Home Blog Page 12

Olórin lè lu àlùyọ láì lu jìbìtì ní Naijiria – Spyro

By
iroyinowuro
-

Olórin lè lu àlùyọ láì lu jìbìtì ní Naijiria – Spyro

Olorin Oludipe David, ti a mọ si Spyro, igbagbọ idi to fi se bẹẹ nínú ìfọ̀rọ̀werọ kan pẹ̀lú Saturday Beats, ó ṣàkíyèsí pé, “A kò tijú ìhìnrere Jesu Olugbala, ìdí niyi tí mo fi wà níhìn-ín pẹ̀lú Bibeli mi, tí mo sì máa ń wọ fìlà ọmọ Jesu mi nígbà gbogbo.

Fun awọn afenifere ti won n woye boya ki won nireti eyi gẹgẹ bi asayan aṣa deede, akọrin naa fi han pe, “Mi o kii lo sibi gbogbo pẹlu Bibeli mi. Mo kan pinnu lati ni Bibeli mi gẹgẹ bi apakan ti ẹya eso mi ni alẹ oni. ”

Ni ile-iṣẹ kan ti won n dalebi nigba gbogbo bi o se n satileyin fun awon ohun ti ko dara to ati awon ti o fa tibeere, Spyro sọ pe iṣẹ iranse rẹ ni lati ṣe orin ti o mọ ati di mimọ fun un.

Nigba ti o n gba awọn ọdọmọkunrin ni iyanju pe wọn le ṣaṣeyọri laisi ibajẹ awọn iwulo wọn, akọrin naa sọ pe, “Idi ti ọpọlọpọ awọn eniyan fi ye adehun ni nitori pe wọn lero pe ti o ko ba ṣe bẹẹ, won ko le ni owo. Ṣugbọn emi jẹ ẹri. Wo mi, Mo n ṣe ati mo si n ri ṣe. Ati pe o mọ, mi o ṣe orin ti o ni inira. Mo ṣe orin ti o mọ ati pe mo si n la ni ile-iṣẹ naa. Nitori naa, maṣe yese. Awọn ti o mọ Ọlọrun wọn yoo jẹ alagbara won yoo si se rere; iṣoro naa kii se orin, iṣoro naa ni mimo Ọlọrun.

JAMB ní àwo̩n aké̩kò̩ó̩ máa tún ìdánwò se

By
iroyinowuro
-

JAMB ní àwo̩n aké̩kò̩ó̩ máa tún ìdánwò se

Yínká Àlàbí

Ajo̩ JAMB ti jade lati be̩be̩ lo̩wo̩ awo̩n ake̩ko̩o̩ to se idanwo o̩dun yii, paapaa julo̩ awo̩n ake̩ko̩o̩ ipinle̩ Eko ati Owerri.
Esi idanwo yii jade ni o̩jo̩ ke̩san-an osu yii ni eyi to mu ki awo̩n ake̩ko̩o̩ to po̩ fidi re̩mi.
Ninu awo̩n ake̩ko̩o̩ bii milio̩nu meji, milio̩nu kan aabo̩ ni maaki wo̩n ko wo̩ ilaji. Eyi tii se igba ninu irinwo maaki.
Esi idanwo yii si n fa ede aiyede lori gbogbo redio ati telifiso̩n. Be̩e̩ ni e̩rin ko yato̩ to fi de ori ayelujara.
Ede aiyede ifidire̩mi o̩po̩ ake̩ko̩o̩ da lori ta ni o ye̩ ki a da e̩bi aise daadaa awo̩n ake̩ko̩o̩ naa ru?. Awo̩n kan tile̩ ti mu awo̩n ake̩ko̩o̩, wo̩n ni ere wo̩n ti po̩ ju, wo̩n o ki n ka iwe. Yahoo, Yahoo ni gbogbo wo̩n n se. Awo̩n kan ti sare da e̩bi ru awo̩n obi, wo̩n ni awo̩n obi naa kuna nipa abala tiwo̩n, wo̩n ni ileewe “pari is̩e̩” ni o̩po̩ wo̩n n wa kiri.
Awo̩n kan tile̩ mi awo̩n oluko̩ ni ko kun oju osuwo̩n. Wo̩n ni o̩po̩ oluko̩o̩ ni ko raaye ko̩ awo̩n ake̩ko̩o̩.
Awo̩n kan ni ileewe aladaani ni ki a di e̩bi naa fun, wo̩n ni awo̩n ni wo̩n da awo̩n ileewe ti ko yanranti sile̩, wo̩n ni awo̩n ileewe ti ko ni yara ikawe to dara, ti ko ni yara awo̩n saye̩nsi to kun oju owo.
Awo̩n kan ni ijo̩ba lo ni gbogbo e̩bi, nitori pe awo̩n olube̩wo wo̩n ko sise̩ wo̩n bii is̩e̩, apo iwe owo ni wo̩n n lo̩ gba ni awo̩n ileewe ti wo̩n n lo̩ s’abe̩wo si.
Ju gbogbo re̩ lo̩, o̩ga patapata ajo̩ JAMB O̩jo̩gbo̩n Is’haq Oloyede ti jade pe, irins̩e̩ awo̩n kan lo baje̩ ti awo̩n ko si tete mo̩ ti awo̩n fi gbe esi idanwo jade, sugbo̩n awo̩n maa se atunse nipa ki awo̩n ake̩ko̩o̩ to kan tun idanwo naa se.
Koda wo̩n ti sise̩ po̩ pe̩lu ajo̩ WAEC to n lo̩ lo̩wo̩ ki awo̩n ake̩ko̩o̩ yii ma baa nis̩e̩ ni o̩jo̩ Aje, o̩jo̩ ke̩rindinlogun osu yii.
Wo̩n ni awo̩n ake̩ko̩o̩ to sun mo̩ e̩gbe̩run lona irinwo lo maa tun idanwo naa se ge̩ge̩ bi ajo̩ JAMB se salaye.

