Adémọ́lá Adẹ́lékè, Gómìnà Ọ̀ṣun di Aṣíwájú ìlú Ẹdẹ

Ọrẹ Òtítọ́jù

Ṣé wọ́n ní mọ̀kànmọ̀kàn loyè é kàn-àn-yàn, gbogbo ètò ló ti tó báyìí láti fi Gómìnà ìpínlẹ̀ Ọ̀ṣun, Sẹ́nétọ̀ Adémọ́lá Adẹ́lékè, jẹ Aṣíwájú ìlú Ẹdẹ, lọ́jọ́ Ajé, ọjọ́ kẹtàlá, oṣù Karùn-ún ọdún yìí.

Ifijoye yii lo ṣe wẹku pẹlu ayẹyẹ ọjọọbi ọdun kẹrinlelọgọta ti Adeleke dele aye.

Gẹgẹ bi alaga ayẹyẹ onibeji naa to jẹ aṣofin to n ṣoju awọn eeyan Iwọ-Oorun Ọṣun nileegbimọ aṣofin agba, Akọgun (Dokita) Lere Oyewumi, ṣe wi, aafin Timi, Ọba (Dr) Munirudeen Adeṣọla Lawal, ni ayẹyẹ naa yoo ti waye.

Lara awọn eeyan pataki ti wọn n reti nibẹ ni Oloye Oluṣẹgun Ọbasanjọ, Alhaji Aliko Dangote ti yoo jẹ alaga, Oloye Victoria Adunọla Samson (Mama Bovas), Arabinrin Fọlọrunsọ Alakija.

Ọọni Adeyẹye Ẹnitan Ogunwusi ni yoo ko awọn ori-ade sodi, nigba ti Gomina ipinlẹ Ọyọ, Ẹnjinnia Ṣeyi Makinde, yoo gba awọn gomina to n bọ kaakiri orileede yii lalejo.

Nibi eto naa, Akọgun Oyewumi sọ pe wọn yoo ṣe ifilọlẹ aafin igbalode ẹlẹgbẹlẹgbẹ biliọnu Naira fun Timi Ẹdẹ, Dokita Deji Adeleke ni yoo si jẹ olugbalejo ọjọ naa.

Tẹ o ba gbagbe, ẹgbọn gomina, Oloogbe (Sẹnetọ) Isiaka Adetunji Adeleke, ni Aṣiwaju akọkọ fun ilu Ẹdẹ.

Oṣu kin-in-ni, ọdun 1994, ni Timi ilu Ẹdẹ nigba naa, Ọba Tijani Ọladokun Oyewusi (CON), Agbọnran Keji, jawe oye Aṣiwaju ilu naa le Sẹnetọ Isiaka Adeleke lori.

Adeleke, ẹni ti gbogbo eeyan mọ si Ṣẹrubawọn, lo ipo naa fun idagbasoke ilu Ẹdẹ titi digba to doloogbe lọjọ kẹtalelogun, oṣu Kẹrin, ọdun 2017.

Latigba naa ni ipo Aṣiwaju ilu Ẹdẹ ti ṣi silẹ, ko too di pe awọn igbimọ Timi pinnu lati fi Gomina Ademọla Adeleke jẹ oye naa bayii.

Hèèmọ́ nílùú Isẹyin ! Ajínigbé pa ọlọ́dẹ ,wọ́n jí ọ̀gá tó n ṣọ́

Fẹ́mi Akínṣọlá
Afẹ́fẹ́ tó n dààmú oníkẹtẹpẹ ògì, àfi kí gbogbo oníyẹ̀fun ó má ṣàfira. Àbí bí àwọn ajínigbé bá lè wọnú ilé tí wọ́n ń fi ọdẹ ṣọ́, tí wọ́n sì rí onílé ọ̀hún jí gbé, àfi kí èèyàn tí kò rówó gbọdẹ kún fún ìgbìyànjú àti ádùrá dáadáa pẹ̀lú bí àwọn jàǹdùkú agbébọn ṣe wọlé tọ obìnrin kan lọ, tí wọ́n sì jí í gbé lẹ́yìn tí wọ́n yìnbọn pa ọdẹ tó ń ṣọ́ ilé náà.

Nílùú Iṣẹyin, ní ìpínlẹ̀ Ọ̀yọ́, ni ìṣẹ̀lẹ̀ yìí ti wáyé nígbà tí àwọn aláìláàánú èèyàn ọ̀hún yìnbọn pa ọdẹ tó ń ṣọ ilé, tí wọ́n sì wọnú ilé lọ̀ ọ́ jí obìnrin onílé náà gbé lálẹ́ Ọjọ́bọ, ọjọ́ kẹrìndílógún (16), oṣù Karùn-ún, ọdún 2024 tá a wà yìí.

Obìnrin tí wọ́n jí gbé yìí, Abilékọ Sekinat, ló jẹ́ ìbátan fún Amòfin Àgbà Ahmed Raji tí í ṣe àgbà ọ̀jẹ̀ agbẹjọ́rò nílẹ̀ yìí.

Ọ̀kadà làwọn òbìlẹ̀jẹ́ ẹ̀dá ọ̀hún gùn lọ sílé obìnrin náà, ṣùgbọ́n ọkọ̀ ayọ́kẹ́lẹ́ rẹ̀ tí wọ́n ń pè ní Lexus ni wọ́n fi gbé e lọ síbi tí ẹnikẹ́ni kò tí ì mọ̀ títí tá a fi parí àkójọ ìròyìn yìí.

