Home Blog Page 20

Ìmísí fè̩hìn àwo̩n ake̩gbé̩ re̩ nalè̩ lórí ètò BBNaija 2025

By
iroyinowuro
-

Ìmísí fè̩hìn àwo̩n ake̩gbé̩ re̩ nalè̩ lórí ètò BBNaija 2025

Mary Fágbohùn

Omole lori eto BBNaija, Imisi, ti gbade bii eni jawe olubori ninu abala ti odun 2025 lori eto naa.

Imisi fi eyin awon omole meji miran ti won jo de ipele asekagba nale, o si gba ebun owo milionu lona aadojo naira (N150m) leyin ojo mokanlelaadorin ninu ile.

Abala “10/10” eto naa bere ni Ojo Abameta Osu Keje 2025, to safihan ifigagbaga laarin omole mokandinlogbon — obinrin marundinlogun ati okunrin merinla.

Amo sa ni ipele asekagba, omole mesan-an pere lo wa nibe: Dede, Imisi, Isabella, Jason Jae, Kaybobo, Kola, Koyin, Mensan ati Sultana.

Ilé ẹjọ́ kòtẹ́milọ́rùn wọ́gilé òfin tí Makinde fi de ẹgbẹ́ NURTW l’Oyo

By
iroyinowuro
-

Ilé ẹjọ́ kòtẹ́milọ́rùn wọ́gilé òfin tí Makinde fi de ẹgbẹ́ NURTW l’Oyo

Fẹ́mi Akínṣọlá

Ilé ẹjọ́ kòtẹ́milọ́rùn tó n jókòó nílùú Ìbàdàn ti wọ́gilé òfin tí Gómìnà Seyi Makinde fi de ẹgbẹ́ àwọn ọlọ́kọ̀ èrò níìpínlẹ̀ Ọ̀yọ́, NURTW.

Ile ẹjọ ni igbesẹ naa tabuku si ofin orilẹede Naijiria.

Gomina Makinde gbe igbesẹ yii lọjọ Kọkanlelọgbọn ọdun 2019, lẹyin to fẹsun kan NURTW pe wọn n da omi alaafia ru nilu,, ti ijọba si gba akoso gbogbo ibudokọ kaakiri ipinlẹ Oyo
Igbesẹ yii ni ko dun mọ ajọ naa ninu, ti wọn si morile ilẹ ẹjọ ni ọjọ kọkandinlogun oṣu keje, ti wọn si n pe fun pe ki ile ẹjọ wọgile igbesẹ ijọba ipinlẹ.

Ẹwẹ, ile ẹjo giga ti kọkọ yi ẹjọ naa danu lọjọ kẹtalelogun ọdun 2022, to si ni ko fẹsẹ mulẹ.
Ajọ NURTW pẹlu agbẹjọro rẹ, Femi Falana (SAN) kọri si ile ẹjọ kotẹmilọrun lọjọ kejilelogun oṣu kẹrin, ti wọn si jiyan pe ijọba ipinlẹ Oyo ko ni aṣẹ labẹ ofin lati fofin de ajọ labẹ iwe ofin Trade Union Act, CAP T14, ofin orilẹede Niajiria.

Ẹwẹ, agbẹjọro agba fun ipinlẹ Oyo, Abiodun Aikomo, jiyan pe ijọba ipinlẹ Oyo gbe igbesẹ yii nitori pe ajọ NURTW wa lara iṣoro alaafia nipinlẹ Oyo.

Ninu idajọ ẹlẹni mẹta ti adajọ Kenneth Amadi lewaju fun dajọ pe ijọba ipinlẹ Oyo kọ lati fi ẹri silẹ lati gbe lẹyin idi ti wọn fi fofin de ajọ NURTW.

“Mo wọgile fifi ofin de iṣẹ NURTW nipinlẹ Oyo. Bakan naa ni mo tun wọgile idajọ ile ẹjọ kekere ,” Adajọ Amadi ṣalaye.

Adajọ Biobele Georgewill, ti idajọ naa lẹyin, to si bu ẹnu atẹlu ọna ti ijọba ipinlẹ Oyo gba lori ọrọ naa.

O fikun pe bo ti lẹ jẹ pe ijọba ipinlẹ Oyo ni aṣẹ lati ri pe ofin fẹsẹ mulẹ, wọn gbọdọ ṣe ni ilana pẹlu ohun ti ofin gbe kalẹ.

Nigba ti a kan si ijọba ipinlẹ Oyo lori idajọ ile ẹjọ ati igbesẹ to kan lati ọdọ wọn, agbẹnusọ fun Gomina ipinlẹ Oyo, Sulaimon Olanrewaju ni ijọba ko ti ṣetan lati ṣo ohun kohun bayii lori idajọ ile ẹjọ.
Lọdun 2019 ni ijọba ipinlẹ Ọyọ kede pe oun ti fofin de ẹgbẹ awakọ ero nipinlẹ Ọyọ, NURTW, to si pasẹ pe eegun wọn ko tun gbọdọ sẹ mọ.