 

 

 

 

Gọngọ sọ lọ́jọ́ tí Ọba Ẹlẹ́gùshì se ayẹyẹ ọdún kẹẹ̀dógún lórí ìtẹ́

By
iroyinowuro
-
Oba Elegushi
 
Mudasir Alabi

Mewa sele, gongo so laipe yii lojo ti Oba ti ilu Ikate, Oba Elegushi, se ayeye odun keedogun to ti de ipo baba re.

Opolopo awon otookulu ko ba Kabiyesi lalejo, ti won ba won jo, ti won ba won yo, ti won si ki won ku oriire.

Koda, Aare Bola Tinubu ati Gomina Ipinle Eko, Alagba Babajide Sanwo-Olu, naa ki Kabiyesi ku oriire.

Lara awon ohun ti Kabiyesi se ajoyo le lori ni idagbasoke to de ba ilu lasiko ti won.

Oba Elegushi ati Olori Sekinat Elegushi

Se inu eni kii dun ka pa a mora, Kabiyesi wa kede yiya igba milionu naira (N200m) soto fun iranwo awon onise okowo keekeeke ni agbegbe Eti-Osa.

Lojo ayeye naa, Komisanna kan ni Ipinle Eko tele, Dokita Muiz Banire, se alaye pe labe ajo fandesan Kabiyesi, awon omo ile-iwe naa yoo je anfaani iranlowo owo.

Bi a ko ba gbagbe, Oba Elegushi ko gbongan nla kan ti won pe ni  Lagos History Research Centre ni ile eko giga ti Lagos State University (LASU) ni Ojo.

Adura wa ni pe ki Edumare tubo maa daabo re bo Kabiyesi ati awon ara ilu.

O Oba o gbo, ki Oba o to o.

Koda, irukere a di okinni, ninu alaafia ati idunnu.

Bí eré bí àwàdà, Remi Tinubu di ẹlẹ́yinjú àánú fún ìjọba baálé rẹ̀

By
iroyinowuro
-
Remi Tinubu

O ti se itore aanu bii bilionu mewaa naira laarin odun meji

Ipa to n ko han ju ti awon minisita miran lo

Mudasir Alabi

Lopo igba, awon amoye oselu maa n se awuyewuye lori ipo iyawo Aare tabi Iyawo Gomina, eyi ti a mo si First Lady, ninu ijoba tiwa-n-tiwa. Opo eniyan lo gba pe iwe ofin, iyen Constitution, ko fi aaye sile fun oofisi ‘Obinrin Akoko’. Nipa idi eyi, won ni ko ba ofin mu bi awon iyawo to maa n ya gele yaya naa se maa n se bi eni a dibo yan.

Sugbon awon eniyan kan naa gba pe iru ero bee dun un wi lenu ni, o nira lati mu u se. Won ni bi Aare tabi Gomina kan fe, bo ko, iyawo re naa yoo fe ki araye mo pe oun naa wa nibe. Ko ni fe ki won je oun maye.

