Aráàlú nílò ààbò, kì í ṣe àló̩ àpagbè – Atiku

Yínká Àlàbí

Àtíkù Abúbákar, adije dupo Ààrẹ orílẹ̀-èdè Nàìjíríà, ti sọ fún Ààrẹ Bọ́lá Ahmed Tinubu pé ohun tí Nàìjíríà nílò ni ààbò, kì í ṣe àló apagbe.
Ó sọ èyí lẹ́yìn tí wọ́n gba àwọn akẹ́kọ̀ọ́ me̩rinlelogun tí wọ́n ji ní Ìpínlẹ̀ Kebbi sílẹ̀. Àtíkù tún dá lórí ọ̀rọ̀ tí agbẹnusọ Ààrẹ, Bayo Onanuga, sọ nípa bí a ṣe gba àwọn ọmọbìnrin náà tí wọ́n ji ní Oṣù kọkànlá ọjọ́ kejidinlogun, o̩dun 2025.
Atiku salaye pe –

Ọ̀rọ̀ Onanuga jẹ́ ìpinnu láti pa òótọ́ mọ́, kí wọ́n sì jẹ́ kó hàn bíi pé ìjọba ṣe ohun tí kò tọ́́ sí wí pé ó jẹ́ aṣeyọrí.

Gbigba àwọn tí a ji sílẹ̀ kì í ṣe ìgbà tí a fi ń yọ̀; ó jù bẹ́ẹ̀ lọ, ó ń fi hàn pé àwọn ẹlẹ́gbẹ́ ọdaran ń ṣiṣẹ́ ní òmìnira, tí wọ́n sì ń bá ìjọba n sọrọ ní gbangba.

Bí DSS àti ologun bá lè tọ́pa àwọn ajinigbe lato gba awo̩n ti wo̩n ji gbe, kí ló dé tí wọ́n kò mú wọn tàbí pa wọn níbè̩?

Kí ló dé tí ìjọba fi ń yìn ara rẹ̀ pé wọ́n bá ọdaran sọrọ, dipo kí wọ́n mú wọn?

Àtíkù tun salaye pé ìjọba Tinubu ti jẹ́ kí àwọn ajinigbé di “ìjọba míì” tí wọ́n ń gba owó ìtanràn, tí wọ́n sì ń bọ̀ lọ láì ní ìfarapa.

Kò sí orílẹ̀-èdè tó ní ìmúlò tó dáa tí yóò yìn ara rẹ̀ pé wọ́n bá ajinigbé sọrọ nígbà tí wọ́n sọ pé wọ́n mọ ipo wọn.

Bí ohun tí Onanuga sọ bá jẹ́ òótọ́, kí wọ́n ṣe jẹ́ kí àwọn ajinigbé náà sá padà?

Bí kò bá sì jẹ́ òótọ́, ó túmọ̀ sí pé Onanuga ń purọ̀ láti bo ìṣìkà ìjọba.

Ní parí, Àtíkù sọ pé:
“Àwọn araalu nílò ààbò, kì í ṣe àló̩ àpagbè tàbí àpamò̩.”

E̩ni tí kò bá fé̩ s’o̩dún látìmó̩lé, kó má s̩e bá wo̩n yin báńgà – E̩gbe̩tokun

Yínká Àlàbí

Kére o! Kéku ilé ó gbó̩, kó so̩ fún t’oko. Kí àdán o gbo̩, kó ro f’óòbè. Ní àsìkò o̩dún yìí. Kò si ààyè fún báńgà yíyìn.
Ò̩gá o̩ló̩pàá pátápátá ní orílèèdè yìí, Ò̩gbé̩ni Kayo̩de E̩gbe̩tokun ti ni o̩mo̩ ti ko ba fe̩nlo̩ so̩dun ni atimo̩le, ko ma se dasa yiyin nnkankan nitori aabo ilu.
O̩ga o̩lo̩paa ni awo̩n e̩s̩o̩ oun gbo̩do̩ mo̩ igba ti awo̩n e̩ni ibi ba de.
Ó ní tí O̩ló̩run ba n só̩ wa, kí awa naa maa gbìyànjú láti s̩o̩ ara wa.
E̩ gbó̩ Ò̩gá o̩ló̩pàá fúnra yín nísàlè̩..

