tó ń tẹ wá lọ́wọ́ sọ pé Bobrisky ti fi àwọn àga kan ta ọgbà ẹ̀wọ̀n Kiríkirì tó wà lọ́rẹ̀.

Nínú àwòrán àga náà tó gba orí ayélujára kankan, wọ́n kọ àkọlé “si iléeṣẹ́ ọgbà ẹ̀wọ̀n Nàìjíríà láti ọwọ́ idris Okuneye Bobrisky” sí lára.

Ìròyìn tó gba ìgboro nípa àwọn àga náà ni pé ó wà fún agbègbè tí àwọn àlejò yóò máa jókòó sí lọ́gbà ẹ̀wọ̀n ọ̀hún.

L’ órí agbófinró tó pa èèyàn kan l’Eko, iléesẹ́ ọlọ́pàá bẹ̀rẹ̀ ̣ìwádìí.

Gbọ́láhàn Quseem

À fi bí èèdì ni ọ̀rọ̀ jẹ́ fún rìpẹ́tọ̀ Taofeek tó jẹ́ ọlọ́pàà lágbègbè Ajah, ní ìpìnlẹ̀ Èkó,bó ṣe f’ọ̀bẹ gún arákúnrin kan, Olóògbè Anosikwe Patrick, pa nínú oṣù Kẹrin, ọdún 2024 yìí.
Ní báyìí,Ilé-iṣẹ́ ọlọ́pàá ìpínlẹ̀ Èkó ti bẹ̀rẹ̀ ìwádìí nípa ìṣẹ̀lẹ̀ bí rìpẹ́tọ̀ ọ̀hún ṣe gbérú ìgbéṣẹ̀ bẹ́ẹ̀.

A rigbọ pe oloogbe ati ọlọpaa ọhun wa nile itaja igbalode kan ti wọn n pe ni Skymall, to wa lagbegbe Ajah, ọrọ ti ko to nkan lo dija silẹ laarin ọlọpaa yii ati oloogbe naa, k’awọn to wa nitosi si too mọ ohun to n ṣẹlẹ, agbofinro ọhun ti fọbẹ aṣooro ọwọ rẹ gun oloogbe pa patapata.

lṣẹlẹ ọhun lo mu ki idarudapọ waye ninu ọgba ile itaja igbalode naa, t’awọn araalu si n sa asala fun ẹmi wọn nitori ti wọn ko mọ ohun to le ṣẹlẹ lọjọ yii.

Alukoro ileeṣẹ ọlọpaa ipinlẹ Eko, S.P Benjamin Hundeyin, to f’ idi iṣẹlẹ ọhun mulẹ fun akọroyin wa sọ pe, awọn ti mu alakooso eto aabo ile itaja igbalode naa, awọn si ti n ṣe iwadii nipa iṣẹlẹ ọhun, ati pe ọdọ awọn ni ripẹtọ Taofeek to gun arakunrin ọhun pa wa bayi to n ran awọn lọwọ ninu iwadii awọn.

Alukoro ọga ọlọpaa patapata nipinlẹ Eko, C.P Adegoke Fayoade, ti paṣẹ pe ki awọn tuṣu desalẹ ikoko lori iṣẹlẹ naa.

Ọlọ́run ṣeun! Pásítọ̀ ìjọ Rìdíìmù ti gba ìtúsílẹ̀ lọ́wọ́ àwọn ajínigbé tí wọ́n ji gbé.

Ọlámídé Motúnráyọ̀

Orin ìdúpẹ́ lórísirísi ló gbẹnu àwọn ẹbí, ọ̀rẹ́, olólùfẹ́ àti ọ̀pọ̀ ọmọ ìjọ Rìdíìmù lápapọ̀ fún oore ìdásílẹ̀ tí ọlọ́run ṣe fún Pásítọ̀ ìjọ wọn, Olùṣọ́àgùtàn Olúgbénga Ọláwore, ẹni tí àwọn ajínigbé jí gbé, ṣe ti jáde níbùbá àwọn olubi èèyàn ajínigbé náà.