A gbọ́, pé àwọn agbófinró ti gbọ́ nípa ìṣẹ̀lẹ̀ yìí, wọ́n sì ti palẹ̀ òkú ọdẹ tí wọ́n yìnbọn pa ọ̀hún mọ́.

Àwọn agbófinró ti bẹ̀rẹ̀ iṣẹ́ lórí ìṣẹ̀lẹ̀ yìí láti gba obìnrin náà sílẹ̀ láàyè lọ́wọ́ àwọn ajínigbé.

Kàyéfì ni ìwọ́de àwọn aláìsàn ọpọlọ tó ń gba ìtọ́jú ní Árò jẹ, kódà wọ́n gé dókítà jẹ yánna-yànna.

Ọlámídé Motúnráyọ̀

Àrà me è rírí nìṣẹ̀lẹ̀ tó ṣẹlẹ̀ l’ọ́jọ́rú wẹ́sìdàé, ọjọ́ kẹẹ̀ẹ́dógún oṣù Karùn-ún ọdún 2024 yìí. Níbi tí àwọn alárùn ọpọlọ ti faraya. Nǹkan kò ṣe ẹnu re nílé ìwòsàn ìtọ́jú alárùn ọpọlọ tó wà ní Árò, nílùú Abéòkúta.

Àwọn tí wọ́n ti ń ní àlàáfíà nínú àwọn aláìsàn náà la gbọ́ pé wọ́n yarí mọ́ àwọn olùtọ́jú àti aláṣẹ
iléèwòsàn náà lọ́wọ́. Kódà, wọ́n ní díẹ̀ ló kù kí dókítà kan àti àwọn nọ́ọ̀sì mẹ́ta pàdánù ẹ̀mí wọn sọ́wọ́ àwọn olùfẹ̀hónù hàn náà, bí kò ṣe orí tó kó wọn yọ. Pẹ̀lúpẹ̀lú ẹ̀ náà, dókítà kan foríkó ìyà lọ́wọ́ àwọn alárùn ọpọlọ tí àlàáfíà ti ń to náà.A gbọ́ pé wọ́n gé e jẹ yánna-yànna ni. Àfìgbà tí àwọn ọlọ́pàá téṣàn Láfẹ́n̄wá wáá yanjú wàhálà náà ni àlàáfíà tóó jọba.

Ohun tó ṣẹlẹ̀ tí áwọn aláìsàn tó ń gbàtọ́jú fi dojú ìjà kọ àwọn tó ń tọ́jú wọn ni pé, wọ́n bínú lórí ìwà táwọn aláṣẹ àti àwọn dókítà Árò ń hù. Wọ́n ní wọn kì í fún àwọn lóúnjẹ tó dáa. Bí iná ọba bá lọ, wọ́n ní òkùnkùn birimù làwọn yóò wà, àwọn aláṣẹ Árò kò ní í wá ọ̀nà láti tan ẹ̀rọ amúnáwá, bẹ́ẹ̀ wọ́n ń gbówó ribiribi lọ́wọ́ àwọn èèyàn àwọn. Láti ṣe ìgbọ̀nṣẹ̀ tàbí tura kò tún dẹrùn gẹ́gẹ́ báwọn èèyàn náà ṣe wí. Bákan náà, wọ́n ní àwọn kò lè rìn yan fanda nínú ọgbà tó bẹ́ẹ̀, àwọn kò tún ní anfààní láti lè rí àwọn ẹbí àwọn tí yóò mú wọn padà sílé. Wọ́n ní ó ti pẹ́ táwọn ti ń kojú àwọn ìṣòro yìí, kò ṣẹ̀ṣẹ̀ bẹ̀rẹ̀.

Ẹnìkan tó jẹ́ ẹbí ọkàn lára àwọn èèyàn náà ṣàlàyé, pé bó ṣe rí gẹ́lẹ́ ni àwọn olùgbàtọ́jú náà sọ yẹn. Ó ní owó ńlá ni àwọn aláṣẹ iléèwòsàn àìsàn ọpọlọ yìí ń gbà, èyí tó kéré jù ni Ìdajì mílíọ̀nù náírà (#500,000). Obìnrin náà sọ pé nígbà mì-ín, ẹgbẹ̀rún lọ́nà ẹ̀ẹ́dẹ́gbẹ̀rin (#700,000) ni wọ́n gbà. Ó ní bí ẹni tí wọ́n bá fẹ́ẹ́ tọ́jú bá ṣe pẹ́ sí lọ́dọ̀ wọn ni wọ́n ṣe ń bu owó sísan. Ṣùgbọ́n pẹ̀lú owó tí wọ́n ń gbà, ó ló ṣeni láànú pé ìyà ni wọ́n fi ń jẹ àwọn àkàndá ẹdá tó nílò ìtọjú.

Alukoro àwọn aláṣẹ iléèwòsàn ọpọlọ Árò náà, Ajíbọ́lá sọ̀rọ̀, ó sọ pé ọ̀rọ̀ abẹ́nú lásán ni; pé ìṣẹ̀lẹ̀ tí kò kan ará ìta ló ṣẹlẹ̀. Ó ní ìṣẹ̀lẹ̀ náà kò tó ohun táwọn akọrọ̀yìn ń gbé jáde rárá, nítorí ohun táwọn ti paná rẹ̀ ni.

