Makinde ṣàbẹ̀wò sí Fresh FM iléeṣẹ́ rédíò Ayefele tó jóná

Fẹ́mi Akínṣọlá

Àdúrà tí ẹ̀dá máa ń gbà náà ni pé kí n tí a kò rò kó má ba ohun tí à ń rò ní dáa dáa jẹ́.Èyí ló mú kí Gómìnà Seyi Mákindé ìpínlẹ̀ Ọ̀yọ́ ó ṣàbẹ̀wò sí Fresh FM Ìbàdàn, ilé iṣẹ́ rédíò gbajúgbajà akọrin ẹ̀mí, Yinka Ayefele, tó jóná lálẹ́ ọjọ́ Ẹtì tó kọjá.

Lasiko abẹwo rẹ ni Makinde ti ṣeleri lati ṣe iranwọ fun ileeṣẹ redio naa ki wọn le maa tẹsiwaju igbohunsafẹfẹ wọn.

Gomina ipinlẹ Oyo ni ileeṣẹ redio Fresh FM n ko ipa pataki nipa gbigbe iroyin gidi jade fun araalu
‘Emi funra mi ati ijọba ipinlẹ Oyo yoo ṣe iranwọ fun ileeṣẹ redio Fresh FM.

Mo fi dá wọn loju pe, a ko ni jẹ ki wọn kuro lori afẹfẹ fun igba pipẹ rara,” Makinde lo sọ bẹẹ.
Makinde kẹdun pẹlu Ayefele lori dukia ẹgbẹlẹgbẹ miliọnu to ṣofo nibi ijamba ọhun.
Gomina ipinlẹ Oyo sọ pe itaniji ni iṣẹlẹ ijamba ina naa jẹ fun ipinlẹ Oyo lori ọna ati wa ojutuu si iṣẹlẹ pajawiri papaa julọ ijamba ina.
Makinde ni oun yoo sọ asọyepọ pẹlu awọn adari ileeṣẹ panapana ipinlẹ Oyo lori ati ro wọn lagbara lati le maa pa iru ina to jo ileeṣẹ redio Fresh FM lọjọ iwaju.

Gomina ipinlẹ Oyo ko ṣai fi idunnu rẹ han pe ẹni kankan ko ba iṣẹlẹ naa lọ.

Gomin ani ”ka ni pe awọn panapana ni irinṣẹ to to ni, wọn o ba lagbara lati pa ina yii.

Ara awọn nnkan ti mo ti ri pe a ni lati ṣiṣẹ lori rẹ niyẹn.

Si awọn alaṣẹ ati atawọn oṣiṣẹ Fresh FM, mo fẹ ki ẹ dupẹ lọwọ Eledua wi pe ko si ẹni to ba iṣẹlẹ naa lọ.”

Ninu ọrọ rẹ, Ayefele dupẹ lọwọ gomina fun abẹwo to ṣe si ileeṣẹ redio rẹ to jona ati ileri iranwọ to ṣe pẹlu.

Bakan naa tun ni gbajugbaja akọrin ẹmi ati pedepede naa tun dupẹ lọwọ gbogbo awọn ololufẹ Fresh FM fun atilẹyin wọn.

Ṣaaju ni agbẹnusọ ileeṣẹ redio Fesh FM, Samson Akindele, fidi rẹ mulẹ pe yara igbohunsafẹfẹ Fresh FM ati ti Blast FM 98.3 jona gan an.

O fikun ọrọ rẹ pe irinṣẹ igbohunsafẹfẹ, yara t’awọn akọroyin ti maa n ṣiṣẹ at’awọn irinṣẹ mere-mere mii naa jona rau rau.

O̩mo̩lé BBNaija, Faith bú Soso pé òun farúgbó ara tè̩lé o̩kùnrin kiri

Mary Fágbohùn

Omole BBNaija abala 10, Big Soso ti so nipa oun ati omole miiran, Faith se gbena woju ara won.

Nigba to n soro pelu Big Brother ni Ojobo, Big Soso fi esun kan Faith pe o pe oun ni agbaaya, pe oun n fi arugbo ara tele okunrin kiri ile.

Big Soso ni oun ti oro naa bi oro abuku, o ni oun gbagbo oun ni obinrin ti won bowo fun ju ninu ile.

Omole BBNaija ni idi abajo ni bi oun se gbe ara oun, o ni awon okunrin naa n ri oun bii iya, ti won si n pe oun ni “Mama Soso”, o tesiwaju lati salaye pe oun ko ba eyikeyi ninu awon okunrin naa soro nipa ibalopo ri.

