Ó mà se! o̩kò̩ ayó̩ké̩lé̩ Kunle Afod jóná gúrúgúrú

Mary Fágbohùn

Ogbontarigi osere tiata Naijiria ati agberejade, Kunle Afod, laipe yii soro ibanuje pelu atejade re kan to fi lede ni oju awe re, nibi to ti dun bii eni ti ofo se to si wa ninu inira lori ajalu buburu to ko lu u.

Afod, fi fonran oko Toyota Hiace re ti ina omo orara jo kanle koja titun se lede. Agberejade naa tun fihan wi pe awako oun gangan farapa ninu ijamba ina naa.

Osere tiata naa, ninu fonran oko re to baje naa eleyii to fi si oju awe re, la ri ti omi le soju re tente to si n gbon ni bi o se n ye oko naa wo lati wo awofin bi oko naa ti se baje to. Fonran naa fihan pe awon eniyan wa pelu re ti won ba n kedun.

Ewe, ko to pe wakati merin-le-ni-ogun leyin atejade akoko lati owo Kunle Afod to n kede isele laabi naa, o tun fi fonran miiran lede lati dupe lowo awon ololufe re, awon akegbe ati awon alatileyin re fun abewo ti won se si i.

Davido gba ife è̩ye̩ márùn ún níbi ife è̩ye̩ ARFIMA 2023

Mary Fágbohùn

Olorin takasufe Davido ti gba ife eye marun un nibi ife eye All Africa Music Award (AFRIMA) eleekejo iru re.

Meji lara ife eye naa ni orin to ko pelu Adekunle Gold ati Tion Wayne wa lara re.

Oga DMW naa ni o jawe olubori fun’Best Male Act in African Inspirational Music, ife eye fun orin ‘Stand Strong’.

Orin re ‘Champion Sound’ to ko pelu olorin South Africa ni o ti gba ife eye meji miiran eleyii ni o pelu ‘Best Act, Duo or Group in African Electro’ ati ‘Best African Collaboration’.

O tun gba ife eye miiran ‘Best Act in Diaspora Male’ fun orin re pelu Tion Wayne ‘Who’s True’.

Orin Adekunle Gold ‘Born Again’ to ko pelu Fatoumata Diawara naa gba ife eye fun ‘Best Act Duo or Group in African Contemporary’. O si tun gba ‘Best Act, Duo or Group in African Pop’ fun orin High to ko pelu Davido.

Olugbafe eye Grammy fun orin ile Adulawo, Burna Boy naa gba ife eye to se pataki fun, ‘Best Act in Africa’ pelu orin re ‘Last Last’ ati ife eye fun ‘Best Album of the Year’ pelu akojopo orin re ‘Love Damini.’

Pelu Wizkid ti oun naa pada sile pelu ife eye fun ‘Best Male Act in West Africa’ pelu orin re ‘Anoti’.

Asale ife eye AFRIMA yii, ni o waye ninu gbongan to gba eniyan egberun lona marun-din-ni-ogun to wa ni Dakar Arena ni Diniadio, Senegal ti won se papo pelu ajodun orin ti wa fi ki awon olorin Afrika kuuse.

Aseye naa ni awon olorin ati akorin Naijiria ti fi orin won da dundun ara, bii, Tiwa Savage, Sensational Singers, P Square, olorin Ghana Black Sheriff ati awon olorin ile Afika miiran.

Lé̩è̩kan síi, Brymo ti rawó̩ è̩bè̩ fún ohun tó so̩ lórí ò̩rò̩ Aare̩ Igbo

Mary Fágbohùn

Olorin Naijiria, Olawale Olofooro, ti a mo daadaa si Brymo, ti bebe ni gbangba leekan sii fun oro to so lori bi o se seese ki Aare wa lati aarin eya ila-orun guusu.

Olorin naa ni awon eniyan ti rojo ina oro si leyin to wi pe ala ti ko le e se ni wi pe ki Igbo je Aare nitori ete won fun Biafra.