Ṣáá, ọ̀gá ọlọ́pàá téṣàn Láfẹ́n̄wá, l’Ábẹ́òkúta, DPO Enatufe Omoh, fìdí ìṣẹ̀lẹ̀ náà múlẹ̀. Omoh ṣàlàyé pé dókítà kan ṣoṣo ni àwọn àkàndá ẹ̀dá náà gé jẹ, tó sì fara ṣèṣe. Ó ní kò sẹ́ni tó kú nínú ìṣẹ̀lẹ̀ náà, báwọn kan ṣe ń gbé e kiri.

Alága ọlọ́kọ̀ èrò tẹ́lẹ̀rí nípínlẹ̀ Ọ̀yọ́ Auxiliary rẹ́wọ̀n he!

Ọlámídé Motúnráyọ̀

Bẹ́ẹ̀ bá gbàgbé, lẹ́yìn ọ̀pọ̀lọpọ̀ ọjọ́ tí àwọn agbófinró ti kéde síta pé àwọn wá Auxillary, nínú oṣù yìí ni ìròyìn jáde pé àwọn agbófinró ti lọ mú ún. Àjọ ọ̀tẹlẹ̀múyẹ́ DSS ló lọ gbé alága ìgbìmọ̀ alámòjútó àwọn gáréèjì ọkọ̀, PMS, tẹ́lẹ̀rí l’Óyò.

Iléeṣẹ́ ọlọ́pàá ìpínlẹ̀ Ọ̀yọ́ ti jẹ́ kó di mímọ̀ pé àhámọ́ iléeṣẹ́ olópàá ni alága tẹ́lẹ̀ fún ẹgbẹ́ awakọ̀ nípìnlẹ́ Ọ̀yọ́, Alhaji Làmídiì Múkáílà, ẹni ti ọ̀pọ̀ ènìyàn mọ̀ síi Auxillary wà báyìí; wọ́n fojú ẹ̀ hàn, léyì tí wọ́n sì ka ẹ̀sùn orísirísi sí i lẹ́sẹ̀.

Àwọn ẹ̀ṣùn tí wọ́n fi kan Auxillary, ẹni tí wọ́n furasí pé ó lọ́wọ́ nínú: ìjínigbé lágbègbè Òkè-Ògùn àti Ìbàràpá, ìṣekúpani, ìgbìmọ̀ láti gbẹ̀mí eniyan, ṣíṣe ènìyàn lésè, ìpànìyàn, kátàkárà ìbọn àti ìdigunjàlè.

Kọmísánà fún iléeṣẹ́ ọlọ́pàá nípínlẹ̀ Ọ̀yọ́, Adébọ́lá Hamzat ní afurasí náà yóò fojú ba iléẹjọ́ láìpẹ́ láti wí tẹnu rẹ̀ lórí ẹ̀sùn tí wọ́n fikàn. Látàrí àwọn ohun ìjà olóró tí wọ́n rí ní ilé rẹ̀ ní agbègbè Alákíá-Ìṣẹbọ lábẹ́ ìjọba ìbílẹ̀ Ẹgbẹ́dá ni ìbọn AK47, Ilé ọta ìbọn mẹ́rin, ìbọn Pumb Action, Ìbọn Barreta, Ìbọn cut to size àti ìbọn òyìnbó kan; pẹ̀lú àwọn ọta ìbọn 724, Àdá 25, Ọ̀bẹ Jack 7, ẹ̀rọ ìbáraẹnisọ̀rọ̀ 33, Ẹ̀rọ kọ̀mpútà , Òògùn abẹnu
gọ̀gọ̀, Ọkọ̀ akérò Mazda, Ọkọ̀ ayọ́kẹ́lẹ́ Toyota Sienna, àti Owó tótó N3.45m.

Ṣáájú kí ọwọ́ tó tẹ Auxillary, lo tí ní gbogbo ohun tí àwọn iléeṣẹ́ ọlọ́pàá ìpínlẹ̀ Ọ̀yọ́ ṣàfihàn gẹ́gẹ́ bí ohun ìjà olóró tí wọ́n kó ní ilé òun, kò kí se tirẹ̀ rárá, tí wọn kò sì lè kéde pé wọ́n ń wá òun nítorí òun kò tàpa sófin tàbí wùwà jàndùkú kankan. Ó ní bí iléeṣẹ́ ọlọ́pàá ṣe kéde pé wọ́n wá òun ni kò bójú mu, tí kò dẹ̀ kí ń ṣe ti tòun rárá nítorí òun kò kọjá àyè òun tàbí fa wàhálà.

Ní báyìí, Auxiliary ti wà láhàámọ́ ọgbà ẹ̀wọ̀n Agodi, n’Íbàdàn; látàrí ẹ̀sùn mẹ́rin gbòógì tí wọ́n fi kàn. Èyí kò sẹ̀yìn àṣẹ tí ilé ẹjọ́ Májísírèètì tó wà ní ìyágànkú nílùú Ìbàdàn filéde, láti ẹnu Onídàájọ Ọlábísí Ògúnkànmí; tó pàṣẹ pé kí wọ́n tọ́jú olùjẹ́jọ́ náà pamọ́ sí àhámọ́ títí di ọjọ́ kọkànlá, oṣù Kẹfà, ọdún 2024 yìí. Nígbà tí ìmọ̀ràn yóò ti wá láti ọ̀dọ̀ àwọn aláṣẹ ìdájọ́ nípínlẹ̀ Ọ̀yọ́, lórí ilé-ẹjọ́ tó lágbára láti gbọ́ ẹjọ́ náà.

