Home Blog Page 10

Ilé Ayé, ilé Àìyé

By
iroyinowuro
-

Ilé Ayé, ilé Àìyé

A ku ojo mẹta ẹyin alarojinle IWE IROYIN OWURỌ, iranti ile Aye ti o yẹ ko jẹ ile Aiye ni mo fẹ ki a jọ fi oju Arojinle wo lonii.

Gbogbo wa la jọ maa n wa ninu yara ikawe kan naa, idanilẹkọọ kan naa, ibawi kan naa, fifi olukọ se yẹyẹ ni ọpọ igba kan naa, fifun olukọ ni alajẹ ko jinna si ẹnu wa. Gbogbo wa jọ n jokoo pọ lai mọ ori olowo, a jọ n wo ankoo ileewe, ko si aga to yatọ si ara wọn bẹẹ naa ni gbogbo wa jọ n ni ero ọjọ iwaju to dara.

Ko si ninu wa to sọọ jade pe oun ko le lowo laye ni t’oun, ko si ẹni to tilẹ ro pe oun ko le ri isẹ gidi laye, paapaa julọ awọn to mọwe ninu wa ti han gedengbe pe awọn ti mu poro to mọ. O ti han pe awọn maa tete lowo laye siwaju awọn to ku diẹ kaa to ninu eto ẹkọ.

Sugbọn ile aye yatọ patapata si yara ikawe. Ile aye da bi igba ti eniyan n pidan, ti o ba wu ile aye, o le gbogo f’ọlẹ, ẹni to ya olodo ju ni yara ikawe le kọkọ lowo ju awọn to n gbe igba oroke ni yara ikawe lọ. Ile aye si tun le kọkọ fun ẹni to m’ọwe ju ni owo saaju gbogbo awọn to ku. Eyi tilẹ maa n jẹ ki ọpọ awọn ọmọ ode oni maa sọ pe Ẹ̀TÀN ati JÌBÌTÌ ni ileewe. Ti ẹ ba si ba wọn jiyan, ẹrọ ayelujara maa bẹrẹ si ni gbe orukọ jade iye iwe ti ẹni to lowo ju ka, bi wọn se le ẹni to lowo ju kuro ni ile iwe, bi ẹni to lowo ju nigba kan se gbe iwe ẹri to gbẹyin jade nile iwe to lọ ati bẹẹ bẹẹ lọ.

Ile Aiye ni Aye, ko si ẹni to le pe Eledua l’ẹjọ pe bawo ni ọmọ to y’olodo logun ọdun sẹyin se wa di olowo tabua bayii, abi bawo ni ọmọ to gọ ti gbogbo eniyan maa n fi se yẹyẹ se maa wa di oga ileesẹ nla. Eyi to wu ka wi, t’Ẹlẹda lasẹ. Ko si ẹni to ye ninu wa. Ọpọ iriri aye yii ko tilẹ jinna nigba miiran, bi awa se pari eto ẹkọ girama wa ni a ti n ri ninu awọn to mọ eto isiro ju ninu wa ti gba ẹnu ẹkọsẹ lọ nigba ti awọn obi ni ko si agbara lati tẹ siwaju ninu eto ẹkọ.

Bi o kuku se wu Oluwa lo n sọla rẹ, elomiran le lowo tabua lati ẹnu isẹ kikọ naa ti o je wi pe ede Gẹẹsi nikan I’ẹni to tẹ siwaju eto ẹkọ maa ni ju olowo lọ.

Ju gbogbo rẹ lọ, ẹ jẹ ki a maa se daadaa ni ibi gbogbo ti aye ba yi wa si nitori pe aye to n yi lọ si apa ọtun le tete pada si apa osi, gbogbo iranlọwọ ti a ba si le se fun ara wa, ẹ jẹ ki a see, ko si ẹni to m’ọla o.

Ipade tun di ọsẹ to n bọ l’asẹ Edumare.

Àwọn akẹ́kọ̀ọ́ AAUA s’àjọ̀dún ìparí ẹ́kọ́ wọn.

By
iroyinowuro
-

Àwọn akẹ́kọ̀ọ́ AAUA s’àjọ̀dún ìparí ẹ́kọ́ wọn.

Gbọ́láhàn Quseem

Sé wọ́n ní b’ọ́dún bá dùn, ó di dandan k’á r’ohun àjọ̀dún. Bẹ́ẹ̀ gan-an lọ̀rọ̀ ní bí àwọn akẹ́kọ̀ọ́ ile-ẹ̀kọ́ Adékúnlé Ajásin, ẹ̀ka t’Ibàdàn t’ó kalẹ̀ s’ágbègbè Ọ̀rẹ́méjì ti n se àjoyọ̀ ìparí ẹ̀kọ́ wọn t’ó wáyé n’ilé-ẹ̀kọ́ ọ̀un l’ọ́jọ́ Àbámẹ́ta ọjọ́ kẹrínlélógún osù karùn-ún ọdún 2025.