Báyìí Pásítọ̀ Ọláwore, alákòóso ṣọ́ọ̀ṣì tí wọ́n ń pè ní Heavens Gate Parish, Redeemed Christian Church of God, ìyẹn, ẹka ìjọ Rìdíìmù, tó wà lọ́nà Àgbàrá sí Lusada, nípínlẹ̀ Ògùn, ẹni tí àwọn ajínigbé jí gbé pẹ̀lú àwọn èrò mẹ́tàlá yòókù tí wọ́n jọ wà nínú bọ́ọ̀sì kan náà.

Pásítọ̀ yìí ló pàdánù ìyá ẹ̀, tó ń jẹ́ Díákónì Deborah Ọláwore láìpẹ́ yìí, tó sì lọ sílùú Ìpàpo, nípínlẹ̀ Ọ̀yọ́, láti ṣètò bí ayẹyẹ ìkẹyìn ìyá rẹ̀ náà tí wọ́n fi sí Fúráídèé, ọjọ́ kẹrìndínlọ́gbọ̀n (26), oṣù Kẹrin, ọdún 2024 yìí, àti Fúráídèé, ọjọ́ kẹta, oṣù Karùn-ún ọdún yìí, yóò ṣe dùn, tí yóò sì lárinrin, kó tóó kàgbákò àwọn jàndùkú agbébọn tí wọ́n ji gbé lórí ìrìn-àjò rẹ̀ padà sílùú Èkó.

Mílíọ̀nù mẹ́wàá Náírà la gbọ́ pé àwọn olubi èèyàn náà ń bèèrè pé kí àwọn ẹbí rẹ̀ san fún àwọn kí àwọn tóó lè fi sílẹ̀, tí kò sì jọ pé ìrètí wà rárá fún òjíṣẹ Ọlọ́run náà láti bọ́ nínú ìgbèkùn àwọn ajínigbé tó há sí láti nnkan bíi aago marun-un ìrọ̀lẹ́ ọjọ́ Jímọ̀ tó ti há síbùbá wọ́n
Ṣùgbọ́n lọ́sàn-án ọjọ́ Àìkú, Sánńdè, ọjọ́ kọkànlélógún (21), oṣù yìí, nìròyìn ayọ̀ gbòde kan pé àwọn agbófinró ti gba Pásítọ̀ náà sílẹ̀ lọ́wọ́ àwọn ẹrúukú.

Ọ̀gá àgbà àwọn ọlọ́pàá ìpínlẹ̀ Ọ̀yọ́, ACP Adébọ́lá Hamzat, ti sọ ṣáájú tó sì ṣèèrì pé òun yóò gbé ìgbìmọ̀ atọpinpin kan dìde láàrin àwọn ọlọ́pàá láti gba
àwọn arinrìnàjò náà sílẹ̀ lọ́wọ́ àwọn ajínigbé.

Nírọ̀lẹ́ ọjọ́ Àìkú, Sánńdè, ọjọ́ kọkànlélógùn (21), oṣù yìí, ni Kọmísánnà fètò ìròyìn nínú ìjọba Gómìnà Ṣèyí Mákindé tìpínlẹ̀ Ọ̀yọ́, Ọmọọba Dọ̀tun Oyèadé, kéde pé CP Hamzat, ti ṣàṣeyọrí lórí ìlérí tó ṣe nípa òmìnira òjíṣẹ Ọlọ́run náà. Gẹ́gẹ́ bó ṣe sọ, “Gbogbo bó ṣe ń lọ là ń bèèrè lọ́wọ́ ọ̀gá àgbà àwọn ọlọ́pàá nípa aktiyan wọn láti gba àwọn tí wọ́n jí gbé sílẹ̀, wọ́n sì fi tó ìjọba
létí pé àwọn ti gba Pásítọ̀ ìjọ Rìdíìmù yẹn sílẹ̀ pẹ̀lú ìrànlọ́wọ́ àwọn ikọ̀ agbófinró ìpínlẹ̀ Ọ̀yọ́”.

