Home Blog Page 25

Gbọ́ nípa ìdánwò ‘mop-up’ tí àjọ JAMB kéde fún akẹ́kọ̀ọ́ 96,838, tí yóò wáyé lọ́jọ́ Sátidé

By
iroyinowuro
-

Gbọ́ nípa ìdánwò ‘mop-up’ tí àjọ JAMB kéde fún akẹ́kọ̀ọ́ 96,838, tí yóò wáyé lọ́jọ́ Sátidé

Fẹ́mi Akínṣọlá

Àjọ JAMB tó ń ṣàkóso ìdánwò àsewọlé sí ilé ẹ̀kọ́ gíga Fásitì àt’àwọn ilé ẹ̀kọ́ gíga mìíràn ní Nàìjíríà, ti kéde ọjọ́ Àbámẹ́ta òpin ọ̀sẹ̀ yìí, ọjọ́ kejìdínlọ́gbọ̀n oṣù Kẹfà fún síse àfikún ìdánwò UTME ọdún 2025 yìí, tí wọ́n pè ní ”mop-up exam.”

Agbẹnusọ ajọ JAMB, Fabian Benjamin, lo fidi ọrọ yii mulẹ loju opo X ajọ naa.

Ṣaaju lati oṣu Karun un to kọja ni ajọ JAMB ti sọ wi pe awọn yoo kede asiko ti idanwo yii yoo waye.
Gẹgẹ bi agbẹnusọ ajọ Jamb, Benjamin, ti ṣalaye loju opo X ajọ JAMB, idanwo ”mop-up” yii jẹ afikun si idanwo UTME ti kọkọ waye loṣu Kẹrin ati atunṣe idanwo ọhun to waye loṣu Karun un to kọja.

Idanwo ”mop-up” yii wa fawọn akẹkọọ ti wọn ko lanfaani lati ṣe idanwo UTME ọdun 2025 ni igba ti idanwo naa kọkọ waye.
Ajọ JAMB tun ṣalaye pe awọn akẹkọọ ti ko lanfaani lati kopa ninu atunṣe idanwo UTME to waye lẹyin aṣiṣe to ṣẹlẹ lati ọwọ JAMB naa yoo lanfaani lati ṣe idanwo yii bakan naa.

Ajọ JAMB sọ pe akẹkọọ 96,838 ni yoo kopa ninu idanwo ọjọ Abamẹta to n bọ naa.

Ọgọsan le mẹta ọna ni idanwo ọhun yoo si ti waye kaakiri orilẹede Naijiria.

Agbẹnusọ JAMB ṣalaye pe akẹkọọ 5,096 ti wọn ko ri ayẹwo orukọ wọn ṣe lori ẹrọ kọmputa lọjọ ti idanwo UTME kọkọ waye ni isọri kinni awọn ti yoo ṣe idanwo ”mop-up” yii.

Isọri keji awọn akẹkọọ ti yoo ṣe idanwo naa lawọn akẹkọọ 91,742 ti wọn ko lanfaani lati ṣe idanwo UTME to kọkọ waye ati atunṣe rẹ to tẹle e fun idi kan tabi omiran.

Ọgbẹni Benjamin to jẹ alukoro ajọ JAMB ti wa rọ awọn akẹkọọ to ba wa ni isọri mejeeji yii lati bẹrẹ si ni tẹ iwe pelebe iforukọsilẹ fun idanwo naa lori ẹrọ kọmputa.

Ibi ti idanwo naa yoo ti waye ati asiko ti yoo waye lo wa ninu iwe pelebe naa.
Ajọ JAMB ṣalaye pe ago mẹjọ aarọ ni apa kinni idanwo naa yoo bẹrẹ lọjọ Abamẹta opin ọsẹ yii.

JAMB wa rọ awọn ti idanwo wọn yoo bẹrẹ ni ago mẹjọ lati wa ni ibi ti wọn yoo ti ṣe idanwo lati bii wakati kan tabi wakati abọ si akoko ti idanwo naa yoo bẹrẹ.

