Òfin tó bá mú ẹrú yẹ kó mú ọmọ – Obi

Yínká Àlàbí

Adije du ipo Aarẹ lọdun 2023, alagba Peter Obi lo n salaye yii loju opo X rẹ lọjọ isẹgun ọjọ kejila, osu kẹjọ ọdun yii. O ni ohun ti ajọ AON (Airline Operators of Nigeria) ati Ibom Air se lori arabinrin Comfort Emmanson fun iwa ti ko dara to wu ninu baluu naa. Awọn ajọ yii ni ko gbọdọ wọ baluu mọ laye rẹ bẹẹ ni ile ẹjọ tun ju u si atimọle ni Kirikiri ni oju ẹsẹ.
Obi nI awọn to sẹ ẹsẹ to ju ti obinrin yii lọ si n rin, wọn n yan fanda ni ilu. O ni idajọ yii ku diẹ kaa to, “ofin wa ko gbọdọ maa mu ẹru ko ma mu ọmọ nitori bi a se bi ẹru naa ni a bi ọmọ”.
Ogbeni Achimugu to jẹ ọga Nigerian Civil Aviation Authorithy Director of Public Affairs and Consumer Protection naa ni idajọ naa ku diẹ kaa to, o ni o yẹ ki awọn si le gbe iru ẹjọ bẹẹ kuro ni ile ẹjọ ki awọn si fun Comfort ni ijiya miiran.
Obi ni iru idajọ ologun bẹẹ ko yẹ iru arabinrin naa., ki ọdọmọbinrin to wa ni aarin ogun ọdun rẹ ma le wọ ọkọ ofurufu mọ laye rẹ. O ni o yẹ ki ijọba wa nnkan se sii.

Àgbàrá òjò Ikorodu: Gbadebo Rhodes – Vivour gbàjo̩ba Eko nímò̩ràn

Nigba ti Iṣejọba ba kuna: Idaamu Ọgbara Ikorodu ati aikakun Ijọba ipinlẹ Eko: Asiwaju kii sa. Wiwa ojutu si wahala niṣẹ aṣiwaju rere – GRV

Nipa ajalu burúkú kan waye nilu Ikorodu latari  omi ọ̀gbàrá nla to ya kaakiri ile, to si ba dukia jẹ,  o tun fi ọpọlọpọ silẹ laini ibi aabo tabi ibùsùn.

Ajalu naa to yẹ ko gba idahun pajawiri lẹsẹkẹsẹ lọwọ Ijọba Ipinle Eko, o ṣe ni laaanu, o si tun jẹ ohun iyalẹnu nigba ti  kọmisọna ipinlẹ Eko fun eto ayika ati awọn orisun omi gba awọn olugbe agbegbe tọrọ naa kan lamọran pe ki wọn  kuro ni agbegbe naa.

Idahun ti kọmisọna fii yii kii ṣe ti ibanilọkan jẹ nikan, o tun ṣe afihan iru  iṣakoso ìjọba ipinlẹ Eko, iṣakoso to ni aibikita si iya ti awọn eniyan doju kọ.

Eyi kii ṣe ajalu adayeba, o jẹ afihan kudiẹkudiẹ iṣejọba  labẹ ẹgbẹ oṣelu APC ti n dari ipinle Eko.

Ibeere to wa nilẹ bayii ni pe, nígba ti kọmisọna ni ki awọn eeyan fi ile wọn silẹ, ibo ni ki wọn lọ? Ṣé wọn pese aafin ọba fun wọn ni, abi agbala awọn oloye abi ọgbà awọn ọlọpaa ni wọn ni ki wọn maa lọ.

Ko sibi meji ti wọn yoo lọ ju oju popona lọ, wọn yoo wa maa wọ sun kiri, abi nibo ni ki ẹni ti ko nile lori maa lọ?

Iṣoro agbara ojo nilu Ikorodu kii ṣe ohun tuntun, igba gbogbo ni awọn olugbe ibẹ maa n ṣe aroye ti awọn onimọ nípa ayika naa si n ṣe ikilọ.

Ọpọlọpọ atunṣe to jẹ ọna abayọ ni awọn amoye ti la kalẹ fun ìjọba sugbọn ko si eyi ti wọn mulo ninu rẹ.