Ó wá fi dá àwọn ará ìpínlẹ̀ Ọ̀yọ́ lójú láti fọkàn balẹ̀ nípa ètò ààbò, nítorí àwọn ọlọ́pàá àtàwọn agbófinró ìpínlẹ̀ náà kápá ètò ààbò ìpínlẹ̀ yìí dáadáa. Ṣùgbọ́n ohun tí kọmíṣánnà náà kò mẹ́nu bà nínú àtẹ̀jáde rẹ̀ ọ̀hún ni bóyá àwọn agbófinró rí ẹlòmí-ìn gbà sílẹ̀ nínú àwọn arirìn-àjò yòókù tí wọ́n jí gbé pẹ̀lú Pásítọ̀ ìjọ Rìdíìmù náà.

Àgbáríjọpọ̀ orílẹ̀-èdè Áfíríkà bẹ̀rẹ̀ ìpàdé alágbára lórí wíwú egbò ìgbésùnmọ̀mí.

Gbọ́láhàn Quseem

Ààrẹ Bola Ahmed Tinubu ba àwọn olórí orílẹ̀-èdè nílẹ̀ aláwọ̀ dúdú se ‘pàdé pọ̀ ní
‘llú Abuja lórí dídẹ́kun ìwà ìgbésùmọ̀mí àti ìdúnkoòkòmọ́ni nìlẹ̀ Áfíríkà.

Odidi ọjọ meji ni ipade naa yo fi waye, eyi ti awọn olori orilẹ-ede nilẹ adulawọ yo peju se.Akori ipade apero naa, ti aarẹ Bola Tinubu bawọn side rẹ ni “Riro okun ajọsepọ laarin awọn orilẹ-ede lagbara si ati sise agbega awọn ileesẹ ti yoo tẹ ori ‘wa igbesunmọmi ba”.

Ọọfisi oludaninimọran fun Aarẹ Naijiria lẹka eto aabo lo se agbekalẹ ipade apero naa.

Afojusun ipade apero naa si ni lati mu ki igbesẹ gbigbogun ti iwa igbesunmọmi le koko si laarin awọn orilẹ-ede Afirika, lati ipasẹ ajọsepọ ileesẹ ologun, ki wọn si dẹkun bi ohun ija oloro ati owo se n kọja lati orilẹ-ede kan si omiran lati se atilẹyin f’awọn ọdaran.

Ipade apero yi si lo n waye lasiko yi ti ọpọ orilẹ-ede nilẹ Afirika n koju iwa idunkookomọni lẹka eto aabo lati ọwọ awọn ajijagbara ẹsin Islam ati agbebọn, paapaa lawọn agbegbe asalẹ Sahara.

Orilẹ-ede Nigeria to n gbalejo ọọfisi ajọ isọkan agbaye to n gbogun ti iwa titako igbesunmọmi, lo n dari ipade naa.

Ileesẹ ologun Naijiria si lo ti leri leka lati gbẹsan bi wọn se sẹburu awọn ọmọogun rẹ mẹfa to n lọ pẹtu si aawọ nipinlẹ Niger, ti wọn si pa wọn ni ipakupa.

L’Ondo, Gómìnà Aíyedatiwa borí nínú ìbò abẹ́lé APC.

Gbọ́láhàn Quseem

Gómìnà tó wà lórí àléfà ní ìpínlẹ̀ Ondo, Lucky Orimisan Aíyedatiwa ló jáwé olúborí nínú ètó ìdìbò abẹ́lé ẹgbẹ́ òṣèlú APC.

Eyi to n tumọ si pe Aiyedatiwa ni yoo ja du ipo Gomina labẹ asia ẹgbẹ APC ninu eto idibo ti yoo waye ninu ọdun 2024 yi.

