Ìlànà ofin ni a fi mú Sowore, a kò sì fìyà jẹ ẹ́ – DCP Olumiyiwa Adejo̩bi

Yínká Àlàbí

Ileesẹ ọlọpaa ti da gbaju-gbaja aja-fẹtọ-ọmọniyan lohun pe awọn ko mu u lai tẹle ofin. Wọn ni ọwọ ofin ni awọn fi mu u, awọn si fi ẹsun naa kan an pe o yi iwe bẹẹ lo si lọwọ si ayederu ayelujara pẹlu awọn ẹsun miiran. Ko si ọwọ lile ninu ohun ti a fi mu u, a ko si fi iya kankan jẹ ẹ.
Omoyele Sowore ni awọn olutẹle rẹ se iwọde fun ni ọjọ Ẹti, ọjọ kẹjọ, osu kẹjọ ọdun yii. Wọn ni ki ileesẹ ọlọpaa fi silẹ kiakia nitori pe mimu rẹ ko tẹle ofin. Wọn se iwọde yii ni Abuja, Eko, Osogbo ati awọn ilu kọọkan.
Igbakeji kọmisọna ọlọpaa DCP Olumuyiwa Adejobi salaye pe ko si ohun ti o tilẹ jọ ọwọ lile rara nitori pe awọn mọ ofin, bẹẹ ni awọn ko si gbọdọ lu ofin naa ni abala (Anti torture Act, 2017) ti ilẹ yii.
Kayode Egbetokun to jẹ ọga patapata awọn ọlọpaa ni ki iwadii to nipọn maa lọ labẹnu idi ti Sowore fi we apa kan bi ẹni ti iya ti jẹ ki wọn si fun oun ni iwadii kiakia.
Ileesẹ ọlọpaa fi Sowore silẹ ki ọjọ mejidinlaadọta to pe. Awọn si fi silẹ pẹlu beeli to ni awọn ẹlẹri ninu lati le tun pe e nigba ti awọn ba tun nilo rẹ gẹgẹ bi o se wa ninu iwe ofin ilẹ wa ni abala (section 35 (4) 1999) karundinlogoji.

Mi o tii ri ifẹ otitọ laye mi – Tiwa Savage

Mary Fagbohun

Olorin Naijiria, Tiwa Savage, ti safihan pe oun ko ti ni iriri ife ni eni odun merinlelogoji.

Olorin naa salaye pe yato si omo oun, Jamil, oun ko ti ni iriri Ife lati odo enikeni.

O ni pelu awon ibasepo ti oun ti ni lateyin wa, oun ri mo pe gbogbo re da lori oro enu lasan ni kii se ife otito.

“Mi o ro pe mo ti ni iriri ife yato si omo mi. Nitori nigba ti mo weyin wo awon ibasepo ti mo ti ni ri, rara, Ife ko niyi. Okan mi kan da si odo enikan ni. Nigba naa mo ro pe mo wa ninu ife. Mi o ro pe mo ni iriri ife otito koda ninu igbeyawo mi,” olorin naa so ninu iforowero pelu with Zeze Mills.

Savage ni oun ti wa gba pe boya oro ife kii se tire nitori opo igba loun ti gbiyanju lera lera lati ri ife sugbon pabo lo ja si.

“Boya ife kii se temi nitori mo ti gbiyanju lopo igba boya kii se ni aye yi,” o fikun un.

E ranti pe Tiwa Savage ati oko re teleri Tunji Balogun, ti a mo si Teebillz, se igbeyawo ni odun 2013 sugbon ti won ko ara won sile ni 2018 bi igbiyanju lati mu ki ibamu wa ninu igbeyawo won ko se seese.

Igbeyawo won ni Olorun bukun pelu omo kan, Jamil.

Oxlade ní ọwọ́ Fireboy lòun ti kọ́ isẹ́ orin

Mary Fágbohùn

Olorin takasufe, Oxlade, ti safihan pe o lo se bi won se n ko orin daadaa lati odo akegbe re, Fireboy DML.