Ti a ko ba gbagbe, lati aye ijoba Ogagun Ibrahim Babangida ni ipo ‘First Lady’ ti di gbajugbaja, nigba ti iyawo re, Oloogbe Maryam Babangida, se agbateru eto igbesi aye to derun fun awon obinrin igberiko — Better Life for Rural Women. Iyawo Abacha, Iyaafin Maryam  Abacha, naa se tie lasiko ti oko re.

Nigba to si di aye ipadabo ijoba alagbada ni 1999, bi Oloye Olusegun Obasanjo se kanju ko to, iyawo re, Oloogbe Stella Obasanjo, naa lo ipo Obinrin Akoko.

Laye Dokita Goodluck Jonathan naa, aya re, Iyaafin Patience Jonathan, dan mewaa wo, debi wi pe enu re ni awon eniyan ti ja ‘Dis is God o’ gba.

Nigba ti Ogagun Feyinti Muhammadu Buhari naa si gori aleefa, ti oun naa fe se bii kogberegbe, bo fe, bo ko, iyawo re, Aisha Buhari, naa ko je ki won je oun maye, to si se awon eto kan.

Sugbon sa o, lopo igba, awon iyawo olori joba miiran maa n da wahala si baale won lorun.

Won le maa be gaugau, ti won si maa n ko owo je bi ile ba da.

Ti a ba wa wo ijoba Asiwaju Bola Tinubu, o jo pe rere ni fere iyawo re, Senito Oluremi Tinubu, n fon.

Lati igba ti won tide ijoba ni 2023 lo ti fun gbaja re monu, to si n seto iranlowo fun awon alaini tabi awon to wa ninu isoro.

Remi Tinubu, labe asia ajo Renewed Hope Initiative re, n lo kaakiri Naijiria, to si je pe awon to ba gba a lalejo maa n ri ipa gidi to n ko.

O n soro to lopolo gbe ijoba oko re; o n se alaye eredi awon eto ijoba to je ki nnkan won gogo. Bee, o si n korin ireti ayo si awon eniyan leti.

Remi Tinubu n se eyi debi wi pe o n se ju awon minisita kan lo.

Loooto, awon minisita kan wa ni ijoba Tinubu to je pe bii olundu ni won.

A ko gbo ki won soro iwuri gidi kan; a ko si ri nnkan gbogi ti won n se.

Sugbon ni ti Remi Tinubu, ipa to n ko han debi wi pe awon eniyan kan ti n beere pe ibo lo ti n ri owo to n na — se elenu mji ni omo araye, ati pe afifila pa efon, ojo kan lo maa n niyi mo.

Ni pataki, iranlowo owo ti ajo Renewed Hope Initiative ti se fun awon eniyan, ati ajo gbogbo ti to bilionu mewaa naira.

Lara awon ti won ti je anfaani owo naa ni awon obinrin, awon akekoo, awon omo orukan, iyawo awon ologun to ti ku, awon arugbo ati awon ile iwe kan.

Lara awon eto iranlowo naa, a ranti bi iyawo Tinubu se fun awon ebi metadinlogota (57) ni egberun lona oke mejila aabo N250,000 eni kookan nigba ti agbara ojo se won lose ni ilu Abuja.

Gbogbo owo naa le ni milionu merinla lodun naa.in

Ajo Renewed Hope tun fun awon ti alakatakiti da si wahala ni Maiduguri ni ilaji bilionu naira kan, iyen N500m.

O fun awon iyawo awon jagunjagun to ti ku ni owo to le ni irinwo milionu (N427.75m), nibi ti ebi kookan ti gba N250,000.

Ni odun 2024, owo to din die ni bilionu meji naira (N1.9bn) ni won la sile lati na fun iranlowo awon agbalagba kaakiri Naijiria.

Ajo naa fun awon ebi ti rogbodiyan ko si wahala ni Ipinle Plateau ni eedegbeta milionu naira (N500m).

Bee awon eniyan ko gbagbe pe Senito Remi Tinubu fun ile iwe Obafemi Awolowo University ni bilionu kan naira, to si bun Joseph Ayo Babalola University ni aadota milionu naira (N50m) fun iranlowo awon obinrin akekogboye obinrin to se daadaa.

Lori ibi ti awon owo kabitikabiti yii ti n jade, iyawo Aare ni awon oluranlowo kan, alaanu ara Samaria, lo wa leyin Rened Hope Initiative.

O ni lara won ni awon ileese kan ati awon ajo miran.

Bi o tile je pe o so wi pe opo awon atinileyin bee ko fe ki won pariwo oruko awon, o ni lara won ni ile ise Bua, eyi to maa n se simenti.

Ni pataki, IROYIN OWURO woye pe o jo pe Remi Tinubu n ko ipa pataki ninu ijoba baale re.