Nigba ti o n sọrọ nibi ayẹyẹ ikẹkọjade ọun, Olukọ agba kan t’o tun jẹ alakoso eto igbaniwọle fun Mufutau Lanihun College of Education, Arakunrin Sirajudeen Adebolu t’o s’oju fun ọga ile-ẹkọ ọun, gba awọn akẹkọọ n’iyanju lati ma tẹsiwaju ninu daadaa ti wọn ti wọn n se bọ, ki wọn le se aseyọri t’o gbọn-n-gbọn. Ọga agba naa tun mu wa s’iranti awọn akẹkọọ pe l’ọdun 2020/2021 ati 2021/2022 t’awọn akẹkọọ ọun bẹrẹ ẹkọ wọn n se lo dabi pe ko ni tan mọ.

S’aaju nibi ọrọ ti ẹ, Aarẹ awọn akẹkọọ ile-ẹkọ naa, Arakunrin Ajibade Owoyẹmi lsiaq dupẹ fun ọba adẹda eleyi t’o jẹ ki eto ọun kẹsẹjari. Bakannaa, lo tun dupẹ lọwọ Ọlọhun fun aseyọri wọn nibi ẹka eto ẹkọ ti olukuku wọn yan laayo.

Ọpọ awọn akẹkọọ lo gba amiẹyẹ oriṣiriṣi fun iṣẹ ti wọn ṣe fun ile-ẹkọ lapapọ ati ẹka eto ẹkọ wọn . Lara wọn lati ri :
1.Oyewọle Aminat – Female Science Star of
the Year .
2.Olugboso Toheeb – Hall of Flame Award
3.Odewale Kehinde – Most Reserved Student of the Year.
4.Isreal Ogunlana – Event Planner ot the Year.
5.Marvleous Adeniyi – Most Beautiful Girl of the Year.
6.Ayuba Kaothar – Humanitarian Personality of the Year.
7.Ogundiran Tosin – Most Punctual Student of the Year.
8.George Blessing – Ebony of the Year.
9.Oluwaniyi Rebecca – Most Punctual Student of the Year

Lara awọn olukọ ti wọn gba amiẹyẹ la ti ri:
1.Dr Saheed Raheem Adetola
2.Dr Bolanle Sotikare
3.Dr Lawal Musliu
4.Dr Oladele Grace
5.Ọgbẹni Adeyẹle Timothy
6.Ọmọwe argbinrin Ọdẹniyi
7.Ọmọwe Adọlabi Akinjide
8.Ọgbẹni Ayọdeji Wright
9.Ọgbẹni Sunday Amọo
10.Ọgbẹni AGC Popoọla
11.Ọgbẹni Seyi Adedeji
12.Ọgbẹni Akinfenwa Damilola
13.Olukọ Kọlapọ Badiru
14.Aarabinrin Modupẹ Christiana Ọkanlawọn

Awọn akẹkọọ miran ti wọn tun gbamiẹyẹ ni:
1.Bolaji Ismaheel – Outstanding Student of Year
2.Akeleke Toheeb – Humanitarian Service Award
3.Tijani Sodiq – Class Representatinve of the Year
4.Oyelẹyẹ Ayọmipọsi – Excellent Academic Award
5.Dada Mariam – lntegrity & Trustworthy Award
6.Babatunde Balogun – Broadcasting & African Researcher of the Year
Oshina Elizabeth – Most Humorous Persality

Oniru-nru awọn olorin takasufe ti wọn tun jẹ ọmọ ‘le-ẹkọ ọun ni wọn tun da awọn eniyan lara ya. Lara wọn lati ri Fela, Beto-Boy ati awọn miran.

Àwọn ẹ̀sùn tó wà nínú ìwé ẹjọ́ tí ìjọba àpapọ̀ pe Natasha

By
iroyinowuro
-

Àwọn ẹ̀sùn tó wà nínú ìwé ẹjọ́ tí ìjọba àpapọ̀ pe Natasha

Fẹ́mi Akínṣọlá

Ìjọba àpapọ̀ ti sọ pé sẹnetọ tó ń sojú ààrin-gbùngbùn ìpínlẹ̀ Kogi, Natasha Akpoti-Uduaghan lẹjọ, lórí àwọn ọ̀rọ̀ ìbanilórúkọjẹ́ kan tí wọ́n ní ó sọ lórí tẹlifísàn.

