Fresh FM rédíò Ayefele padà sórí afẹ́fẹ́ lẹ́yìn ìjàmbá iná

Fẹ́mi Akínṣọlá
Yoruba bọ̀ wọ́n ní bí a ò kú, ìṣe sì kù ,bayii gan an lọ̀rọ̀ rí pẹ̀lú Fresh FM iléeṣẹ́ rédíò gbajúgbajà Olórin ẹ̀mí, Yinka Ayefele, tó tì padà sórí afẹ́fẹ́ báyìí lẹ́yìn ìjàmbá iná tó sẹlẹ̀ níbẹ̀.

Ina ọhun to ṣẹyọ níléeṣẹ́ redio naa ni nnkan bii ago meje abọ alẹ ana ọjọ Ẹtì jo irinṣẹ igbohunsafẹfẹ at’awọn ọpọlọpọ dukia mii rau rau níléeṣẹ́ redio Fresh FM.

Amọ, agbẹnusọ fun Yinka Ayefele àti Fresh FM ti ṣalaye loju opo Instagram ileeṣẹ redio naa wi pe awọn ti bẹrẹ igbohunsafẹfẹ pada.
“Inu wa dun lati kéde wí pé ileeṣẹ redio Fresh FM ti pada sori afẹfẹ lẹyìn ipenija ijamba ina to sẹlẹ lalẹ ana ọjọ Ẹti.

A n fi asiko yii dupẹ lọwọ awọn oṣiṣẹ wa, awọn oṣiṣẹ iṣẹlẹ pajawiri to fi mọ awọn ololufẹ Fresh FM fun atilẹyin gbogbo yin.

Tiwa Savage setán láti se ìgbéyàwó

Mary Fágbohùn

Gbajumo olorin, Tiwa Savage ti safihan pe o ni lokan lati tun igbeyawo se.

Lasiko to n soro ninu iforo-wani-lenu-wo kan to n lo kiri ayelujara, Savage kerora pe oun ko ni ololufe mii eni odun marundinlaadota.

Iya omo kan naa gba pe bi o se soro fun oun lati ri oko naa le je nitori erongba to ga to ni nipa eni ti yoo fe.

O pinnu pe iru oko ti o n fe gbodo je omode ki o si lowo ti ko si ni isoro pelu bibi omo kan saaju.
“Mo si n wa omo eni kan. Mi o ni eyikeyi [ololufe]. Mo ro pe nitori awon nnkan ti mo ni lokan lo fa idaduro yii. Boya ki n gbe wa sile die.

“Mo n wa enikan to ni oko ofurufu aladaani, to je omode; eni ti obinrin kan ko yo lenu fun omo nitori ara mi ko le gba eyi,” o so bee.

E o ranti pe Tiwa Savage se igbeyawo pelu alakoso re tele, Tunji Balogun, ti a mo si Teebillz, ni 2013, sugbon won pinya ni 2018 leyin ti won kuna lati di alafo iyato ara eni laarin won. Won bi omokunrin kan ti won pe oruko re ni Jamil.

Odunlade, Mr Latin, Kunle Afod àtàwọn òṣèré mii ń ṣèdárò Sunday Akinremi Chief Kanran tó jáde láyé

Fẹ́mi Akínṣọlá

Ọjọ́ tí a bá kú là á dère, èèyàn ò ṣunwọ̀n láàyè. Àwọn alẹ́nulọ́rọ̀ lágbo òṣèré tíátà Yorùbá n ṣèdárò akẹgbẹ́ wọn, àgbàọ̀jẹ̀ òṣèré tó lapọ́njá, Alàgbà Sunday Akinremi tí ọ̀pọ̀ mọ̀ sí Chief Kánran ẹni tó papòdà kúrò láyé lánàá ọjọ́ Ẹtì ọjọ́ kẹẹ̀dóógún oṣù Kẹjọ ọdún yìí.