Olorin ‘Kulusa’ naa salaye pe idaleko ti Fireboy fun oun ran ise orin oun lowo pupo, to si yipada.

O so siwaju sii pe bi Fireboy se n ko orin re ko legbe ni ile ise orin Naijiria.

“Nigba to ba debi pe ki a ko orin sile, ko si elegbe re [Fireboy]. Mo ko bi won se n ko orin lati odo Fireboy.
“O wa lara iyipada si bi mo se n korin to dara saaju ki n to maa se nnkan mi. Idalekoo re yi aye mi pada,” Oxlade so eyi ninu fonran kan pelu gbajumo aderinposonu, Shank Comics.

Small Doctore sè’kìlò fáwọn tó ń wọ ọkọ̀ kórópe

Mary Fágbohùn

Olorin Small Doctor ti se’kilo fun awon araalu nipa ewu to wa ninu wiwo oko elero ti a n pe ni “Korope”, ti won ni agbero.

Lori X o ni ida aadorun un ninu ogorun un (90%) ninu awon oko naa ni won ni erongba miran eyi to le mu iwa afunrasi lowo.

Lati ri daju pe aabo wa, Small Doctor gba awon ti awon arinrinajo lati sora ati pe ki won yago fun wiwo iru oko bee.

O ko o pe, “Ti e ba fe wo oko akero kekere (Korope) to ni agbero, e ma se wo o. E MASE WO O. E MA WO. Ida aadorun un ninu won lo ni ohun miiran lokan lati se. E sora.”

K1 De Ultimate re̩ iye̩ apa re̩ o to̩ro̩ àforíjì

Yínká Àlàbí

Gbaju-gbaja olorin to n lewaju ninu orin Fuji ni orileede yii, Alhaji Wasiu Ayinde.
O ti ni ki gbogbo o̩mo̩ Naijiria lati ori Aare̩ Bo̩la Tinubu, minisita eto irinna ni papako̩ ofurufu, gbogbo awo̩n ti e̩be̩ to̩ si, ki wo̩n jebure̩.
O ni oun kabamo̩ gidi lori ise̩le̩ naa, o ni ki o̩mo̩ Naijiria ma se gbagbe gbogbo awo̩n nnkan daadaa ti oun ti se ge̩ge̩ bi asoju gidi nile̩ yi ati loke okun.
K1 ni omi lasan lo wa ninu ko̩o̩bu naa nitori ailera oun nigba ti oun fe̩ wo̩ baluu kuro ni ilu Abuja.
O ni ju gbogbo re lo, ki gbogbo eniyan forijii oun iru re ko ni sele mo̩.

Kò ṣẹlẹ̀ rí! Bàbá Ọ̀ṣun rú igbá dípò Arugbá níbi ọdún Ọ̀sun Òṣogbo

Fẹ́mi Akínṣọlá

Ọ̀pọ̀ èèyàn ni ohun tó ṣẹlẹ̀ níbi ayẹyẹ ọdún Ọ̀ṣun Òṣogbo ọdún 2025 yìí ṣì n ṣe ní kàyéfì, nígbà tí Bàbá Ọ̀ṣun gba igbá lórí Arugbá tó sì bá ọmọdébìnrin náà rù ú.

Ko ṣẹlẹ ri ni eyi jẹ fun ọpọ eeyan, pẹlu bo ṣe jẹ pe obinrin ti ko ba ti i mọ ọkunrin lo maa n ru igba Osun lati ayebaye.

Lọdun 2025 yii, ọmọbinrin ọmọ ọdun meje kan, Omidan Osunbunmi Ajọkẹ Olanipekun ni wọn yan bii ẹni ti yoo ru gba Osun lọ sodo.

Osunbunmi ti ru igba ti wọn ṣe lọṣọọ naa de aaye kan, ọpọ eeyan lo si ti n ṣugbaa rẹ, ti wọn n ki i pẹlu ọ̀wọ̀ ati itẹriba.