O ti wa da bii eleyinju aanu, paapaa nigba ti gbpogbo nnkan gbenu soke.

O gbaju mo ise Renewed Hope to n se naa, to si n se e bi eni pe won yan an si ipo ni.

Ohun to tun se pataki ninu akiyesi awon onwoye ni pe ko maa ko auyewuye ba oko re, bi awon akegbe re kan tele ti se.

Mo jẹ́ alásepé – Simi

By
iroyinowuro
-

Mo jẹ́ alásepé – Simi

Mary Fágbohùn

Akọrin ti o gba aami-eye ati akọrin Simi ni a mọ fun ohun ẹmi rẹ ati awọn orin ododo, ṣugbọn ninu ifọrọwerọ laipe kan pẹlu VJ Adams lori Paa Oke, o fun awọn afenifere ni iwo ti o jinlẹ paapaa si ihuwasi rẹ. Lati ọna pipe rẹ si iṣelọpọ orin si awọn ayanfẹ aṣa lilọ ni irọrun rẹ ati ibasepo pẹlu akọrin Falz, Simi ko fi nnkankan sẹyin ninu ibara-ẹni-sọrọ onitura yii.

Nigba ti o beere nipa alabaṣiṣẹpọ igba pipẹ Falz, Simi ko fi pamo. “Falz jẹ ọkan ninu awọn akọrin ti mo nifẹẹ ni Naijiria . O jẹ eni ti a n bu iyan re kere pupọ nitori pe o maa n ṣe awada – awọn eniyan ko loye bi o ṣe jẹ talenti,” gẹgẹ bi o se salaye. “Inu mi dun nigba gbogbo lati ṣiṣẹ pẹlu rẹ. Mi o ni awọn ọrẹ pupọ ninu ile-iṣẹ naa; o jẹ ọkan ninu awọn ọrẹ mi pupọ.

Simi tun ṣapejuwe ara rẹ gẹgẹ bi alasepe – iwa ti o ti ṣe apẹẹrẹ irin-ajo orin rẹ jinna. “Koda laini anfani lati se adapọ ati atunto, mo jẹ alasepe,” o gba. “Mo ro pe eyi gan-an ni idi ti mo fi kọ ẹkọ lati se adapọ ati atunto sii. Mo fẹ gbọ awọn nnkan kan, ati pe mo mọ pe ti mo ba tẹsiwaju lati lo ba ẹnikan, mo le bi wọn ninu.”

Nipa asayan oge sise rẹ, olorin Duduke jẹ ojulowo. “Mo fẹran itunu. Mo kan fẹ lati ni itunu. Aṣọ ti o dara julọ fun mi ni bi T-shirts ati awọn sokoto penpe. O tu mi lara pupọ. Mi o fẹran atike. Mi o fẹ awọn irun ti a n wo sori. Mo jẹ ọmọ-ọwọ irun didi, ” ni o salaye.

Nigba ti wọn beere boya o le na milionu mẹwaa naira lori awọn ohun-ọṣọ, o dahun laisi iyemeji: “Bẹẹ ni.” Lori boya yoo na milionu lona ogun naira, o sọ pẹlu ẹrin, “Boya.”

Mi ò gbàgbọ́ nínú ìgbéyàwó – Lil Kesh

By
iroyinowuro
-

Mi ò gbàgbọ́ nínú ìgbéyàwó – Lil Kesh

Mary Fagbohun

Akọrin Naijiria, Lil Kesh, ti sọ ero rẹ lori igbeyawo.

Olorin ‘Shoki’ naa fi han pe oun ko gbagbọ ninu igbeyawo, nitori pe ko ṣiṣẹ.

Kesh, ẹni ti o fi han pe oun ti ko ni ololufe fun igba pipẹ, tun ṣafihan pe ko ni ipinnu lati ṣe igbeyawo laipẹ.

Nigba ti o n soro lori eto Esther Show laipe, akọrin naa sọ pe, “Lọwọlọwọ yii, oun ko ni ololufe, eyi si ti wa fun igba pipẹ. Mo pinya pẹlu ọrẹbinrin mi nitori mo rii pe mo le ṣe ohun to dara julọ funrara mi, bii iṣẹ-ṣiṣe mi, ohun gbogbo ti o jẹ pataki si mi ni akoko naa nilo ifiyesi. Ati lati igba naa, mi o ni anfani lati rii ara mi ni aaye kan nibi ti mo ti n ṣe mejeeji papo.