Awọn ọrọ naa ni wọn lo sọ tako olori ile igbimọ aṣofin, Godswill Akpabio ati gomina ipinlẹ Kogi tẹlẹ, Yahaya Bello.

Ọjọ kẹrindinlogun, oṣu Karun un, ọdun 2025 ni ijọba pe ẹjọ naa ni ile-ẹjọ giga kan niluu Abuja to si darukọ Natasha gẹgẹ bii olujẹjọ.

Ijọba sọ pe Natasha sọrọ to mọ pe o le ba orukọ eeyan jẹ eyii to lodi si abala 391ofin Naijiria ti ijiya rẹ wa ninu abala 392 ofin naa ti wọn gbe kalẹ lọdun 1990.

Akẹ́kọ̀ọ́jáde méjì di èèrò ẹ̀wọ̀n nítorí ìjínigbé nípìnlẹ̀ Ekiti

By
iroyinowuro
-

Akẹ́kọ̀ọ́jáde méjì di èèrò ẹ̀wọ̀n nítorí ìjínigbé nípìnlẹ̀ Ekiti

Fẹ́mi Akínṣọlá

Ilé-ẹjọ́ gíga ìpínlẹ̀ Ekiti tó wà ní Ado-Ekiti ti sọ akẹ́kọ̀ọ́jáde méjì sí ẹ̀wọ̀n ọdún mẹ́ẹ̀dógún fún ẹ̀sùn jíjí akẹ́kọ̀ọ́ ilé-ẹ̀kọ́ gíga fásitì Federal University Oye Ekiti, FUOYE, gbé.

Ojo Babajide, ẹni ọdún mọ́kànlélọ́gbọ̀n àti Olajide Nathaniel, ẹni ọdún márùndínlógójì ni ilé-ẹjọ́ ní wọ́n jẹ̀bi ẹ̀sùn ìjínigbé.

Ní ọdún 2022, lásìkò tí àwọn méjéèjì ṣẹ̀ṣẹ̀ parí ilé-ẹ̀kọ́ gíga ni ìṣẹ̀lẹ̀ náà wáyé.

Ilé-ẹjọ́ jù ẹni kọ̀ọ̀kan wọ́n sí ẹ̀wọ̀n ọdún mẹ́wàá fẹún ẹ̀sùn ìjínigbé àti ẹ̀wọ̀n ọdún márùn-ún fẹún ẹ̀sùn lílẹ̀dí àpòpọ̀ láti hu ìwà ọ̀daràn.

Ẹ̀sùn tí wọ́n kà sí wọn lọ́rùn sọ pé ní ọjọ́ kẹtàlélógún, oṣù Kẹta, ọdún 2022 ni àwọn méjéèjì gbìmọ̀ pọ̀ láti jí ẹnìkan tí orúkọ rẹ̀ ń jẹ́ Atana Emmanuel gbé.

Nínú ọ̀rọ̀ rẹ̀ tó kọ lọ́dọ̀ ọlọ́pàá, Atana Emmanuel, ẹni tó akẹ́kọ̀ọ́ FUOYE tẹ́lẹ̀, tó sì ń ṣiṣẹ́ gẹrungẹrun sọ pé nǹkan bíi aago méje ìrọ̀lẹ́ ni àwọn olùjẹ́jọ́ náà wá bá òun ní ṣọ́ọ̀bù òun.
ní wọ́n sọ pé kí òun wọ inú ọkọ̀ kan tí wọ́n gbéwá, “mo kọ́kọ́ ṣe agídí àmọ́ wọ́n fipá mú mi láti ṣe ohun tí wọ́n ń fẹ́.

“Wọ́n kọ́kọ́ gbé mi lọ sí ibìkan tí mi ò mọ́ ní Oye-Ekiti ṣùgbọ́n mo padà bá ara mi ní ilé ìtura kan tó wà lọ́nà Ikere-Ekiti.

“Wọ́n fipá mú mi láti san owó yàrá tí wọ́n gbà ní ilé ìtura náà.”

“Lẹ́yìn náà ni wọ́n pe àwọn èèyàn mi láti bèèrè fún mílíọ̀nù kan náírà gẹ́gẹ́ bí owó ìtúsílẹ̀ àmọ́ N101,000 ni a rí kó jọ.

Ó ní nígbà tí wọ́n ri pé òun kò ní owó láti fún wọn, wọ́n bọ́ gbogbo aṣọ òun , tí wọ́n sì na òun bíi ejò àìjẹ pẹ̀lú kòbókò.

“Mo ṣèṣe gidi ní gbogbo ara kó tó di pé wọ́n tú mi sílẹ̀.”