Lasiko to n bawọn akọroyin sọrọ, olori osisẹ lọọfisi gomina lasiko naa, Oloye Bisi Ilaka salaye pe iwa idaluru ti awọn ẹgbẹ ọlọkọ ero yii n hu lawọn agbegbe kan nilu Ibadan lo fa sababi igbesẹ ijọba naa.

Ẹgbẹ awakọ ero NURTW nipinlẹ Ọyọ, ti figbe bọnu pe ki Gomina Seyi Makinde tu okun ofin to fi de awọn nitori aifararọ eto abo to n ba ipinlẹ Ọyọ finra losu karun ọdun 2019.

Alaga ẹgbẹ NURTW nipinlẹ Ọyọ lọdun 2019, Alhaji Abideen Olajide, ti gbogbo eeyan mọ si Ejiogbe lo parọwa bẹẹ ninu atẹjade kan to fisita, pẹlu afikun pe bi gomina Makinde se fofin de isọwọ sisẹ awọn asaaju ẹgbẹ ọlọkọ ero, ti di ọna ijẹ wọn lojumọ.

Nigba to n ba akọroyin sọrọ lọdun naa, alaga ẹgbẹ ọlọkọ ero nipinlẹ Ọyọ, Waheed Adeọyọ, ti gbogbo eeyan mọ si Ejiogbe, ẹni ti akọwe ẹgbẹ, Sunday Yeye gbẹnu rẹ sọrọ, salaye pe laipẹ ni awọn yoo pe ipade gbogbo ọmọ ẹgbẹ awakọ ero nipinlẹ Ọyọ, lati fi asẹ ijọba naa to wọn leti

Bakan naa ni Ejigbe tun nahun kesi Olubadan ilẹ Ibadan lasiko naa, Ọba Saliu Adetunji Aje Ogungunnisọ Kinni, lati bawọn rawọ ẹbẹ si Makinde pe ko tu okun ofin naa lọrun awọn nitori agba ti ko binu ni ọmọ rẹ n pọ.

Mo fẹ́ dupò Gómìnà ìpínlẹ̀ Osun lọ́dún 2026- Omisore

By
iroyinowuro
-

Mo fẹ́ dupò Gómìnà ìpínlẹ̀ Osun lọ́dún 2026- Omisore

Fẹ́mi Akínṣọlá

Àgbà nínú ẹgbẹ́ òṣèlú All Progressives Congress, Sénétọ̀ Iyiola Omisore, ti kéde èròngbà rẹ̀ láti dupò gómiìnà ìpínlẹ̀ Osun ní odún 2026 lábẹ́ àsìá ẹgbẹ́ òṣèlú ọ̀hún.

Omisore, ẹni to fi gba kan jẹ igbakeji gomina, kede eyi loju opo X rẹ lọjọ Ṣatide, to si ni oun yoo jẹ ki ikede oun di mimọ ni ọfiisi ẹgbẹ oṣelu APC lọjọ Isẹgun, ọjọ Keje, oṣu kẹwaa ọdun 2025.

Omisore sọ loju opo X rẹ pe “ẹyin eeyan mi nipinlẹ Osun, lẹyin ọpọ ijiroro ati ifọrọwanilẹnu wo, mo ti pinnu lati kede erongba mi lati jade dupo Gomina ipinlẹ Osun ni ọdun 2025 labẹ asia ẹgbẹ oṣelu wa, APC.”
O fikun ọrọ rẹ pe ipolongo ibo oun yoo da lori dida ireti awọn eeyan pada, mimu atunṣe ba iṣejọba ati pipese ọjọ ọla rere fun awọn eeyan nipinlẹ naa.

Omisore ni ”ẹyi ki n ṣe iṣẹ mi nikan, ajọsepọ wa ni, mo n pe iyin pe ki ẹ wa fọwo sowọ pọ pẹlu mi lati gbe ipinlẹ Osun siwaju.”
Omisore dupo gomina ni ọdun 2014 labẹ asia ẹgbẹ oṣelu PDP ko to di pe o darapọ mọ ẹgbẹ oṣelu APC.

Igbagbọ wa pe o wa lara awọn oludije to ṣee ṣe ki wọn gba tikẹẹti lati soju ẹgbẹ APC ninu eto idibo to n bọ.

Omisore, jẹ igbakeji gomina laaarin ọdun 1999 si 2003 labẹ ẹgbẹ oṣelu Alliance for Democracy (AD), to si tun di sẹnetọ to soju ipinlẹ Osun laaarin 2003 si 2011.

Sẹnẹtọ Omisore fidirẹmi ninu ibo gomina lọdun 2014, nigba ti Rauf Aregbesola wọle eto idibo naa.