Ọgbẹni Bolaji Amusan, to jẹ aarẹ ẹgbẹ awọn oṣere TAMPAN, Odunlade Adekola, Kunle Afod atawọn oṣere mii ti n fi ọrọ ibanikẹdun ransẹ si ẹbi oloogbe.

Adura ni Ọgbẹni Amusan tawọn eeyan mọ si Mr Latin gba fun gbajugbaja oṣere to doloogbe naa loju opo Instagram rẹ.

Ninu ọrọ tiẹ, Kunle Afod sọ loju opo Instagram rẹ pe ”o si nira fun mi lati gbagbọ pe Chief Kanran ti di oloogbe titi di aarọ oni.
A si jọ sọrọ ni bii ọjọ mẹrin sẹyin lori iṣẹ ti a fẹ jọ ṣe papọ lọsẹ to n bọ.

Mo ṣakiyesi pe inu Chief Kanran dun lọjọ ti a jọ sọrọ yii.

A fi bi mo ṣe gbọ pe Chief Kanran ti dagbere faye!

Agbaọjẹ oṣere ni Chief Kanran i ṣe, ki Eleduwa tẹ wọn si afẹfẹ rere.”
Adura naa ni Odunlade Adekola ba fun agbaọjẹ oṣere to doloogbe loju opo Instagram rẹ.

Adekola gbadura wi pe ki Ọlọrun tẹ Chief Kanran si afẹfẹ rere.

Mercy Chinwo kí o̩mo̩ tuntun káàbo̩

Mary Fágbohùn

Olorin ihinrere Mercy Chinwo ati oko re Olusoaguntan Blessed ni Olorun ti bukun pelu omo keji.

Ni ojo Eti, Mercy fi aworan oyun re lede lori ikanni ibanidore Facebook, lati sajoyo ire nla naa.

Tokotaya yi se igbeyawo ni ojo ketala osu kejo, 2022 ninu igbeyawo alarede ti won se ni Port Harcourt, won si bi omokunrin kan ni ojo kerin osu kokanla, 2023.

Ninu oro ifori re, o kowe pe: “Oluwa ti se e leekansii! O ti fikun ayo wa… O so erin wa di pupo…o si bukun wa pelu omo keji.”

O gbadura tokantokan, o ni “Oruko Re̩ ni a o maa gbega titi lai ninu iran wa.

Iran wa yoo ma rin ninu imole Re̩.
Nipase wa, opo yoo di alabukun,

Gbogbo orileede yoo si pe wa ni alabunkun fun.”

O tun ki oko re ku oriire, o pe ni baba meji. “Ife mi @officialblessed — baba MEJI! Oluwa dara si wa nitooto.”

Ninu idupe yii, Mercy gbe orin tuntun, Onyeoma, jade lojo Eti.

Awon ololufe ati afenifere ti fi ikinni ku oriire ranse si tokotaya ohun.

“E ku oriire, omo tuntun, kaabo si ile wara ati oyun”, enikan so bee.

Elomiran lori ikanni ibanidore Facebook wi pe: “A yin Olorun, gba ododo re, iya wa; mo sajoyo pelu re”.

Charly Boy sè’kìlo̩ fún àwo̩n olósèlú Naijiria

Mary Fágbohùn

Lori oro eto idibo odun 2027, gbajumo olorin, Charly Boy, ti fa awon oloselu leti lati mase dabaa pe won yoo se magomago kan ninu eto idibo gbogboogbo 2027.

Charly Boy se’kilo yi ninu iforo-wani-lenu-wo re pelu Rudolf Okonkwo lori eto 90MinutesAfrica, o ni eto idibo to n bo ohun yoo je akoko to nitumo fun orileede.

Olorin naa ti a mo bii Area Fada (Baba Adugbo), fikun un pe akoko ọrọ fun eto idibo to n bo ni “fowo yi ki o ku”.