“Yoo jẹ ohun ti o dara lati wa ẹnikan ti yoo jẹ ki n yese. Ṣugbọn bayii, mi o le fi gbogbo ara mi sinu ibaṣepọ nitori pe ti mo ba fẹ ọ, mo gbodo wa aaye fun ọ. Pẹlupẹlu, Mi o kii ṣe ọmọde mọ. Omo odun mokanlelogbon ni mi. Ohun to dara ni pe awọn obi mi ko fi agbara mu mi lati ṣe igbeyawo. Wọn ti gba f’Ọlọrun pe mo yatọ.

“Igbeyawo? Boya, to ba ya. Ṣugbọn fun bayii, mi o ni lokan. Mi o tun ni moomo ṣe ipinnu lati so ẹnikẹni di iya ọmọ fun mi. Bee ni mi o tun ni fi enikeni se ‘iyawo’ laipe yi. Kii se pe mi o fẹ ṣe igbeyawo nitori pe mo fẹ lati ni ominira tabi jẹ ọmọdekunrin, mi o kan gbagbọ ninu igbeyawo. Wọn ko ṣiṣẹ. Se o ti rii oṣuwọn ikọsilẹ? Mo ti rii ọpọlọpọ awọn igbeyawo ti ko ni idunnu. Eyi ko tumọ si pe ko si awon to ni idunnu. Ṣugbọn ni temi, mo fẹ ile alayo ati pe mi o lero pe mo le ṣe eyi bayii. Mi o ni ba ayo elomiran je nitori mo gbodo se igbeyawo.”

 

 