Bakan naa lo tun ti wa ninu ẹgbẹ oṣelu Social Democratic Party (SDP) nigba kan ri.

Omisore tun dupo gomina lọdun 2018, ko to di pe o darapọ mọ ẹgbẹ oṣelu APC ni ọdun 2021.

Lara awọn ipo ti Omisore ti dimu ri ipo akọwe agba ẹgbẹ oṣelu APC.

Agbófinró pa ogunlọ́gọ̀ ajínigbé mọ bùba wọn ní Kwara

By
iroyinowuro
-

Agbófinró pa ogunlọ́gọ̀ ajínigbé mọ bùba wọn ní Kwara

Fẹ́mi Akínṣọlá

Ètò ààbò ti ń padà bọ̀ sipò ní ìpínlẹ̀ Kwara báyìí bí àpapọ̀ àwọn ọmọ ogun ilẹ̀ wa se kọlu ọ̀pọ̀ ibùba àwọn agbébọn ní ìpínlẹ̀ náà.

Gẹgẹbi atẹjade ti agbẹnusọ àgbà feto ìròyìn fun gomina Ipinlẹ Kwara, Rafiu Ajakaye fi léde, ọpọ ẹmi awọn ọdaran yii lo lọ lori ikọlu naa.

Ajakaye sọ pe ẹnikẹ́ni ko ti i le sọ boya awọn ikọ ológun ijọba padanu ẹmi wọn nínú ìkọlù náà tàbí bẹẹ kọ.

Tẹ o ba gbagbe, lọjọ Aiku ni awọn afurasi agbebọn ya wọ ilu Oke-Ọdẹ, ni ìjọba ibilẹ Ifelodun, wọn si pa eniyan mẹrinla to fi mọ, baalẹ agbegbe kan.
Atẹjade naa ka bayii:

“Apapọ ikọ ọmọ ogun lo gbena woju awọn agbebọn ni ibuba wọn to wa ni agbegbe Baba Sango ni alẹ ọjọ Aje.

Ni ibi ìkọlù yii ni ọpọ ẹmi awọn ọdaran yii ti sofo”

Ìkọlù awọn ọmọ ogun sáwọn agbébọn yii lo waye ni ọjọ keji ti iṣẹlẹ ipaniyan naa waye ni ilu Oke-Ọdẹ ni ọjọ Aiku.

Iroyin fihan pe, ikọlu si ibuba awọn ajinigbe yii waye ni aala ipinlẹ Kogi si ipinlẹ Kwara.

Atẹjade naa tẹsiwaju pe, “saaju ni ajọ ọmọ ogun ofurufu ti kede ikọlu lati ofurufu sori awọn ọdaran náà.

Eleyi to jẹ ibẹrẹ ọtun lati jẹ ibuba awọn agbebọn run.

“Ko tii si aridaju kankan boya awọn ikọ ijọba padanu ọmọ ogun kankan.”

Bí Goodluck Jonathan ó dupò ààrẹ ní 2027, òfin ni yóó sọ

By
iroyinowuro
-

Bí Goodluck Jonathan ó dupò ààrẹ ní 2027, òfin ni yóó sọ

Fẹ́mi Akínṣọlá

Àwọn àgbà sọ pé ọ̀rọ̀ tí kò rújú, kìí kọṣẹ̀ létè ẹni.
Bí ètò ìdìbò gbogbogbo ọdún 2027 ṣe ń súnmọ́ etílé, onírúurú àwọn èèyàn ni wọ́n ti ń fi èrò wọn hàn lórí ètò ìdìbò náà.

Mínísítà tẹ́lẹ̀ rí fétò ìròyìn àti ìlanilọ́yẹ̀, Ọ̀jọ̀gbọ́n Jerry Gana ti ní ààrẹ tẹ́lẹ̀ rí ní Nàìjíríà, Goodluck Jonathan máa gbégbá ìbò láti dupò ààrẹ lábẹ́ àsíá ẹgbẹ́ òṣèlú Peoples Democratic Party, PDP lọ́dún 2027.

Nígbà tó ń bá àwọn akọ̀ròyìn sọ̀rọ̀ ní ìlú Minna, ìpínlẹ̀ Niger níbi àpérò ẹgbẹ́ òṣèlú PDP, Gana sọ pé ààrẹ méjì ló ti ṣe ìjọba ní Nàìjíríà lẹ́yìn Jonathan tí àwọn èèyàn sì ti ń pòùngbẹ ìpadàbọ̀ Jonathan.

