Jeriq: Ìgboro ni mí

Mary Fágbohùn

Olorin takasufe Naijiria Jeremiah Chukwuebuka, eni ti a mo si Jeriq ti pe ara re ni ohun igboro.

Ninu iforo-jomi-toro oro to se laipe yi pelu Apple Music 1, Jeriq soro lori ibeere ise orin re ati eto ti o ni lati se ere ni gbagede.

“Nibi ti mo ti wa, mo je ohun igboro—mo je akoni ni ilu mi. Mo feran igboro; igboro ni mo ti wa, nitori naa mo le ni asopo pelu awon elomiran. Ti mo ba je olooto pelu re, igboro lo so mi da ohun ti mo da yi. Mi o le se nnkan lai si igboro, nitori naa mo n pinnu lati se ere ni gbagede ni osu kokanla, iru nnkan ti mo se seyin. Mo n so di nla.”

Lori bi o se bere ise orin re, o wi pe, “Mo bere orin ninu [ijo Aguda] ile ijosin. Mo wa ninu egbe akorin, nigba naa ni mo ti n ni asopo pelu orin fun igba akoko. Baba mi maa n fi orin Emeka Morocco si etigbo wa, orin yi ati orin ile ijosin ni mo n gbo nigba ti mo n dagba. Nigba ti mo setan ni ile iwe—ni 2015—mo fo si yara igborin mo si ko orin kan. Mo ti n ko orin sile tele, sugbon igba naa ni mo se igbasile orin akoko mi ti mo si gbe jade.”

Inú mi dùn pé mi ò jáwé olúborí ní ilé Big brother Afrika – Beverly Osu

Osere tiata Beverly Osu ti seranti igba to wa lori eto Ile Elegbon Agba Afrika ni odun 2013.

Ninu ijiroro to se laipe yi pelu mohunmaworan HIPTV, o ni oun dupe nitori pe oun ko jawe olubori ninu idije naa.

Osu fi se awada pe iya re ko fe ki o gba ebun owo naa, nitori iberu pe yoo mu sina.

O fi ibale okan re han ni bi ko se jawe olubori, o toka si pe oun le ma ni ogbon to ye lati lo owo naa daradara ni igba naa..

O ni: “Inu mi dun pe mi o jawe olubori, nitori ko si nnkan ti mo fe se ti maa fi jawe olubori.

”Ti awon afenifere ba n gbadura fun mi lati jawe olubori, obinrin ti o bi mi n gbadura si Olorun pe ‘Ti o ba je pe omo yii yoo gba ebun owo yi ti yoo si mu sina, nitori pe o ti sina ri,. Ti o ba je pe yoo jawe olubori lati gba owo yi ti yoo si sina, Olorun jowo mase fun.’”

“Akoko Olorun lo dara ju, inu wa dun nitori pe bayii a ti ri owo to ju bee lo. Ti mo ba gba owo naa, mo le ma mo nnkan ti maa fi se. Mi o ti ni iriri lati lo o fun nnkan ti yoo ni ipa rere ninu aye mi, bee ni, niwon igba ti mo n rise bayii”

O tesiwaju lati so pe ori oun n wu fun bi aye oun ati ise oun ti se dara sii lati igba naa.

Mi ò ní ìmò̩lára ìfé̩ – Omah Lay

Olorin takasufe Omah Lay ti soro lori adojuko re ni ile ise orin.

Olorin ‘Boy Alone’ naa so pe oun ko ni imolara ife paapaa julo lati odo awon onirohin ati awon asobode ile ise orin.

Ninu iforo-wani-lenu-wo to se pelu Amazon Music, Omah Lay salaye pe lati sa asala kuro ninu ohun ti o sapejuwe bii ‘aridaju ibanuje’, oun n gbe ninu aye irokuro ni opo igba.

“Mo ni awon afenifere, awon ebi ati awon alabasisepo sugbon mi o ni imolara ife paapaa julo lati odo awon oniroyin ati awon eniyan ti won pe ara won ni asobode,” ni o so.

“Eyi je nnkan ti mi o soro nipa re ri. Mo je olorin to n gbe ninu aye irokuro. Bi ida aadorun-un igba ni mo fi ori fi ibugbe.”