Ṣugbọn lasiko kan, Arugba ko le tẹsiwaju ninu igba riru ọhun mọ, nigba naa ni Baba Osun si gba a lori rẹ, ti ọkunrin naa ru igba Osun.
Bi eyi ṣe waye ni ọpọ eeyan ti ko ri iru ẹ ri bẹrẹ si i fi ijọloju han.

Ọpọ eeyan bẹrẹ si i ya fọto Baba Osun to di Arugba, wọn n ya ti Arugba gangan, ti wọn fi aṣọ bo loju lai ru nnkan kan mọ.

Ṣugbọn idi to fi ri bẹẹ ati pe, ṣe ọkunrin tun n ru igba ni, lo ṣaa n kọ awọn èèyàn lominu.

Ọjọgbọn Ọba Ẹsin, Ifagbenusola Olalekan Atanda, Akọda Awo Osogbo, sọrọ.

“Ohun to ṣe koko ni igba, ẹni to ru u lo tẹle e.

” Igba mi-in wa to jẹ pe ẹni ti wọn ba mu pe yoo gbe etutu, nnkan le ṣẹlẹ ti ko ni i le gbe e.

“To ba ṣẹlẹ bẹẹ, wọn a ni ko fi ọwọ ba igba naa, oun naa lo ṣi gbe e, o kan fi ọwọ ẹlomi-in gbe e ni.

”Pe Baba Osun ru igba ko ṣe nnkan kan, lara àrà ti Osun maa n da ni.

“Baba Osun to ru igba naa ko le da a sọkalẹ, Arugba naa ni yoo pada gba a lọwọ rẹ ti yoo ba a sọ ọ kalẹ.

”Ki i ṣe pe ko ṣẹlẹ ri, ẹ o fiye si i ni. Ti wọn ba fẹẹ jade laaarọ, wọn a se oro pẹlu ọba, wọn a sọ obi, wọn a ni ṣe Arugba rẹ naa lo maa ru u, a ni bẹẹ ni.

” Igba mi-in, o le ni ko kan fi ọwọ ba a ni, o le mu Baba Osun, sugbon oun naa lo gbe e nitori o fọwọ ba a.
Ni itẹsiwaju alaye rẹ, Akọda Awo Osun sọ pe oro ni ooṣa Osun, ati pe awọn ti ko ye lo ro pe awọn kan n ru igba lasan kiri.

”Bi Imọlẹ̀ ṣe ni ka ṣe e ni a ṣe ṣe e yẹn, nnkan kan ko gbun un, bẹẹ ni ko tẹ, ki i ṣe ere ori itage la n ṣe.

“Bi a ba ni Ọsun n dara, ara àrà Osun niyẹn.

“Bi Arugba ko ba ju ọmọde bẹẹ yẹn lọ, bi Osun ba mu un lati ru igba, yoo ru u ti nnkan kan o ni i ṣẹlẹ.

“To ba wu Osun, o le ni Ayaba loun fẹ ko ru igba, Ayaba o gbọdọ kọ. O le mu Baba Osun, o le ni Ataoja funra ẹ loun fẹ.

“O lasiko ti oun ati Iya Osun a jọ wa, ti ko ni i rita, to ba ti gbe igba, Osun lo gbe yẹn. Alara l’Osun.
Gẹgẹ bi Ọjọgbọn Ifagbenusola ṣe wi ninu alaye rẹ, o ni, “Lẹyin ọdun Eledumare, Osun lo kan.

“Omi ni Eledumare fi da ile aye, Iya to fi sibẹ ni Osun.

Osogbo lo jokoo si, ibi ni ibugbe ẹ, o jade sita bi eeyan fun awọn to ba mọ ọn.”

Akọda Awo Osun sọ pe ojiṣe Olodumare ni Osun, o n ba awọn gbe ọrọ de ọrọ Rẹ, o si n daa fun awọn ti awọn n bọ Osun.

O ni omi ni Olodumare fi da ile aye, eeyan ko le yè lai si omi.

O fi kun un pe awọn Ọlọṣun ti wure fun Naijriia ati Aarẹ Bola Tinubu, ki ohun gbogbo tuba, awọn ọta Naijiria ni omi maa gbe lọ.