Ó ní Jonathan fi ipò ààrẹ Nàìjíríà sílẹ̀ lọ́dún 2015 nítorí ó ní ìgbàgbọ́ pé ẹ̀jẹ̀ ọmọ Nàìjíríà kankan kò tọ́ láti bá ètò ìdìbò lọ.
“Àwọn ọmọ Nàìjíríà ti rí ìyàtọ̀, ìyàtọ̀ tó fojú hàn láàárín ìṣèjọba Jonathan àti àwọn méjì tó ti ṣe ìjọba lẹ́yìn rẹ̀, tí wọ́n sì ń sọ pé kó padà sórí ipò
“Mo lè fìdí rẹ̀ múlẹ̀ pé Goodluck Ebele Jonathan máa díje dupò ààrẹ lọ́dún 2027 lábẹ́ ẹgbẹ́ òṣèlú PDP, a sì ní láti gbáradì láti dìbò fún-un láti padà sípò ààrẹ.”

Nígbà tó ń júwe ẹgbẹ́ òṣèlú PDP bíi ẹgbẹ́ tó jẹ́ èyí tó gbájúmọ́ ọ̀rọ̀ àwọn aráàlú jùlọ, Gana sọ pé ó jẹ́ ẹgbẹ́ tó máa ń fún àwọn èèyàn láàyè láti yan olórí tó bá wù wọ́n.

Ó wòye pé èyí ló mú kí PDP ṣì jẹ́ ẹgbẹ́ tó gbajúmọ̀ jùlọ ní Nàìjíríà.

Lórí ọ̀rọ̀ pé ẹgbẹ́ òṣèlú PDP ń ní àwọn ìdojúkọ kan lábẹ́nú, ó ní gbogbo ìfaǹfà tó ń wáyé nínú ẹgbẹ́ náà ni àwọn àgbààgbà ẹgbẹ́ ti yanjú, tó sì jẹ́ pé àwọn ti ń gbáradì fún iṣẹ́ tó wa níwájú wọn fún 2027.

Bákan náà ló rọ àwọn èèyàn láti wà ní ojú lalákàn fi ń ṣọ́rí, kí wọ́n fi ìbò lé ìjọba tó wà lóde kúrò lórí ipò, kí wọ́n sì fi ìbò dá Jonathan padà gẹ́gẹ́ bí ààrẹ.
Ẹ̀wẹ̀, iléeṣẹ́ ààrẹ ti wá fún Jerry Gana lésì lórí ọ̀rọ̀ bí wọ́n ṣe ní àwọn ọmọ Nàìjíríà kò ì tíì gbàgbé bí Jonathan ṣe ṣàjọba nígbà tó wà nípò ààrẹ.

Àtẹ̀jáde kan tí agbẹnusọ Tinubu, Bayo Onanuga fi síta lọ́jọ́ Ajé sọ pé àwọn ẹgbẹ́ alátakò ti ń kó ara wọn jọ láti tako Tinubu níbi ètò ìdìbò ọdún 2027 bí ó tilẹ̀ jẹ́ pé Tinubu ń sa gbogbo ipá rẹ̀ láti mú ètò ọrọ̀ ajé padà sípò.

Onanuga ní bí Ọ̀jọ̀gbọ́n Jerry Gana ṣe sọ pé Goodluck Jonathan máa díje dupò lọ́dún 2027 lẹ́yìn ọdún méjìlá tó ti fipò náà sílẹ̀.

Ó ní ó pọn dandan kí wọ́n ṣèkìlọ̀ fún Jonathan láti yé jẹ́ kí àwọn èèyàn ti òun gbọ̀ngbọ̀n láti mú ìfẹ́ inú wọn wá sí ìmúṣẹ, tí wọ́n sì máa fi sílẹ̀ láàárín agbami gẹ́gẹ́ bí wọ́n ṣe ṣe lọ́dún 2015.

Ó wòye pé Jonathan le díje dupò ààrẹ tó bá wù ún nítorí ẹ̀tọ́ rẹ̀ ni àti pé ààrẹ Bola Tinubu ṣetán láti gbà á tọwọ́ tẹsẹ̀ sí ìdíje náà.

Ó fi kun pé Jonathan máa nílò láti gba ilé ẹjọ́ lọ nítorí àwọn adájọ́ ló máa sọ bóyá Jonathan, tí wọ́n ti búra wọlé fún ní ẹ̀ẹmèjì gẹ́gẹ́ bí ààrẹ ṣì ní ẹ̀tọ́ láti tún díje lábẹ́ òfin láti tún díje fún sáà kẹta.

Onanuga tún sọ pé Jonathan yóò tún nílò láti ṣàlàyé fáwọn èèyàn ohun tuntun tó ní láti ṣe lẹ́yìn ọdún mẹ́fà tó lò lórí ipò láì sí ohun kankan láti fi ṣàfihàn fún-un.

Ó ní lọ́dún 2010, owó tó lé ní $66bn ni Jonathan bá nínú àpò ìjọba tó jẹ́ ti owó ilẹ̀ òkèèrè àmọ́ kò ju $32bn tó kù nínú àpò náà nígbà tó máa fipò sílẹ̀ lọ́dún 2015.

Nígbà tí ètò ìdìbò bá ti ń bọ̀ ni onírúurú awuyewuye máa ń wáyé pàápàá lórí ẹni tó le gbégbá ìbò.