Ọlọ́pàá ri òkú ọmọ Nàìjíríà tí wọ́n gún pa nínú ilé ní Amẹ́ríkà

By
iroyinowuro
-
Odunsi
Fẹ́mi Akínṣọlá
Àwọn aláṣẹ ní orílẹ̀ èdè Amẹ́ríkà ti ṣàwárí òkú ọmọbìnrin kan tó jẹ́ ọmọ Britain àmọ́ tó ní orírun Nàìjíríà, Elizabeth Tamilore Odunsi nínú yàrá rẹ̀ ní Houston, Texas.
Iléeṣẹ́ ọlọ́pàá Houston àti àwọn ẹbí ọmọbìnrin náà tó ń kẹ́kọ̀ọ́ nípa nọ́ọ̀sì ní Amẹ́ríkà sọ pé ọ̀sẹ̀ díẹ̀ ló kù kí Tamilore parí ètò ẹ̀kọ́ rẹ̀ kí ìṣẹ̀lẹ̀ láabi náà tó wáyé.
Ọjọ́ Kẹrìndínlọ́gbọ̀n, oṣù Kẹrin ni wọ́n bá òkú Tamilore nínú yàrá rẹ̀ nígbà tí àwọn ọlọ́pàá já ilẹ̀kùn àbáwọlé rẹ̀.
Iléeṣẹ́ ọlọ́pàá ní ojú ọgbẹ́ ọ̀bẹ pọ̀ lára rẹ̀ nígbà tí wọ́n bá nílẹ̀ ilé rẹ̀. Bákan náà ni wọ́n bá ọkùnrin míì tó wà ní ẹsẹ̀ kan ayé ẹsẹ̀ kan ọ̀run pẹ̀lú ojú ọgbẹ́ ọ̀bẹ lára tirẹ̀ náà, tí wọ́n sì ti gbe lọ sí ilé ìwòsàn fún ìtọ́jú.
Tamilore, ẹni ọdún mẹ́tàlélógún (23), tí ìkànnì ojú òpó rẹ̀ lórí TikTok ń jẹ́ Tamidollars máa ń kọ ìrírí rẹ̀ gẹ́gẹ́ bí ọmọ ilẹ̀ Gẹ̀ẹ́sí tó ń kẹ́kọ̀ọ́ ní US fáwọn ẹgbẹ̀rún ọgbọ̀n tó ń tẹ̀le lójú òpó náà.
Ní ọjọ́ Kọkànlélógún, oṣù Kẹrin ni Tamilore fi fídíò sórí ojú òpó TikTok rẹ̀ kẹ́yìn, tó sì sọ pé ọ̀sẹ̀ méjì ló kù fún òun láti parí ẹ̀kọ́ òun.
Ó ní òun yóò lọ fún ìsinmi lẹ́yìn tí òun bá parí ẹ̀kọ́ náà tán àti pé òun ti gba ààyè ìsinmi òun kalẹ̀.
Wọ́n ti bẹ̀rẹ̀ ètò ìkówójọ láti gbé òkú rẹ̀ padà sí UK fún ètò ìsìnkú tó yẹ fún-un tí wọ́n sì ti rí owó tó tó £44,000 ($58,000) lásìkò tí à ń kó ìròyìn yìí jọ.
Ẹ̀gbọ́n Tamilore, Georgina Odunsi kọ síbi ìkànnì ìkówójọ náà pé Tami jẹ́ onínú ire àti oníwà tútù.
“Ó kúrò ní UK lọ sí United States láti lọ kẹ́kọ̀ọ́ ìmọ̀ nọ́ọ̀sì ní ìfarajìn sí ṣíṣe ìtọ́jú àwọn èèyàn.”
Ó fi kun pé àdánú ńlá ni pé wọ́n dá ẹ̀mí Tamilore légbodò nígbà tó ku ọjọ́ díẹ̀ kó parí ẹ̀kọ́ rẹ̀ ní ilé ẹ̀kọ́ gíga pàápàá ní àsìkò tó yẹ kó jẹ́ ìbẹ̀rẹ̀ ìgbé ayé ọ̀tun àti ọjọ́ iwájú tó dára fún-un.
Gẹ́gẹ́ bí iléeṣẹ́ ọlọ́pàá Houston ṣe sọ, nǹkan bíi aago mẹ́ta àbọ́ ọ̀sán ọjọ́ Àbámẹ́ta, ọjọ́ Kẹrìndínlọ́gbọ̀n ni wọ́n gba ìpè láti ilé àwọn Tamilore.
Àwọn kan ilẹ̀kùn àmọ́ kò sí ẹnikẹ́ni tó dáhùn. Ẹ̀jẹ̀ tí wọ́n rí níbi àbáwọlé ilé náà ló mu wọn já ilẹ̀kùn wọlé.
Àwọn ọlọ́pàá náà sọ pé àwọn bá òkú Tamilore ní yàrá ìdáná pẹ̀lú ọ̀pọ̀lọpọ̀ ojú ọgbẹ́ ọ̀bẹ lára rẹ̀, táwọn sì tún rí ọkùnrin míì pẹ̀lú ojú ọgbẹ́ ọ̀bẹ kan lára rẹ̀ ní yàrá míì.
Wọ́n ní Tamilore ti pàdánù ẹ̀mí rẹ̀ káwọn tó dé ibẹ̀.
Ilé ẹ̀kọ́ gíga fásitì Texas Woman’s University tí Tamilore ti ń kẹ́kọ̀ọ́ kò fèsì sí ìbéèrè BBC News lórí ikú akẹ́kọ̀ọ́ náà.
Nínú fídíò kan tó ṣe lọ́dún tó kọjá, Tamilore sọ̀rọ̀ nípa ìdí tó fi fẹ́ràn láti máa gbé ní US dípò UK.
Láìpẹ́ yìí ni ó fi àwòrán aṣọ àti fìlà tó fẹ́ lò lọ́jọ́ ayẹyẹ ìkẹ́kọ̀ọ́jáde rẹ̀ sórí TikTok pẹ̀lú àkọ́lé pé ó ku ọ̀sẹ̀ mẹ́ta.
Ṣáájú ni ó ti fi àwọn fídíò bí ó ṣe ń kẹ́kọ̀ọ́ sórí ìkànnì náà pẹ̀lú àkọ́lé pé “mi ò tíì mọ̀ ọ́n báyìí àmọ́ tó bá máa fi tó ọdún kan sí àsìkò yìí gbogbo ìgbìyànjú mi ló máa já sáyọ́, mo máa ṣiṣẹ́ gẹ́gẹ́ bí nọ́ọ̀sì ní ẹ̀ka tó wù mí.”
Ó ní òun gbà á léró lái ní ìbáṣepọ̀ tó dára pẹ̀lú Kristi, gbígbé ìgbéayé àlááfíà láì sí ariwo.