Olùpẹjọ́ fún ìjọba, Kunle-Shina Adeyemo pe ẹlẹ́rìí kan sílé ẹjọ́, tó sì kó àwọn ẹ̀rí kalẹ̀.

Bákan náà ni agbẹjọ́rò àwọn olùjẹ́jọ́, Akinola Abon rọ ilé-ẹjọ́ láti ṣe ìdájọ́ pẹ̀lú àánú nítorí àwọn oníbàárà òun ṣẹ̀ṣẹ̀ parí ilé-ẹ̀kọ́ nígbà náà ni, tí wọ́n sì ń gbáradì láti lọ sin ilẹ̀ baba wọn.

Nígbà tó ń gbé ìdájọ́ kalẹ̀, Adájọ́ Adeniyi Familoni sọ pé àwọn olùjẹ́jọ́ náà jẹ̀bi ẹ̀sùn tí wọ́n fi kàn wọ́n.

Adájọ́ ní ìwà ìjínigbé ti fẹ́ di tọ́rọ̀ fọ́nká sílé ní àwùjọ pẹ̀lú gbogbo ìgbìyànjú láti fòpin si, tó sì pọn dandan láti fi àwọn olùjẹ́jọ́ náà jófin láti kọ́ àwọn mìíràn lọ́gbọ́n.

Ó ní kí wọ́n lọ máa fi aṣọ péńpé roko ọba fún ọdún mẹ́ẹ̀dógún láì sí àǹfàní fún sísan owó ìtanràn.

Ní ọjọ́ kọkànlélógún, oṣù Karùn-ún, ọdún 2025 ni ẹ̀wọ̀n náà bẹ̀rẹ̀ gẹ́gẹ́ bí adájọ́ ṣe sọ.

Ogún Naira ni mo gbà fún Sinímá Ọ̀pá Ajé tó sọ mí di olókìkí – Àjan Abija

By
iroyinowuro
-

Ogún Naira ni mo gbà fún Sinímá Ọ̀pá Ajé tó sọ mí di olókìkí – Àjan Abija

Fẹ́mi Akínṣọlá

Ọ̀kan gbòógì òṣèré sinimá àgbéléwò ayé àtijọ́, Alhaji Adeyẹmi Sikiru tí ọ̀pọ̀ èèyàn mọ̀ sí “Ajan Abija” ti ké gbàjarè lórí àwọn ìpèníjà tó ń bá a fínra lẹ́yìn ọ̀pọ̀lọpọ̀ ọdún tí ó ti fi ojú hàn nínú àwọn sinimá àgbéléwò tó kálé-kákò.

Ninu ọrọ ti o ba sọ, Sikiru ni oun ko mọ wi pe dandan ni ki olokiki ni owo lọwọ tabi ki o ko ọrọ jọ lasiko ti oun n bẹ lẹnu iṣẹ tiata.

Ọkan lara awọn ere to sọ Alhaji Sikiru di olokiki nigba naa lọhun ni sinima kan ti wọn pe ni Ọpa Aje ninu eleyii ti o ti kopa gẹgẹ bii Ajan Abija
Alaye to ṣe fun akoroyin wa ni pe ogun Naira pere ni oun gba lori sinima naa, nitori ilepa owo tabi ọrọ ko si ni ọkan oun ni gbogb asiko yii.

Wọn maa n saba kun arakunrin yii ni ẹfun ninu awọn ipa to ko ninu sinima, eyii lo si faa to fi nira fun ọpọlọpọ eeyan lati daa mọ.

O fi kun ọrọ rẹ wi pe inu ipenija nla ni oun wa bayii, nitori pe awọn iṣẹ idọti ni oun n ṣe bayii nitori atijẹ, bẹẹ sini alaafia ara oun tun ti di fiafia.

Títa ríro làá kọ ilà, afẹ́fẹ́ ìdùnú pẹ̀lú ayọ̀ gbilẹ̀ lọ́gbà Fásitì Adekunle Ajasin

By
iroyinowuro
-

Títa ríro làá kọ ilà, afẹ́fẹ́ ìdùnú pẹ̀lú ayọ̀ gbilẹ̀ lọ́gbà Fásitì Adekunle Ajasin