Ìjọba Ọ̀yọ́ àti àbá ìsúná 2026

Fẹ́mi Akínṣọlá

Gómìnà Mákindé ti gbé àbá ìsúná ₦891,985,074,480.27 kalẹ̀ níwájú àwọn asòfin ìpínlẹ̀ ọ̀hún fún ìjíròrò àti fífi òǹtẹ̀ lù fún ọdún tí ọdún 2026.

Abadofin eto isuna ti Gomina pe ni “isuna fun gbigbooro eto ọrọ-aje” ni wọn ti fẹ na 502.8bn fun eto idagbasoke nigba ti ẹka eto ẹkọ yoo gba 155.2bn.

Eto ilera ni tirẹ yoo na ijọba to N70.8bn nigba ti ẹka eto ọgbin si gbe 19.9bn.

Gomina salaye wipe aba isuna yii yoo ran ipinlẹ Ọyọ lọwọ lati mu eto ọrọ aje wọn da musemuse.

O safihan awọn isẹ ribiribi ti ipinlẹ Oyo n se, bii igbesoke papakọ ofurufu Ladoke Akintọla ti Ibadan, Ọna Ibadan olobiripo Rashidi Ladoja ati awọn akanse isẹ miran ti yoo jẹ ki ipinlẹ naa dagbasoke si.

O tunbọ salaye wi pe ipinlẹ naa yo se ayẹyẹ aadọta ọdun ninu oṣu Keji ọdun 2026 ti o si ṣe afikun wi pe ayẹyẹ naa wa fun koriya awọn ọmọ ipinlẹ Ọyọ.

Nigba to n sọrọ lori ipenija aabo to n ba orilẹ-ede Naijiria finra lasiko yii, Gomina fidi ẹ mulẹ pe Ipinlẹ Ọyọ ti se agbekale eto aabo to yanranti ni gbogbo ilu kaakiri paapaa julọ

O salaye wipe awọn ara ilu mọ ohun ti o tọ ni ilana ofin, ti o si salaye wi pe awọn ti wọn n gbin ọtẹ si aarin ilu o le ri ibo yi ni ọdun 2027.

Ninu ọrọ rẹ, Olori ile-igbimọ asofin ipinlẹ Ọyọ, Adeseun Ogundoyin kan saara si gomina fun isẹ ribiribi ti o se pẹlu eto isuna ti wọn buwọlu ni ọdun 2025.

O ṣe afikun pe abadofin yii jẹ esi ijiroro ti ijọba ti se pẹlu awọn ti ọrọ kan ni ẹkun meje ti ipinlẹ Ọyọ, ti wọn si ti gbọ erongba wọn.

O tunbọ salaye wi pe ile-igbimọ asofin kẹwaa naa ko ni kẹti lati maa ṣe ojuṣe wọn, ti awọn yoo si ri wi pe awọn sisẹ pẹlu Gomina lati ri wipe gbogbo owo ti eto isuna la kalẹ lọ bo se yẹ.

Lara awọn to peju sibi ipejọ naa ni Alaafin ilu Ọyọ, Ọba Abimbọla Ọwọade, Olubadan ilẹ Ibadan, Ọba Rashidi Adewolu Ladọja, Olugbọn tilu Orile-Igbọn, Ọba Francis Alao, Asẹyin ti ilu Isẹyin, Asoju Soun Ilẹ Ogbomọsọ ati awọn ladelade miran.

Mò ń bọ̀ wá bá yín jẹ àkàrà ojú pópó tí ẹ n dín torí mi – Makinde

Fẹ́mi Akínṣọlá

Sé àwọn àgbà bọ̀, wọ́n ẹní tó láyà ló lè
gbé ilé ńlá.,Gómìnà ìpínlẹ̀ Oyo, Seyi Makinde ti ní òun máa jíròrò pẹ̀lú àwọn olùgbé agbègbè Ologuneru ní pilú Ibadan èyí tí àkànṣe iṣẹ́ òpópónà Circular Road ṣe ìdíwọ́ fún ibùgbé wọn.