Alaga igbimọ to dari eto idibo abẹle naa ni ipinlẹ Ondo, Gomina ipinlẹ Kogi, Ahmed Usman Ododo lo kede Lucky Aiyedatiwa gẹgẹ bi ẹni to jawe bori.

Aiyedatiwa ni ibo 48,569 láti f’ ẹyin ẹni to se ‘po keji, Olusola Oke to ni 14,915 ati awọn merinla miran ti
wọn jọ fí ‘gagbaga.

Ododo sọ pe awọn to ku, Wale Akinterinwa ni ibo 1,952, Mayowa Akinfolarin ni ibo 15,343, Jimoh Ibrahim ni ibo 9,456, Isaac Kekemeke ni ibo 1,045, Gbenga Edema ni ibo 395, Olamide Ohunyeye ni ibo 424, Jimi Odimayo ni ibo 490, Olusoji Ehinlanwo ni ibo 492, Morayo Lebi ni ibo 290.
Awọn to ku ni i Diran Iyantan toi ni ‘bo 348, Francis Faduyile ni ibo 353, Ifeoluwa Oyedele ni ibo 462, Funmilayo Waheed-Adekojo ni ibo 529 nigaba ti Funke Omogoroye ni ‘bo 115.

Gomina ipinlẹ Kogi náà sọ pe awọn ọmọ ẹgbẹ 171,922, lo forukọ silẹ lati dibo sugbọn awọn 95,178, lo kopa ninu eto idibo naa.

Ododo ṣalaye pe eto idibo naa lo waye lai si kọnu n kọhọ kankan ti gbogbo awọn oludije si figagbaga daadaa ni ‘lana ofin eto idibo orilẹ-ede Naijiria.

O dupẹ lọwọ awọn ọmọ ẹgbẹ oṣelu APC ti wọn jade ni witiwiti lati yan ẹni tí yo ṣoju ẹgbẹ wọn ninu eto idibo sipo Gomina to n bọ lọna. Ododo sọ pe ifarajin wọn lo mu ki eto ọun kẹṣẹjari.

Ododo wa rọ awọn oludije to ku lati ri eto idibo naa gẹgẹ bi ọrọ ọmọ iya, ati pe ko yẹ ko di ohun ti yo mu awọn miran darapọ mọ ẹgbẹ oṣelu alatako nitori pe ọmọ iya ni gbogbo wọn, wọn si gbọdọ se ara wọn lọkan, bakanaa wọn gbọdọ ri daju pe ẹgbẹ oṣelu APC lo jawe olubori ninu eto idibo to n bọ lọna.

Ẹwẹ, ni ijọba ibilẹ Ifẹdore ẹni to jẹ aṣoju agbegbe naa sọpe ko si eto idibo kan nijọba ibilẹ ọhun.

O ni wahala ṣuyọ eyi to mu ki awọn eniyan sa asala fun ẹmi wọn ti ko si si eto idibo kan rara ni gbogbo wọọdu ijọba ibilẹ naa.

Ní’lùú Eko, oníròyìn s’ àwárí ilé-ẹ̀kọ́ àkọ́bẹ̀rẹ̀ tó ń gba N42m lórí ọmọ kan lọ́dọọdún.

Gbọ́láhàn Quseem

Ìyàlẹ́nu ńlá ló jẹ́ làti gbọ́ pé ilé-ẹ̀kọ́ aláàkọ́bẹ̀rẹ̀ kan wà ní’lùú Èkó t’áwọn obí ti ń san mílíọ̀nù méjìlélógójì náírà lórí ọmọ kan ṣoṣo lọ́dọọdún.

Ẹwẹ, ile-ẹkọ Charterhouse to kalẹ si ilu Eko lagbegbe Lekki, ti jẹ ko di mimọ pe N42m l’obi kọọkan yo maa san lori ọmọ kan ti ile ẹkọ naa ba di ṣiṣi loṣu Kẹsan-an ọdun yii.