Fẹ̀mi Akínṣọlá

Àwòràn wọ̀nyí ni ti àwọn akẹ́kọ̀ọ́ jáde Fásitì Adekunle Ajasin tó wà ní ọgbà Mufutau Lanihun Ọremeji Ìbàdàn, lásìkò àpèjẹ àlẹ́ òhun ìmọrírì àwọn olùkọ́ ọ wọn, èyí tó wáyé lọ́jọ́ àbámẹ́ta ,ọjọ́ kẹrìnlélógún oṣù karùn-ún, ẹgbẹ̀rúnọdún okòólémárù-ún, lábẹ́ aṣojúdárí ilé ẹ̀kọ́ náà Ọ̀jọ̀gbọ́n Gbọ́lágadé Abíọ́dún Táíwó “GFR”
lásìkò tó n kí àwọn akẹ́kọ̀ọ́ ọ̀hún ,akọ̀wé àgbà tó ṣojú Ọ̀jọ̀gbọ́n Gbọ́lágadé Abíọ́dún Táíwó , Ṣheik Adébólú Sirajudeen fi iṣẹ jẹ pé, ìwúrí nlá ló jẹ́ fún òun pé àwọn akẹ́kọ̀ọ́ náà ṣàmúlò ẹ̀kọ́ tí wọ́n kọ́ lọ́gbà Fásitì ọ̀hún.
Ó tẹ̀síwájú pé, ìtàn kìí parẹ́ , àti pé, ìtán ni wọ́n n kọ yìí fún àwọn ìran tì yóò kẹ́kọ̀ọ́ gboyè lọ́gbà Fásitì yìí.
Ọ̀jọ̀gbọ́n Gbọ́lágadé Abíọ́dún kádìí ọ̀rọ̀ rẹ̀ pé ,wọ́n ti bomi ọgbọ́n mu níbi tí odò ìmọ̀ gbé jìngòdò, látàrí èyí,kí wọ́n fọ́n sìnú àyé lọ fi orúkọ Fásitì yìí yàwòrán rere fún gbogbo àgbáálayé.

Ẹ wá ìmọ̀ tó péye fún ìwé ẹ̀rí tó yanrantì—Ọ̀jọ̀gbọ́n Gbọ́lágadé

By
iroyinowuro
-

 

Ẹ wá ìmọ̀ tó péye fún ìwé ẹ̀rí tó yanrantì—Ọ̀jọ̀gbọ́n Gbọ́lágadé

Fẹ́mi Akínṣọlá

Àmọ̀ràn ti lọ sọ́dọ̀ àwọn èèyàn làti má a wá ìmọ̀ ojúlówò èyí tí yóó ṣe onímọ̀, àwọn tó yí i ká àti àwùjọ láǹfànì ayérayé.
Ọ̀rọ̀ ìyànjú yìí ló jẹyọ lẹ́nu
Aṣojúdárí ilé ẹ̀kọ́ náà “Provost” Ọ̀jọ̀gbọ́n Gbọ́lágadé Abíọ́dún Táíwó, tó ń dárí ẹ̀ká Fásitì Adekunle Ajasin tó wà ní ọgbà Mufutau Lanihun Ọremeji Ìbàdàn,lórúkọ Fásitì ọ̀hún tó wà ní ìpínlẹ̀ Òndó,lábẹ̣̀ Ọ̀jọ̀gbọ́n Olugbenga Ige, lásìkò tó ń gbé ọ̀rọ̀ ìmọ̀ràn kalẹ̀ fún àwọn akẹ́kọ̀ọ́, akòwé àgbà ilé- ẹ̀kọ́ náà tó ṣojú Ọ̀jọ̀gbọ́n Gbọ́lágadé Abíọ́dún Táíwó , Ṣheik Adébólú Sirajudeen fi iṣẹ jẹ pé, ìwúrí nlá ló jẹ́ fún òun pé àwọn akẹ́kọ̀ọ́ náà ṣàmúlò ẹ̀kọ́ tí wọ́n kọ́ lọ́gbà Fásitì ọ̀hún.
Ó tẹ̀síwájú pé, ìtàn kìí parẹ́ , àti pé, ìtán ni wọ́n n kọ yìí fún àwọn ìran tì yóò kẹ́kọ̀ọ́ gboyè lọ́gbà Fásitì yìí.
Ọ̀jọ̀gbọ́n Gbọ́lágadé Abíọ́dún kádìí ọ̀rọ̀ rẹ̀ pé ,wọ́n ti bomi ọgbọ́n mu níbi tí odò ìmọ̀ gbé jìngòdò, látàrí èyí,kí wọ́n fọ́n sìnú àyé lọ fi orúkọ Fásitì yìí yàwòrán rere fún gbogbo àgbáálayé.

Báyìí ni Boko Haram ṣe ń lo Tiktok fún ìpolongo ní Naijiria

By
iroyinowuro
-

Báyìí ni Boko Haram ṣe ń lo Tiktok fún ìpolongo ní Naijiria

Fẹ́mi Akínṣọlá

Ikọ̀ agbébọn Boko Haram àti ISWAP, tó ń da gbogbo ìgboro ní apá àríwá rú fún ìgbà pípẹ́, ni wọ́n ṣiṣẹ́ láti tún tàn ká gbogbo orilẹ̀ -èdè Nàìjíríà pẹ̀lú àtẹ̀jíṣẹ́ tí wọ́n ń fi ránṣẹ́ sí àwọn èèyàn pé kí wọ́n darapọ̀ mọ.

