Aare orile-ede yii tele, Ajagunfeyinti Muhammadu Buhari, ti di oloogbe.
Ilu London ni Aare ana naa ku si, gege bi iroyin to jade lati agbenuso re kan tele, Bashir Ahmad.
Ninu atejade naa to gbe si ori ero ayelujara X, o ni awon ebi Buhari ti kede ipapoda re.
O si gbadura ki Olorun te e si afefe rere.
E̩ja ńlá lo̩ lómi, Buhari re ibi àgbà ń rè
Yínká Àlàbí
Iroyin yajoyajo gbee laipe̩ yii pe Aare̩ ana, Muhamnadu Buhari dagbare faye ni ile iwosan kan ni ilu London.
Ki Eledua de̩le̩ f’e̩ni ire.
APC Eko f’àgbà han gbogbo e̩gbé̩ òsèlú tó kù
Yínká Àlàbí
E̩gbe̩ onigbale̩ APC ti fi igbale̩ gba gbogbo ibo Eko ti wo̩n di ni ana si o̩do̩ ara wo̩n.
Idibo ijo̩ba ibile̩ waye jakejado ipinle̩ Eko lanaa o̩jo̩ kejila osu keje o̩dun yii. Esi ibo naa waye lonii o̩jo̩ ke̩tala nibi ti e̩gbe̩ APC si ti gbo ewuro soju awo̩n e̩gbe̩ to ku.
Gbogbo ijo̩ba ibile̩ ati ti idagbasoke me̩tadinlo̩go̩ta (57) pe̩lu awo̩n ipo kanselo marundinlo̩gbo̩n din ni irinwo (375) ni wo̩n ko patapata nigba ti e̩gbe̩ oselu PDP mu ipo kanse̩lo̩ kan pere.
Gomina ipinle̩ Eko fe̩mi imoore han si awo̩n ara ilu fun bi wo̩n se je̩ ki eto idibo naa lo wo̩o̩ro̩wo̩.
Sanwo-Olu, O̩basa àti Gbajabiamila síwájú nínú ètò ìdìbò Eko
Yínká Àlàbí
Ajo̩ eleto idibo da o̩jo̩ o pe, be̩e̩ ni wo̩n da osu to ko. Oni o̩jo̩ kejila osu keje ti ajo̩ eleto idibo f’o̩jo̩ si pe eto idibo maa waye jake jado ipinle̩ E̩ko naa lo waye ti eto naa si lo ni gbogbo ijo̩ba ibile̩ ogun ati ijo̩ba ibile̩ onidagbasoke me̩tadinlogoji to wa ni ipinle̩ Eko. Ko sogun, ko so̩te̩ kaakiri ilu, bi onikaluku se n dibo tan ni wo̩n n gba ile wo̩n lo̩.
Bi o tile̩ je̩ pe awo̩n ohun elo idibo pe̩ ko to de awo̩n adugbo kan bi Agege, Alimoso, Iyana ipaja ati awo̩n miiran, sibe̩ eto idibo waye kaakiri ipinle̩ Eko.
Adeniyi Adele ni gomina ipinle̩ Eko, Babajide Sanwo-olu ati Ibijo̩ke̩ to je̩ iyawo wo̩n ti dibo Alaga ati ti kanse̩lo̩ nigba ti Mudasiru Obasa to je̩ olori ile igbimo̩ asofin Eko di tire̩ l’Agege, Surulere ni Femi Gbajabiamila to je̩ Chief of Staff fun Aare̩ Tinubu l’Abuja ti di tire̩. Awo̩n ara Eko ko tu jade lo̩po̩ yanturu bi o̩po̩ se nii lo̩kan sugbo̩n eto naa lo̩ pe̩lu iro̩run.
Awo̩n ajo̩ agbofinro ko je̩ ki mo̩to kankan wo̩ ilu Eko lasiko idibo naa.
Igbagbo̩ gbogbo ara Eko ni pe esi ibo naa maa jade laipe̩.
Obìnrin bí o̩kùnrin ni Alága Onígbòǹgbò
Yínká Àlàbí
Olufunke Hassan ni Alaga ijo̩ba idagbasoke Onigbongbo. Gbogbo itu meje t’o̩de̩ n pa ninu igbo ni arabinrin yii n pa. Is̩e̩ aseju le ma je̩ ki o pada wa s’ejo̩ba ni Onigbongbo, awo̩n oloselu o ki n fe̩ ki olori kan se bi e̩ni pari is̩e̩. Eyi wa lara ikunsinu ti awo̩n kan ni si gomina ipinle̩ Eko te̩le̩, Alagba Raji Fashola. Koda Oloogbe ajafeto̩- o̩mo̩niyan to gboju gboya, to si tun da nito̩ nipa agbe̩jo̩ro, Gani Fawehinmi ni is̩e̩ Fasola po̩ nitori pe ko ki n se ogbontarigi oloselu. Fawehinmi ni eyi lo je̩ ki ara Eko gbadun re̩. O̩po̩ araba oloselu maa n fo̩wo̩ ra is̩e̩ ni, wo̩n o ki n pari re̩. O te̩ awo̩n kan lo̩run lati maa tun is̩e̩ kan naa gbe jade le̩e̩me̩ta pe̩lu owo ro̩gun-ro̩gun.