O ni, “Faith n pe mi ni agbaaya, o ni mo n fi arugbo ara tele awon okunrin kaakiri, oro abuku ni eyi je fun mi nitori mo ro pe ninu ile yi mo je okan lara awon obinrin ti won bowo fun ju.

“Gbogbo won lo ri mi bii iya nitori bi mo se gbe ara mi, koda won a ma pe mi ni Mama Soso.

“Mi o ni ki won maa pe mi bee sugbon won kan bowo fun mi, won ko si nawo ibalopo si mi. Faith paapaa ti so fun mi saaju pe oun bowo fun mi, ti oun yoo si nifee sii lati je okan lara awon omo mi.”

Fresh FM rédíò Ayefele padà sórí afẹ́fẹ́ lẹ́yìn ìjàmbá iná

Fẹ́mi Akínṣọlá
Yoruba bọ̀ wọ́n ní bí a ò kú, ìṣe sì kù ,bayii gan an lọ̀rọ̀ rí pẹ̀lú Fresh FM iléeṣẹ́ rédíò gbajúgbajà Olórin ẹ̀mí, Yinka Ayefele, tó tì padà sórí afẹ́fẹ́ báyìí lẹ́yìn ìjàmbá iná tó sẹlẹ̀ níbẹ̀.

Ina ọhun to ṣẹyọ níléeṣẹ́ redio naa ni nnkan bii ago meje abọ alẹ ana ọjọ Ẹtì jo irinṣẹ igbohunsafẹfẹ at’awọn ọpọlọpọ dukia mii rau rau níléeṣẹ́ redio Fresh FM.

Amọ, agbẹnusọ fun Yinka Ayefele àti Fresh FM ti ṣalaye loju opo Instagram ileeṣẹ redio naa wi pe awọn ti bẹrẹ igbohunsafẹfẹ pada.
“Inu wa dun lati kéde wí pé ileeṣẹ redio Fresh FM ti pada sori afẹfẹ lẹyìn ipenija ijamba ina to sẹlẹ lalẹ ana ọjọ Ẹti.

A n fi asiko yii dupẹ lọwọ awọn oṣiṣẹ wa, awọn oṣiṣẹ iṣẹlẹ pajawiri to fi mọ awọn ololufẹ Fresh FM fun atilẹyin gbogbo yin.

Tiwa Savage setán láti se ìgbéyàwó

Mary Fágbohùn

Gbajumo olorin, Tiwa Savage ti safihan pe o ni lokan lati tun igbeyawo se.

Lasiko to n soro ninu iforo-wani-lenu-wo kan to n lo kiri ayelujara, Savage kerora pe oun ko ni ololufe mii eni odun marundinlaadota.

Iya omo kan naa gba pe bi o se soro fun oun lati ri oko naa le je nitori erongba to ga to ni nipa eni ti yoo fe.

O pinnu pe iru oko ti o n fe gbodo je omode ki o si lowo ti ko si ni isoro pelu bibi omo kan saaju.
“Mo si n wa omo eni kan. Mi o ni eyikeyi [ololufe]. Mo ro pe nitori awon nnkan ti mo ni lokan lo fa idaduro yii. Boya ki n gbe wa sile die.

“Mo n wa enikan to ni oko ofurufu aladaani, to je omode; eni ti obinrin kan ko yo lenu fun omo nitori ara mi ko le gba eyi,” o so bee.

E o ranti pe Tiwa Savage se igbeyawo pelu alakoso re tele, Tunji Balogun, ti a mo si Teebillz, ni 2013, sugbon won pinya ni 2018 leyin ti won kuna lati di alafo iyato ara eni laarin won. Won bi omokunrin kan ti won pe oruko re ni Jamil.

Odunlade, Mr Latin, Kunle Afod àtàwọn òṣèré mii ń ṣèdárò Sunday Akinremi Chief Kanran tó jáde láyé

Fẹ́mi Akínṣọlá

Ọjọ́ tí a bá kú là á dère, èèyàn ò ṣunwọ̀n láàyè. Àwọn alẹ́nulọ́rọ̀ lágbo òṣèré tíátà Yorùbá n ṣèdárò akẹgbẹ́ wọn, àgbàọ̀jẹ̀ òṣèré tó lapọ́njá, Alàgbà Sunday Akinremi tí ọ̀pọ̀ mọ̀ sí Chief Kánran ẹni tó papòdà kúrò láyé lánàá ọjọ́ Ẹtì ọjọ́ kẹẹ̀dóógún oṣù Kẹjọ ọdún yìí.