O le ni ọgọrun un eeyan ti ikọ agbebọn yii ṣekupa ninu ikọlu to waye ninu oṣu Kẹrin, gẹgẹ bii gomina ipinlẹ Borno ṣe sọ, to si jẹ pe ikọlu naa lo ṣekupa eeyan to pọ ju lati ọdun 2009, to si jẹ ọpọ igba ni wọn ti kọlu awọn ipinlẹ mii lorilẹede Naijiria.

Awọn agbebọn ọhun tun ṣafihan awọn ibọn lori opo ayelujara Tiktok pẹlu awọn ohun ija oloro miiran ati owo ninu oṣu kẹrin.

“O bẹrẹ pẹlu awọn agbebọn.” Bulama Bukarti, igbakeji aarẹ ẹgbẹ Bridge ni Texas ṣalaye loju opo ayelujara X.

“Ni bayii awọn agbebọn Boko Haram ti n ṣe fọnran sita loju opo X – ipolongo wọn, ti wọn si n dunkoko mọ awọn to ba bu ẹnu atẹlu wọn.”
Bulama ni, ọmọ ikọ agbebọn Boko Haram ti fi igba kan dunkoko mọ oun ninu fọnran kan ti wọn ti yọ kuro nitori o bu ẹnu atẹlu ise wọn.

Bo ti lẹ jẹ pe ọpọ oju opo to n ṣe igbelarugẹ ohun ti ẹgbẹ naa n ṣe ti palẹmọ, awọn fọnran ti wọn n gbe sita n tako igbinyanju lati mu wọn.

Agbẹnusọ Tiktok ni, o nira pupọ lati ri awọn oju opo ti awọn agbebọn yii fi n ṣe fọnran sita nitori wọn yọ wọn kuro lẹsẹkẹsẹ.
Oju opo mọkandinlogun ti ileeṣẹ AFP ṣe iwadii le lori ṣafihan awọn eeyan kan ti wọn mura bi alfa, ti awọn miiran si da nnkan boju wọn, ti wọn si n sọrọ tako ijọba.

Awọn oju opo miiran n ṣafihan awọn fọnran olori Boko Haram tẹlẹ, Mohammed Yusuf ati Isah Garo Assalafy, ẹni ti wọn fofin de pe ko gbudọ ṣe waasu ita gbangba mọ nipinlẹ Niger nitori o n lo awọn ikorira, to si n tako ọlaju.

O kere, ikọ agbebọn Boko Haram ti ṣekupa o le ni ẹgbẹrun lọna ogoji eeyan, ti wọn si tun sọ ọpo eeyan di abarapa.

Saddiku Muhammad, ẹni to ti fi igba kan jẹ ọmọ ẹgbẹ Boko Haram sọ fun AFP pe awọn agbebọn Boko Haram ti n lo oju opo Tiktok nitori awọn oṣiṣẹ Ologun n ṣawari wọn loju opo Telegram.

Wọn ti ri pe ọpọ awọn ọdọ lo wa loju opo Tiktok bayii.

“Wọn ri pe ọdọ pọ nibẹ, wọn dẹ nilo lati lo nnkan ti awọn ọdọ nifẹ si,” Muhammed sọ.

“O fẹ da bi pe wọn n bori. Ohun to wa niwaju wọn bayii ni lati ri awọn ọdọ kojọ..”
Awọn amoye sọ fun AFP pe bi awọn agbebọn ṣe n lo Tiktok lo jẹ ohun ibẹru fun ijọba.

Malik Samuel, amoye nipa eto aabo ni Boko Haram n lo opo yìí láti gbinyanju tan awọn ọdọ ki wọn darapọ mọ wọn pẹlu ipolongo wọn.

“Wọn n mọmọ fi oju wọn han sita lati sọ pe ẹru ko ba wọn rara ati pe lati fidi rẹ mulẹ pe eeyan ni awọn naa,” Samuel ṣalaye.

O ni ISWAP fi ẹbun wọn lori fọnran ṣiṣe ju ti Boko Haram lori ayelujara.

Ẹwẹ, Tiktok ti n ṣiṣẹ pọ pẹlu ileeṣẹ kan lorilẹede Gẹẹsi, “Tech Against Terrorism” lati pese ọna lati da awọn agbebọn yii mọ lori ayelujara.