“Niwon igba ti awon eniyan pataki ni aarin awon Igbo ba si n soro Biafra, Aare lati eya Igbo je ala ti ko le e se,” ni ohun ti Brymo fi si oju opo Twitter re.

Brymo, eni to n satileyin fun oludije ninu egbe oselu All Progressive Congress, Bola Tinubu, ti so fun awon eniyan ila-oorun guusu pe ki won koko to igbakeji Aare wo naa ki won to beere si ni le ipo Aare gangan.

Oro to so yii ni awon eniyan bu enu ate lu, ti o si fa orisirisi oro kobakungbe ni ori ayelujara, ti opo eniyan fi pe e eleyameya ti won si wi pe “ko feran eya Igbo.”

Leyin oro yii ni Brymo, rawo ebe loju opo Instagram re ni ale ojo Eti.

O lo si ori ayelujara, o si wi pe oro naa suyo leyin ti o so erongba re nipa onkowe, Chimamanda Adichie, eni ti o ko eye orile-ede sugbon to gba oye ti won fi da a lola ni ilu re, Abba, ipinle Anambra.

Nigba to n bebe, o wi pe, “Mi o bu eya, fun awon to ba jo bee leti won, e ma binu. Mo n gbiyanju lati woye oro pataki kan ni.”

Ewe, ni kutukutu owuro ojo Aje, o fi si oju opo Twitter re irawo ebe miiran, “E foriji oro ti mo so nigba eya Igbo eyi to so mi di eleyameya, mi o ro ti aburu kankan, e ma binu!!”

Ebe re akoko wa leyin ti egberun omo orile ede Naijiria ko iwe mo o pe ki won mase je ki olorin naa jawe olubori ninu ifasile re fun ‘eni to morin ko sile julo laarin odun’ ninu ife eye gbogbo orin Afirika.
[

Ìjọba Cross River gba iṣẹ́ lọ́wọ́ adarí ilé ẹ̀kọ́ méjìlá lórí ẹ̀sùn rìbá

Ọrẹ Òtítọ́jù

Adarí ilé ẹ̀kọ́ girama méjìlá ti gba ìwé ẹ lọ ọ́ gbélé yín ní ìpínlẹ̀ Cross River, nígbà tí wọ́n gbé àwọn kan láti ilé ẹ̀kọ́ kan lọ sí òmíràn.

Eredi igbesẹ naa ko ṣẹyin bi ijọba ipinlẹ ọhun ṣe fẹsun riba kan awọn adari ile ẹkọ naa.

Kọmiṣọnna eto ẹkọ ipinlẹ ọhun, Ọjọgbọn Godwin Amanke lo fi ọrọ naa lede nibi ipade kan niluu Calabar.

O ni “A ti fun ọpọ adari ile ẹkọ ni iwe lati wa ṣalaye tẹnu wọn,

a ti gba iṣẹ lọwọ adari ile ẹkọ mejila, a ni ki mẹfa lọ rọkun nile nigba ti a gbe awọn mẹrindilogun lati ile ẹkọ kan lọ si omiran.”

O ni oun gbọ pe awọn adari ile ẹkọ n san owo ti iye rẹ to ẹgbẹrun lọna ọọdunrun naira ki wọn le gbe wọn lati ile ẹkọ ti wọn n fẹ.

Amanke sọ siwaju si pe ijọba mọ nipa awọn ọmọ ẹgbẹ okunkun lawọn ile ẹkọ girama, awọn si ti bẹrẹ isẹ lori rẹ.

Nigba to n sọrọ lori awọn aṣeyọri rẹ gẹgẹ bii kọmiṣọna, Amanke sọ pe iṣẹ ti bẹrẹ lati ṣatunṣe awọn ile ẹkọ ti ogiri rẹ ti n wo.