Ọdọọdun ni ayẹyẹ bibọ Osun Osogbo maa n waye, inu osu Ogun ti i ṣe osu Kẹjọ ni wọn si maa n ṣe e, gẹgẹ bi Akọda Awo Osun ṣe ṣalaye.

Lati origun mẹrẹẹrin agbaye ni awọn eeyan ti maa n waa ṣe ayẹyẹ ọdun Osun Osogbo.

Eyi to waye lọdun yii kasẹ nilẹ lonii, ọjọ kẹjọ, oṣu Kẹjọ ọdun 2025.

Gẹgẹ bi akọsilẹ ati igbagbọ, ọmọbinrin ti ko ti i mọ ọkùnrin ni Arugba Osun maa n jẹ

Ọmọbinrin naa le ti idile ọba wa.

Iṣẹ rẹ ni lati ru igba ti wọn ko awọn nnkan ọlọkan-o-jọkan sinu rẹ lọ si odo Osun.

Igbagbọ awọn Ọlọ́sun ni pe Arugba lo da bii alarina laarin awọn ati orisa Odo ti i ṣe Osun.

Mimọ ni wọn mọ Arugba fun, yoo si ti fi awọn asiko kan wa ninu ẹmi to yatọ si ohun ti awon eeyan to wa ni ayika rẹ le foju ri.

Ọpọ ero lo maa n wọ tẹle Arugba Osun lẹyin nigba to ba ru igba naa, wọn yoo ba a de ibi to n gbe e lọ kẹlẹlẹ.

Wọ́n ti fòfin de Wasiu Ayinde láti má wọ bààlúù fún oṣù mẹ̀fa

Fẹ́mi Akínṣọlá

Lẹ́yìn ìṣẹ̀lẹ̀ tó mú gbajúmọ̀ onífùjì, Wasiu Ayinde di ẹni tó ń dínà mọ́ bàálù pé kò ní ín fò , iléeṣẹ́ tó n rí sí ìrìnàjò afẹ́fẹ́ lórílẹ̀ èdè yìí ti fòfin de Máyégún ilẹ̀ Yorùbá húnọ̀ pé kò lè wọ ọkọ̀ òfurufú fún oṣù mẹ́fà ní Nàìjíríà.

Nigerian Civil Aviation Authority (NCAA), gbe igbesẹ yii lẹyin ti ọga olorin Fuji naa duro niwaju baaluu to n bọ l’Ekoo lati Abuja lọjọ Iṣẹgun.

Ni ibamu pẹlu aṣẹ Minisita to n ri si irinajo ofurufu lorilẹede yii, Agbẹjọro agba; Festus Keyamo, ni NCAA fi fofin de K1.

Ninu atẹjade ti Keyamo fi soju opo X rẹ l’Ọjọbọ lori iṣẹlẹ naa lo ti ni igun mejeeji ti ọrọ naa kan lo jẹbi.

Minisita naa sọ pe Wasiu to lọ dena de baaluu huwa to tako alaafia.
O ni bẹẹ si ni awọn awakọ baaluu naa to gbera lai tẹle ofin irinna niwaju ẹni to dena de wọn jẹbi pẹlu.

Minisita sọ pe oun ki awọn alaṣẹ ileeṣẹ naa ti wọn tete fun awọn awakọ meji naa ni idaduro titi ti wọn yoo fi pari iwadii lori iwa ti wọn hu.

Keyamo ni ṣugbọn Wasiu paapaa ko gbọdọ lọ lai jiya itapasofin to hu ọhun.
Bayii ni Minisita naa paṣẹ pe ki wọn fi orukọ Wasiu Ayinde si abala awọn ti ko ni i le wọ ọkọ ofurufu eyikeyi lasiko yii fun oṣu mẹfa.

Bi ileeṣẹ ọlọkọ ofurufu kan nilẹ yii tabi nibikibi ba tapa si ofin yii, ti wọn gbe Wasiu rin irinajo, kele ofin yoo gbe wọn ni Festus Keyamo sọ.

O ni ijọba yoo gbẹsẹ le iwe aṣẹ ti ileeṣẹ bẹẹ fi n ṣiṣẹ ni.