Ọdún kẹ̀ta rèé tí a ti ní iná ọba gbẹ̀yìn ní Ariwa Yewa, tírélà Dangote ló ba òpó iná wa jẹ́”

By
iroyinowuro
-

Ọdún kẹ̀ta rèé tí a ti ní iná ọba gbẹ̀yìn ní Ariwa Yewa, tírélà Dangote ló ba òpó iná wa jẹ́”

Fẹ́mi Akínṣọlá ẹ́ẹ̀ ọ́ọ̀ ńǹ

Àwọn èèyàn ìlú Ìbèsè , Ipokia, Imasayi àtàwọn ìlú mìíran ní ìjọba ìbílẹ̀ Àríwá Yewa ní ìpínlè Ògùn, ti rawọ ẹbẹ si ìjọba láti báwọn ṣe àtúnṣe iná ọba tó bà jẹ́ láwọn ìlú náà.

Wọn ni o ti pe ọdun mẹta ti ina mọnamọna ti tan nibẹ gbẹyin.

Lara awọn olugbe ilu naa, to ba akọroyin sọrọ ṣalaye pe, tirela Dangote lo ba opo ina awọn jẹ, eyi to si sọ awọn si okunkun birimu lati igba naa.

Aboro ti ilẹ Ibese, Ọba Rotimi Mulero, sọ ninu ifọrọwanilẹnuwo to ṣe pẹlu BBC Yoruba pe otitọ ni pe awọn tirela ileeṣẹ Dangote ti wọn n ko simẹnti niluu naa lo wo awọn opo ina kan eyi to ba ina ọba jẹ.
Aboro ti ilẹ Ibese ni ”A kan si ileeṣẹ Dangote lori ọrọ naa wi pe awọn ni wọn ba ina ọba ilu wa jẹ, wọn so ina ọhun pada lasiko naa.
Amọ, ko ju ọjọ kan lọ ti ina naa tun fi bajẹ, ileeṣẹ Dangote tun gbiyanju lẹẹkeji lati tun ina naa ṣe, ṣugbọn ko tun kẹsẹ jari.

Ṣugbọn ti a ba fẹ sọ oootọ ọrọ, ileeṣẹ simẹnti Dangote to wa ni Ibese ti gbiyanju agbara wọn lori ọrọ ina yii,” Oba Mulero lo sọ bẹẹ.

Aboro ti ilẹ Ibese ni awọn lọbalọba ti kepe ileeṣẹ Dangote lori ọrọ ina ọba to bajẹ, ileeṣẹ naa si ti gbiyanju agbara wọn.

Ṣugbọn Ọba Mulero ni ọwọ ileeṣẹ mọnamọna ni ọrọ naa ku si bayii.

Jagunmolu Igbogila, Abdul Jelil Anisere, sọ pe o to ilu bi ogun labẹ ijọba Ariwa Yewa ti ko ni ina ọba bayii.
Olu ti Imasayi, Ọba Lukman Kuoye, ni ẹrọ amunawa lawọn n lo niluu naa latari airi ina lo.

Ọba Kuoye ni ”mo maa n ba ileeṣẹ simẹnti Dangote to wa niluu Ibese ṣe ajọṣepọ tẹlẹ lori ọrọ iṣoro naa, nigba ti wọn o ṣe nkankan lori rẹ ni mo ti fi wọn silẹ.

A ri wi pe lara awọn ọba wa naa n dakun iṣoro ina ọba yii tori ti a ba fẹnu ko lori nkan bayii, awọn naa ni wọn tun maa lọ gbẹyin bẹbọ jẹ.”
Ẹwe, adari ẹka ileeṣẹ apinaka IBEDC nipinlẹ Ogun, Abdul Rasaq Jimoh, ti ṣalaye fun BBC Yoruba pe awọn ti tun ina ọhun ṣe ni igba mẹta ọtọtọ ti awọn eeyan kan n ba a jẹ.

Ọgbẹni Jimoh ni ”awọn eeyan buruku yii ko da iṣẹ ibi wọn duro, niṣe ni wọn n tẹsiwaju lati maa ba gbogbo waya ti a ba tun ṣe jẹ.

A ti bawọn araalu papaa julọ awọn ọdọ ṣe ipade pọ wi pe ka jọ fọwọ sowọ pọ lati le daabo ina ọba ti a n tun un ṣe ni gbogbo igba, amọ, pabo ni gbogbo rẹ jasi.”

Ṣugbọn, Ọba Mulero sọ pe iwa aibikita ileeṣẹ IBEDC lo n fa a tawọn eeyan kan fi n ba waya wọn jẹ.

O ni ileeṣẹ naa lo yẹ ko wa awọn ti yoo maa ṣọ waya tabi nkan ti wọn lo fun atunṣe ina kii ṣe awọn awọn araalu.

