Ẹ gbà mi o! Wọ́n fẹ́ jí mi gbé ni o – Portable

Mary Fágbohùn

Gbajugbaja olorin Naijiria, Portable, ti ke si First Bank lori esun igbiyanju ijinigbe.

Portable ti o so eyi ninu fonran kan to n lo kaakiri lori oju-iwe Instagram rẹ, ṣalaye pe won fẹrẹ ji oun gbe nigba to se abẹwo si ọkan ninu awọn ẹka ile ifowopamo naa.

Nigba ti o n fi ẹsun kan ile ifowopamo naa pe wọn n tọpa oun, akọrin ti wọn mọ fun laasigbo naa, sọ pe ẹṣẹ kan ṣoṣo ti oun se ni pe oun beere fun alaye lori idi ti ile ifowopamo naa se ti apo ifowomopamo oun.

Nigba ti o n ṣalaye iriri rẹ pẹlu ile ifowopamo naa ninu fonran agekuru ti yo kuro ni bayii, Portable sẹ ikopa ninu awọn iṣẹ arekereke eyikeyii, o salaye pe esun irinwo bilionu naira ti o wa ninu apo ifowopamo oun wa funowo sise.

“Won n tọpa mi lati First Bank lati ji mi gbe, Awọn wo ni awọn eniyan to n tẹle mi. Ki ni ẹṣẹ mi? Mi o kii lu jibiti lori ayelujara tabi se gbajue. Onibara jẹ ẹni ti o tọna nigba gbogbo. Apo ifowopamo naa jẹ ti okowo mi ati pe owo pupọ si n bọ. E jọwọ mo nilo iranlọwọ ooo.

Mo gòkè níbi isẹ́ orin láì sí baba ìsàlẹ̀ – Davido

Mary Fágbohùn

Akọrin Afrobeats David Adeleke, ti gbogbo eniyan mọ si Davido, ti ronu lori aṣeyọri iṣẹ-ṣiṣe rẹ lẹyin ti o ṣaṣeyọri pataki kan ti ara ẹni lori Spotify.

Olorin naa laipe yii de ọdọ awọn olutẹtisi oṣooṣu bii milionu mokanla lori Spotify fun igba akọkọ ninu iṣẹ rẹ, ni atẹle awo-orin ile-iṣere karun-un rẹ, to gbe jade.

Ni idahun, Davido fi igboya sọ pe ohun ti kọ iṣẹ rẹ lati ipilẹ, ko dabi ọpọlọpọ awọn ẹlẹgbẹ rẹ ti o ni awọn baba-isale ninu orin, gẹgẹ bi awọn alaṣẹ ile ise orin, ni ibẹrẹ irin-ajo wọn.

Sibẹsibẹ o jẹwọ pe aṣeyọri oun jẹ apakan ti Ọlọrun, orin didara, ati atilẹyin ainipẹkun lati odo awọn ololufẹ rẹ.

Lori X re, o kowe, “Ko si àjọsisepo, mo koo lati isalẹ de oke! Ọlọrun nikan, orin ti o dara ati awọn ololufẹ to dara! Mo moriri yin [nitooto]!”

“Kí àlááfíà wà pẹ̀lú yín” Pope tuntun, Leo XIV bá àgbáyé sọ̀rọ̀ fún ìgbà àkọ́kọ́

Fẹ́mi Akínṣọlá

Póòpù tuntun tí àwọn adarí ìjọ Àgùdà ṣẹ̀ṣẹ̀ yàn ti bá àwọn èèyàn sọ̀rọ̀ pẹlú ádùrá pé kì àlàáfíà Ọlọ́run kó máa bá wọn gbé.

Popu Ro ert Prevost ti wọn kede pẹlu apejẹ Leo XIV ba awọn ewyan sọrọ lati ori ile olu ijọ Aguda ni ilu Romu lọjọbọ lati pe fun ibagbepọ alaafia laarin gbogbo eeyan agbaye.

Popu Leo, ẹni ọdun mọkandinlaadọrin naa fi ede Italo ati spanish ka ọrọ apilẹjọ rẹ akọkọ naa, eyi to mu ki ọpọ kan sara sii pe ko fbagbe awọn eeyan orilẹede Peru nibi to ti ṣe iṣẹ alufaa fun ọpọlọpọ ọdun.

“A le jumọ rinpọ lọ si ilu ibinibi ti Ọlọrun pese fun wa.”