Le̩nu o̩jo̩ kan, Alaga yii ti lo̩ pari o̩na Kajo̩la, pari ilees̩e̩ imo̩ e̩ro̩ ko̩mputa ni GRA, pari o̩na Masalasi , O̩lade̩jo̩ ni Olusosun, o̩na Sadatu ni Oregun, o̩na Abiola ni Toyin koda die̩ lo ku ki is̩e̩ pari ni olu ilees̩e̩ ijo̩ba ibile̩ naa. Ibe̩ ni asekagba gbogbo akanse is̩e̩ ti ye̩ ko waye.
Alaga ni awo̩n ko fara mo̩ is̩e̩ aabo̩ tabi is̩e̩ ajanbaku tabi da boo eyi lo maa mu ki awo̩n sa gbogbo agbara ti O̩lo̩run ba fun awo̩n ki is̩e̩ naa le pari lo̩se̩ to n bo̩.
KÉRE Ò !
Yínká Àlàbí
Kámé̩rà tó ń wo gbogbo Eko lé̩è̩kan náà ti bè̩rè̩ isé̩. E̩ wa mó̩to pè̩lú títè̩lé òfin ìrìnnà Eko.
ÌRÒYÌN ÒWÚRÒ̩ wí tó. Ìgbo̩ràn sàn ju e̩bo̩ rírú lo̩. Fídíò náà rèé nísàlè̩ …
FIFA Club World Cup 2025: Àwọn akọni ku mẹ́rin
Yínká Àlàbí
Idije to kẹyin si asekagba maa waye ni ọla ọjọ kẹjọ ati ọtunla ọjọ kẹsan-an, osu keje ọdun yii ni papa isere Metlife to wa ni East Rutherford, New Jersey, USA.
Asekagba gan-an maa waye ni ọjọ kẹtala osu yii kan naa ni papa isere kan naa. Awọn ikọ agbabọọlu mẹrin to ku naa ni – Fluminense, Chelsea, PSG ati Real Madrid.
Ikọ agbabọọlu Fluminense lo maa kọju Chelsea nigba ti PSG maa gbena woju Real Madrid.
Ikú dóró! Olúbàdàn wàjà
Yínká Àlàbí
Iku wole o̩la, igba a ku laa dere eniyan o sunwon laaye. O̩ba Owolabi O̩lakule̩hin tii s̩e Olubadan ti ile̩ Ibadan re iba agba n re ni e̩ni aado̩run-un o̩dun.
Ki Eledua ba wa de̩le̩ fun e̩ni ire.
Won ni Gomina Ademola Adeleke ti kúrò nínú ẹgbẹ́ oselu PDP
Mary Fágbohùn
Ayipada oriṣiiriṣii lo n waye lagbo oṣelu Naijiria bayii, pẹlu bi awọn ẹgbẹ oṣelu tuntun ṣe n dide ni igbaradi fun idibo ọdun 2027.
Pẹlu bi awọn oloṣelu Naijiria ṣe n kuro ninu ẹgbẹ kan bọ si ikeji bayii, àwọn ọmọ Nàìjíríà tí wá ń fi ẹnu kún Gomina ipinlẹ Osun, Ademola Adeleke, pé òun náà ti là ìtàn láti kúrò nínú ẹgbẹ́ oselu PDP lọ sí APC.
Kódà, àwọn kan ni imọlẹ tí fẹ́ wọ inú òkùnkùn lọ ní ìpínlẹ̀ Osun èyí tó túmọ̀ sí pé gomina Adeleke, tí ọ̀pọ̀ mọ si Imọlẹ fẹ lọ sí ibòmíràn.
Pẹlu bi awọn ọmọ Naijiria ṣe wa mú ariwo rẹ bọnu pe o fẹ kúrò ninu ẹgbẹ kan bọ si ikeji bayii, Gomina ipinlẹ Osun, Ademola Adeleke, ti sọ bo ṣe n lọ ni iha tirẹ.
Ninu alaye to ṣe si oju opo X rẹ lọjọ Abameta, ọjọ karun-un, oṣu Keje ọdun 2025, Adeleke tawọn eeyan tun mọ si Imọlẹ, kede pe oun ṣi duro digbi ninu jije oloootọ si ẹgbẹ oselu PDP ni ipinlẹ Osun.
Gomina ipinlẹ Osun naa sọ pe ọmọ ẹgbẹ PDP ṣi loun tọkan-tọkan
”Opolopo ipe ni mo ti n gba lati nnkan bii wakati diẹ sẹyin, ti wọn n beere lọwọ boya mo ti kuro ninu egbe oselu PDP loootọ.
“Mo fẹẹ fi da ẹyin omoluabi ni ipinlẹ Osun loju, pe olootọ ọmọ ẹgbẹ PDP ṣi ni mi. Ko si giri kankan,” Gomina Adeleke lo kede bẹẹ.
O ni afojusun oun ko yipada, ati pe ohun to jẹ oun logun ni ona lati mu awọn ileri oun fun awọn eeyan Osun ṣẹ.
Adeleke fi kun un pe ki ẹnikẹni ma ṣe gba aheṣo oro to n lọ kaakiri ilu pe oun ti kuro ninu egbe PDP gbọ. O ni ki wọn maa ṣatilẹyin fun ijọba oun lọ