Lára awuyewuye tó máa ń wáyé ni bóyá ààrẹ àná ní Nàìjíríà, Goodluck Jonathan lẹ́tọ̀ọ́ láti díje dupò ààrẹ mọ́ lẹ́yìn òfin ètò ìdìbò ọdún 2022 tí ààrẹ Muhammadu Buhari gbé kalẹ̀.

Lára ohun tí òfin náà sọ ni pé ẹnikẹ́ni tí wọ́n bá ti búra wọlé fún lẹ̀ẹmèjì fún ipò gómìnà tàbí ààrẹ yálà láti parí sáà ẹnìkan, kò lẹ́tọ̀ọ́ láti díje dupò náà mọ́.

Òfin yìí ló máa ń rú àwọn èèyàn lójú nípa bóyá Jonathan tún le díje fún ààrẹ Nàìjíríà nítorí wọ́n ti burá wọlé fún un ní ẹ̀ẹmèjì.

Àkọ́kọ́ ni láti parí sáà ààrẹ Umar Yar’adua tó jáde láyé lọ́dún 2009 àti lọ́dún 2011 nígbà tó wọlé ìbò ààrẹ.

Onímọ̀ nípa òfin, Ademola Owolabi sọ fún akọ̀ròyìn pé ìwé òfin Nàìjíríà máa ń ṣiṣẹ́ síwájú ni, kìí bojú wẹ̀yìn.

“Tí nǹkan bá ṣẹlẹ̀ ní àná, tí a ṣe òfin lónìí, òfin ta ṣe lónìí kò le mú nǹkan tó ṣẹlẹ̀ lánàá mọ́, tàná yẹn ti lọ nìyẹn.”

Owolabi sọ pé lásìkò tí Jonathan fi ṣe ààrẹ ní Nàìjíríà, kò ì tíì sí òfin pé ẹni tí wọ́n bá búra fún ní ẹ̀ẹmèjì kò ní le gbégbá ìbò mọ́.

O ní òfin tó wà nílẹ̀ nígbà náà ni pé èèyàn kò lè ṣe ààrẹ ju sáà méjì lọ.

Ó ní lẹ́yìn tí Jonathan kúrò lórí ipò ni wọ́n tó gbé òfin náà sílẹ̀, tí òfin náà kò sì lè mú Jonathan mọ́.

“Tí a bá fi ojú ìwé wò ó, ó máa jọ pé Jonathan kò ní lè díje dupò ààrẹ mọ́ nítorí òfin sọ pé ẹni tó bá tí wọ́n bá ti búra wọlé fún ní ẹ̀ẹmèjì kò ní lè dupò ààrẹ ṣùgbọ́n òfin yẹ wáyé nígbà tí Jonathan ti kúrò lórí oyè.

“Òfin wa kò le mú nǹkan tó ti ṣẹlẹ̀ sẹ́yìn mọ́, a kìí ṣe òfin fún àná tàbí ọ̀la. A ò le gbé òfin kalẹ̀ lọ́dún 2019 kí a ní kó mú nǹkan tó ti ṣẹlẹ̀ lọ́dún 2015.”

Òun lo̩kàn mí yàn ló jé̩ kí n fi s’adé orí – Temi O̩te̩do̩la

By
iroyinowuro
-

Òun lo̩kàn mí yàn ló jé̩ kí n fi s’adé orí – Temi O̩te̩do̩la

Mary Fágbohùn

Osere tiata Temi Otedola, omobinrin olowo tabua, Femi Otedola, ti soro nipa ohun to je ko fe olorin, Mr Eazi.

Ninu iforowero laipe pelu BBC, Temi salaye pe oun segbeyawo pelu olorin naa nitori pe o je ore timotimo oun pelu awon idi miran.

O ni bawo ni igbe aye oun i ba se ri laisi Mr Eazi nibe nitori oun ko ro pe elomiran le e dabi re ninu aye oun.

Oluforo-wani-lenu-wo beere pe: “Ki lohun to mu ko ‘gba’ fun Mr Eazi?”

Temi fesi: “Opolopo nnkan ni. Bawo ni mi se fe fowo mukan ninu re? Ani, saaju ohun gbogbo, ore timotimo mi ni. Eeyan mi ni. Mo si lero pe nigba ti o ba pade eeyan, waa mo.

“O je eeyan ti inu mi maa n dun lati lo gbogbo ojo pelu; ka jo ko igbe aye wa papo, ki a si rin ninu rukerudo bi a ti n sayojo ti a si n yanju isoro papo. Eeyan mi ni. Nitori naa, inu wa n dun fun ohun to n bo wa.”

Lori ohun to je ko yan lati je oruko oko re leyin igbeyawo, Temi wi pe, “Mo ti si ayaleko, o je ohun to kan leti je oruko oko mi. Sugbon mo laayo ni. Mo si bowo fun agbara obinrin lati yan ohun to fe.”