Baka naa lo kan sara si Poopu ana, Francis to fbesẹ losu kẹrin

O ni, ” gbogbo agbaye lo nilo Kristi gẹgẹ bi okun iṣọkan fun Ọlọrun ati ifẹ rẹ. Ẹ ran wa lọwọ, ẹ ran ara yin lowo lati mu alaafia waye”.
Eefin funfun ṣeyọ ni nile ijọsin Sistine Chapel, to wa ni Rome, ni irọlẹ Ọjọbọ eyii to fi han gbogbo agbaye pe awọn agbaagba alufaa ijọ naa to pe birikoto sibi ipade idakọnkọ ‘Conclave’ ti fẹnuko yan poopu tuntun.

Lọjọbọ ni wọn kede orukọ Robert Prevost gẹgẹ niẹni ti yoo maa dari ijọ naa lẹyin ipapoda Popoe Francis.

Orukọ apejẹ rẹ to mu si ni Poopu Leo kẹrinla.
Ninu ọrọ akọkọ to kọkọ ba gbogbo agbaye sọ, Poopu Robert Prevost dupẹ lọwọ Ọlọrun fun ore ọfẹ to fun ijọ naa lati yan adari tuntun.

Bakan naa lo ni ijọ Katoliiki gbọdọ tẹsiwaju pẹlu iran iṣọkan ati titẹle ilana ti Kristi fi lelẹ gẹgẹbi awokọṣe fun awọn onigbagbọ ati gbogbo agbaye.

Ọmọ orilẹede Amẹrika ni Poopu tuntun naa oun si ni akọkọ lati orilẹede Amẹrika ti yoo di ipo naa mu.

Orí kó Seun Kuti yọ kúrò lọ́wọ́ ikú ní yàrá ìgbàlejò US

Mary Fágbohùn

Olórin Afrobeat Seun Kuti ti fi ìrírí ibanuje ọkàn rẹ̀ ní orílẹ̀-èdè Amẹ́ríkà han nígbà tí ọta ibọn kan gúnlẹ̀ lójú fèrèsé yàrá igbalejo rẹ̀.

O salaye ibapade to ba ni lẹru naa lori oju-iwe Instagram rẹ, o fi fidio ferese ti ọta ibọn naa bajẹ ati iho re han.

Seun, ẹni ti o ṣalaye iyalẹnu, beere iwoye ti aabo ni Amẹrika.

Ninu fonran naa, Seun Kuti sọ pe oun wa ninu yara igbalejo, ti oun n sinmi, nigba ti ọta ibọn kan lojiji gba oju ferese wole.

“Mo ti ka a ni ibi kan wi pe awọn wọnyi je ọlaju eniyan. Sọ fun mi pe o wa ni Amẹ́ríkà lai so fun mi pe o wa ni Amẹ́ríkà. Mo n sere ninu yara igbalejo mi kan ati lojiji ariwo yi sele “, gege bi o se salaye.

Jíjẹ́ olókìkí ní ọmọdé jẹ́ ẹrù wúwo púpọ̀ – Lil Kesh

Mary Fágbohùn

Gbajugbaja olorin Naijiria, Keshinro Ololade, ti gbogbo eniyan mọ si Lil Kesh, ti sọrọ nipa didi olokiki bi ọdọmọkunrin.

Olorin ‘Young And Getting It’ ṣàlàyé pé ṣíṣe àṣeyọrí ní kékeré jẹ́ “eru wuwo.”

Lil Kesh ṣe ifihan eyi lori eto Esther laipẹ yi, eyi ti o gbe jade lori YouTube ni ọjọ keji osu karun-un, Ọdun 2025.

Ó sọ pé: “Bí mo ṣe tètè di olokiki da bii eru wuwo. Mo di olokiki ni omode. Omo ọdún mọ́kàndínlógún [19] ni mí nígbà tí mo wo ile ise orin.
“Mo ṣẹ̀ṣẹ̀ pé ọmọ ogún [20] ọdún nígbà tí mo ko orin ‘Shoki.’ Torí náà, fojú inú wò ó pé mo wà ni ojutaye ni akoko yii.

“Mo kan saara si awọn eniyan bi Justin Bieber ti o ro lorun lati sọ itan rẹ. Mo ni iriri awọn nnkan ti o jọra.

“Nigba ti mo di olokiki ni omode, a tun fi ọpọlọpọ awọn ohun kan dun mi; awọn iriri igbesi aye ti o yẹ ki n kọ tẹlẹ. A fi mi si ipo giga ni iru ipele ibẹrẹ bẹẹ. O jẹ eru wuwo nla lati koju gbogbo iyẹn.”