Makinde ní gẹ́gẹ́ bí ìlérí òun láti ri pé gbogbo èèyàn ìpínlẹ̀ Oyo ló jẹ mùnkúndùn ìjọba àwaarawa, ó ní òun máa ṣe àbẹ̀wò sí òpópónà náà, bá aráàlú sọ̀rọ̀, tí òun yóò sì ri dájú pé gbogbo àwọn tó lẹ́tọ̀ọ́ sí owó gbà mábinú ni àwọn máa fún.

Bákan náà ló ní àwọn máa wòye sí pípèsè ààyè míì fáwọn tí òpópónà náà ṣe àkóbá fún ibùgbé wọn.

Gómìnà Makinde ló sọ èyí lásìkò tó gbé àbá ìsúná ọdún 2026 síwájú ilé aṣòfin ìpínlẹ̀ Oyo lọ́jọ́ Ajé, ọjọ́ Kẹrìnlélógún, oṣù Kọkànlá, 2025.

Atiku gba káàdì bíi ọmọ ẹgbẹ́ ADC àmọ́, ẹgbẹ́ ti pín sí méjì

Fẹ́mi Akínṣọlá

Igbákejì Ààrẹ Nàìjíríà tẹ́lẹ̀ rí, Atiku Abubakar, ti gba káàdì ọmọ ẹgbẹ́ òṣèlú ADC èyí tó fi kéde pé òun ti darapọ̀ mọ́ ẹgbẹ́ ọ̀hún.

Atiku sọ pe ẹgbẹ alatako ṣẹsẹ bẹrẹ niyii lẹyin to gba kaadi naa ni wọọdu kinni ni Jada nipinlẹ Adamawa lanaa ọjọ Aje ọjọ kẹrinlelogun oṣu Kọkanla yii.

Igbakeji aarẹ tẹlẹ sọ pe, ni bayii toun ti gba kaadi ọmọ ẹgbẹ ADC, gbẹ naa ṣetan lati le ijọba ẹgbẹ oṣelu APC lọ.

Atiku wa rọ gbogbo awọn ọmọlẹyin rẹ kaakiri orilẹede lati forukọ silk pẹlu ẹgbẹ ADC.

Nigba to n ki Atiku kaabọ sinu ẹgbẹ oselu naa, alaga ẹgbẹ oṣelu ADC nipinlẹ Adamawa, Shehu Yohanna, sọ pe gbogbo ọmọ ẹgbẹ ADC ni yoo ṣe iforukọsilẹ wọn nipinlẹ naa, ni bayii ti Atiku ti gba kaadi tiẹ.

Yohanna tun rọ awọn eeyan, papaa julọ, awọn ọdọ atawọn obinrin lati darapọ mọ ẹgbẹ ADC.

Loṣu Keje to kọja ni Atiku fi ẹgbẹ oṣelu PDP silẹ, lẹyin to ni ẹgbẹ naa ko tẹle awọn alakalẹ to fi le ilẹ mọ.

Atiku sọ nigba naa pe oun kuro ninu ẹgbẹ naa tori wọn o ri ede-ai-yede to waye ninu ẹgbẹ naa yanju.
Lara awọn eekan oṣelu mii to ti darapọ mọ ADC ni minisita fun igbokegbodo ọkọ tẹlẹ, Rotimi Amaechi ati oludije sipo aarẹ tẹlẹ fẹgbẹ oṣelu LP, Peter Obi.

Awọn yoku ni Gomina tẹlẹ ni ipinlẹ Kaduna, Nasir el-Rufai, Gomina tẹlẹ ni ipinlẹ Osun, Rauf Aregbesola ati alaga tẹlẹ fun ẹgbẹ APC, John Oyegun.
Igun Nafiu Bala ninu ẹgbẹ oṣelu ADC ti tako iforukọsilẹ Atiku gẹgẹ bii ọmo ẹgbẹ oṣelu naa.

Igun naa sọ pe awọn ko ri igbakaeji aarẹ Naijiria tẹlẹ gẹgẹ bii ọmọ ẹgbẹ ADC.

Igun naa sọ eyi di mimọ ninu atẹjade kan ti adari eto iroyin ẹgbẹ ADC, Christopher Okechukwu, fi sita ninu Abuja.

Wọn ni eto iforukọsilẹ Atiku lodi sofin ẹgbẹ naa tori awọn eeyan ti olu ileeṣẹ ẹgbẹ ADC ko ri bii ọmọ ẹgbẹ lo ṣagbatẹru eto ọhun.