O ni “To ba ṣeeṣe fun mi, mo maa fun awọn araalu ni ẹkọ ọfẹ, mo ṣe bẹẹ ri gẹgẹ bii alaga ijọba ibilẹ.”

O pari ọrọ rẹ pe nnkan bii ẹgbẹrun kan olukọ tuntun ni ijọba naa n gba siṣẹ kaakiri ipinlẹ ọhun.

Ikú tún ti mádẹ́rìínpòṣónú mí-ìn lọ láti ìpínlẹ̀ Kano

Fẹ́mi Akínṣọlá

Hùn! Ikú ò dọ́jọ́, bẹ́ẹ̀ làrùn ò dóṣù, ní báyìí, ọ̀gọ̀ọ̀rọ̀ èèyàn ló ń ṣe ìdárò ọ̀dọ́kùnrin adẹ́rìínpòṣónú tó gbajúmọ̀ lórí ayélujára Tiktok ní ìpínlẹ̀ Kano báyìí.

Kamal Aboki ló máa ń pa àwọn èèyàn lẹ́rì-ín ní àríwá Orílẹ̀ yìí.

Ó daláìsí níbi ìjàǹbá ọkọ́ tó wáyé ní Kano lẹ́yìn tó dé láti ìpínlẹ̀ Borno.
Tishama Cemetery ni ilé ìkẹyìn tí wọ́n sin Kamal Aboki sí ní ìlànà ẹ̀sìn Mùsùlùmí èyí tó wà ní ìlú u Kano

Usman Iliyasu ẹ̀gbọ́n olóògbé nígbà tí ó bá akọ̀ròyìn sọ̀rọ̀ ní àbúrò òun riìrìn àjò lọ sí ìlú u Maiduguri.

Ó ní òun pe Kamal ní bíi aago márùn-ún ìrọ̀lẹ́r tí ó sì ṣàlàyé pé òun wà nínú ọkọ̀ tí óun ń gbé bọ̀ padà sí Kano.

1. Usman ní ẹnìkan lọ túfọ̀ ikú àbúrò òun fún ìdílé wọn láti ìgbà náà ni ìyá àwọn ti wà nínú ìpòrúùru ọkàn.

Ilorin Grammar School gba ìyá àgbà Ajayi Folashade ,ẹni àádọ́ta ọdún wọlé sí Jss 2

Ọrẹ Òtítọ́jù

Àwọn àgbà bọ̀, wọ́n ní ìgbà a bá jí n làárọ̀ ẹni, bẹ́ẹ̀ kò sígbà tá a dáṣọ tá
ò rílẹ̀ fi wọ́.
Ajayi Folasade ìyá ẹni àádọ́ta ọdún tó n kàwé lọ́wọ́ ní ilé ẹ̀kọ́ girama Ilorin Grammar School, IGS.

O jẹ iyalẹnu pe iya yii, gbe ọjọ ori ti si ẹgbẹ kan o si pinu lati maa ba awọn ẹgbẹ ọmọ-ọmọ rẹ jokoo pọ ni kilaasi tori pe
o fẹ tẹsiwaju imọ.
“Igba ti gbogbo igbiyanju mi lati kawe n bọ si pabo, mo lọ si ileewe ti ijọ kan to wa lẹgbẹ ile wa ni 2012 ti mo si maa n jokoo pẹlu awọn ọmọde to wa nibẹ”.

Folashade ni nigba ti oun tun gbọ ti awọn ajọ kan loun tun lọ darapọ mọ wọn ti oun si gba iwe ẹri kika ileewe alakọbẹrẹ ja.

Iroyin sọ pe o lọ forukọ silẹ lati darapọ mọ kilaasi onipele ikeji, Jss 2 tori o wu u lati kawe ki oun naa si di olukọni lọjọ kan.

O wu u lati jẹ moriya fun awọn agbalagba to jẹ ẹgbẹ tirẹ naa lati ma jẹ ki ala wọn wọmi lai fi ti ọjọ ori wọn ṣe.