Davido pè fún ìtúsílẹ̀ VeryDarkMan

Mary Fágbohùn

Gbajugbaja olorin Afrobeats Davido ti ṣe afihan atileyin fun ajafeto omoniyan VeryDarkMan, ti o wa ni atimọle lọwọlọwọ.

Iroyin nipa bi won se mu naa waye ni kete lẹyin ti o ṣabẹwo si ẹka iran ile ifowopamo tuntun kan lati saroye nipa awọn iṣowo owo laigba aṣẹ lati apo iya rẹ.

Ninu oro lori X kan, Davido ṣe afihan ipa rere ti VDM ti ni lori igbesi aye eniyan, laibikita awọn ariyanjiyan ti o wa ni ayika rẹ.

Eni ti a fa sile fun Grammy ṣe akiyesi pe itujade atilẹyin fun VDM jẹ iwuri ati pe o ṣe iwuri fun un lati ṣe diẹ sii fun ọpọ eniyan.

“Yato si gbogbo ariwo, o dara lati rii pe ohun to dara ti ẹnikan n se ni ipa lara awọn igbesi aye eniyan, ati pe awọn eniyan moriri rẹ! Atilẹyin ti mo n rii ti won n se fun VDM nibi gbogbo jẹ iwuri, o n je ki eniyan fe ṣe diẹ sii fun ọpọ eniyan.

“E tu arakunrin mi sile,” ni o alaye.

.

Ọkàn mi gbòòrò lẹ́yìn ìbànújẹ́ ọkàn mi àkọ́kọ́ –  Ruger

Olórin Nàìjíríà, Michael Adebayo Olayinka, tí gbogbo ènìyàn mọ̀ sí Ruger, ti sọ̀rọ̀ nípa bí “ìbànújẹ́ ọkàn” rẹ̀ àkọ́kọ́ ṣe bà á nínú jẹ́ nígbà tó wà lọ́mọdé.
Olorin ‘Toma Toma’ naa so pe oun ni iriri ìbànújẹ́ ọkàn akọkọ rẹ ni omo ọdun mewaa lẹyin ti oun ri agbalagba kan, ti o fi ṣe ẹlẹya pe ọrẹbinrin rẹ n ba ọkunrin miran sùn.

Nigba ti o n soro lori eto kan The Bro Bants laipẹ, Ruger sọ pe iriri naa ba okan oun jẹ to fi je pe okan oun gbooro sii bi oun se n dagba.

Ó sọ pé: “Ìgbà tó kẹ́yìn tí ọkàn oun bà jẹ́ ni igba ti oun ṣì kéré gan-an, o ni arabinrin agbalagba yii ti oun feran, ó máa ń pè oun ní ‘ọ̀rẹ́kùnrin oun.’ Torí náà, mo rò pé obìnrin mi ni, ọmọ ọdún mẹ́fà péré ni mí.

“Okan mi bajẹ nitori ni ọjọ kan, mo ri okunrin kan ti o n ba ni nnkan po lati oju ferese rẹ. Arakunrin naa n fa a ya, arakunrin. Mo sọkun. Mo ni ipalara. Mo bẹrẹ si ko orin ‘Imagine That’ lati owo Styl-Plus. Ohun ti o je ki okan mi gboro nii, iriri naa ba ọkan mi je.”

Gbígba oyún ní ẹni ogún ọdún jẹ́ ìgbésẹ̀ òjijì –  Eniola Ajao

Mary Fagbohun

Oṣere tiata, Eniola Ajao ti sọrọ nipa bo se di iya ni ọmọ ogun ọdun, o ṣafihan rudurudu ati ohun to koju lati odo awujọ ni igba naa.

Nigba to n soro lori eto Talk To B laipe yi, Ajao ranti ninu oyun laise igbeyawo ṣe n wa pẹlu abuku ti o jinle ti o mu ki o ni imọlara idanikanwa ati itiju.

“Nini oyun ni omo ogun odun jẹ igbese ojiji kan; wa a lero pe gbogbo agbaye n ko eyin si ọ,” ni o salaye. “Ó ṣeé ṣe kí o fẹ́ pa ara rẹ tàbí kí o kú ní àkókò kan, ó sì ṣeé ṣe kí o má lè ṣe ìgbéyàwó mọ́.”

Ajao, ti o ti pe ẹni ọdun merinlelogoji bayii, sọ pe iberu sisọ eniyan di “iya omo” ati pe bi o ṣee ṣe pe ati ṣe igbeyawo ko wuwo lori rẹ.