Bakan naa ni Oludari agba to n ri si alaafia awọn onibaara nileeṣẹ NCAA, Michael Achimugu, sọ l’Ọjọbọ pe gbogbo awọn to jẹbi ọrọ yii ni yoo foju wina ofin.

‎”Bi a ṣe n wi yii, oṣu mẹfa gbako ni arinrinajo yii ko fi ni I le fo loke ni Naijiria.”

Achimugu lo sọ bẹẹ.

Bi awọn kan ṣe n sọ pe Wasiu lẹnu, o si mọ Aarẹ Tinubu bi ẹni mowo, ko le gba a silẹ ninu eyi gẹgẹ bi Achimugu ṣe wi.

O ni Aarẹ Tinubu paapaa fẹran idajọ ododo ati iwa ẹtọ
Ìlúmọ̀ọ́ká akọrin Fuji, Wasiu Ayinde Kwam 1, ti fesi si iroyin to n lọ pe, o hu iwa ibajẹ ni papapọ ọkọ ofurufu ilu Abuja, lọjọ karun un, oṣu Kẹjọ.

Ṣaaju ni iroyin sọ pe Kwam 1 gbiyanju lati gbe ọti lile wọ inu baalu ValueJet kan to n rinrinajo lati Abuja lọ si Eko, to si kuna lati gbọ gbogbo alaye awọn oṣiṣẹ baalu.

Iroyin ọhun ninu atẹjade ti ajọ to n mojuto irinajo baalu, FAAN fi sita ṣalaye pe Wasiu Ayinde da ọti le awọn oṣiṣẹ baalu lori, eyi to mu ki wọn o le e jade pe ko ni wọ baalu.

Lẹyin eyi ni akọrin naa duro niwaju baalu pe ko ni i gbera, to si jẹ pe diẹ lo ku ki baalu naa kọlu u nigba to n gbiyanju lati fo.

Amọ ninu atẹjade ti agbẹnusọ Wasiu Ayinde fi sita, o ni iroyin to le ṣi ni lọna ni pe oun da omi alaafia ru ni papakọ ọkọ ofurufu.
Agbẹnusọ fun K1, Kunle Rasheed, sọ pe K1 ko fi asiko kankan hu iwa to le fi ẹmi ẹnikẹni sinu ewu, tabi tapa si ofin irinajo ofurufu.

O ni omi mimu lasan lo wa ninu nnkan ti Wasiu gbe da ni, tako iroyin to ni ọti lile lo wa ninu rẹ.

“Omi ti wọn fun un ni ibudo isinmi ni papakọ lasiko to n duro de asiko ti baalu rẹ yoo gbera lo mu da ni.

“Gbogbo igbiyanju rẹ lati ṣalaye eyi si lo ja si ofo.”

Bakan naa ni agbẹnusọ K1 ṣalaye pe irọ patapata ni iroyin to sọ pe olorin Fuji duro niwaju baalu tabi da irinna duro.

“Ẹni to n rinrinajo ofurufu nile ati nilẹ okeere ni agba olorin naa, to si ni oye nipa ilana to de iru irinajo bẹẹ.”

O ni ka ni lootọ ni Kwam 1 ṣẹ, awọn alaṣẹ papakọ ati oludari ileeṣẹ baalu ValueJet, ko ni i ma bẹ olorin naa tabi yọnda baalu aladani lati gbe e pada si Eko.

Kunle Rasheed sọ pe awakọ baalu naa lo n gbe iroyin ofege kiri nitori pe wọn ti gbẹsẹ le iwe aṣẹ iṣẹ rẹ.
Ajọ to n ṣe amojuto awọn papakọ ọkọ ofurufu ni Naijiria, Federal Airports Authority of Nigeria (FAAN), ti fi ẹsun kan gbajugbaja akọrin Fuji, Wasiu Ayinde, ti ọpọ eeyan tun mọ si KWAM 1, pe o da ọti si awọn oṣiṣẹ ọkọ baalu lara ni papakọ Nnamdi Azikiwe Airport niluu Abuja, lọjọ Iṣẹgun.