Bakan naa ni ajọ JAMB tun rọ awọn akẹkọọ lati ranti mu iwe pelebe iforukọsilẹ fun idanwo naa dani ti wọn ba n bọ.
O le ni miliọnu meji akẹkọọ ti wọn forukọ silẹ fun idanwo UTME ọdun 2025 yii.

Ajọ JAMB sọ pe akẹkọọ to din diẹ ni miliọnu meji (1.9m) lo ti jokoo ṣe idanwo ọhun bayii.

Yatọ si idanwo to kọkọ waye loṣu Kẹrin ọdun yii, ajọ JAMB tun ṣe idanwo mii fun akẹkọọ to le ni 300,000 loṣu Karun un.

Eyi wa fawọn akẹkọọ ti aṣiṣe to wa lati ọwọ JAMB ṣakoba fun esi idanwo UTME wọn.

Kudiẹ-kudiẹ to ṣẹlẹ lati ọwọ ajọ JAMB naa ṣakoba fun ibi ti wọn ti n ṣe idanwo ori kọmputa naa (CBT) marundinlaadọrin nipinlẹ Eko.

Bakan naa lo tun ṣakoba fun mejilelaadọrun ibi ti idanwo CBT ọhun ti waye ni ipinlẹ Anambra, Imo, Abia, Ebonyi, ati Enugu.

Iwadii JAMB fi han wi pe aṣiṣe wa ninu esi idanwo UTME ti wọn gbe jade lẹyin ti ọpọ eeyan ke gbajare pe awọn akẹkọọ to gba maaki to kere ti pọju.

Lẹyin naa ni alakoso ajọ JAMB, Ọjọgbọn Iṣhaq Oloyede, tọrọ aforijin, o si kede pe awọn akẹkọọ tọrọ kan yoo lanfaani lati tun idanwo naa ṣe.

Ekiti Knowledge Zone: Oyebanji pín bílíọ̀nù kan ààbò náirà fún àwọn tí ìjọba gba ilẹ̀ wọn

By
iroyinowuro
-
Oyebanji

Sinkin ni inu awon eniyan kan n dun lojo Isegun to lo, nigba ti won n tewo gba iwe owo (cheque0 lowo Gomina IPinle naa, Ogbeni Abiodun Oyebanji.

Gomina naa fun awon eni oro kan ni owo naa, to je ti ‘Gba, ma binu’ lori bi ijoba se gba ile won fun agbaekale eto eko pataki ti Ekiti Knowledge Zone.

Lapapo, owo to je bilionu kan and aabo din aadota milionu (N1,450,000,000) ni ijoba fun won.

Nigba to n soro nibi eto naa to waye ni Ado Ekiti, Gomina Oyebanji mu da won eniyan loju pe ajinde ati idagbasoke eko je ohun ti ijoba oun mu ni okunkundun.

Dapo Abiodun rọ̀jò owó lé ilé ìwé giga MAPOLY àti àwọn akẹ́kọ̀ọ́ mẹ́sàn-án tó yege jùlọ lori

By
iroyinowuro
-

Gomina Ipinle Ogun, Alagba Dapo Abiodun, derin peeke awon alase, awob obi ati omo ile eko gbogbo-nse Moshood Abiola Polytechnic (MAPOLY) lojo Isegun to lo, nigba to kede ipese  bilionu meji naira (N2bn) fun idagbasoke fun ile-iwe naa.

Asiko ti won n se ayeye ikekojade ni Abiodun ju iroyin ayo naa sile.

Bakan naa, o kede milionu meji ataabo fun okookan awon akekojade mesan-an ti won se daadaa ju.

Se bi eegun eni ba n joore, ori a maa ya atokun.

Gomina kedun pe MAPOLY, to je ileewe to ti goke agba tele, ri ifseyin nigba ti Gomina tele, iyen Senato Ibikunle Amosun, gbe e lo si Ipokia.

O ni ileewe to ti maa n ni to omo bii ogbon egberun wa di eyi to n lakaka lori egberun marun-un.