Níkẹyìn wọ́n ti sin òkú gbajúmọ̀ òṣèré nì, Junior Pope

Ọlámídé Motúnráyọ̀

Gbajúmọ̀ òṣèré sinimá Nollywood, Obumneme Odonwodo tí ọ̀pọ̀ èèyàn mọ̀ sí Junior Pope tó kú sínú ìjàm̀bá okọ̀ ojú omi odò ọya ìyẹn River Niger níbi tí ó tí ṣiṣẹ́ lọ́wọ́ ni ọjọ́ kẹ́wàá, oṣù kẹrin, ọdún 2024 yìí ni wọn ti sìnkú rẹ̀ báyìí.

Ní ọjọ́ tí ìjàm̀bá okọ̀ ojú omi náà wáyé ni Junior Pope fi fídíò kan sórí ayélujára nípa bí àwọn òṣèré ṣe
máa ń fi ẹmí ar̀a wọn wéwu láti wá oúnjẹ oòjọ́ wọn.
Fídíò náà ń ṣàfihàn bí Junior Pope àtàwọn yòókù rẹ ṣe wà nínú ọkọ̀ ojú omi lórí odò River Niger láì
wọ aṣọ ààbò. Ó ń sọ nínú fídíò náà pé òun ní ọmọ mẹta, òun sì ni yóò tọ́jú wọn, tí òun máa rè wọ́n dàgbà.
Níbẹ ló ti ń bẹ awakọ̀ ojú omi náà pé kó ṣe jẹjẹ́ nítorí òun nìkan ni àwọn òbí òun bí.

Ní ọjọ́ Ajé Mọ́ńdè ọjọ́ kẹtàlá oṣù karùn ún ọdún 2024 ni wọ́n bẹ̀rẹ̀ ètò ìsìnkú rẹ̀ pẹ̀lú ìsìn Ìdágbére ní ilé ìjọsìn
Christ the King Parish ní ìlú Enugu. Ní ọjọ́ Ìṣẹ́gun Túsìdèé, ọjọ́ kẹrìnlá oṣù karùn ún ni ètò àṣálẹ́ ìrántí wáyé fún olóògbé Junior Pope. Ọjọ́bọ̀ Tọ́sìdàé ni ìsìn àṣálẹ́ onígbàgbọ́ wáyé fún òkú rẹ̀ ní ìlú ìbínibí rẹ̀, Uwala Abaka, Ukehe ní Nsukka. Ní ọjọ́ Ẹtì ni wọ́n sin òkú rẹ̀

Lẹ́yìn ikú Junior Pope, Ààrẹ ẹgbẹ àwọn òṣèŕé ìyẹn Actors Guild of Nigeria (AGN), Emeka Rollas Ejezie ti fòfin de yíya sinimá àbí ṣíṣe eré ní etí odò tàbí lórí omi látara ìjàm̀bá tó wáyé náà. Bákan náà, AGN ní àwọn ti fòfin dè fíìmù “Another Side of Life”. Fíìmù yìí ni Junior Pope àtàwọn akẹgbẹ́ rẹ̀ mẹ́ta mìíràn táwọn náà kú lọ yà ní ìpínlẹ Delta kí wọ́n tó ṣe kòńgẹ́ ọlọ́jọ́ wọn. Ní ọjọ́ kọkànlá, oṣù kẹrin ọdún yìí. Ẹgbẹ̀ AGN fi àtẹ̀jáde léde tí wọ́n sì tún fi kún pé òṣèŕé kankan kò gbọdọ̀ bá Adamma Luke ṣiṣẹ mọ́. Adamma Luke ni ó ni eré tí àwọn Junior Pope lọ ṣe.

Wọ́n gbàdúrà kí Ọlọ́run tẹ àwọn tó pàdánù ẹmí wọn sí afẹ́fẹ́ rere.

Igbe èmi ló kàn pẹ̀lú orin ọpẹ́ ló gba ẹnu ọba lọ́la Ọlákùlẹ́yìn, ó ní òun ti ṣetán láti gorí ìtẹ́ Olúbàdàn.

Ọlámídé Motúnráyọ̀

Alàgbà Owólabí Ọlákùlẹ́yìn ẹni tí ìrètí wà fún pé òun ni yóò jọba ìlú Ìbàdàn; ti sọ̀rọ̀ pẹ̀lú ìdánilójú pé tàbí ṣùgbón kankan kò sí òun ni ipò Olúbàdàn kàn báyìí. Ó wí pé ’Olúwa ti sọ pé èmi nipò Olúbàdàn kàn, mo sì mọ̀ dájú pé èmi ló kàn’’

Lọ́jọ́ Ẹtì, ọjọ́ kẹtàdínlógún oṣù Karùn-ún ọdún 2024 yìí, ni Ọlákùlẹ́yìn sọ̀rọ̀ yìí lásìkò tí ikọ̀ alábẹ̀wò láti ọ̀dọ̀ Gómìnà Ṣèyí Mákindé lọ kí baba náà nílé rẹ̀ lágbègbè Alálùbọ́sà, níbàdàn ló ti sọ bẹ́ẹ̀.