Igun naa ṣalaye ninu atẹjade to fi sita wi pe awọn to ṣagbatẹru eto iforukọsilẹ Atiku ko lagbara labẹ ofin ẹgbẹ lati ṣe bẹẹ.

”A ti rọ Atiku lati ṣe iforukọsilẹ rẹ pẹlu awọn ọmọ ẹgbẹ to jẹ ojulowo, amọ, ko tii ṣe eleyii.”

Igun Nafiu Bala fikun ọrọ rẹ pe o ṣee ṣe ki Atiku fẹ lo ọgbọn yii lati wa ninu ẹgbẹ ADC titi ti PDP yoo fi yanju aawọ to n lọ ninu ẹgbẹ naa tan.

Wọn fi da Atiku loju wi pe gbogbo nnkan to jẹ ẹtọ rẹ gẹgẹ bii ọmọ ẹgbẹ ADC ni yoo gba, ni kete to ba ti tẹlẹ alakalẹ ẹgbẹ lori fifi orukọ silẹ.

Gbogbo eyi n ṣẹlẹ latari faakaja to n lọ lori ipo aṣiwaju ẹgbẹ oṣelu ADC, awọn kan ko ri David Mark gẹgẹ bii olori ẹgbẹ naa.

Ọrọ yii si wa nile ẹjọ giga apapọ ilu Abuja lọwọ yii, eyi tawọn ọmọ ẹgbẹ kan ti sọ pe ki ile ẹjọ yanju ọrọ naa tan kawọn oloṣelu lati ẹgbẹ oṣelu mii to maa darapọ mọ ẹgbẹ naa.

Ìpàdé pàjáwìrì! Àwọn,gómìnà ilẹ̀ Yorùbá dúró lórí kókó mẹ́wàá

Fẹ́mi Akínṣọlá

Ṣé wọ́n ní kí ojú má ríbi, ẹsẹ̀, ni òògùnrẹ̀
‎Àwọn Gómìnà tó wà ní ẹkùn ìwọ̀-oòrùn gúúsù Nàìjíríà se ìpàdé pàjáwìrì kan nílùú Ìbàdàn lánàá.

Ipade naa to da lori eto aabo to mẹhẹ nilẹ Naijiria, ni awọn gomina mẹfẹẹfa to wa nilẹ Yoruba peju si.

Lara wọn la ti ri gomina ipinlẹ Osun, Ademola Adeleke, gomina ipinlẹ Ogun, Dapo Abiodun, gomina ipinlẹ Eko, Babajide Sanwo-Olu, Gomina ipinlẹ Oyo, Seyi Makinde, Gomina ipinlẹ Ekiti, Abiodun Oyebamiji ati gomina ipinlẹ Ondo, Lucky ayedatiwa.

Ipade atilẹkunmọrise naa lo waye fun ọpọ wakati nile ijọba ipinlẹ Oyo, to wa nilu Ibadan.

‎Awọn Gomina naa, ninu atẹjade ti wọn ka si awọn akọroyin leti lẹyin ipade naa, fẹnu ko lori koko adehun mẹwaa.

Awọn Gomina mẹfẹfa naa, ki ijọba apapọ pe o seun lori ìṣe takuntakun to nṣe lati tu awọn onigbagbọ, tí àwọn agbebọn fi tipatipa mu ni igbekun ni agbegbe Eruku.

Bakan naa ni wọn se kare si itusilẹ diẹ lara àwọn ọmọ ile ẹkọ awọn Catholic to wa ni Ipinlẹ Niger to ti gba ominira lọwọ awọn agbebon.

Lara awọn koko mẹwa ti wọn fẹnuko si naa ree:

‎Gomina Ipinlẹ Eko, Babajide Sanwo-Olu, to gba ẹnu awọn Gomina yoku sọrọ, rọ ijọba apapọ lati jẹ ki ikọ Ọlọpa Ipinlẹ fidimulẹ jake jado awon Ipinlẹ to wa ni orile-ede Naijiria.
Wọn tun n fẹ ki aarẹ Tinubu fi awọn ikọ asọgbo ransẹ láti bẹrẹ si i ṣọ awọn igbo ijọba to wa ni gbogbo ipinlẹ mẹfẹfa to wa ni agbegbe wọn.
Wọn ni eyi lo wa lati dẹkun isẹ laabi awọn agbesunmomi ati awọn agbebon to le gba inu igbo wọle si awọn ipinlẹ mẹfẹfa to wa ni ẹkun ìwọoorun guusu Naijiria.
‎Awon Gomina naa gboriyin fun Aarẹ Tinubu lori oniruuru atunṣe to ti ba ọrọ aje ati awọn eto idagbasoke ti n lọ lọwọ ni orílẹ-ede Naijiria.
‎Lati mu ki eto aabo gbopan si ni agbegbe Guusu ìwọoorun orileede yìí, awon Gomina naa kede idasile ajọ kan ti yoo maa risi didabobo gbogbo ẹya to wa ni apa Guusu ìwọoorun Naijiria.
Ajọ DAWN ni yoo ma ṣe alabojuto ajọ tuntun yii, ti gbogbo awọn oludamọran síi awọn Gomina lori eto aabo, yoo si lẹtọ síi lati lọ fun ipese aabo jake jado awon Ipinlẹ to wa ni ẹkun ìwọoorun guusu.
‎Won ṣeleri lati maa ṣe amulo ẹrọ igbalode lati gbogun ti awọn agbesumọmi ati lati maa ba ara ẹni sọrọ.
Eyini yoo mu ki oju le ka igboke-gbodo awọn ọkọ to n kọjá ni awọn oju popo jakejado awọn Ipinlẹ to wa ni agbegbe ìwọoorun guusu lorilede yii.
‎Won rọ Aare Bola Tinubu lati fi awọn ikọ to nrisi idabobo awọn igbo ọba kaakiri Naijiria ransẹ.
‎Won tun ki gbogbo ẹgbẹ tó risi didaabo awọn eeyan bii iko Amotekun, ile iṣe Ọlọpa ati ikọ NSCDC.
Wọn si rọ wọn lati mu eto aabo lokunkundun Jake jado Ipinlẹ to wa ni Guusu ìwọoorun orile-ede Naijiria.
‎Ni igbẹyin, wọn rọ awọn olugbe ẹkun Ìwọoorun guusu Naijiria, lati bara wọn gbe pẹlu alafia, ki idagbasoke le de ba ẹkun naa.

Èyí ni bí ọwọ́ ọlọ́pàá ṣe tẹ afurasí ikú òṣìṣẹ́ FRSC àti ọmọ rẹ̀

Fẹ́mi Akínṣọlá

Ileeṣẹ ọlọpaa ilẹ Ghana ti kede pe ọwọ awọn ti tẹ afurasi apaayan kan, Victor Benjamin Fajemirokun, ẹni ọdun mẹrindinlọgbọn, tí wọ́n fẹsun kan pé wọn lọwọ ninu iku oṣiṣẹ FRSC ti wọn ji gbe niluu Abẹokuta, ipinlẹ Ogun.

Ọga ọlọpaa kan nilẹ Ghana lo fi iroyin naa lede ninu fọnran kan to tẹ akọ̀ròyìn lọwọ lálẹ́ ọjọ́ ÀìkÚ tó kọjá.

Nínú alaye rẹ, ọ̀gá ọlọ́pàá náà ṣàlàyé bí ìṣẹ̀lẹ̀ náà ṣe waye.

”Mo fẹ fi to o yin leti nipa ọmọ ilẹ Naijiria kan ti a fura si pe o pa obinrin kan ati ọmọ rẹ lorileede Naijiria, to si sa wa si Ghana lati maṣe jẹ ki ọwọ ọlọpaa tẹ ẹ ni Naijiria.

”Victor Benjamin Fajemirokun, ẹni ọdun mẹrindinlọgbọn ni ọwọ tẹ lori fọnran kan to n lọ kaakiri ori ayelujara, nibi ti wọn ti fẹsun kan an wi pe o ṣeku pa oṣiṣẹbinrin ti ajọ Road Safety, iyẹn FRSC, ati ọmọ rẹ ni Abẹokuta.

”Afurasi naa ni ileeṣẹ ọlọpaa Naijijria n wa, ṣugbọn to sa wa si Ghana lati farapamọ lọdọ ọrẹ rẹ kan.

Nigba ti a gbọ ibi ti afurasi naa farapamọ si, awọn ọlọpaa sare lọ sibẹ lati mú.