O wa fi kun un pe nnkan ti n pada senu rere fun MAPOLY, tori o ti ni omo to egberun metala.

 

Músò, músò! Ọjọ́ọ̀bí ọgọ́ta ọdún wọlé bá Sanwo-Olu láàrin ọ̀pọ̀ àṣeyọrí ní Ìpínlẹ̀ Èkọ́

By
iroyinowuro
-
Sanwo-Olu

… Tinubu gbósùbà fún pẹ̀lú ìpèníjà lórí 4th Mainland Bridge

Mudasir Alabi

Ojo pataki ni Alaaruba, ojo keedegbon, 2025 je ninu aye Gomina Ipinle Eko, Alagba Babajide Sanwo-Olu o.

Ojo yii lo di enu ogota odun, iyen 60 years.

Idi niyi to fi je pe opo  eniyan lo n ba a yo, ti won n ki I ku oriire.
Lara won ni Aare Orile-ede yii, Assiwaju Bola Tinubu, to ki Sanwo-Olu fun ise takuntakun to n se ni Eko.
Tinubu tun wa ro gomina naa ki o se awon ise nla-nla to wa niwaju re ni asepari, ti afara agbayanu eleekerin, iyen Fourth Mainland Bridge, je okan ninu won.

Bi a ba wo o daadaa, ajoyo ti Sanwo-Olu n se je bii meji, tani ko ju bee lo.

Leyin wipe o di eni ogota odun, ijoba eleekeji re naa sese da si meji ni.

Ni pataki, ojo ibi pataki naa ba a ni enu ise nla gege bii gomina Ipinle Eko.

Ohun to maa fun u ni iwuri, idunnu ati ope fun Olorun ni pe ise goina to n se naa, o n ri i se.

Aseyori re f’oju han lona gbgbo.

Yala ninu eto eko, ilera, ipese ohun amayederun ati idagbasoke oro okowo, Sanwo-Olu n gbe awon igbese to wuri.

Sugbon nigba ti won ba maa ko itan ijoba ni Ipinle ko, o jo pe oun ti won a fi maa ranti Sanwo-Olu ju ni idagbasoke to ba erona oko oju irin.

Ni akoko, o pari ise lori oko oju irin Blue Rail ti Fashola bere.

Lona keji ewe, o ti pari Red Rail to je pe ijoba re lo bere.

O tun ti wa n fi oba le e nipa bibere eto lori bi Green Rail yoo se waye.

Nipa bayii, oun ni gomina to ti sise julo lori eto irinna reluwe.

Irufe awon aseyori re naa ni teru-tomo yoo maa so bi won se n ki I ku ayeye ojo ibi.

  APC tako Makinde lórí N63bn to fe fi se àtúnṣe ilé ìjọba

By
iroyinowuro
-
Makinde

Gomina Ipinle Oyo, Onimo Ero Seyi Makinde, ti se alaye bo se je pe owo to to ogota o le meta bilionu naira (N63bn) ni ijoba oun fe na lori atunse ile ijoba Government House to wa ni Agodi, Ibadan.

Lati ojo ti ijoba ti kede erongba naa ni awuyewuye ti n sele, tori iye owo naa ya awon eniyan lenu.

Gomina ti wa so pe bi owo ile okeere se won, to wa je ki gbogbo nnkan won gogo, lo je ki owo naa lo soke.

Ni bayii, egbe All Progressives Congress ni Ipinle Oyo ti tako Gomina naa, to n so pe inakuna ati ifowosofo ni Gomina Makinde fe gunle.

Ninu atejade kan ti abenugan egbe naa ni Ipinle Oyo, Ogbeni Olawale Sadare, gbe sita, o ni opo nnkan lo wa to n je ilu niya to ye ki ijoba naa o f’owo se.

O tun wa fi kun un pe ijoba Abiola Ajimobi ti se atuse lori ile ijoba naa ni 2017.