Omah Lay tun so pe jije omo Naijiria ati lilo irinajo pelu iwe irinna Naijiria soro gidi.

“Lilo irinajo paapaa julo bii omo Naijiria ati pe o ni iwe irinna Naijiria lowo, mo ti ri bi aye se le to.

“Awon osise ibudo isilo nigba miran maa n se mi bi ko se ye nitori iwe irinna Naijiria di igba ti mo ba so fun won pe emi ni Omah Lay ki isesi won si mi to yipada.”

Burna Boy ni olórin Naijiria tó lówó jù – Paulo Okoye

Mary Fágbohùn

Oga ile ise orin Paulo Okoye ti so pe olorin olugbafe eye Grammy Burna Boy ni o lowo ju laarin awon olorin Naijiria.

Gege bi Okoye se so, Burna Boy ni milionu lona aadorin dola si milionu lona ogorin dola ni odun 2023 nikan.

Ninu iforo-jomi-toro oro to se laipe yi lori eto Daddy Freeze, Okoye tokasi awon alabasisepo ti Burna Boy n gbera le, eyi to je pe iya re, arabinrin re ati awon die to sun mo lo wa nibe.

Okoye tun fi erongba re han lori Rema, o ni o maa n diyele le ara ju.

Gbádùn ayé re̩, ò̩la ò dájú, ni Alesh Sanni so̩

Mary Fágbohùn

Osere tiata, Alesh Sanni n kedun ipapoda arakunrin re lojiji.

Lori Instagram, Sanni safihan ibanuje re, o ni ko si ohun to ni itumo si oun mo.

O woye bi ile aye se je fun iwon igba die, o tokasi bi enikan se le e wa laye ni owuro sugbon ko ma si mo ni osan.

Sanni ro awon afenifere re lati je igbadun aye won, nitori pe ola ko daju.

O tokasi si bi opolopo eniyan se maa n ni afojusun, sugbon ti iku yoo de lojiji, ti yoo si so gbogbo re si nnkan ti ko ni itumo.

O tesiwaju ninu riro awon alatele re lati fe awon ti o feran won, pelu bi isele to n ba ni lokan je se je ohun ti enikan ko lero re.

O ko o pe: “Omo. Ko si nnkan to ni itumo si mi mo. Haaaa. Ni isinsinyi, enikan wa laaye. Ka tun to gbo, o ti lo. Ki lode? O gbodo je igbadun aye re o nitori pe ola ko daju. SUN N RE ARAKUNRIN.

“E jowo, ki lo wa ni aye gan-an? Mo fe rin irinajo kaakiri aye, mo fe fi owo pamo, mo fe ra ile, mo fe se ti ibi ati ti on… omooooooooo gbe igbe aye re fun oni oooo …. Haaaaaaaa haaaaaa ko tile ye mi mo”.

Mark Angel so̩ fún àwo̩n ènìyàn pé mo ti kú’ – Denilson Igwe

Gbajumo aderinposonu ati onifonran Denilson Igwe ti fi esun kan akegbe ati ojugba re, Mark Angel, pe o so fun awon eniyan pe oun ti ku leyin aawo to be sile laarin won.

O fi esun yi lede nigba to farahan lori eto ‘The Honest Bunch’.

Igwe wi pe, “O [Mark Angel] so fun awon eniyan pe mo ti ku. O ni fonran kan to se nipa re. O wi pe, ‘Denilson ti ku o!’ Nigba ti won bii leere, o ni mo ti ku.

“Enikan pe mi laipe yi lati wadii boya mo ti ku nitooto. Mo si so fun un pe mo wa laaye.”

Denilson Igwe wi pe awon ojugba Mark miran, Emmanuella ati Success, yoo wa sori eto naa ni ojo kan lati wa so nnkan ti “oju won ri” lodo re.

Mark Angel ni ko tii fesi si esun yi.

Wó̩n lò mí fùn Tinubu ni’ – Portable

Alariiyanjiyan olorin, Habeeb Okikiola, ti a mo si Portable, ti figbe ta pe oun ko gba ebun owo kankan bi o tile je wi pe oun se atileyin fun Aare Bola Tinubu.