Irawo fiimu naa fikun un pe mimu ibasepo re kuro loju gbogbo aye je ki nnkan rorun fun un .

E ranti pe Temi ati Mr Eazi se igbeyawo ni ise die seyin seyin ni Iceland. Gbajumo olorin Amerika, John Legend korin nibi igbeyawo won.

Àìsí ìbálòpò̩ lásìkò yí yanjú ìsòro mi – TG Omori

By
iroyinowuro
-

Àìsí ìbálòpò̩ lásìkò yí yanjú ìsòro mi – TG Omori

Mary Fágbohùn

Gbajumo oludara fonran orin ni Naijiria, ThankGod Omori, ti a mo si TG Omori, ti so nipa ipinnu re lati para re mo kuro ninu ibalopo.
Oniforan orin naa so pe lati igba ti oun ti yan iparamo fun ibalopo, ilaji isoro oun ti yanju.

Loju opo X re, o kowe pe, “Lati igba ti mo ti yan iparamo fun ibalopo ilaji isoro mi ti yanju.”

E ranti pe laipe yi ni Tiwa Savage so di mimo pe oun ti paramo fun ibalopo lati bii odun meta.

O ni idi ti oun fi paramo naa ni pe oun ko ni ololufe, pe okan re kii da si ibalopo ayafi to ba wa ninu ibasepo ife.

 

 

Má se jé̩wó̩ fún e̩nìkejì re̩ tí o bá yan àlè – Teju Babyface

By
iroyinowuro
-

Má se jé̩wó̩ fún e̩nìkejì re̩ tí o bá yan àlè – Teju Babyface

Mary Fágbohùn

Gbajumo aderinposonu Naijiria, Teju Oyelakin, ti a mo daadaa si Teju Babyface, ti se’kilo fun ololufe re lati ma se jewo fun enikeji won ti won ba yan ale.

Teju Babyface ni jijewo iru re je asise nla to buruku julo ninu igbeyawo.

Lasiko to n soro nipa atunbotan re, Teju ninu fonran kan lori ikanni ibanidore Instagram, tokasi sii pe jijewo ko se enikeji re ni anfaani kankan.

“Ma se jewo pe o yan ale: Ooto to ka ni laya ni! Gbogbo eeyan n so fun o pe ‘ma farapamo’ ti o ba yan ale. Koda won si Bibeli tumo lati tii leyin. Sugbon ki n so ko da monran: ijewo ni si Olorun, kii se oko tabi aya re.

“Ko si anfaani kan fun won (oko tabi aya re). Iwo lo ni gbogbo anfaani naa.

 

Gbogbo ọjà n’Ìbàdàn wà ní títìpà gbọingbọin saájú ìwúyè

By
iroyinowuro
-

Gbogbo ọjà n’Ìbàdàn wà ní títìpà gbọingbọin saájú ìwúyè

Fẹ́mi Akínṣọlá

Àwọn àgbà bọ̀, wọ́n ní kí á bu ọlá fún ẹni tí ọlá tọ́ sí .Ìbàdàn kíì gbàgbé olóore bọ̀rọ̀.
Bí àwọn ọmọ Ìbàdàn ṣe ń gbaradì fún ayẹyẹ ìfinijoyè Olúbàdàn tuntun ni ọ̀pọ̀ ìgbésẹ̀ ti n lọ létò létò káàkiri ìlú ọ̀hún.

Bẹrẹ lati bi wọn yoo se ti awọn ọna kan pa, eyi ti wọn ti fi to awọn araalu leti nipa awọn ọna miiran ti wọn le lo ti yoo mu irinajo wọn jẹ irọnu.

Bẹẹ naa ni ijọba ipinlẹ Oyo tun si paapa ofurufu Samuel Ladoke Akintola to wa niluu Ibadan, to si ti gba alejo baalu akọkọ lẹyin ti wọn ti pa ninu oṣu kẹta ọdun yii.

Igbesẹ yii lo waye nitori bi ilu Ibadan yoo ṣe ma gba alejo Aarẹ orilẹede Naijiria, Bola Tinubu fun ayẹyẹ ifinijoye Olubadan tuntun.

Baalu yii balẹ ni deede ago mẹsan an kọja isẹju mẹrinla lọjọru, to si pada leyi to mu ọpọ idunu ati ayọ ba araalu.
Aarẹ Bola Ahmed Tinubu ni igbagbọ wa pe yoo balẹ si ilu Ibadan ni Ọjọ Ẹti fun ayẹyẹ Olubadan tuntun, Oba Rashidi Adewolu Ladoja.

Bakan naa, Babaloja gbogbo ipinlẹ Oyo, Asiwaju Yekeen Abass ti paṣẹ pe ki gbogbo ọja pata niluu ibadan di titi pa ṣaaju eto ifinijoye Olubadan.