 

Davido se ‘tuale’ fún Sanwo-Olu 

By
iroyinowuro
-
Davido
Gbajugbaja akorin, Davido, ti kan saara si Gomina Ipinle Eko, Alagba Babajide Sanwo-Olu.
O se eyi lasiko to ki i ku oriire pipe ogota odun loke eepe.
Ninu fidio kan, Davido ni alaseyori gomina ni Sanwo-Olu je.
O ni gbogbo nnkan ribiribi ti o n gbe se ni ilu Eko ni araye n ri.
O wa ro awon ololufe re ki won ba oun da muso fun un, tori pe oun nifee gomina naa pupo
Gomina Babajide Sanwo-Olu

Ìjo̩ba ìbílè̩ Onigbongbo l’Ekoo sì ń dá bírà

By
iroyinowuro
-

Ìjo̩ba ìbílè̩ Onigbongbo l’Ekoo sì ń dá bírà

Yínká Àlàbí

Idagbasoke ojoojumo̩ to n ba Onigbongbo lo je̩ ki ileese̩ iwe IROYIN OWURO̩ te̩ o̩ko̩ leti lati je̩ ipe
Alaga Ijo̩ba ibile̩ naa. Ijo̩ba ibile̩ Onigbongbo wa ni ipinle̩ Eko. Gbogbo awo̩n adugbo bii O̩pe̩bi, Allen, O̩re̩gun, to fi de Maryland ati be̩e̩ be̩e̩ lo̩ ni wo̩n wa labe̩ isejo̩ba Onigbongbo. Hon.Barr. Rekiya Hassan tun fi n da gbogbo oniroyin loju pe keesekese ni wo̩n tii ri, kaasakasa n bo̩ lo̩na, kaasakasa ti se baba keesekeese. O ni awo̩n ara adugbo Onigbongbo si maa gbadun isejo̩ba oun ju bayii lo ti e̩gbe̩ APC ba le jawe olubori ninu idibo ijo̩ba ibile̩ to n bo̩ lo̩na. Barr Rekiya ni o wu oun lati maa se akanse ise̩ lojoojumọ ju oni oso̩o̩se̩ ti isejo̩ba awo̩n n se yii lo̩.
O̩s̩e̩ to ko̩ja ni a jo̩ si awo̩n akanse bii opopona lorisiirisii pe̩lu ago̩ o̩lo̩paa igbalode ni O̩re̩gun ni eyi to gbe ko̩miso̩na o̩lo̩paa O̩gbe̩ni Olohundare Mo̩shood Jimo̩h gan-an dide.
Bi ojumo̩ toni tun ti mo̩ ni a tun ti be̩re̩ si ni si awo̩n opopona ti ijo̩ba naa se bii Tiwalade close, Ibadan close ati Adedeji close ti awo̩n me̩te̩e̩ta wa ni Ilu O̩pe̩bi. Le̩yin eyi ni a tun te̩ siwaju lati lo̩ si Aderibigbe street, Wasimi pelu 114 Road (Wasimi peace estate) ni Maryland kan naa.
Akiyesi awo̩n ara ilu ni pe ti gbogbo awo̩n oloselu ba le maa sise̩ bii Hon. Barr. Rekiya Hassan, ko ni si o̩na ti ko dara mo̩ ni orileede yii.
Adura awo̩n ara ilu ijo̩ba ibile̩ Onigbongbo ni pe ki Alaga naa wo̩le, ki Eledua ma si je̩ ki o dawo̩ oore re̩ duro.
Omowe Sogbehin Abdulganiyu Oluremi to je̩ ogunna gbongbo ninu olori e̩gbe̩ oselu APC ni ilu naa ni, ko gbo̩do̩ ma ri be̩e̩ nitori pe e̩gbe̩ oselu awo̩n maa n ni afojusun ni ilu tabi ipinle̩ ti wo̩n ba ti ba ara wo̩n. Alagba yii ni gbogbo atile̩yin ni awo̩n n fun Alaga lati ma se je̩ ki o kuna tabi ki awo̩n eniyan kan ma lo̩ maa so̩ pe nitori pe o je̩ obinrin ni ko je̩ ki o ri ojutuu isejo̩ba naa.