Ogunlọgọ ọmọ Naijiria ni wọn ti n fi ẹhonu wọn han lori ayelujara lori owo gọbọi t’awọn obi o maa san nile ẹkọ naa.

Lẹyin N42m owo ile iwe, awọn obi o tun san miliọnu meji fun iforukọsilẹ, eleyii ti wọn o le ri gba pada mọ.

Ọpọ eeyan lo sọ pe owo naa ti pọju fun ẹnikẹni lati maa san fun ọmọ kan ṣoṣo pẹlu bi nkan ṣe ri lorilẹede Naijiria bayi.

Ni bayi naa, Damilola Olatunbosun, to jẹ adari ẹka ibaraẹnisọrọ ati igbaniwọle sile ẹkọ Charterhouse ṣalaye pe ile ẹkọ naa kii kan an ṣe ile-ẹkọ lasan.

Olatubosun ni ile-ẹkọ to lamilaaka ti muṣemuṣe rẹ si da muṣemuṣe ni ile ẹkọ Charterhouse eyi to gbaju gbaja kaakiri agbaye.

Olatubosun sọ mimọ pe ‘’ile ẹkọ Charterhouse jẹ ile ẹkọ t’awọn obi to ba mọ riri eto ẹkọ to ye kooro maa n fẹ lati mu ọmọ wọn lọ tori iyatọ wa
laarin ile-ẹkọ naa ati awọn miran.

O tun ṣ’alaye pe, ọpọ awọn obi lo ti gbe igbesẹ lati mu ọmọ wọn wa si ile ẹkọ naa tori wọn mọ pe ile-ẹkọ to wa nipo akọkọ laarin awọn ẹgbẹ ẹ ni ṣe.

Koda, N42m yi gan-an ko jọ wọn loju lati san tori owo ti wọn le san ni.

O fi kun pe lara awọn obi yi wa ni Naijiria, nigba t’awọn mi n gbe loke okun.

Wọn mọ riri iru eto ẹkọ t’awọn ọmọ wọn yo jẹ anfani rẹ ni ile-ẹkọ Charterhouse.

Ọrọ ki ṣe nipa bo ya owo ẹkọ naa wọn tabi ko wọn, ṣugbọn o ni ṣe pẹlu iru eto ẹkọ t’awọn akẹkọọ yoo jẹ anfaani rẹ.

Iru awọn obi to n mu ọmọ wọn wa si ile ẹkọ Charterhouse ti mọ pe owo t’awọn maa na maa pọju N42m lọ ti wọn ba fẹ ki awọn ọmọ wọn jẹ anfaani iru ẹkọ loke okun.

Bo tilẹ jẹ pe, a ko ti kọ gbogbo yara ikẹkọọ tan wa tan, mo le sọ pe ko si ile ẹkọ ni Naijiria to ni awọn ohun elo ikẹkọọ ati awọn ohun amayedẹrun to wa ni ile-ẹkọ Charterhouse.

Ko si iyatọ laarin ile ẹkọ Charterhouse at’awọn ile-ẹkọ to lamilaaka lorilẹ-ede Uk.

Bí kẹ̀ẹ́kẹ́ márúwá jíjí ṣe jẹ́ àwọn eléyìn lọ́wọ́ tó, ó pàpà yíwọ́

Ọ̀rẹ Òtítọ́jù
Ọ̀jọ́ gbogbo bí ọdún ni tolè,ọjọ́ kan ṣoṣo ni ti olóhun tí àwọn yorùbá máa n sọ ti ṣẹ báyìí ó,bí ọwọ́ àwọn agbófinró ìpínlẹ̀ Èkó, lábẹ́ ìdarí Kọmíṣánnà ọlọ́pàá, CP Fayọade, ti tẹ géndé mẹ́rin kan tó jẹ́ jíjí kẹ̀ẹ̀kẹ̀ Márúwá ni iṣẹ́ tí wọ́n yàn láàyò. Kẹ̀ẹ̀kẹ̀ mẹ́ta ni wọ́n lọ̀ọ́ jí gbé níléeṣẹ́ kan tí wọ́n ti n ta àwọn kẹ̀ẹ̀kẹ̀ ọ̀hún, kọ́wọ́ tó bàwọ́n.