Ifinijoye yii ni yoo waye ni ọjọ Kẹrindinlọgbọn oṣu kẹsan an ọdun 2025 ni gbọngan Mapo niluu Ibadan, to jẹ olu ilu fun ipinlẹ Oyo.

Ikede yii lo wa ninu atẹjade ti Babalọja fi sita fun awọn akọroyin lati fi ki Olubadan tuntun, Oba Rasidi Adewolu Ladoja ku orire ifinijoye gẹgẹ bii Olubadan kẹrinlelogoji

Babalọja rọ gbogbo awọn ọlọja ni ijọba ibilẹ mọkanla to wa ni ilu Ibadan pe ki wọn ti ọja wọn pa lati bu ọla fun ori ade tuntun.

Kùkùkẹ̀kẹ̀ ìpalẹ̀mọ́ Olúbàdàn tuntun nílẹ̀ Ìbàdàn di ìràwọ̀ ọ̀sàn

By
iroyinowuro
-

Kùkùkẹ̀kẹ̀ ìpalẹ̀mọ́ Olúbàdàn tuntun nílẹ̀ Ìbàdàn di ìràwọ̀ ọ̀sàn

Fẹ́mi Akínṣọlá

Àwọn àgbà bọ̀, wọ́n ní ẹni nlá ní-ín ṣe ohun nlá, bẹ́ẹ̀ ní ìpalẹ̀mọ́ Ọba tuntun nílẹ̀ Ìbàdàn, Aláyélúwà Ọba Rasidi Adéwọ̀lú Àkánmú Ládọ́jà Arùsà kínní ṣé rí bí ó ṣe jẹ́ pé tilé toko, t’ìgbẹ́ tijù ọmọbíbí ìlú ló mú ìwúyè Ọba Aláyélúwà ọ̀ún bí i ìnáwó ẹlẹ́bijẹbí bí ó ti jẹ́ pé, gbogbo agboolé nílẹ̀ Ìbàdàn ní wọ́n tá àwòràn orí adé náà mọ́ tó hàn gàdàgbà, pẹ̀lú onírúurú àkọlé tó n ṣàfìhàn bí ó ṣe jẹ́, àwọn tó ta àwòràn papàá gbé àwòràn olórí ẹbí wọn àti orúkọ agboolé wọn sínú àwòràn ìgbàlódé fẹ̀rẹ̀gẹ̀dẹ̀ tí a mọ̀ sí bííbọọ̀dù.
Èyí kò tán síbẹ̀, akọ̀ròyìn òwúrọ̀ tó jádé láti bèèrè lọ́wọ́ àwọn èèyàn ìlú kan nìpà kábíyèsí ọ̀hún tí ó goróyè jẹ́ kó di mímọ̀ pé èèyàn tí Orí ṣà dá ni Aláyélúwà Ọba Rasidi Adéwọ̀lú Àkànmú Ládọ́jà , torí pé ọ̀pọ̀ àwọn nnkan tí kábíyèsí náà máa n ṣe ló jẹ́ ìfaradà fún ìlú, tí kìí ṣe fún ìfẹ́ tararẹ̀.

Bí ó tilẹ̀ jẹ́ pé, ìlànà ọba jíjẹ́ nílẹ̀ Ìbàdàn kò lẹ́ja n bákàn nínú, àjọ ni, ẹni tí àjọ Ìbàdàn bá sì kàn tì mọ àsìkò tí yóó kó, ìyẹn ni pé, bí ọba kan bá ti gbésẹ̀, ìlànà ojú òpó tí ọba tó wàjà náà bá wà ni yóó sọ,bóyá igun tiwọn tàbí ìgun mìíràn.

Ìgùn Balógun àti igun Ọ̀tún. Ojúpòó méjéèjì yíì ló jásí ojú òpó ọba jíjẹ ni ìlú Ìbàdàn.
Kò sí àní àní pé gbogbo ètò ló ti tó báyìí fún ìwúyè Ọba Rashidi Adewolu Ladoja, gẹ́gẹ́ bí Olúbàdàn ẹlẹ́ẹ̀kẹ rìn lé ló goji lọ́jọ́ Ẹti ọ̀sẹ̀ yìí tí í ṣe ọjọ́ kẹrìndín lọ́gbọ̀n oṣù Kẹsán-án.

Ọjọ Iṣẹgun ni igbimọ to n ri si eto aabo fun iwuye Ọba Ladoja fi atẹjade kan sita ninu eyi to ti kede awọn ọna kan ti yoo wa ni titi pa atawọn ọna mii tawọn onimọtọ le gba lọjọ Ẹti.

Ajọ naa ti aarẹ ẹgbẹ CCII tẹlẹ, Oloye Bayo Oyero, jẹ alaga rẹ sọ pe titi awọn ọna kan ṣe pataki tori Aarẹ Bola Tinubu n bọ wa sibi eto iwuye naa.
Isin apapọ nilana ẹsin Kristẹni (Interdenominational service) ni wọn fi ṣide ayẹyẹ igbade naa lọjọ Aje ọsẹ yii, ọjọ kejilelogun, oṣu Kẹsan-an.