Ajọ FAAN sọ ninu atẹjade kan ti oludari ẹka ibaraalu sọrọ ati ẹtọ araalu, Arabinrin Obiageli Orah, fi sita pe ihuwasi Ayinde tako ilana irinajo ofurufu.

Gẹgẹ bi wọn ṣe sọ, wọn ni iwadii ti awọn kọkọ ṣe, ṣafihan rẹ pe Wasiu Ayinde n rinrinajo lati ilu Abuja l si Eko, pẹlu baalu ileeṣẹ ValueJet, nibi to ti gbiyanju lati gbe nnkan olomi ti ko lo ‘lorukọ’ wọ inu baalu, tako gbogbo ikilọ ti awọn oṣiṣẹ eleto aabo fun un, to fi mọ ti ọga awakọ baalu.

“Gẹgẹ bi ofin irinna, nnkan olomi to ba ti pọ ju 100ml lọ, ko le wọ inu baalu, ayaafi to ba jẹ pe iru nnkan bẹ wa fun ilera, ti ẹni to ni i si ṣafihan rẹ bo ṣe yẹ.”

Gbogbo alaye yii ni FAAN sọ pe wọn ṣe fun KWAM 1, ṣugbọn to kọ lati tẹle e.
Iṣẹlẹ naa ko tan sibẹ rara. Iroyin sọ pe nigba ti awọn oṣiṣẹ alaabo sọ fun un pe ko duro si ẹgbẹ kan naa fun iwadii, “eero baalu naa kọ̀, to si da nnkan olomi to gbe dani le oṣiṣẹ naa lori.

Ẹyinọrẹyin ni iwadii fihan pe, ọti lile ni, amọ to fi ọgbọn rọ sinu nnkan amomitutu.

Kia ni ọrọ naa ti di ariwo, eyi to mu ki olori awọn awakọ baalu fun irinajo naa da di, ṣugbọn bakan naa ni ọrọ ri, akọrin naa kọ̀ lati gbọ nnkan to n sọ.

“Lẹyin ti Balogun awọn awakọ ti fidirẹ mulẹ pe, gbogbo eto ti to fun irinajo naa lati bẹrẹ, o paṣẹ pe ki wọn o ti ilẹkun baalu naa.

Ṣugbọn iroyin sọ pe niṣe ni Wasiu Ayinde bọ si iwaju baalu naa, to si kọ lati kuro.

Fọnran fidio kan to n lọ kaakiri ori ayelujara ṣafihan bi baalu naa ṣe fẹ gbera eyi to mu ki gbogbo eero to fi mọ awọn oṣiṣẹ adari irinajo sa asala fun ẹmi wọn.

Diẹ lo ku ki baalu mu ori Wasiu Ayinde gun, nitori pe bo ṣe ri pe baalu n gbera lo sare sa si ẹgbẹ.
Iṣẹlẹ yii mu ki irinajo naa kọkọ duro naa, nitori pe awọn alaṣẹ papakọ ọkọ ofurufu ko gba awọn awakọ baalu naa laaye lati wakọ, ti FAAN si da awakọ mejeeji duro loju ẹsẹ.

Bakan naa ni awọn oṣiṣẹ alaabo mu KWAM 1 lọ fun iwadii, ki wọn o to yọnda rẹ lẹyin asiko diẹ́.

Ajọ FAAN sọ pe iwadii ṣi n lọ lori iṣẹlẹ naa, to si ṣe atẹnumọ rẹ pe, oun ko ni I faramọ iṣẹlẹ to le dunkooko mọ aabo tabi ta epo si aṣọ aala irinajo baalu ni Naijiria.

Ki ni ileeṣẹ ValueJet sọ lori iṣẹlẹ naa?

Ninu atẹjade kan ti ileeṣẹ baalu ValueJet fi sita lori ayelujara ni irọlẹ Ọjọru, wọn ni lọgan ni iṣẹlẹ naa waye ni awọn ti da gbogbo oṣiṣẹ baalu ti ọrọ kan duro fun igba diẹ, titi iwadii abẹnu lati mọ koko ohun to fa iṣẹlẹ naa, ati lati dena iru rẹ lọjọ iwaju, yoo fi pari.