Ọgbẹni Bolaji Amusan, to jẹ aarẹ ẹgbẹ awọn oṣere TAMPAN, Odunlade Adekola, Kunle Afod atawọn oṣere mii ti n fi ọrọ ibanikẹdun ransẹ si ẹbi oloogbe.

Adura ni Ọgbẹni Amusan tawọn eeyan mọ si Mr Latin gba fun gbajugbaja oṣere to doloogbe naa loju opo Instagram rẹ.

Ninu ọrọ tiẹ, Kunle Afod sọ loju opo Instagram rẹ pe ”o si nira fun mi lati gbagbọ pe Chief Kanran ti di oloogbe titi di aarọ oni.
A si jọ sọrọ ni bii ọjọ mẹrin sẹyin lori iṣẹ ti a fẹ jọ ṣe papọ lọsẹ to n bọ.

Mo ṣakiyesi pe inu Chief Kanran dun lọjọ ti a jọ sọrọ yii.

A fi bi mo ṣe gbọ pe Chief Kanran ti dagbere faye!

Agbaọjẹ oṣere ni Chief Kanran i ṣe, ki Eleduwa tẹ wọn si afẹfẹ rere.”
Adura naa ni Odunlade Adekola ba fun agbaọjẹ oṣere to doloogbe loju opo Instagram rẹ.

Adekola gbadura wi pe ki Ọlọrun tẹ Chief Kanran si afẹfẹ rere.

Mercy Chinwo kí o̩mo̩ tuntun káàbo̩

Mary Fágbohùn

Olorin ihinrere Mercy Chinwo ati oko re Olusoaguntan Blessed ni Olorun ti bukun pelu omo keji.

Ni ojo Eti, Mercy fi aworan oyun re lede lori ikanni ibanidore Facebook, lati sajoyo ire nla naa.

Tokotaya yi se igbeyawo ni ojo ketala osu kejo, 2022 ninu igbeyawo alarede ti won se ni Port Harcourt, won si bi omokunrin kan ni ojo kerin osu kokanla, 2023.

Ninu oro ifori re, o kowe pe: “Oluwa ti se e leekansii! O ti fikun ayo wa… O so erin wa di pupo…o si bukun wa pelu omo keji.”

O gbadura tokantokan, o ni “Oruko Re̩ ni a o maa gbega titi lai ninu iran wa.

Iran wa yoo ma rin ninu imole Re̩.
Nipase wa, opo yoo di alabukun,

Gbogbo orileede yoo si pe wa ni alabunkun fun.”

O tun ki oko re ku oriire, o pe ni baba meji. “Ife mi @officialblessed — baba MEJI! Oluwa dara si wa nitooto.”

Ninu idupe yii, Mercy gbe orin tuntun, Onyeoma, jade lojo Eti.

Awon ololufe ati afenifere ti fi ikinni ku oriire ranse si tokotaya ohun.

“E ku oriire, omo tuntun, kaabo si ile wara ati oyun”, enikan so bee.

Elomiran lori ikanni ibanidore Facebook wi pe: “A yin Olorun, gba ododo re, iya wa; mo sajoyo pelu re”.

Charly Boy sè’kìlo̩ fún àwo̩n olósèlú Naijiria

Mary Fágbohùn

Lori oro eto idibo odun 2027, gbajumo olorin, Charly Boy, ti fa awon oloselu leti lati mase dabaa pe won yoo se magomago kan ninu eto idibo gbogboogbo 2027.

Charly Boy se’kilo yi ninu iforo-wani-lenu-wo re pelu Rudolf Okonkwo lori eto 90MinutesAfrica, o ni eto idibo to n bo ohun yoo je akoko to nitumo fun orileede.

Olorin naa ti a mo bii Area Fada (Baba Adugbo), fikun un pe akoko ọrọ fun eto idibo to n bo ni “fowo yi ki o ku”.

“Eto idibo 2027 yoo je akoko to nitumo ni Naijiria. Enikeni to ba seto lati fowo yi ibo ni ko setan lati ku. Fowo yi ki o ku ni.
“Nitori nigba naa, oju wa yoo ti la. O ti n la diedie. Ohun ti a maa ri ni 2026 yoo je ki awon omo Naijiria pinnu boya ko tesiwaju ni tabi ki won mu ki atunse sele ni orileede yi,” o so bee.

Ninu alaye re, o fikun un pe eto idibo ti ko leja-n-bakan ninu ni ona kan soso lati koju isejoba ti ko dara.

“Ona abayo kan si isejoba ti ko dara ni Naijiria le wa nigba ti won ba ka ibo wa nitooto. Nitori naa, ohun to ye ko kan wa bayii ni bi ibo wa se le di kika nitooto ni 2027,” o fikun un.