Aafin Olubadan to wa ni Oke Aremo, niluu Ibadan eto ọhun ti waye, ẹgbẹ CCII lo ṣagbatẹru rẹ.
Ọjọ Aṣa lo waye lọjọ Iṣẹgun, ọjọ kẹtalelogun, oṣu Kẹsan-an, eyi ti wọn gbe kalẹ pẹlu ajọṣepọ ileeṣẹ ijọba to n ri si Aṣa ati Irinajo afẹ nipinlẹ Oyo.

Lẹyin eyi ni wọn ṣe idanilẹkọọ lori igbade Olubadan. Agba onpitan, Ọjọgbọn Toyin Falola, lo ṣe idanilẹkọọ ọhun.

Ọjọbọ ni wọn ya sọtọ fun isin agbayanu, eyi ti yoo waye ni Civic Centre, Idi Ape, Ibadan.

Ọjọ Ẹti, ọjọ kẹrindinlọgbọn oṣu Kẹsan-an gan-an ni Olubadan tuntun yoo gba ade ni Gbọngan Mapo bi wọn ṣe la a kalẹ.

Gẹgẹ bi Kọmiṣanna eto iroyin nipinlẹ Oyo ṣe wi nipa awọn aṣoju igbimọ Olubadan to wa nibi ipade ti wọn ti la eto yii kalẹ, o ni awọn alẹnulọrọ nipinlẹ naa ni.

Lara wọn ni: Awọn aṣoju Olubadan, Aṣipa Olubadan ti wọn yan sipo, Oba Hamidu Ajibade; Oloye Nureni Adisa ati Oloye Adeola Oloko to jẹ Akọwe iroyin fun Olubadan.

Awọn mi-in ni: Kọmiṣanna Aṣa ati Irinajo afẹ, ati ti eto awọn obinrin.

Awọn alaga ijọba ibilẹ Egbeda ati Guusu-Ila-Oorun Ibadan, awọn ọmọ ile igbimọ aṣofin lati Guusu-Ila-Oorun Ibadan ati bẹẹ bẹẹ lọ.
Gẹgẹ bii igbimọ naa ṣe ṣalaye, lati ago meje aarọ ọjọ Ẹti lawọn ọna naa yoo ti di titi pa.

Wọnyi ni awọn ọna ti yoo wa ni titi pa tori iwuye Ọba Ladoja gẹgẹ bi Olubadan tuntun lọjọ Ẹti:

Ọna akọkọ ti yoo wa ni titi pa ni orita Beere si gbọngan Mapo ti iwuye naa yoo ti waye.
Orita Born Photo si Oja’ba naa yoo wa ni titi pa.
Ọna miran ti yoo di titi pa lọjọ Ẹti ni orita Idi-Arere si Oja’ba.
Omii tun ni orita Itamerin si gbọngan Mapo.
Ẹwẹ, igbimọ to n ri si eto aabo fun eto iwuye naa ti ṣeto fun awọn ibikan tawọn alejo yoo gbe ọkọ si ki lilọ bibọ ọkọ le rọrun.

Ibi akọkọ tawọn alejo yoo lanfaani lati gbe ọkọ wọn si lọjọ Ẹti ni aye igbọkọsi ijọba ibilẹ Ariwa Ibadan lagbegbe Agodi.

Ibomiran ti wọn ya sọtọ fawọn alejo lati gbọkọ si ni papa iṣere to wa lẹgbẹẹ agọ ọlọpaa Yemetu.

Papa iṣere Liberty Stadium lagbegbe Oke Ado ni ibomiran ti wọn ti ya sọtọ fun ibi tawọn alejo yoo ri gbe ọkọ si lọjọ Ẹti.

Igbimọ naa tun sọ pe awọn ti pese awọn ọkọ ti yoo maa gbe awọn alejo to ni iwe ti wọn fi pe wọn dani lati ibi ti wọn gbe ọkọ wọn si lọ si gbọngan Mapo ti iwuye naa yoo ti waye.

Igbimọ naa wa rọ awọn olounjẹ atawọn ontaja mii lati de si gbọngan Mapo laarin ago mẹfa aarọ ọjọ Ẹti si ago meje ku Iṣẹju mẹẹdogun ki awọn ọna to di titi pa.

Igbimọ to n ri si eto abo fun eto iwuye Ọba Ladoja gẹgẹ bi Olubadan fikun ọrọ rẹ pe awọn ọkọ to ba tẹle Aarẹ Tinubu nikan ni yoo lanfaani lati gba awọn ọna ti yoo wa ni titi pa.

1...192021...134Page 20 of 134

EDITOR PICKS

POPULAR POSTS

POPULAR CATEGORY

© Iroyinowuro 2022