Gbogbo koto ida omi nu lo ti di pa ti rogbodiyan omi yale agbára ya sọọbu ko si ni ojutu lọdọọdun.

Awọn ohun to yẹ kí ijọba ṣe

Asiko ti to fun ijọba ipinlẹ Eko ati ẹgbẹ oṣelu APC  lati ji si ojuse wọn,idagbasoke kii ṣe nipa awọn afara ati awọn ọkọ ofurufu nikan; bi kii ṣe nipa awọn eniyan, obinrin ti o padanu ile itaja rẹ sinu  agbàrá ojo, ki ni ko ṣe, awọn ọmọde ti o sun lori ilẹ tutu n kọ, awọn idile ti ko si ibi ti wọn yoo sun n kọ?

Ti ijọba ko ba le ri ojutuu si rogbodiyan naa, awọn ọmọ ipinlẹ Eko lero pe o yẹ ki wọn laaanu àwọn eeyan loju kii se ki kọmisọna wa ni ki awọn eeyan fi ile wọn silẹ lai pese ibi ti wọn yoo maa gbe.

Awọn ohun ti o yẹ ki ìjọba ṣe

* Ojutu ni kiakia ati awọn ibugbe ti aralu le gbe fungba diẹ

Ijọba ipinlẹ Eko le fi awọn ileewe ijọba ṣe eto ile ni kíákíá fún àwon eeyan ki wọn gbe fun igba diẹ naa, wọn tun le lo awọn gbọgan nla fun wọn.

Ijọba ni lati pese ounje, omi mimọ, itọju ilera, ati ibusun fun awọn eniyan tọrọ kan.

*  Ijọba ni lati ṣe agbeyẹwo gbogbo agbegbe ti iṣẹlẹ naa ti ṣẹ:

Wọn ni lati ran awọn ajọ eleto pajawiri si awọn agbegbe ti ìṣẹ̀lẹ̀ naa ti ṣẹ, ki wọn si ṣe koto idaminu si awọn ibi to nilo rẹ bakan naa ni ki wọn ko gbogbo koto idaminu to ba ti di pa.

*  Atilẹyin Pẹlu Owo

Ijọba nilo ati pese owo tabi owo san diẹdiẹ ti ko ni ele lori fun gbogbo awọn ti ọrọ naa kan.

Ijọba ipinlẹ Eko ko gbọdọ da awọn eeyan naa da bukata wọn, olori gbọdọ ran araalu lọwọ ni, wọn ko tun gbọdọ maa ṣe ikede ti yoo bawọn lọkan jẹ ju bo ti wa lọ.

Thomas Hobbes ṣe ikilo nipa awujọ ti ko ni adehun awujọ, nibi ti ijọba ti kuna lati daabo bo awọn eniyan rẹ.

Ikilọ yẹn kii ṣe amọran mọ, o ti n ṣẹlẹ ni awọn agbegbe wa.

Ẹ jẹ ko di mimọ fun iṣakoso ìjọba ipinlẹ Eko labẹ asia ẹgbẹ oselu APC pe :

Asaaju ki sa, ojutu si rogbodiyan ni asaju rere ma n wa nigba gbogbo.

Ẹ jẹ ki atẹgun alafia fẹ si awọn mẹkunnu

Ipinlẹ Eko nilo ohun to dara
Ikorodu nilo amojuto to ye koro

Awọn eniyan ibẹ nilo olori to n ṣíṣẹ fun wọn ki ṣe eyi to n ṣíṣẹ tako wọn

Ìjọba àpapọ̀ ṣakiyesi ayédèrú oṣiṣẹ 3,598 pàṣẹ ayẹwo tuntun.