Ó tun salaye pe: “O ni oun mọ̀ pé nǹkan ò rí bí wọ́n ṣe máa ń rí tẹ́lẹ̀. Omobinrin bi ojo ori mi, nigba naa, awon obi won yoo ma gba ona kan lati ma se je ki won laju si awon ohun to n sele nigba naa,” gege bi o se salaye.

“Nitori naa wa a fẹ fi pamo fun awọn obi rẹ ati awọn eniyan, ni akoko naa, o jẹ ohun itiju, kii ṣe pe o jẹ ohun itiju fun mi, ṣugbọn mo ri pe ohun to ya ju.”

Oṣere naa, ti o jẹ ọmọ ile-iwe ni Yabatech nigba ti o loyun, fi iroyin naa pamọ, o so fun awon perete ti o gbẹkẹle.

Ó sọ pé: “Ironú wi pé bóyá o lè máà ṣè igbéyàwó, pe ki ẹnì kan pè ọ́ ní ìyá ọmọ, tí o kò sì fẹ́ kí wọ́n so di aleebu rẹ. Àwọn ọ̀rẹ́ tímọ́tímọ́ àtàwọn die ninu ìdílé mi ló mọ̀ nípa rẹ̀.

Ajao tun ṣe afiwe ipo rẹ pẹlu awọn miiran ti wọn se igbeyawo ni ọdọ. “Omotola se igbeyawo ni omo odun mejidinlogun, opolopo eniyan lo se igbeyawo ni omo odun metadinlogun, sugbon nibi ti mo ti wa, won fe ki e pari ile iwe re, kawe gboye, ki o si se awon nnkan die.

Nigba ti Ajao ni ọmọkunrin kan, ko fi ibasepo rẹ han ni gbangba.

Ni oṣu karun-un ọdun 2024, o ṣafihan awọn idi to se fi ọmọ rẹ pamọ kuro lori ayelujara, bi o se pa aala laarin iṣẹ re ati igbesi aye ẹbi.

Ìgbẹ́jọ́ Alfa Abdulrahman lóri ẹ̀sùn ìfipábánilòpọ̀ àti ikú Afsot Yetunde ní Ilorin , bàbá olóògbé Afsot bú sẹ́kún gbagada

Fẹ́mi Akínṣọlá ẹ́ẹ̀ ọ́ọ̀ ńǹ

Ìgbẹ́jọ́ Abdurahman Bello àti àwọn mẹrin mii tí wọ́n fẹ̀sùn ìpànìyàn àti ìfipá bánilòpọ̀ kan nípa akẹ́kọ̀ọ́ kan Afsot Yetunde ń tèsíwájú lónì í ọjọ ọjọ́rú , ọjọ keje oṣù kàrún ọdún 2025.

Ile ẹjọ giga ti ipinlẹ Kwara to wa ni ilu Ilọrin, tii se olu ilu ipinlẹ kwara ni igbẹjọ naa ti n waye eyi ti adajọ Christiana Ajayi n dari rẹ.

Awọn olujẹjọ maraarun ti wọn fi ẹsun ipaniyan naa kan, to fi mọ Alfa Abdulrahman, ni wọn farahan ni ile ẹjọ naa.

Losu to kọja lẹjọ naa bẹrẹ ni pẹrẹu lẹyin ọpọ ifaara to ti kọkọ waye saaju nile ẹjọ.

Adajọ si pasẹ pe ki wọn fiawọn afurasi naa si ahamọ ọgba ẹwọn Okekura ilu Ilọrin lẹyin ti wọn ka ẹsun ti wọn fi kan wọn tan.
Nigba ti igbẹjọ naa bẹrẹ laago mẹsan kọja isẹju mẹfa ni aarọ oni, Adajọ beere orukọ awọn agbẹjọro to yọju, ti wọn si darukọ ara wọn lọ kọkan.

Kọmisana feto idajọ ni ipinlẹ Kwara, Senior Ibrahim lo ko awọn agbẹjọro ijọba sodi .

Abubakar Yinusa ati F A , Yusuf,A N Oluwatoyin soju olujẹjọ kẹta àti ikẹrin.

H A, Fọlọrunshọ ati A A Abolaji Ajasa ati Ayara soju olujẹjọ keji.

Lẹyin eyi ni Adajọ pe ẹlẹri kini ti se SP Yusuf, ọlọpaa agbefọba lati ẹka to n sewadi iṣẹlẹ ọdaran lọfisi ileesẹ ọlọpaa ipinlẹ Kwara.