“Eto idibo 2027 yoo je akoko to nitumo ni Naijiria. Enikeni to ba seto lati fowo yi ibo ni ko setan lati ku. Fowo yi ki o ku ni.
“Nitori nigba naa, oju wa yoo ti la. O ti n la diedie. Ohun ti a maa ri ni 2026 yoo je ki awon omo Naijiria pinnu boya ko tesiwaju ni tabi ki won mu ki atunse sele ni orileede yi,” o so bee.

Ninu alaye re, o fikun un pe eto idibo ti ko leja-n-bakan ninu ni ona kan soso lati koju isejoba ti ko dara.

“Ona abayo kan si isejoba ti ko dara ni Naijiria le wa nigba ti won ba ka ibo wa nitooto. Nitori naa, ohun to ye ko kan wa bayii ni bi ibo wa se le di kika nitooto ni 2027,” o fikun un.

“Mi ò níi ló̩kàn láti se ìgbéyàwó”- Chike

Mary Fágbohùn

Olorin Naijiria, Chike ti safihan pe oun ko gbero lati se igbeyawo, o pe e ni “igbese̩ omugo̩”.

Ninu iforo-wani-lenu-wo pelu Chude Jideonwo, o ni, “Lero temi, mo ro pe o je igbese̩ omugo̩ lati se igbeyawo. Ero mi niyi”, o so bee.

Olorin “Running” naa ni igbeyawo kii se fun oun.

Chike tun safikun oro re pe idunnu oun da lori ki owo to to owo wa lapo oun.

‎“Mo nilo opolopo owo ki inu mi le dun,” Chike so bee, o ni kii se ojukokoro sugbon iru aye ti o n fe ni.

‎

Àwo̩n òsèré sèdárò Chief Kanran

Mary Fágbohùn

Gbajumo osere Naijiria, Olusegun Akinremi, ti a mo ninu ere si Chief Kanran, ti je Olorun nipe.

Osere naa ni iroyin jade pe o mi eemi ikeyin ni eni odun mejilelaadorin ni aaro ojo Eti.

Seun Oloketuyi, gbajumo agberejade, lo kede iku osere naa ninu atejade kan lori Instagram.

“Gbajumo osere, Segun Remi ku ni aaro ojo Eti,” o kowe.

Ekunrere iroyin nipa iku re ni ko ti si letigbo oniroyin titi di akoko iroyin yi.

Chief Kanran, eni to je oruko agboole ni ile ise fiimu Yoruba, ni a mo fun ipa to ko bii General Philips ni abala ketala ninu eto mohunmaworan TV Megafortune.

Danboskid ní orúko̩ tí òun yípadà ló jé̩ kí òun tètè jáde lórí ètò BBNaija

Mary Fágbohùn

Omole BBNaija abala 10 to ti jade ninu ile, Danboskid ti so pe oruko ti oun yipada ninu ile BBNaija House lo je ko soro fun awon ololufe oun lati da oun mo.

E o ranti pe Danboskid ni omole akoko to jade lori eto naa leyin ise meji to gbe ni ile Biggie.

Danboskid, eni ti oruko re gangan n je Daniel Olatunji, je eni odun marundinlogbon lati ipinle Ekiti.

Lasiko to n soro lori eto mohunmaworan Arise TV, 360 Chats, Danboskid ni oun fi oruko kan sile to ba ikanni ayelujara oun mu sugbon awon alakoso ko pe irufe oruko ti won to fi sile.

Gege bi o se so, eyi lo mu ko soro fun awon afenifere ti won n wo eto naa lati da oun mo.

O ni: “Nigba ti mo wo inu ile, mo fun won ni oruko to ba ikanni ayelujara mi mu, sugbon awon alakoso ni won o fe eni to ni oruko ti won ti fi sile. Mo wa yipada si Danboskid, mi o le ba awon ti n se agbateru mi nita soro. Eyi lo mu ko le fun awon ololufe mi lati da mi mo.

Ewu tó wà nínú mó̩ínmó̩ín

E̩ wo fídíò rè̩

Yínka Àlàbí