O si ti wa lahamọ wa bayii, pẹlu bi igbesẹ ṣe n lọ lati fa a le ọlọpaa Naijiria lọwọ,” iléeṣẹ́ ọlọ́pàá Ghana lo ṣalaye bẹẹ.
Ọgbẹni Jimoh Lasisi, to jẹ ọkọ Oluwamayokun, oṣiṣẹ FRSC ti wọn pa nipinlẹ Osun ti bá BBC News Yorùbá sọrọ nípa ikú aya rẹ náà.

Lasisi ni ibanujẹ nla lo jẹ fún òun wi pe awọn amookunṣeka ṣeku pa iyawo oun, ati ọmọ obinrin kan ṣoṣo tI òun bi nigbesi aye oun.

Lasisi ni bo tilẹ jẹ pe ko tii to akoko lati sọrọ, sibẹ, oun ko nii ṣai sọ diẹ lati le jẹ ki awọn eeyan mọ okodoro ọrọ èyí to yatọ si ohun ti awọn eeyan n gbe kaakiri ori ayelujara.

”Mi o tii ro pe asiko ree fun mi lati sọrọ, nitori pe iwadii ṣi n lọwọ.

Ẹnu mi nikan naa lẹ ti le gbọ okodoro, ṣugbọn lọwọlọwọ bayii, mo ni lati mọ riri gbogbo ẹyin akọroyin patapata ati awọn to n ba mi kẹdun,”

Ọgbẹni Jimoh sọ bẹẹ fun akọroyin.

Baale ile naa sọ pe nigba to to asiko lati ba iyawo ati ọmọ oun sọrọ, ṣugbọn toun ko gburo wọn, lo jẹ ki ara fu oun, toun si ranṣẹ sawọn eeyan lati ṣewadi ibi ti wọn wa.

”Emi ni mo fun awọn ọlọpaa nibi ti Victor n gbe niluu Ileṣa ati Osogbo, mo si ni gbogbo iroyin naa lọwọ.

A ti ri oku Sewa, niṣe lo pa oun naa.

Awa araalu nilo ọpọ nnkan lati ṣe, lati maa fi daabo bo ara wa.

Ọmọbinrin kan ṣoṣo ti mo ni niyẹn.”

Tinubu s̩èdárò ìpapòdà Bayo̩ Osiyemi

Yínká Àlàbí

Ààrẹ Bola Tinubu ti fi e̩mi ibanike̩dun rẹ̀ han nípa ikú Ọmọ-Ọba Bayo Osiyemi, onkọ̀wé, akọ̀ròyìn àti ọ̀rẹ́ pípẹ́ rẹ̀.
Gẹ́gẹ́ bí ìkéde tí olùkọ́ròyìn Ààrẹ, Bayo Onanuga, salaye faye, Osiyemi jẹ́ olórí gbogi ninu APC ní Èkó, ó sì ti ṣiṣẹ́ gẹ́gẹ́ bí Akọ̀wé Ìròyìn fún Gómìnà Lateef Jakande ní àsìkò rẹ̀.
Ó kú ní Èkó ní ọjọ́ Mọ́ńdé ni e̩ni ọdún marundinlo̩go̩rin (75).
Tinubu pè é ní olóṣèlú, olókìkí, ọ̀rẹ́ tí ó se e gbẹ́kẹ̀ lé, àti olórí ti ko se e fo̩wo̩ ro̩ se̩yin ni ilu Mushin. Ó tún jẹ́ Ààrẹ ìgbìmọ̀ ìjọba agbègbè Mushin nígbà kan.
Tinubu ranti iṣẹ́ rere àti ìtẹ́wọ́gbà tí Osiyemi fi sí ìgbèlárugẹ Èkó, pàápàá jùlọ nípa iṣejọba àti àjọṣe awo̩n oloye, tí Gómìnà Babajide Sanwo-Olu fi yàn án sípò olùrànlọ́wọ́ pàtàkì ní ọ̀rọ̀ oye jije̩.
Ó bá ẹbí, àwọn ọ̀rẹ́ àti ojulumo̩ ke̩dun, ó sì gbàdúrà kí Ọlọ́run fún un ní ìsinmi àìnípẹ̀kun.