Alàgbà Ọlakulẹyin ní ọpẹ́ ló kàn lọ́rọ̀ òun àti pé òun ti ṣetán láti gun orí ìtẹ́, ó sọ̀rọ̀ pẹ̀lú ohùn tó já geere sí ìyàlẹ́nu ọ̀pọ̀ èèyàn tó wà níbẹ̀. Ó’ ní “ Inú òun dùn
láti rí àwọn ikọ̀ alábẹ̀wò láti ọ̀dọ̀ Gómìnà. Ó ṣàlàyé pé “Nígbà tí wọ́n ti sọ fún òun pé àwọn ikọ̀ alábẹ̀wò ń bọ̀, ẹsẹ̀kẹsẹ̀ ni mo sọ fáwọn olóyè mi pé kí wọ́n máa bọ̀, kí wọ́n jẹ́ ká jọ gbà yín lálejò. Ó tẹ̀ṣíwájú nínú àlàyé rẹ̀, ó pé “Inú mi dùn pé àwọn èèyàn mi wà níbí pẹ̀lú mi”. Òun sì ti ṣetán pátápátá láti jọba, ó ní “Mo mọ̀ pé Ọlọ́run wà lẹ́yìn mi, ó ti sọ pé èmi ni ipò Olúbàdàn kàn, èmi náà sì mọ̀ lódodo pé èmi ló kan, àsìkò mi rèé.’’ Bàbá lóun kò ní í já àwọn èèyàn kulẹ̀, àti pé gbogbo àjọ̀ṣepọ̀ rere tó n gbé ilẹ̀ Ìbàdàn ró làwọn yóò jọ jèrè rẹ̀. Kò ní í bàjẹ́ láéláé.

Alága ikọ̀ tó ṣàbẹ̀wò náà, Amòfin àgbà Bólájí Ayọ̀ríndè, ṣàlàyé pé lẹ́yìn táwọn afọbajẹ ti fi orúkọ ọmọ oyè Owólabí Ọlákùlẹ́yìn ráńṣẹ́, ó lẹ́tọ̀ kí àbẹ̀wò tọ́ si i láti ọ̀dọ̀ ìjọba. Ayọ̀ríndè sọ pé Gómìnà fúnra rẹ̀ ni kò bá wá pàápàá, bí kò ṣe pé ó wà ní ìrìn àjò kan ni. Ó ní tí Gómìnà Mákindé bá ti dé, yóò wáá yọjú sí ọba Ìbàdàn tó kàn yìí láti ṣe Bàbá kẹ́ ẹ pẹ́ sí i. Orúkọ àwọn yòókù tí wọ́n kọ́wọ́ọ́rìn síbi àbẹ̀wò náà pẹ̀lú Amòfin Ayọ̀ríndè ni Ọ̀gbẹ́ni Ṣẹ́gun Ọláyíwọlá àti Sẹnetọ Mònsúrá Sùnmọ́nù.

È̩rín pa ẹ̀ẹ̀kẹ́ Ọbasá lórí Ọ̀ṣẹ̀ Yorùbá

Akeem Lasisi

Bi eeyan ba gun esin koja ni inu Agbenuso Ile Igbimo Asofin Ipinle Eko, Rt Honorable Mudasiru Obasa, bayii, esin naa ko ni kose.

Geerege ni yoo lo titi de Kano tabi Enugu.

Eyi yoo ri bee tori pe inu Alagba Obasa n dun sin-in latari bi Gomina Ipinle Eko, Alagba Babajide Sanwo-Olu, se fi ounte lu ayeye Ose Yoruba (Yoruba Week), eyi ti ijoba naa yoo see ninu osu kesan-an odun yii.

Ile Igbimo Asofin Eko, eyi ti Obasa je adari fun, lo gbe erongba Ose Yoruba naa jade, to s gbe e siwaju Sanwo-Olu ninu osu to koja.

Niwon igba ti gomina naa feran oro asa ati ise Yoruba tele, ko ni i lara lati bu ounte naa lu u.

Eyi tumo si pe gongo a so ni Eko ninu osu kesan-an, ti aruputu yoo si hu.

Bi a ko ba gbagbe, Obasa je eni kan to feran ede Yoruba pupo.

Oun ati awon asofin to ku kii ko iyan ede abinibi naa kere.

Eyi lo fa a ti won fi pinnu lati maa so ede naa ni awon ojo kan, ti won ko si fi sere rara.

Bi Gomina se wa je eni to feran, to si n sise takuntakun lori idagbasoke irinajo afe, asa ati ise (tourism, arts and culture), ti Obasa ati awon asofin naa si gbe ede Yoruba soke ni ookan aya won, e ko wa ri i pe Ipinle Eko ko se e fowo ro seyin ti a ba n soro pataki ohun abinibi.

IROYIN OWURO patewo nla fun won lori eleyii.

IDÁN ORÍTA: ÀRÀMÀNDÀ BÍRÍÌJÌ SANWO-OLU TUNTUN NÍ ÌKẸJÀ ṢỌ ARÁ ÈKÓ DI ARÁ OKO

Akeem Lasisi

– E tun ka nipa opolopo ona, afara, ile iwosan, ile-iwe, aafin ati bee bee lo ti ijoba Babajide Sanwo-Olu ti se laarin odun kinni isejoba eleekeji rẹ̀

Ni agbegbe Ikeja ni Ipinle Eko, orin ti yi, ilu si ti yi pada o.

Paapaa ni opin Awolowo Road si Ikeja Express, eni to ba ti de ibe ti pe, ko kun fun adura ki oun ma sonu ni.

Ki onitohun soji, ko ma sun – gege bi asa ti won maa n da.

Iru eni naa ko gbodo die nu re, ani ki o ma ba a sonu, ki awereko ma lu u ni ilu Ikeja.

Eyi da lori bi biiriji kan ti ijoba Babajide Sanwo-Olu sese ko si ibe se je aramanda.

Afara soji-masun ohun ni won n pe ni Ikeja Overpass, ti won fi sori oko oju irin Red Line.