Nibayii, ileeṣẹ eto ẹkọ ni ipinlẹ Kwarra gan ti ni iwuri ni igbesẹ arabinrin naa jẹ ni ọjọ ori rẹ.

Olukọ kilaasi “Anti Ṣade” gẹgẹ bi wọn ṣe maa n pe e sọ pe o ya awọn lẹnu pe o n ṣe deedee ni kilaasi.

Ọmọdekunrin to tun jẹ Balogun kilaasi anti Ṣade sọ pe iru wọn lawọn n fẹ ni ileewe tori awọn fẹran wọn bi wọn ṣe n jafafa ninu kilaasi.

“Bunmi Ademosun, fi ọkọ mi lọrun silẹ o” -Ìyàwó Gómìnà Akérédolú figbeta

Ọrẹ Òtítọ̀jù

Inú ń bí ìyàwó gómìnà ìpínlẹ̀ Òǹdò, Arábìnrin Anyanwu Akeredolu gidigidi. Ìbínú náà kò sì sẹ̀yìn ọmọbìnrin kan tí kò fi ọkọ rẹ̀ lọ́rùn sílẹ̀.
Ó ní àgbo àtàwọn òògùn ìbílẹ̀ lóríṣiíri ló ń gbé wá fún un látàrì àìsàn tó ń bá a fínra, òun sì ti sọ fún un kó yé gbé àwọn àgbo yìí wá fún ọkọ òun, ṣùgbọn kò gbọ́ràn. Bẹ́ẹ̀ ló bu ẹnu àtẹ́ lu bí ọmọbìnrin tí wọ́n pè ní Bunmi Ademosun ọ̀hún ṣe ń wá gbogbo ọ̀nà láti di igbákejì gómìnà bí ohunkóhun bá ṣe ọkọ òun.

Iyawo gomina yii ti waa kilọ fun ọmọbinrin naa pe ko jinna si ọkọ oun o, bo ba si kọ ti ko jinna si i, ohun to n wa nidii iṣukọ, yoo ri i nidii ewura, nitori gẹgẹ bii obinrin to wa lati ilẹ Ibo, oun ko ni i mu ọrọ naa ni kekere pẹlu rẹ, gbogbo ohun ti oun ni loun ma fi ba a ja. Ninu fọnran to gbe jade naa to n ja ran-in lori ayelujara lọwọ bayii lo ti sọ pe, ‘‘Ẹ kaaarọ o, gbogbo eeyan, emi ni Arabinrin, mo ni iṣẹ kan lati jẹ fun Ademosun, mo gbagbọ pe o wa ninu ẹgbẹ ti wọn n pe ni Aketi Women’s Platform yii. N ko ni nọmba rẹ, n si ro pe o yẹ ninu ẹni to yẹ ki n ni nọmba rẹ. Mo fẹẹ kilọ fun obinrin yii ko fi ọkọ mi silẹ o. Ko yee yọ waa gbe awọn agbo, oogun ibilẹ oriṣiiriṣii to n ṣọ pe oun gba latọdọ awọn pasitọ rẹ, awọn ayederu pasitọ rẹ lati fun ọkọ mi lati mu. A gbagbọ ninu oogun oyinbo, a gbagbọ ninu itọju igbalode, a si gbagbọ pe ara Aketi maa ya.