Sáà kan ṣoṣo tó jẹ́ ọdún márùn ún tàbí ọdún mẹ́fà ti tó ọmọlúàbí – Seyi Makinde

By
iroyinowuro
-

Sáà kan ṣoṣo tó jẹ́ ọdún márùn ún tàbí ọdún mẹ́fà ti tó ọmọlúàbí – Seyi Makinde

Mary Fágbohùn

Gomina ipinlẹ Oyo, Seyi Makinde ti sọ pe saa kan to jẹ ọdun mẹfa lo yẹ ki awọn oloṣelu ti wọn dibo yan maa lo lori ipo dipo saa meji ọlọdun mẹrin-mẹrin.

Makinde ni ọdun mẹfa to fun olori to ba mọ ohun to n ṣe lati mu irọrun ba awọn to n dari.

Gomina ọhun ti wa pe awọn aṣofin ki wọn gbe igbesẹ lori aba naa.

O ni “Mo ti lo ọdun mẹfa lori oye bo tilẹ jẹ pe a padanu ọdun 2020 ti kii ṣe ẹbi ẹnikẹni.

“A tun padanu nnkan bii ọdun kan miran ti a fi n ṣe ipolongo ibo fun saa keji, ni bayii, awọn eniyan tun ti n ba wa sọrọ lori ohun to yẹ ki a ṣe lẹyin eyi.

“Nitori naa mo lẹ sọ pe iye igba ti a fi ṣiṣẹ ni pato ninu ọdun mẹjọ naa ko ju ọdun marun un lọ.

“Idi niyi ti mo fi ro pe o yẹ ka yọ awọn idiwọ iru eyi kuro, saa kan ṣoṣo to jẹ ọdun marun un tabi ọdun mẹfa ti to ọmọluabi lati ṣe awọn iṣẹ ti o fẹ ṣe.”

Makinde sọ ọrọ yi nigba ti awon Musulumi ṣabẹwo sii nile ijọba to wa ni Agodi, ni ilu Ibadan lẹyin adura ọdun Ileya.

O ni bo tilẹ jẹ pe ọrọ ofin ni aba ọhun, o jẹ ohun to yẹ ko ṣiṣẹ fun orilẹede Naijiria ti wọn ba le gba aba naa wọle.

Gẹgẹ bi o ṣe sọ, ootọ ọrọ ni oun sọ nipa saa ti awọn oloṣelu n lo lori oye ko si yẹ ki ẹru maa ba eniyan lati sọ otitọ nitori ohun to fẹ jẹ tabi ipo to fẹ dimu.

Gomina Oyo tun ni kii ṣe igba akọkọ ti iru ọrọ bẹẹ yoo jeyo, ohun to yẹ ki awọn aṣofin Naijiria gbe yẹwo ni.

Lara awọn to wa nibi ipade naa ni igbakeji Makinde, Abdulraheem Lawal, Otun Olubadan ilẹ Ibadan, Rashidi Ladoja; igbakeji gomina tẹlẹ, Taofeek Arapaja; to fi mọ awọn igbakeji gomina meji mii nigba kan ri, Hazeem Gbolarumi ati Hamid Gbadamosi.

 

 

Tinubu ò s’èjọba ẹlẹ́yàmẹ̀yà –  Nyesom Wike

By
iroyinowuro
-

Tinubu ò s’èjọba ẹlẹ́yàmẹ̀yà –  Nyesom Wike

Mary Fágbohùn

Minisita fun Olu-ilu orileede yi (Federal Capital Territory, FCT), Nyesom Wike, ti sọ pe ko si eleyameya ninu ijọba Aare Bola Tinubu.

Nigba ti o n soro nibi 2025 OAU Distinguished Personality Lecture ni Ile Ife, Ipinle Osun, ni Ojo’bọ, Wike, ti o sọ asọye pataki, sọ pe Aare lo ni iṣakoso.

“Labẹ Tinubu, ko si nnkankan bi eleyameya. Aare kan wa to n sejoba, “ni o so.