Kà nípa àtunṣe márùn-un ti INEC fẹ́ẹ́ ṣe sí òfin ìdìbò ilẹ̀ Nàìjíríà

By
iroyinowuro
-
Mahmood Yakubu, alaga ajo eto idibo INEC
Fẹ́mi Akínṣọlá
Àjọ elétò ìdìbò ilẹ̀  Nàìjíríà, (INEC) ti pè fún àtúnse lẹ́ẹ̀kan sí i lórí òfin Nàìjíríà, kí ayípadà lè bá ìlànà ètò ìdìbò.
Agbẹnusọ INEC, Hajiya Zainab Aminu, ṣalaye fun akọroyin pe o ti mọ ajọ naa lara lati maa ṣe atunṣe si eto idibo, gẹgẹ bi ofin ṣe faaye gba a.
“Ẹ ma jẹ ka gbagbe pe a gbe iru igbesẹ yii kan naa ni 2020, nigba ti ile igbimọ mejeeji sọ fun INEC lati tun ofin eto idibo ṣe”
Hajiya Zainab lo sọ bẹẹ.
O fi kun pe lasiko naa ni wọn ṣe atunyẹwo ofin idibo ọdun 2010, eyi ti wọn yi orukọ rẹ pada si ofin idibo 2022, ti orilẹede yii n lo lọwọ bayii.
Kí àwọn elétò ìdìbò máa di tiwọn ṣáájú ọjọ́ ìbò Ọkan lara awọn atunṣe pataki ti INEC n beere ni pe kawọn oṣiṣẹ eleto idibo, awọn agbofinro, oniroyin, dokita ati bẹẹ bẹẹ lọ, maa dibo tiwọn ko too di ọjọ idibo gan-an.
Hajiya Zainab ṣalaye pe iru ilana yii ti n waye ni ọpọlọpọ orilẹede, titi to fi mọ Ghana.
O ni eyi yoo fun awọn eeyan to maa n wa lẹnu iṣe lasiko ibo naa laaye lati di tiwọn ṣaaju asiko ti iṣẹ ko ni i gba wọn laye lati dibo mọ.
Ìdìbò ilẹ̀ òkèèrè Atunṣe keji ti INEC n fẹ ni lati fun awọn ọmọ orilẹede yii to wa loke okun ni anfaani lati dibo.
“ A fẹ kawọn ọmọ Naijiria to n gbe loke okun ni anfaani lati dibo.”
Agbẹnusọ INEC lo sọ bẹẹ.
O ni eyi yoo fun wọn laaye lati ṣe ojuṣe wọn bii ọmọ Naijiria lati ibikibi ti wọn wa. Gẹgẹ bi ajọ INEC ṣe wi, atunṣe ti yoo waye yoo kan kaadi idibo alalopẹ pẹlu.
Ajọ naa sọ pe oun fẹẹ mu ofin to de lilo kaadi alalopẹ kuro, lati ṣẹgun magomago to maa n waye lasiko ibo.
“Atunṣe tuntun naa yoo wa fun pe ẹnikẹni to ba ni kaadi idanimọ ti INEC lu lontẹ yoo le dibo.”
Muhammad Kuna, oludamọran si Alaga INEC lo sọ eyi lasiko to n ba igbimọ eleto ijọba apapọ sọrọ.
Lọwọlọwọ yii, awọn eeyan to ba ni kaadi idibo alalopẹ (Permanent Voter’s Card) nikan lo le dibo ni Naijiria.
Ọpọ eeyan lo si forukọ silẹ fun kaadi alalopẹ naa ti wọn ko ri i gba.
Bakan naa lawọn mi-in gba tiwọn ṣugbọn wọn ti kuro lagbegbe ti wọn ti fi orukọ silẹ, eyi ko si ni i jẹ ki wọn le dibo bi asiko ba to.
Ajọ INEC tun fẹ kijọba foun ni anfaani lati le yan awọn alabojuto ibo lawọn ipinlẹ funra oun.
INEC ṣalaye pe eyi yoo ro awọn obinrin lagbara lati le ṣakoso ibo lawọn ẹka agbara mẹtẹẹta ti i ṣe tijọba apapọ, ipinlẹ ati ibilẹ.
Yiyan awọn ti yoo maa pẹtu si aawọ idibo
INEC fẹẹ da ajọ meji silẹ, awọn naa ni ‘Electoral Crimes Commission’, ti yoo maa ṣewadii awọn to ba lufin idibo, ti yoo si maa gbọ ẹjọ wọn.
Ikeji ni ‘Political Parties Regulatory Commission’’.
Eyi yoo maa ri si iṣe awọn ẹgbẹ oṣelu, lati ri i pe wọn n tẹle ofin ti ajọ INEC ba la kalẹ.

Emi ati AMVCA ko tii ni nnkan kan papo bayii – Ibrahim Chatta 

By
iroyinowuro
-

Mi ò nífẹ̀ẹ́ sí AMVCA – Ibrahim Chatta

Mary Fágbohùn

Oṣere Nollywood Ibrahim Chatta ti sọro lori bi ko se tii gba ami eye ti Africa Magic Viewers’ Choice Awards (AMVCA)

O ni oun ko tii ni nnkan kan se pelu won, nipa pe oun ko tie kopa ninu idije naa.

O so gbangba pe oun ko si ohun to kan ounAMVCA,  bi o tile je pe won yan an fun  ọkan ninu awọn ẹka ti o ga julọ ti ayeye naa.