Alukoro ileeṣẹ ọlọpaa ipinlẹ Eko, SP Benjamin Hundeyin, to fi ọrọ yii lede loju opo ayelujara rẹ lọjọ Abamẹta, ogunjọ, oṣu Kẹrin, ọdun yii, sọ pe ileeṣẹ kan ti wọn ti n to kẹẹkẹ Maruwa pọ, ti wọn si ti n ta a, eyi to fikalẹ si agbegbe Ọjọta, nipinlẹ Eko, lawọn afurasi ọdaran yii wọ, ti wọn si ji kẹẹkẹ mẹta gbe.

Hundeyin ni Akọwe ileeṣẹ onimaruwa ọhun lo mu ẹsun wa sileeṣẹ ọlọpaa, ẹka ti Ogudu, ni nnkan bii aago mẹwaa aarọ ọjọ Iṣẹgun, ọjọ kẹrindinlogun, oṣu Kẹrin yii, pe awọn firi-nidii-ọkẹ, alọ-kolohun-kigbe ẹda kan ti palẹ kẹẹkẹ mẹta mọ nileeṣẹ awọn ni nnkan bii aago meje idaji ọjọ naa.

Loju-ẹsẹ lawọn ọlọpaa ọtẹlẹmuyẹ ti fọn sode, ti wọn si bẹrẹ si i tọpasẹ kẹẹkẹ naa kiri. Nibi ti wọn ti n fimu finlẹ ni wọn ti ri awọn afurasi ọdaran ti wọn ko fẹẹ darukọ wọn lasiko yii mu.

Hundeyin ni, “Ilu Ondo, nipinlẹ Ondo, ni wọn ti mu afurasi ọdaran kin-in-ni, wọn tọpasẹ rẹ dọhun-un ni, wọn si ba kẹẹkẹ Maruwa tuntun ti wọn ji lọwọ rẹ, nigba tọwọ ba afurasi keji ni agbegbe Mile 12, l’Ekoo, pẹlu kẹẹkẹ kan. Ipinlẹ Ogun, niluu Idiroko, leti ẹnubode Naijiria ati ilẹ Olominira Benin, lọwọ ti ba ẹni kẹta ati ẹkẹrin wọn pẹlu kẹẹkẹ tuntun ti wọn ji ọhun.

O ni iwadii ṣi n tẹsiwaju lori wọn, ati pe kete lẹyin iwadii, gbogbo wọn yoo lọọ kawọ pọnyin rojọ niwaju adajọ.

Gbèse súyọ,màálù tó súnmọ àádọ́ta jẹ́ májèlé n’llọrin,wọ́n kú gífà

Ọ̀rẹ Òtítọ́jù

À fi kí Ẹlẹ́dàá ó fòfò rẹ̀mí ni látàrí àjálù tó bẹ́lu àwọn òntàjà wọ̀nyí.
À fi bíígbà tí ọ̀fọ̀ ṣẹ̀ lọ̀rọ̀ rí fún àwọn òntàjà kan tí wọ́n n ta màálù nínú ọjà Mandate, Adewọle, nílùú Ilọrin, ti i ṣe olú ìlú ìpínlẹ̀ Kwara, wà báyìí, pẹ̀lú bí màálù wọn tó lé ní ogójí ṣe kú lójijì látàrí májèlé tí wọ́n jẹ lọ́jọ́ Àbámẹ́ta, ogúnjọ́, oṣù Kẹrin, ọdún 2024 yìí.