Ọpọlọpọ eeyan lo ti n sọrọ lori iṣẹlẹ naa lori ayelujara. Bi awọn kan ṣe n bu ẹnu atẹ lu gbajugbaja olorin naa pe o hu iwa itiju, ni awọn kan n sọ pe ko yẹ ki awakọ baalu naa gbera nitori pe o le ṣe ijamba fun awọn to wa lori ilẹ.

Orí kó K1 De Ultimate yo̩ nínú ìjàm̀bá bàlúù

E̩ wo fidio ibi ti ori ti ba Wasiu Ayinde se e. “Ori lo ba mi se e”

Yínká Àlàbí

Yorùbá bò̩, “wo̩n ni ibinu ko mo pe olowo oun ko le̩se̩ nile”. Ibe̩re̩ ija ni a maa n mo̩, ko se̩ni to mo̩ opin re̩.
Ede aiyede lo waye laarin gbaju-gbaja olorin Fuji, Wasiu Ayinde nigba ti o fe̩ wo̩ baluu lati Nnamdi Azikwe International Airport, Abuja pada si Eko ni o̩jo̩ ise̩gun.
Awo̩n alamojuto baluu ni ofin ko gba e̩nike̩ni laaye lati gbe o̩ti lile wo̩ inu baluu, ayafi awo̩n eniyan ko̩o̩ko̩n to si ni iwe ase̩ dokita lo̩wo̩.Be̩e̩ ni K1 si gbe nnkankan sinu fulaasiki to gbe dani. O ni omi lo wa nibe̩, oun si fe̩ ki wo̩n gba oun gbo̩ nitori pe odu ni oun ti kii se aimo̩ f’oloko gbogbo wo̩n.
Nigba ti awo̩n alamojuto baluu naa ko gba, K1 fi ibinu da ohun to wa ninu fulaasiki naa sile̩ to si ta si awo̩n alaabo baluu naa lara ni eyi to je̩ ki wo̩n gbagbo pe oti lile ni.
Wo̩n ko je̩ ki o̩ga Fuji yii wo̩ inu baluu ni eyi ti o mu ki oun naa duro si iwaju baluu naa nigba ti wo̩n pa ilekun de. K1 ni baluu naa ko ni gbera lai gbe oun.
Bi pailo̩o̩ti se sana si baluu lati gbera ni Wasiu Ayinde sare be̩re̩ ori ki apa baluu naa ma baa gee lori. Koda ori lo ko awo̩n to n paro̩wa sii naa yo̩ lo̩wo̩ ijamba naa. Awo̩n naa sare be̩re̩ ori.
Kia ni o̩ro̩ naa de o̩do̩ awo̩n alase̩ baluu NCAA ( Nigeria Civil Aviation Authority) wo̩n si ti ni ki awo̩n osise̩ baluu mejeeji to gbera naa ma se fo̩wo̩ kan baluu kankan mo̩ ti iwadii se maa pari, wo̩n gba iwe irinna lo̩wo̩ wo̩n. O̩ga agba ileese̩ naa, O̩gbe̩ni Michael Achimugu ni awo̩n gbo̩do̩ ko̩ko̩ ba wo̩n wi nitori ofin ileese̩ ni lati ko̩ko̩ daabo bo e̩mi ati dukia ki nnkankan to te̩le e.
Valuejet ni oruko̩ baluu naa nigba ti no̩mba ara re̩ je̩ CRJ-900ER ati 5N-BXS.
Oruko̩ awo̩n awa baluu naa ni
Pilot, Captain Oluranti Ogoyi, ati Co-Pilot, First Officer Ivan Oloba.

E̩ wo fidio ibi ti ori ti ba Wasiu Ayinde se e. “Ori lo ba mi se e”

https://www.facebook.com/Yorubawoodcommunity/videos/1411982333365479/?mibextid=rS40aB7S9Ucbxw6v