Chatta, eni ti won yan gege bi Osere Asiwaju to dara ju nitori ipa to ko ninu House of GAA lo padanu ami eye naa si owo osere tiata Femi Adebayo, eni to kopa ninu Seven Doors.

Ami eye AMVCA ikokanla iru re naa lo waye ni ale ojo Abameta, ni ipinle Eko.

Nigba ti o n soro lori eto Curiosity Made Me Ask, ti Isbae U gbalejo rẹ, Chatta so awọn ero rẹ nipa bi won se se asayan fun ẹbun naa.

Nigba ti agbalejo naa beere lọwọ rẹ, “Ṣe iwọ yoo sọ pe iwọ ko ni iwọn to dara fun iṣẹ rẹ ni? Nigba ti o ba de ile, gbadura pe ki o jawe olubori fun ami eye AMVCA,” oṣere naa dahun nirọrun, “Mi o nifẹẹ sii.”

Chatta tesiwaju pe, “Mi o le gbadura fun nnkan ti mi o nifẹẹ si. Nigba kugba ti mo ba nifẹẹ lati lọ si AMVCA, maa ṣe fiimu kan, maa si fi fiimu naa silẹ. Ki a le ṣe ayẹwo mi, ki wọn le ṣayẹwo boya mo yẹ fun ami-eye naa tabi rara. Ṣugbọn mi o fun wọn ni fiimu kankan ti won le e yan mi lati inu re.”

 

Àgbèrè kìí ṣe ẹ̀ṣẹ̀ – Falz 

By
iroyinowuro
-

Àgbèrè kìí ṣe ẹ̀ṣẹ̀ – Falz

 

Mary Fágbohùn

 

Gbajugbaja olorin ati osere tiata lorilẹede Naijiria, Folarin Falana, ti gbogbo eniyan mọ si Falz, ti da ariyanjiyan sile kaakiri lori ero ayelujara lẹyin ti o sọ pe agbere kii ṣe ẹṣẹ.

 

Alaye ariyanjiyan naa ni a sọ ni ọjọ Aiku lati oju opo X rẹ (Twitter tẹlẹ), nibi ti oṣere ti fi atejade kan lede nirọrun pe: “Agbere kii ṣe ẹṣẹ.”

 

Ọrọ ìwòye naa, bo tilẹ jẹ pe o kuru, ni o yara tan kale lori ayelujara, ti awon olumulo ayelujara si n fenu sii lotun lotun. Nigba ti diẹ ninu won satileyin fun alaye naa, awọn miiran da a lẹbi gidigidi, ni titọka si ẹkọ ẹsin ati awọn ifiyesi iwa.

 

Olumulo kan, VeryJules, segbe leyin ọrọ kan ti o sọ pe, “Ko wa okiki. Awọn onimoran Kirisiteeni miran gbagbọ pe awọn eniyan meji ti won faramo kiko ipa ninu ihuwasi ni a o le e ri bii ẹlẹṣẹ. Wọn jiyan pe o jẹ ofin OT kii ṣe NT wọn tun sọ pe o jẹ ofin ti eniyan ṣe ninu ọran yii, ofin PAULU ni NT kii ṣe atọrunwa. Sá kuro lọdọ wọn oo, AGBERE je ese.

 

LucasMolade sọ pe, “Yọ orukọ Kiristeeni kuro. Kiristeeni tumọ si eni bii Kirisiti, ati pe Kirisiti kii ronu bayii.”

 

BintDija kowe, “Kii ṣe iyalenu pe o ko tii ṣe igbeyawo.”

 

Silvah101 sọ pe, “Pupọ ninu gbogbo yin jẹ alagabagebe to gboye.

 

Technnick kọ̀wé pé: “Ẹ̀ṣẹ̀ jẹ́ ti àwọn ẹlẹ́sìn, àgbèrè sì jẹ́ ẹ̀ṣẹ̀ sí wọn: ìwà àgbèrè jẹ́ ohun to ba òfin mu ní orílẹ̀-èdè wa, ẹ fi ẹ̀ṣẹ̀ sílẹ̀ fún àwọn tó mọ̀ nípa re jare.”

 

Winifunds sọ asọye, “Gbogbo wa ni o fẹ ko je ẹ̀ṣẹ̀, ṣugbọn o jẹ bẹ. Agbere jẹ ẹṣẹ.”

 

 

1...111213...101Page 12 of 101

EDITOR PICKS

POPULAR POSTS

POPULAR CATEGORY

© Iroyinowuro 2022