Oun ti a gbọ ni pe awọn ontaja ọhun ni wọn lọọ fi awọn maaluu wọn jẹko lati inu ọja Mandate, lọ si inu ọgba ileewe College of Arabic and Legal Studies, to wa ni agbegbe naa, ṣugbọn nigba ti wọn n dari pada bọ wale nirọlẹ ni awọn maaluu ọhun bẹrẹ si i wo lulẹ, ti wọn si n ku eyi to mu ki maaluu to le ni ogoji ku loju-ẹṣẹ, ti wọn si n sọ ọbẹ si wọn lọrun.

Ọkan lara awọn to n taja ọhun ti orukọ rẹ n jẹ Olugbọn, to ba oniroyin ṣọrọ ṣalaye pe lasiko tawọn maaluu naa n dari bọ lati ibi ti wọn ti lọọ jẹ koriko ni wọn n ṣubu lulẹ latari pe wọn jẹ majele mọ ounjẹ ti wọn jẹ, o ni ọkẹ aimọye miliọnu lawọn ti padanu bayii ṣibi iṣẹlẹ buruku naa.

Olugbọn, ti waa rawọ ẹbẹ sijọba Kwara atawọn ẹlẹyinju aanu pe ki wọn ran awọn lọwọ lori adanu naa, nitori pe gbese nla lo wọle tọ awọn lasiko ti eto ọrọ-aje dẹnu kọlẹ, ti gbogbo nnkan ko si jọra wọn tẹlẹ, aforiti lawọn n ṣe.

Babalọja inu ọja naa fidi iṣẹlẹ yii mulẹ, o ni iṣẹlẹ ibanujẹ niṣẹlẹ naa jẹ fun gbogbo awọn to n ta maaluu ninu ọja, wọn waa rọ Gomina ipinlẹ Kwara, Abdulraman Abdulrasaq, ko dide iranwọ fun awọn tọrọ kan.

Àpèrè Aláàfin: Ọ̀yọ́mèsì pe Gómìnà Mákindé lẹ́jọ́

Ọrẹ Òtítọ́jù
Kò jọ pé awuyewuye lórí taa ni yóó gàpèrè Ọba lẹ́yìn tí Ọba Lamidi Ọláyíwọlá Adéyẹmí kẹta gbésẹ̀ tíì lójútùú o pẹ̀lú u bí àwọn igun ti gómìnà ìpínlẹ̀ Ọ̀yọ́ àti ti Ọ̀yọ́mèsì ṣe bẹ́nú fúnra wọn báyìí pẹ̀lú ẹjọ́ tí wọ́n pè ta ko gómìnà ìpínlẹ̀ Ọ̀yọ́, Ẹnjinníà Ṣèyí Mákindé, àti ìgbìmọ̀ ìjọba rẹ̀ lórí ọ̀rọ̀ oyè ọba ìlú Ọ̀yọ́ nù, ìgbìmọ̀ àwọn afọbaje ìlú ọ̀hún tún ti gbé Makinde lọ sí kóòtù, wọ́n ní ìdájọ́ tó dá a láre lọ́jọ́sí kò tẹ́ àwọn lọ́rùn rárá.

Lọjọ Iṣẹgun, ọjọ kẹrinlnlogun (16), oṣu Kẹrin, ọdun 2024 yii, l’Onidaajọ Ladiran Akintọla, ti i ṣe adajọ ile-ẹjọ gjga ipinlẹ Ọyọ to wa niluu Aawẹ, nitosi Ọyọ, da ẹjọ naa nu patapata.

Marun-un ninu awọn Ọyọmesi yii, ti wọn tun jẹ Afọbajẹ ilu Ọyọ, ni wọn pẹjọ, wọn ni ijọba ipinlẹ Ọyọ, labẹ akoso Gomina Ṣeyi Makinde, ko gbọdọ yẹ awọn lọwọ wo lori gbogbo igbesẹ ti awọn ti gbe lati gbe ọba tuntun gori itẹ gẹgẹ bii Alaafin tilu Ọyọ, nitori ọna ti awọn gbe kinni ọhun gba daa, o si wa ni ibamu pẹlu ofin ati ilana ifọbajẹ.