Gege bi o se so, won “lo o ni” sugbon o ni suuru.

Nigba to n soro pelu awon afenifere re lori Instagram, olorin ‘Zazu’ naa wi pe biba ijoba “ja” je ise ti ko lere, o ni ijoba ko ni nnkankan lati padanu.

O wi pe: “Mo satileyin fun Tinubu sugbon mi o ri owo kankan. Mo ni suuru.E n pa ara yin lori pe e n ba ijoba ja ni. Ijoba ko ni nnkankan lati padanu.”

Ilé E̩lé̩gbò̩n-ó̩n Àgbà Naijiria abala ke̩sàn-án: ‘Ìbásepò̩ mi tó pé̩ jù ni osù mé̩rin’ – Victoria

Omole Elegbon Agba Naijiria abala kesan-an, Victoria so nipa ibasepo ife ti o je olojo pipe ti o ni iriri re.

Omole naa ni abala ibeere ati idahun ni ojo Isegun so eyi di mimo.

Enikeji re Shaun safihan pe ibasepo ti oun ni ti o pe ju ni odun meji si meta.

Amo sa, Victoria si iyalenu so pe ti oun ko tile pe odun merin.

Oluforo-wani-lenu-wo : “Bawo ni ibasepo ti o ni se pe to si?”

Victoria: “Bii osu merin.”

Iroyin jade pe Victoria ko jara mo eto naa lati ibere, eyi to n pa ibasepo pelu enikeji re ati awon omole miran lara.

Enikeji re, Shaun sawawi kikan ni ojo Aiku nitori aibanisoro re.

P-Square: Peter Obi se ìpàdé pè̩lú Mr P àti Rudeboy

Oludije fun ipo Aare labe asia egbe oselu Labour Party ninu eto idibo odun 2023, Ogbeni Peter Obi, ti ba awon olorin meji, P-Square, Peter ati Paul Okoye se ipade.

E ranti pe Peter Okoye, eni ti a mo si Mr P, ni ojo Aje ko iwe si arakunrin re, Paul Okoye, lori aawo ti o wa laarin won.

Rudeboy, ninu iforo-jomi-toro oro to se laipe yi, fi esun kan arakunrin re pe o ko iwe ijejo si ajo to n ri si eto oro aje ati iwa odaran (Economic and Financial Crimes Commission, EFCC), lati fi oun si atimole.

Sugbon Peter, ninu leta ti o ko ni ojo Aje, so pe oun ko mo nnkankan nipa esun naa, o ni ilepa oun ni lati so ooto to wa leyin ile ise kan, Northside Music, to da bii pe, Jude Okoye, iyawo re, Ifeoma ni si ipamo.

Amo sa, ninu ohun to dabii ipade ibalaja naa, Peter Obi ni a ri ninu fonran to n lo kaakiri pelu awon olorin mejeeji ni irole ojo Isegun.

Rudeboy fi fonran naa lede ni oju awe Facebook pelu oro ifori pe “E se o, Olorun yoo bukun yin sa, P.O. @peterobigregory #enididarajulo.”

Yhemolee segbeyawo alarede ni ile ejo [FONRAN]

Gbajumo eda ni ile ijo Idowu Adeyemi, ti a mo nibi ise si Yhemolee, ti se igbeyawo alarede pelu ololufe re, Tayo B.

Tokotaya naa se igbeyawo ni ile ejo ni ojo Aje.

Tayo B fi fonran ati aworan ayeye naa ti awon ebi ati ore timotimo peju pese sibe lede ni ori itan Instagram re ni ojo Isegun.

Ninu fonran to ti n lo kaakiri lori ayelujara, tokotaya naa ni a ri ti won di owo ara won mu bi won se n jeje fun ara re.

E ranti pe Yhemolee denu igbeyawo ko Tayo ni osu keje.

Iroyin jade pe awon mejeeji ti jo wa fun igba pipe sugbon ti won tuka ni odun 2023, lori esun aisooto.

Sugbon won pada tu ina ife won da leyin ti Yhemolee rawo ebe si Tayo ni gbangba ni ibere odun yi.