Àgbà wá búra: Ebenezer Obey tú kẹ̀ẹ̀kẹ̀ ọ̀rọ̀ ṣílẹ̀ lórí itú méje tó pa nígbà èwe

By
iroyinowuro
-
Obey

Akeem Lasisi

– Obey ni obinrin kan ti oun ati Orlando jo n fe dija sile laarin won

– Obey ni oun maa n gbe awo orin meta jade laarin odun kan

– O ni oun ko fun omo egbe oun kankan laye lati gun oun gaagaa

– Baba Miliki s’alaye bi Ayinde Barrister se maa n sa to oun bi ile ba looyi

– Obey ni ota Wasiu Ayinde po

Ogunna gbongbo ninu awon akorin Naijiria ati kaakiri agbaye, Oloye Ebenezer Obey, ti siso loju eegun lori awon isele pataki kan to se nigba ti o wa ni sango ode.

Akorin pataki naa ti a tun mo si Baba Miliki se alaye ibasepo re pelu awon akegbe re, awon ti ko to o ninu ise orin, awon elegbe leyin re ati bi igbagbo ninu ebun ti Olorun fun un pelu ife si omolakeji se je e logun.

Bi apeere, Obey soro ohun to fa aawo tabi kontadiigbon laarin oun ati oloogbe Orlando Owoh nigba kan.

Gebe bi o ti wi, obinrin ko jo karuwa, ko jo nabi kan lo da ija naa sile.

Awon mejeeji jo n fe obinrin naa ni.

Orlando Owoh

Ohun to le pani lerin ni pe ile igbafe ale, iyen nightclub, ni obinrin naa maa n je si, ibe ni Obey si ti ri i.

Ibe ni won ti di ololufe.

Igbeyin-gbeyin ni Obey mo pe Orlando, iyen Baba Kennery, naa n na oja ti oun n na.

Obey ni lati igba ti Orlando ti mo lo ti n ba oun sote, to si maa n so fun oun pe awon ko le je ore.

Baba Commander tun fi kun un pe leyin opo odun ti isele naa ti sele, nigba ti ara Orlando ko ya, ti oun si wa lo si ile re ni adugbo Iyana Ipaja ni Ipinle Eko, Orlando ko je ki oun wole, ti oun si ni lati pada si soosi oun ti oun ti wa.

Inu fidio iforowanilenuwo kan ti Obey se pelu agbohunsafefe Agbaletu RadioVision ni o ti se alaye oro naa.

Ninu iforowanilenuwo yii, Obey so pe lawon asiko kan ti nnkan bureke, oun maa n gbe to awo orin marun-un jade laarin odun kan.

O tun soro lori awon omo egbe re kan ti won so pe o se awon.

Obey ni oun ko se aidara fun omo egbe oun kankan.

O ni ohun kan ti oun ko gba laye ni pe ki won ri oun fin tabi ki won te oun mere.

O ni owe oga meji ko le gbe inu moto kan ni oun fi lo igba ni t’oun.

Obey ni ti akorin kan ba gba awon omo egbe re laye lati je gaba le e lori, oju re yoo ri nnkan.

O se alaye ohun ti awon omo egbe Benjamin Adekunle foju re (iyen Adekunle) ri lasiko kan, ti won ni ko ma ta jita mo, ti won si fe so o di edun arinle.

Bakan naa, Obey seranti ajosepo oun ati oloogbe Sikiru Ayinde Barrister.

O ni loooto ni oun gba a nimoran pe ko mu ise orin kiko laayo nigba to si wa ni ise ologun.

Obey ni eniyan daadaa gba a ni Barrister, to si maa n bowo fun oun debi wi pe ‘Daddy’, iyen ‘Baba’, lo maa n pe oun.

Barrister

O wa fi kun un pe lawon asiko kan, oun maa n gba Barrister sile ninu laasigbo ise.

Obey ni Barrister le ti gba owo lowo awon onirekoodu kan lati gbe orin jade fun won sugbon ti ise awon ise naa ko ni tete jade.

O ni bi oro ba ti wa fe di ijongbon, odo oun ni Barrister maa n sa wa, ti oun yoo si petu si awon onirekoodu naa ninu.

Lori oro Wasiu Ayinde K1 de Ultimate, Obey ni eeyan daadaa ni oun naa.

O ni oun ti awuyewuye fi saaba maa n sele lakata Wasiu ni pe awon ota re po.

Obey ni Wasiu fi eyi jo oun tori awon ota oun naa po nigba kan.

 

1...91011...101Page 10 of 101

EDITOR PICKS

POPULAR POSTS

POPULAR CATEGORY

© Iroyinowuro 2022