Ikeja Overpass naa ni won fi ko T, nitori o ya ona ti oko oju irin n gba soto si eyi ti awon moto n gba.

Lai paro rara, opo eniyan to je ara Eko ni biriiji kasiara naa n so di ara oko.

Ti eniyan ba ba ti de adugbo naa tipe, to ba wa sako, ti ko tete beere ona, to ni oun ko sese de Eko, oun kii se ara oke ni Ikeja, onitohun a da ara re lebi.

Idi ni pe awon ona keekee kan ti eniyan maa n ba jade ni agbegbe Ijoba Ibile Ikeja Local Government Area ni biriiji gbankogbi naa ti yi kadara won pada.

Lati jade si ona Iyana-Ipaja tabi Agege bayii, a ni lati gun afara agbayanu yii, yato si yiya bara si awon koro-koro ti a n to nigba kan.

Sugbon ti oju awako ati awon arinse ba ti wa da si idan ti biriiji yii je, fanda-fanda ni oluware yoo maa yan, ti okan re yoo si maa kan saara si Sanwo-Olu.

Ki a ma paro, ka ma se’ke, afara Ikeja Overpass nla yii je okan pato ninu opo aseyori malegbagbe gomina naa.

Sibesibe, ti a ba n wo itesiwaju to ti ba Eko laarin odun kan seyin ti Sanwo-Olu bere isejoba eleekeji re, a yoo ri i pe kii se keremi.

Bi o se n se oniruuru ona lo n se afara moto ati ti elese.

Niwon igba to wa je pe arise ni arika, ti arika je baba iregun, ijoba naa ti so pe ti a ba ka a ni meni, meji, ona eedegberin o le meji (172) ni oun ti pari laarin odun kan seyin o, ti eyi si ja si ona kilomita to le ni 177.

O wa fi kun un pe, pelu aijafira, ise n lo lowo lori ona to je igba o le ni aadota ati meta – 253.

Bi awon yii se n lo lowo naa ni ise afara to maa n gbon owo julo ko duro.

Oludamoran Pataki lori oro Ohum Amudagbasoke ba Ilu (Special Adviser on Infrastructure), Alagba Olufemi Daramola, lo so eyi di mimo lojo Jimoo, ojo keta osu karun-un odun yii.

O se alaye naa lasiko to n ba awon oniroyin soro lori aseyori Ijoba Sanwo-Olu pelu Igbakeji re, Dokita Obafemi Hamzat.

Pelu idunnu ati ifowosoya ni Daramola se ran awon ara ilu leti pe ise si n lo ni pereu lori awon akanse ise miiran, to si mu u da won loju pe, laipe lai jinna, Sanwo-Olu yoo se awon ise naa ni asepe.

Lara awon wonyi ni afara ti yoo so Ojota ati Opebi po (Opebi-Link Road); ti Abiola-Onijemo Link Road, ti yoo so College Road ati awon adugbo bii Ajayi Street, Ogba po mo Aruna/Obawole/Iju-Ishaga ni Ifako-Ijaiye.

Olubadamoran Pataki naa fi kun un pe lara awon ise pataki to tun n lo lowo ni ona Babafemi Dada (onibiriiji) lo si Yinka Folarin-Jamiu Lawal-Shalom Academy Road ni Ijoba Ibile Alimosho; ati awon pataki miran bee ni agbegbe LASU, Iba, Baruwa, Amuwo Odofin, Popona Badagry, Mazamaza, Eti-Osa ati Epe Alaro, Omo Ogunmodede.

Ko tan sibe o. Daramola so pe ise si n lo witiwiti lori atunko osibitu awon omode Massey Street Children’s Hospital, eyi ti yoo ni beedi ogojo o din mewaa (150) ati

ile iwosan gbogbo gboo nla ti General Hospital, Ojo.

Ijoba tun n ba ise lo ni pereu lori kiko ile ise panapana ti Kosofe ati Ijede Fire Stations; ile awon akekoo ti Students’ Union Arcade ni Ojo; kiko abala ikawe Faculty of Management Sciences Complex Phase 1, ile ikawe ti Central Library Phase 2A, atunko ilegbee awon akekoo ti Nigerian Law School Hostel, Lagos Campus to fi mo atunko alasodoge enu abawole ifafiti nla ti Eko, iyen Remodelling of the University of Lagos Main Gate.

Daramola tun menuba ise to n lo kaakiri LASU Business School, LASUSTECH, ati ni Alausa pelu Onikan.

Ohun nla kan ti yoo tun mu inu awon omo Eko dun gidi ni bi ijoba Sanwo-Olu se n so ilu di tuntun ni awon ibi pataki kan. Lara awon yii ni isodoge aafin Oba Ilu Eko – Renovation of Iga Iduganran – ati kiko amusapejuwe aafin Oba Badagry iyen Prototype Oba’s Palace, ni Badagry, nibi ti Sanwo-Olu tun ti n ba ise lo laiweyin lori kiko ile igbafe oniyara meji le laadota 52-Bedroom Hotel ati ibudo awon eniyan pataki-pataki ti VIP Chalets, ni Badagry bakan naa.