Agbefọba sọ pe lọjọ kẹrindinlogun oṣu keji ọdun 2025 ni wọn mu gbogbo awọn afurasi naa fun ẹsun ipaniyan, idigunjale ati nini ẹya ara eeyan ni ikawọ wọn lọna aitọ.
Agbefọba naa sọ fun ile ẹjọ pe lara ohun ti awọn ri ni ile wọn awọn afurasi naa ni Ada, Ake, Rọba, Tabili ati ẹjẹ to wa ninu rọba.

Bakan naa, ọlọpaa naa ni awọn tun ri ẹrọ ibanisọrọ mẹrin, yẹti eti obirin, Iborun obirin, iwe oogun abẹnu gọngọ ti wọn kọ oogun ibilẹ ṣi ati iwo ẹranko ti wọn pe ni Olugbohun.

Gbogbo awọn eroja yii ni wọn ko wa si ile ẹjọ, ti adajọ si gba wọle gẹgẹ bi ẹri.

Agbẹjọro fawọn afurasi ni ki ẹlẹri sọ ọwọ ẹni to ti gba awọn nnkan to ko wa si ile ẹjọ, nitori ki se ọwọ gbogbo wọn ni wọn ti ba ikọọkan eroja naa.

Ẹlẹri naa ni ọpọ awọn nnkan ti wọn ko wa si ile ẹjọ, ni wọn ri gba lọwọ Abdurahman Bello to jẹ olori awọn afunrasi na.

Lẹyin na, adajọ pe ẹlẹri keji Wọle.
Eleri keji ni Inspector Muhammed lati ọọfisi ajọ ọlọpaa ipinlẹ Kwara.

O salaye fun ile ẹjọ pe awọn ri ẹya ara eeyan to jẹ ọwọ Ọtun, Ọwọ Osi, Ọkan eeyan lasiko iwadii wọn nile Alfa Abdulrahman Bello.

O ni afurasi Abdurahman Bello jẹ wọ fun awọn ọlọpaa pe ohun lo pa Afsot Yetunde naa.

Bakan naa, Muhammed ni lọjọ kẹrindinlogun oṣu kẹrin ọdun yi ni Abdurahman mu awọn ọlọpaa lọ ibi ti wọn da ilẹ si.

O ni nibẹ ni wọn ti ri ẹya ara eeyan to ku, lẹyin naa lawọn ko ẹya ara eeyan naa lọ ile iwosan UITH ni Ilọrin, lati lọ tọju awọn ẹya ara naa, ko ma baa bajẹ.

Gbogbo ẹya ara eeyan naa si ni awọn ẹlẹri ko wa si ile ẹjọ loni.

Adajọ si gba awọn ẹya ara eeyan naa wọle gẹgẹ bi ẹri.
Ile ẹjọ tun pe ẹlẹri kẹta wọle, tii se Baba ti wọn pa, Ọgbẹni Ibrahim Lawal Adefolu.

Ọgbẹni Ibrahim Lawal ni Hasfot Lawal jade lọjọ kẹrindinlogun oṣu keji ọdun yii, ti awọn si wa pẹlu pipe ẹrọ ibanisọrọ rẹ ti kosi gbe.

Lẹyin eyi ni ẹrọ ibanisọrọ rẹ ko lọ mọ, ti awọn si gba agọ ọlọpaa lọ lati sọ fun wọn

O fikun pe, aarọ ọjọ Jimọ ni officer Moses pe awọn pe, ọwọ ti tẹ ọkunrin kan ti wọn pe orukọ ni Abdul-rahmon Bello.

Abdurahman Bello jẹwọ fun oun lagọ ọlọpaa pe oun ti sekupa Hafsoh Yetunde Lawal, ti oun si ti kun oku rẹ wẹlẹwẹlẹ.

Adajọ ni ki wọn gba ọwọ ati ẹya ara naa wọle, wọn si bi Baba Hasfot Lawal lere pe se ọwọ mejeji jọ ti ọmọ rẹ, o si ni bẹẹ ni, ọwọ Hasfot Lawal ni.

Adajọ gba ẹya ara naa wọle gẹgẹ bi ẹri.

Ẹlẹri kẹrin, Abdulazeez Falilat jẹ ọrẹ Hasfot Lawal.

Falilat salaye fun ile ẹjọ bi Hasfot Lawal se jade ni ile lọjọ to di awati, adajọ si gba ọrọ rẹ wọle gẹgẹ bi ẹri.

Lẹyin gbigbọ ọrọ lẹnu awọn ẹlẹri naa, adajọ sun igbẹjọ siwaju di ọjọ Aje ,ọjọ kejila osu karun ọdun yii.