Nigba ti o n tọka si iṣẹ olokiki onkọwe, Chinua Achebe ninu ‘The Trouble with Nigeria’, Wike sọ pe ọrọ naa pe ipenija Naijiria ni aisi olori to dara, ko le jẹ aṣiṣe.

“Gbólóhùn yii, ti o ba nnkan jẹ bi o ṣe ri, soro gidigidi lati ṣe ariyanjiyan. Awọn oludari wa, ni akọkọ, ti jade nipasẹ awọn igbimọ lati sin ara ẹni, eyi ti ko ni nnkankan lati ṣe pẹlu awọn anfani ati idagbasoke orilẹ-ede.

“Eyi ti jẹ ọran isejoba ologun ati alagbada,” ni o sọ.

Ṣugbọn o sọ pe Tinubu jade yato gẹgẹ bi aṣaaju ti awọn eniyan nilo lati mu Naijiria tesiwaju ati se rere.

“E je ki n fi igboya han lasiko yii lati so pe lonii, ni orile-ede wa, a ni iru olori bee ninu eniyan bii Tinubu.

“O ti ṣe afihan ni awọn ọna pupọ ati ni opolopo igba, ifarajin ti o lagbara si itẹ ijọba tiwa-n-tiwa ni orilẹ-ede wa, debi pe o fi emi rẹ lele ninu ilana naa.

“O ti ṣe afihan agbara nla fun idagbasoke bi a ti ri ni kiakia ati ninu idagbasoke ti o ni ipinle Eko labẹ iṣọ rẹ ati paapaa kọja re,” o fi kun un.

Gege bi o ti sọ, bi o tilẹ jẹ pe orilẹ-ede Naijiria ko ni ilọsiwaju nibi ogota ọdun sẹyin, ati pe gbogbo awọn igbiyanju ni a ge kuru.

Wike fi kun un pe orilẹ-ede naa tun le dide ki o si tan ninu ogo ti awọn ilana ijọba ti o tọ ba wa ni ipo.

Lara awon ti won wa nibi ayeye naa ni Ooni ti Ife, Oba Enitan Ogunwusi, eni to je Baba Ojo naa; Minisita fun eto iṣuna ati minisita Alakoso fun eto-ọrọ aje, Wale Edun; Gomina ipinle Enugu nigba kan ri, Ifeanyi Ugwuanyi; Gomina ipinle Benue nigba kan ri, Samuel Ortom; ati awon eniyan jankan jankan miran.

 

 

Seyi kò gb’ọ́wọ́ sóke láti nà mí rí – Òsèrébìnrin Biola Bayo

By
iroyinowuro
-

Seyi kò gb’ọ́wọ́ sóke láti nà mí rí – Òsèrébìnrin Biola Bayo

Mary Fágbohùn

Oserebirin Biola Bayo ti tako iroyin nipa iwa-ipa abele ninu ikọsilẹ rẹ laipe.

Ó kéde ìyapa kúrò lọ́dọ̀ ọkọ rẹ̀, Seyi, lọ́dún tó kọjá, ó sì so pe won fenuko lati se itoju omo won.

Biola ṣalaye lori Instagram pe wọ́n ko fi igba kan tahùn síra wọn tabi yo owo ija sira ninu igbeyawo wọn.

O ni ki awọn ololufe oun tesiwaju ninu adura fun wọn, o gba won niyanju lati maa soore fun awọn elomiiran, o ṣe akiyesi pe igba gbogbo ni awon eniyan n fi irora won pamo.

” Mo n soro nipa pe a o fi igba kan tahùn síra wa tabi yo owo ija sira lati ọdọ ọkan ninu wa. (Seyi ko gbe owo soke lati na mi ri bee ni emi naa ko ṣe bẹ rara). Ẹ jẹ ki a kọ ẹkọ lati je oloore si eniyan. E o mo ohun ti awọn miiran n la koja di igba ti wọn sọ, “gẹgẹ bi o se salaye.

 

1...242526...121Page 25 of 121

EDITOR PICKS

POPULAR POSTS

POPULAR CATEGORY

© Iroyinowuro 2022