‘‘Ṣugbọn ohun to mu iṣẹ ti mo n ran si i yii wa ni awọn oogun to tun n gbe wa fun ọkọ mi lẹnu ọjọ mẹta yii. Jinna si ọkọ mi o, jinna si Aketi o. Fun igba ikẹyin, mo n kilọ fun ọ o, Ademosun, jinna si Aketi o. Jinna si ọkọ mi, ki o si yee yọ waa gbe awọn agbo buruku ti o n gbe kiri yii wa fun un lati mu. Ohun ti oju rẹ maa ri, o ko ni i le ka a tan o. Gẹgẹ bii obinrin Ibo, lori ohun to ba jẹ mọ bayii, n ko ni i mu un ni kekere pẹlu rẹ, ohun ti ma a ṣe fun ọ, o ko ni i gbagbe laelae nile aye rẹ. Fun igba ikẹyin ni mo n sọ fun ọ, Ademosun abi ki lo pe orukọ rẹ, jinna si Aketi o, yee gbe awọn agbo buruku ti o n gbe kiri yii wa fun ọkọ mi lati mu. Jinna si Aketi o, iwọ obinrin yii. O o ni i le ka ohun ti ma a ṣe fun ọ tan. O o ni i le ka a tan laye rẹ. Eeyan buruku aye atọrun ni ẹ, ma a lọ, ko o lọ jẹgbadun owo ti o ri. Gbogbo ohun ti mo ni ni ma a fi ba ẹ ja gẹgẹ bii obinrin Ibo. Mo si n kilọ fun ọ fun igba ikẹyin pe ki o jinna si ọkọ mi.

‘‘Jẹ ki n sọ fun ọ, gbogbo ipade oru to o n ṣe kiri, to o ni o fẹẹ jẹ igbakeji gomina Ondo, wo ara rẹ, ki lo wa lọpọlọ rẹ to o le fi ṣakoso ijọba lati di igbakeji gomina Ondo, Bi ohunkoun ba tilẹ waa ṣẹlẹ si Aketi, Lucky lo maa gbakoso ipo gomina, nitori o wa labẹ ofin bẹẹ. Ṣugbọn ki o maa waa dọgbọn kiri, ki o maa dọgbọn pe o fẹẹ ṣe igbakeji gomina, hunn.

‘‘Mo kilọ fun Aketi latilẹ pe obinrin yii ko daa, mo sọ fun un pe eeyan buruku, eeyan ibi ni obinrin yii. O si ti n ṣẹlẹ bẹ ẹ. Mo sọ pe ko ni ohun to dara fun ọ, mo kilọ fun ọ. Ibi gidigidi ni obinrin yii. Mo si n kilọ fun ọ fun igba ikẹyin pe ki o jinna si ọkọ mi.

‘‘Jẹ ki n sọ fun ọ, ti o ba n ba obinrin Ibo ṣe niru nnkan bayii, mo maa kọ ọ ni ẹkọ ti o ko ni i gbagbe laye rẹ. Bi iyawo gomina ipinlẹ Ondo, Betty Anyanwu, ṣe sọrọ naa pẹlu ẹdun ọkan ati ibinu ree.

Ṣe o ti ṣe diẹ ti awọn eeyan ti n gbe e kiri pe ara Gomina ipinlẹ Ondo, Rotimi Akeredolu, yii ko ya. Asiko kan si wa ti o kuro nile ijọba, to lọọ gba itọju fun bii oṣu mẹta, bo tilẹ jẹ pe awọn ọmọlẹyin rẹ sọ nigba naa pe ko sohun to ṣe e, ati pe ilu Abuja lo wa.

Ṣugbọn awọn to ri gomina naa lẹnu ọjọ mẹta yii ni ọkunrin naa ti ru gan-an, o si han loootọ pe aisan kan n ba gomina yii finra lagọọ ara rẹ.

Ṣa, iyawo gomina yii ti sọ pe bi ohunkohun ba ṣe ọkọ oun, Bunmi Ademosun ni ki wọn lọọ mu. A gbọ pe Oludamọran pataki si Aketi ni obinrin yii.

Ọlọ́pàá mú tọkọtaya tó ń lu ọmọ wọn ní ìlù ẹranko ní Èkó

Fẹ́mi Akínṣọlá

Iléeṣẹ́ ọlọ́pàá ìpínlẹ̀ Èkó ti mú obìnrin kan àti olólùfẹ́ rẹ̀, fún ẹ̀sùn pé wọ́n fi ìyà jẹ ọmọdé méjì, ní agbègbè Egbeda ní ìpínlẹ̀ náà.