Fẹ́mi Akínṣọlá

Ṣé wọ́n ní ogun àwítẹ́lẹ̀ kìí pa arọ tó bá gbọ́n.
Àjọ ìjọba àpapọ̀ tó wà fún ètò ìgbanisíṣẹ́ tí jáwé akìwọwọ fún àwọn òṣìṣẹ́ bíí ẹgbẹ̀rún mẹ́ta ààbọ̀ ó lé pẹ́sẹ́pẹ́sẹ́ tíkò báwọn kópa níbi àyẹ̀wò ọdún 2021 láti tètè kó
gbogbo ìwé ẹ̀rí ìdánimọ̀ tó ṣàfihàn wọn bí ojúlówó òṣìṣẹ́ lábẹ́ ìjọba àpapọ̀ èyí tí yóó bẹ̀rẹ̀ ,parí láàrin 18-25 Oṣù kẹjọ ọdún 2025.

Àǹfààní àtúnyẹ̀wò yìí ni yóó wáyé káàkiri àwọn
ẹ̀ka ilé-iṣẹ́ àti lájọlájọ bíí ilé-iṣẹ́ ètò ọ̀gbìn,ètò ààbò,ètò ìdájọ́, ètò ẹ̀kọ́ àti àwọn mìíràn.

Ìwé kan tí wọ́n fi síta ní ọjọ́ kẹrin oṣù kẹjọ tó tẹ àkọròyìn lọ́wọ́ sọ pé kí
àwọn tí ọ̀rọ̀ kàn ó ṣàyẹ̀wò orúkọ wọn lójú òpò àjọ ọ̀hún àti pé wọ́n tún lè rí àyẹ̀wò orúkọ wọn ní ẹ̀ka iléeṣẹ́ wọn.

Ìròyìn ọ̀hùn ṣàfikún rẹ̀ pé
àwọn òṣìṣẹ́ náà gbọ́dọ̀ wá pẹ̀lú ojúlówó àti ẹ̀dà gbogbo ìwé ẹ̀rí wọn tó fi dórí àwọn ojúlówó àti ẹ̀dà ìwé àgbéga tí wọ́n fi
wà nípò.

Àjọ nàá tẹnumọ́ ọ pé, ẹni tí ò bá yọjú ,kò yàtọ̀ sí ẹni tó fi ìlànà èrú gba iṣẹ́ .Wọ́n ní àwọn tó kàn
jùlọ ní ẹ̀ka iléeṣẹ́ ìròyìn
(592,ètò ẹ̀kọ́ (506), nígbà tí ẹ̀ka òṣìṣẹ́(440).
Àjọ náà kádìí rẹ̀ pé, àìyọjú òṣìṣẹ́ yòówú lè mú kí onítọ̀ún pàdánù iṣẹ́ rẹ̀.

NYSC sọ ìdí tó fi kọ̀ láti fún àgùnbánirọ̀ ní ìwé ẹ̀rí

Fẹ́mi Akínṣọlá

Ṣé wọn ní ọ̀rọ̀ pẹ̀lú àlàyé,
Ajọ tó ń rí sí àgùnbánirọ̀ lórílẹ-èdè Nàìjíríà, NYSC ti sàlàyé ìdí tí wọ́n fi kọ̀ láti fún ọ̀kan nínú àgùnbánirọ̀ wọn, Ushie Rita Uguamaye ní ìwé ẹ̀rí pé ó kópa nínú sísin orílè-èdè Nàìjíríà, tí wọ́n sì tún fi oṣù méjì kún àkókò tó yẹ kó fi sin ìlú.

Ninu atẹjade ti wọn fi lede lọjọ Aiku, NYSC ni, Arabinrin Uguamaye pẹlu nomba idanimọ LA/24B/8325, ẹni ti ọpọ mọ si Raye n koju ijiya pe o kuna lati fara rẹ han fun ayẹwo NYSC ti oṣu Kẹrin ọdun 2025.

NYSC tun wọgile iroyin to ni pe wọn gbe igbesẹ yii nitori ọrọ kobakungbe ti agunbanirọ yii sọ si iṣejọba Aarẹ Bola Tinubu.
“Lati tan imolẹ si iroyin ofege to n lọ kiri pe a ko fun agunbanirọ ni iwe ẹri nitori o sọ ọrọ kobakungbe si ijọba, eyi lo jẹ iro to jina si otitọ ,” atẹjade naa ṣalaye.