Ọmọ ‘Yahoo’ márùndínlọ́gbọ̀n kó páńpẹ́ EFCC n’Ílọrin, akẹ́kọ̀ọ́ ló pọ̀ nínú wọn

Fẹ́mi Akínṣọlá

Bí àwùjọ ṣe ń gé àwọn ọ̀dọ̀ wọ̀nyí lọ́wọ́ ni wọ́n ń bọ̀ọ̀ka, bó ṣe jẹ́ pé kò dín ní géńdé márùndínlọ́gbọ̀n (25), tọwọ́ àjọ tó ń gbógun ti ìwà jìbìtì àti ṣíṣe owó ìlú mọ́kumọ̀ku, Economic Financial and Crimes Commission (EFCC), bà láwọn ìgboro ìlú Ìlọrin, ní ìpínlẹ̀ Kwara, l’ọ́jọ́ Ẹtì, ọjọ́ kẹwàá, oṣù Karùn-ún, ọdún 2024 yìí. Wọ́n ní jìbìtì orí ẹ̀rọ ayélujára tí wọ́n ń pè ní ‘Yahoo Yahoo’ làwọn ọ̀dọ́ náà ń ṣe.

Nínú àtẹ̀jáde kan tí Alukoro EFCC, Ọ̀gbẹ́ni Dele Oyewọle, fi léde nílùú Ilọrin, ló tí sọ pé ọ̀pọ̀ lára àwọn afurasí ọ̀daràn tí wọ́n mú náà ni wọ́n jẹ́ akẹ́kọ̀ọ́ láwọn ilé ẹ̀kọ́ gíga, ṣùgbọ́n kàkà kí wọ́n dojúkọ ẹ̀kọ́ wọn, ìwà gbájú-ẹ̀ ni wọ́n ń jù lórí íńtánẹ̀tì, ó ní àwọn inú ilé tí àwọn afurasí náà fara pamọ́ sí lọwọ́ ti tẹ̀ wọ́n.

Lásìkò tọ́wọ́ bá wọ́n, ọkọ̀ ayọ́kẹ́lẹ́ bọ̀gínní mẹ́fà, ọ̀pọ̀lọpọ̀ fóònù ìgbàlódé, àwọn kọ̀ǹpútà àgbélétan, àtàwọn nǹkan mí-ìn tó lòdì sófin ni wọ́n bá níkàáwọ́ wọn.

EFCC, ẹ̀ka tìlú Ìlọrin tó ṣiṣẹ́ náà tí taari àwọn afurasí ọ̀daràn yìí sọ́dọ̀ àwọn ọlọ́pàá ọ̀tẹlẹ̀múyẹ́ fún ìwádìí tó lóòrìn, kí wọ́n lè fojú wọn balé-ẹjọ́ láìpẹ .

Èyí làwọn òṣèré tíátà tó gba àmì ẹ̀yẹ AMVCA ọdún 2024

Fẹ́mi Akínṣọlá

Ṣé àwọn àgbàlagbà bọ wọ́n ní kúuṣẹ ní-ín mórí oníṣẹ́ yá láti tèsíwájú iṣẹ́ rere.
Gbajúgbajà òṣèré tíátà Kehinde Bankole àti Wale Ojo ló gba àmì ẹ̀yẹ òṣèrébìnrin àti òṣèrékùnrin tó dáńtọ́ jù, tí sinimá Breath of Life sì gba sininmá tó dá a jù níbi àmì ẹ̀yẹ AMVCA ọdún 2024.

Àwọn òṣeré méjèèjì fìdí àwọn akẹgbẹ́ wọn janlẹ̀ láti gba àmì ẹ̀yẹ náà.

Àmì ẹ̀yẹ Africa Magic Viewers’Choice Award ló jẹ́ àmì ẹ̀yẹ kan tó lààmìlaka fún àwọn òṣèré nilẹ Áfíríkà.

Ka ìpele àmì ẹ̀yẹ àti àwọn tó jáwé olúborí
Trailblazer Award

Chimezie Imo OLUBORI
Industry Awards

Esther Idowu Phillips (Iya Rainbow)
Richard Mofe Damiji (RMD)
Best Digital Content

National Treasure – Adebola Adeyela (Lizzy Jay)
Medical Negligence and Copyright Infringement – Isaac
Ayomide Olayiwola (Layi Wasabi) OLUBORI
Hello Neighbour – Elozonam Ogbolu, Lina idoko and Jemima Osunde
The Boyfriend – Maryam Apaokagi-Greene
Best Indigenous Language Film (West Africa)

Mami Wata (CJ Fiery Obasi)
Jagun Jagun (Femi Adebayo) OLUBORI
Ijogbon (Kunle Afolayan)
Orisa (Odunlade Adekola)
Nana Akoto (Kwabena Gyansah)
Best Supporting Actor

Alexx Ekubo (Afamefuna)
Demola Adedoyin (Breath of Life) OLUBORI
Itele d Icon (Jagun Jagun: The Warrior)
Gregory Ojefua (This is Life)
Timini Egbuson (A Tribe Called Judah)
Levi Chikere (Blood Vessel)
Ropo Ewenla (Over the Bridge)
Best Supporting Actress

Joke Silva (Over the Bridge)
Fathia Williams (Jagun Jagun – The Warrior)
Bimbo Akintola (The Black Book)
Genoveva Umeh (Breath of Life) OLUBORI
Eliane Umuhire (Omen)
Tana Adelana (Ijogbon – Chaos)
Ejiro Onojaife (The Origin: Madam Koi Koi)
Best Lead Actor

Wale Ojo (Breath of Life) OLUBORI
Stan Nze (Afamefuna)
Marc Zinga (Omen)
Gideon Okeke (Egun)
David Ezekiel (Blood Vessel)
Richard Mofe Damijo (The Black Book)
Adedimeji Lateef (Jagun Jagun – The Warrior)
Gabriel Afolayan (This is Lagos)
Best Lead Actress