Obìnrin náà, Busola Oyediran, tó jẹ́ ìyà àwọn ọmọ náà, àti ọkọ rẹ̀ tuntun, Akebiara Emmanuel, ni ọwọ́ tẹ̀ lọ́jọ́ Ẹtì.

Agbẹnusọ iléeṣẹ́ ọlọ́pàá ní ìpínlẹ̀ Eko, SP Benjamin Hundeyin, sọ fún àwọn akọ̀ròyìn pé ọjọ́ orí àwọn ọmọ náà jẹ́ ọdún márùn-ún àti ọdún méjì.

Ìròyìn sọ pé àwọn alajọ́gbelé tọkọtaya náà, tó rí bí wọ́n ṣe máà ń lu àwọn ọmọ ọ̀hún, èyí tó ti dá oríṣìíiríṣì ọgbẹ́ sí wọn lára, ló fi ọ̀rọ̀ náà tó àwọn ọlọ́pàá l’étí.

Èyí sì ló mú kí ọlọ́pàá fi òfin gbé wọn lọ́jọ́ Ẹtì, ọjọ́ kẹtàlá, oṣù Kínní, 2023.
Àjọ tó ń gbógun ti fífi èèyàn ṣe òwò ẹrú àti ìlòlulò ẹ̀dá, NAPTIP, sọ lójú òpó Twitter rẹ̀ pé tọkọtaya ọ̀hún ti wà nì àtìmọ́lé.

Bákan náà ní àjọ náà sọ pé wọ́n ó gbé àwọn méjèèjì lọ sílè ẹjọ́, lọ́jọ́ Ajé, ọjọ́ kẹrìndínlógún, oṣù Kínní, 2023.

Àwọn òṣìṣẹ́ báńkì tó gbówó ńlá jáde lásùnwọ̀n oníbàárà ti rẹ́wọ̀n he

Ọrẹ Òtítọ́jù

Ikún ń jọ̀gẹ̀dẹ̀,ikún ń rẹ́dìí,ikún ò tètè mọ̀ pé n tó dùn ń pani.
Àwọn òṣìṣẹ́ báńkì méjì kan, Agbo John Agama àti Edoh Steve, ni wọ́n ti dèrò ẹ̀wọ̀n báyìí látàrí àwọn ẹ̀sù-un jìbìtì, ìlẹ̀dí àpò pọ̀ lórí owó tó tó bíi mílílọ̀nù mẹ́sàan-án Náírà àti ààbọ̀ (9.4 million).

Onidaajọ Mojisọla Ọlajuwọn ti ile-ẹjọ giga ilẹ wa to wa niluu Abuja, lo dajọ awọn ọdaran naa ‘l’Ọjọruu, Wẹsidee, ọjọ kọkanla, oṣu Kin-in-ni, ọdun 2023.

Ẹsun oniga kan ti ajọ to n gbogun ti iwa ibajẹ nilẹ wa, EFCC, ẹkun Makurdi, nipinlẹ Benue, fi kan wọn ni wọn fi ṣedajọ awọn ọdaran mejeeji ọhun.

Gẹgẹ bi ẹsun ti wọn fi kan wọn, awọn ọdaran mejeeji yii pẹlu awọn agbodegba wọn ti wọn ti fẹsẹ fẹ ẹ, ni wọn sọ pe lasiko ti wọn ṣi jẹ oṣiṣẹ nile ifowopamọ Access Bank, ẹka ti Makurdi, ti i ṣe olu ilu ipinlẹ Benue, ni wọn lo irinṣẹ imọ ẹrọ kan ti wọn ko lẹtọọ si lati gba obitibiti owo ninu apo banki ọkunrin kan to n jẹ Mejuru Chibueze Gospel ni ọjọ kẹjọ, oṣu Kin-in-ni, ọdun 2021.