Nitori naa, wọn ni ki ile-ẹjọ paṣẹ fun Gomina Makinde ati kọmiṣanna feto idajọ pẹlu kọmiṣanna fọrọ oye jijẹ nipinlẹ naa lati fara mọ ẹni ti awọn fa kalẹ lati jọba, ki ijọba gbe ọpa aṣẹ fun un gẹgẹ bii Alaafin tuntun.

Wọn ni ẹni to n jẹ Ọmọọba Lukman Gbadegẹṣin ninu awọn ọmọ oye to n dupo ọba lawọn yan gẹgẹ bii Alaafin tuntun ni ọgbọnjọ (30), oṣu Kẹsan-an, ọdun 2023 yii, awọn si ti fi orukọ rẹ ransẹ si ijọba,

awọn ko si fẹ ki wọn fagi le igbesẹ ti awọn fi yan ọkunrin naa bi ko ṣe pe ki wọn tẹwọ gba a, ki wọn si ṣe eto gbogbo lati gbe e gori itẹ.

Bakan naa ni wọn rọ ile-ẹjọ lati paṣẹ fun ijọba ipinlẹ Ọyọ pe wọn ko gbọdọ fi ibinu ẹjọ ti awọn pe yii rọ awọn loye, tabi yan awọn afọbajẹ mi-in lati fi ẹlomi-in to yatọ si Ọmọọba Gbadegẹṣin ti awọn ti fa kalẹ yii jọba.

Baṣọrun ilu Ọyọ, Agba-Oye Yusuf Layinka, to jẹ olori awọn Ọyọmesi (afọbajẹ), lo lewaju awọn olupẹjọ naa.

Orukọ awọn Ọyọmesi mẹrin yooku ni Lagunna ilu Ọyọ, Agba-Oye Wakeel Oyedepo; Akinniku, Agba-Oye Amusa Yusuf; Aarẹago Baṣọrun, Oloye Wahab Oyetunji; ati Alapo tilu Ọyọ, Oloye Gbadebọ Mufutau.

Koko ohun ti wọn tori ẹ pẹjọ ni pe ki ile-ẹjọ paṣẹ fun ijọba ipinlẹ Ọyọ lati ma ṣe tun yan ọmọ oye mi-in ti yoo jẹ Alaafin mọ, nitori nigba ti awọn yan Ọmọọba Gbadegẹṣin, gbogbo ofin ati ilana pata lawọn tẹle.

Nigba to n sọrọ lori awijare awọn olupẹjọ, Onidaajọ Akintọla, sọ pe niwọn igba ti awọn afọbajẹ ko ti fi abajade ipade ti wọn fi fa Alaafin tuntun kalẹ to ijọba leti ni ibamu pẹlu ilana, a jẹ pe ohun ti wọn ṣe ọhun ku diẹ kaato, nitori naa, ẹjọ ti wọn pe ko lẹsẹ nilẹ rara.

Ìròyìn Òwúrọ̀ ti ẹ gbọ pé, ko ju wakati meloo kan lọ ti ile-ẹjọ da ẹjọ ọhun nu, ti olori awọn agbejọro awọn olupẹjọ, Amofin-Agba Kunle Ṣọbaloju, ti pẹjọ kotẹmilọrun lori ọran naa.

Tẹ o ba gbagbe, l’Ọjọbọ, ọjọ keji, oṣu Kọkanla, ọdun 2023, nile-ẹjọ yii ti kọ fagi le awijare awọn olupẹjọ, ti wọn si tun gbe ẹjọ mi-in dide ko too di pe ipa awọn eeyan naa pin nigba ti ile-ẹjọ da ẹjọ ọhun nu patapata.