Segilola Ogidan (Over the Bridge)
Lucie Debay (Omen)
Omowunmi Dada (Asiri Ade)
Ireti Doyle (The Origin: Madam Koi Koi)
Adaobi L. Dibor (Blood Vessel)
Evelyne Ily (Mami Wata)
Kehinde Bankole (Adire) OLUBORI
Funke Akindele (A Tribe Called Judah)
Best Cinematography

Mami Wata (Lílis Soares)
Blood Vessel (Gideon Chukwu)
Over The Bridge (KC Obiajulu) OLUBORI
Breath of Life (Ola Cardoso)
Jagun Jagun – The Warrior (Adeoluwa Owu)
Ijogbon – Chaos (Adekunle Nodash Adejuyigbe)
Omen (Joachim Philippe)
Best Editing

Chuka Ejorh And Onyekachi Banjo (Over The Bridge)
Holmes Awa (Breath of Life)
Alex Kamau And Victor Obok (Volume)
Dayo Nathaniel (Ogeere – Earth)
Antonio Ribeiro (The Black Book) OLUBORI
Nathan Delannoy (Mami Wata)
Best Sound Design

Ava Momoh (Over the Bridge)
Daniel Pellerin and Amin Bhatia (Kipkemboi)
Grey Jones Ossai x2 (Breath of Life and Blood Vessel) OLUBORI
Samy Bardet (Mami Wata)
Best Art Direction

Blood Vessel (Victor Akpan)
Over The Bridge (Abisola Omolade) OLUBORI
Breath of Life (Okechukwu Frost Nwankwo, Kelechi Odu)
The Black Book (Pat Nebo and Chima Temple)
Jagun Jagun: The Warrior (Tunji Afolayan)
Mami Wata (C.J Fiery Obasi)
Omen (Eve Martin)
Best Costume Design

Demola Adeyemi (Over The Bridge)
Bolanle Austin Peters, Ituen Basi, Folake Coker and Clement Effanga (Funmilayo Ransome-Kuti)
Lola Awe (Jagun Jagun: The Warrior) OLUBORI
Bunmi Demilola Fashina (Mami Wata)
Daniel Obasi (Breath of Life)
Best Makeup

Francesca Otaigbe (Over the Bridge)
Campbell Precious (Mami Wata) OLUBORI
Hadizat Gambo (Mojisola)
Hakeem Onilogbo (Jagun Jagun – The Warrior)
Feyisayo Oyebisi (A Tribe Called Judah)
Best Writing TV Series

Skinny Girl in Transit (Season 7)
Wura (Season 2)
Visa on Arrival
MTV Shuga Naija
Volume- Mona Ombogo OLUBORI
Masquerades of Aniedo
Slum King
Best Writing in a Movie

Breath of Life (BB Sasore)
Over The Bridge (Tosin Otudeko)
Funmilayo Ransome-Kuti (Tunde Babalola) OLUBORI
Jagun Jagun: The Warrior (Adebayo Tijani)
Afamefuna (Anyanwu Sandra Adaora)
A Tribe Called Judah (Olufunke Ayotunde Akindele, Collins Okoh and Akinlabi Ishola)
Mami Wata (CJ Fiery Obasi)
Best Director

Moses Inwang (Blood Vessel)
Adebayo Tijani And Tope Adebayo (Jagun Jagun – The Warrior)
BB Sasore (Breath of Life) OLUBORI
Johnscott Enah (Half Heaven)
C.J. Fiery Obasi (Mami Wata)
Kayode Kasum (Afamefuna)
Tolu Ajayi (Over The Bridge)
Best Movie

Funmilayo Ransome-Kuti
Breath of Life OLUBORI
Over The Bridge
Blood Vessel
A Tribe Called Judah
The Black Book
Mami Wata
Best Documentary

Ormoilaa Ogol (The Strong One)
Lobola, A Bride’s True Price? OLUBORI
Empalikino (Forgiveness)
The Water Manifesto: Osun (Water for Gold)
Sowing Hope
Best Scripted Series

Volume
Wura (Season 2)
Slum King
Itura OLUBORI
Chronicles
Best Unscripted Series

Lol Naija (Season 1)
Nightlife In Lasgidi
The Real Housewives Of Lagos (Season 2)
Gh Queens (Season 2) OLUBORI
Mutale Mwanza Unscripted (Season 1)
Best Indigenous Language (East Africa)

Where The River Divides
Ormoilaa Ogol (The Strong One) OLUBORI
Wandongwa
Nakupenda
Itifaki
Best Indigenous Language (South Africa)

Service To Heart
Uncle Limbani
Motshameko O Kotsi OLUBORI
Best Multichoice Talent Factory Movie

Grown
Her Dark Past OLUBORI
Somewhere in Kole
Full Time Husband
The 11th Commandment
Mfumukazi
Best Scripted M-Net Original

Slum King OLUBORI
Half Open Window
Itura
The Passenger
Magic Room
Best Unscripted M-Net Original

What Will People Say
The Irabors’ Forever After
Nwuyee Bekee (Foreign Wives) OLUBORI
Date My Family Zambia
Royal Qlique (Season 2)
Best Indigenous M-Net Original

The Passenger
Nana Akoto
Apo
Irora Iya OLUBORI
Love Transfusion (Kiapo Cha Damu)
Best Short Film

T’egbon T’aburo
Broken Mask OLUBORI
Eighteenth Year
Man and Masquerades
A Place Called Forward