Ẹsun ti wọn fi kan wọn yii ni wọn lo ta ko abala ikẹtalelọgbọn iwe ofin to sọrọ lori iwa jibiti ori ẹrọ ayelujara ti ọdun 2015, ti ijiya si wa fun un labẹ abala ofin ọhun bakan naa.

Ṣugbọn awọn mejeeji ni awọn ko jẹbi.

Onidaajọ Ọlajuwọn waa paṣẹ pe ki ẹni kọọkan wọn lọọ faṣọ penpe roko ọba fun ọdun mẹta mẹta. Bẹẹ naa ni wọn tun pa ẹni kọọkan wọn laṣẹ lati san ẹgbẹrun lọna ọgọrun-un Naira (100, 000) owo itanran fun ijọba apapọ, ki kaluku wọn si da miliọnu meji Naira o le ẹgbẹrun lọna ọgọrun-un (2.1 million), pada fun ọkunrin ti wọn lu ni jibiti owo.

Hèèmọ̀! Abilékọ kan já bọ́ lẹ́yìn ọ̀kadà, ò sì gbabẹ̀ dèrò ọ̀run

Ọrẹ Òtiọ́jù

Ìṣẹ̀lẹ̀ à-gbọ́-bomi-lójú ló ṣẹ̀ lọ́jọ́ Àìkú, ọjọ́ kẹjọ, oṣù Kìn-ín-ní, ọdún yìí, níbi tí abilékọ kan ti dágbére fáyé. Ọkọ rẹ̀ ló fi ọ̀kadà Bajaj, tí nọ́ńbà rẹ̀ jẹ́ TTN 08 VG, gbé e, tó sì jókòó sẹ́yìn ọkùnrin náà pẹ̀lú ọmọ wọn, lásìkò tí wọ́n ń lọ sí ṣọ́ọ̀sì ládùúgbò Fajol, agbègbè Ọ̀báńtokò, nílùú Abẹ́òkúta.

Ajọ Akoroyinjọ ilẹ wa, NAN, ṣalaye pe iṣẹlẹ buburu yii waye lasiko ti ọkọ oloogbe fẹẹ sare pẹwọ fun ọkada to fẹẹ kọ lu wọn lati iwaju. Ọkada to n bọ niwaju, to si jọ pe o fẹẹ rọ lu wọn lọkunrin naa fi sare pẹwọ, ti iyawo ẹ to jokoo sẹyin si ja bọ latari ẹru biba ati bi ko ṣe jokoo daadaa tẹlẹtẹlẹ, oju-ẹsẹ to ṣubu naa lo dagbere faye. Ṣugbọn ohun to ba ni lọkan jẹ ni pe ọkada keji to fẹẹ rọ lu tọkọ-taya naa ko duro ṣugbaa wọn, niṣe lo sa lọ”.

Agbẹnusọ ajọ to n ri si igboke-gbodo ọkọ nipinlẹ Ogun, Ogun Traffic Compliance and Enforcement Corps (TRACE), Ọgbẹni Babatunde Akinbiyi, to fidi iṣẹlẹ naa mulẹ ṣalaye pe iwakuwa ẹni to wa ọkada lo jẹ ki ọwọ ẹ tase, to fi tibẹ sọ ijanu rẹ nu, eyi to pada ṣokunfa bi obinrin naa ṣe ṣubu, to tun fori gbalẹ nibi to ja bọ si, to si gbabẹ ku lojiji.

O tẹsiwaju pe awọn ọlọpaa ti wọ ọkada naa kuro loju titi fun iwadii to peye, awọn mọlẹbi oloogbe si ti gbe oku ẹ kuro nibẹ.

Nigba to n ranṣẹ ibanikẹdun sawọn mọlẹbi oloogbe, Akinbiyi gba awọn ọlọkada nimọran lati maa ṣe suuru, ki wọn si maa ṣọra pẹlu ere asapajude lati dena iru iṣẹlẹ bẹẹ lọjọ iwaju