“Rita jẹ ọkan lara awọn agunbanirọ 131 ti a kọ lati fun ni iwe ẹri leyin ti wọn sẹ si ofin NYSC. Ni ti ọrọ Rita, a fi oṣu meji kun ọjọ to yẹ ko lo nitori o kuna lati lọ fun ayẹwo NYSC oṣu Kẹrin, eyi to lodi si ofin NYSC.
“O ṣe koko ki a jẹ ki ilu mọ pe eyi kii ṣe pe a gbe igbesẹ nitori iwa to hu ṣaaju .”

A kò jẹ̀bi ẹ̀sùn ìkọlù ṣọ́ọ̀ṣì Kátólíkì – Àwọn afurasí sọ fún adájọ́

Fẹ́mi Akínṣọlá

Ṣé wọ́n ní bí ọ̀rọ̀ ńlá ò bá tí ì tán, èèyàn ńlá ò ní-ín sinmi.
Àwọn afurasí márùn-ún tí wọ́n furasí pé wọ́n wà nídìí ìkọlù tó wáyé ní ilé ìjọsìn Kátólìkì St Francis ní ìlú Ọwọ lọ́dún 2022 tí sọ fún ilé ẹjọ́ pé àwọn kò jẹ̀bi ẹ̀sùn náà.

Ijọba apapọ n fi ẹsun mẹsan an to da lori igbesunmọmi kan awọn marun un naa niwaju Onidajọ Emeka Nwite ti ile ẹjọ giga apapọ kan ni ilu Abuja lọjọ Aje.

Ijọba apapọ tun sọ niwaju ile ẹjọ ọhun pe awọn afurasi naa, Idris Omeiza, Al-Qasim Idris, Jamiu Abdul Malik, Abdulhaleem Idris ati Momoh Abubakar, wa lara ikọ agbesunmọmi labẹ ẹgbẹ Al-Shabab ni ipinlẹ Kogi.

Onidajọ Nwite ti sun itẹsiwaju igbẹjọ naa si ọjọ kọkandinlogun lọdun 2025.

Bakan naa ni adajọ naa tun paṣẹ ki wọn fi awọn afurasi naa pamọ si akoso awọn agbofinro DSS.
Igbẹjọ awọn afurasi naa n waye lẹyin ọdun mẹta ti olori ileeṣẹ ọmọogun nigba naa, Ọgagun agba Lucky Irabor kede pe ọwọ ti tẹ awọn afurasi to kọlu ile ijọsin naa ti wọn si gbẹmi awọn olujọsin to le ni ogoji lẹyin ti wọn ṣina ibọn bolẹ lasiko ijọsin.

Igbimọ eto abo ni Naijiria ti ṣaaju sọ wi pe awọn ọmọ ẹgbẹ agbesunmọmi ISWAP lo w ani idi ikọlu naa.

Àjọ EFCC palẹ̀mọ́ àwọn afunrasi oníjìbìtì 93 ni ilé ìtura Obasanjo

Yínká Àlàbí

Awọn ọmọ onijibiti ori ayelujara ni awọn ajọ EFCC lọ fi ọwọ sinkun ofin ko ni ile itura Aarẹ tẹlẹ ri ni orileede yii, Oloye Olusegun Obasanjo to wa ni ilu Abeokuta, ipinlẹ Ogun. Ajọyọ kan lo n lọ ni ile itura naa ni ọjọ kẹwaa osu kẹjọ ọdun yii.
Ajọ naa palẹmọ awọn ti ko din ni metalelaadorun un (93) ninu wọn pẹlu ọkọ olowo iyebiye bii ogun ati awọn nnkan olowo nla miiran. Didun ibọn kikan-kikan se ẹru ba awon eniyan paapaa julọ awọn ọdọ agbegbe naa, eyi mu ki wọn maa sa asala fun emi won ninu fidio to jade lati agbegbe naa.
Bi oju ogun naa se le to, ori si ko awọn kan yọ nibẹ. Awọn kan de ibẹ, wọn ba ero rẹpẹtẹ ni eyi to mu ki wọn pada sile, awọn kan ni ariya naa su awọn ni awọn se kuro nibẹ ni nnkan bii aago kan aabọ ti awọn si n gbọ ni igbẹyin pe wọn ko awọn akẹgbẹ awọn ni idaji ọjọ naa.