O̩mo̩ Atiku àti ti Tinubu fé̩ dá ìjà àgbà méjì sílè̩
Yínká Àlàbí
Oludije du ipo Aare̩ labe̩ e̩gbe̩ oselu PDP, Alhaji Atiku Abubarkar lo ti so̩ fun Aare̩ Bo̩la Tinubu ki o kilo̩ fun o̩mo̩ re̩ Seyi ki o dekun lati maa dun ikoko mo̩ Isah.
Isah to je̩ abala kan olori e̩gbe̩ awo̩n ake̩ko̩o̩ (NANS) lo gbe e̩sun kan jade lori ayelujara pe Seyi fi owo milionu lona o̩go̩run-un naira lo̩ oun lati darapo̩ mo̩ e̩gbe̩ APC ti oun si ko̩ jale̩.
O ni lati igba naa ni awo̩n janduku kan ti n seru ba oun kaakiri ibi ti oun ba rin si.
Seyi ni oun ko ti ri iru eyi ri ni aye oun, ki eniyan maa paro̩ rabata-rabata be̩e̩. Seyi ni oun ko tile̩ pade Atiku Isah ri laye oun debi wi pe oun a wa gbe owo fun un lati tele oun.
O̩gbe̩ni Sunday Asefon to je̩ oluba sise̩ po̩ Aare̩ lori awo̩n ake̩ko̩o̩ to si tun je̩ olori e̩gbe̩ awo̩n ake̩ko̩o̩ te̩le̩ kin o̩ro̩ Seyi le̩yin pe iro̩ ni Isah n pa, o si tun ni awo̩n e̩gbe̩ alatako kan lo maa wa le̩yin re̩ fun iru ete buruku be̩e̩. O ni koda o da oun loju to ada pe o̩wo̩ gomina te̩le̩ ri ni ipinle̩ Kaduna, Nasir el-Rufai ko le mo̩ ninu ete naa lati le je ki awo̩n eniyan ke̩yin si Tinubu lati le ma dije du ipo ni o̩dun 2027.
Isah naa ni ko si e̩ni kankan ti o n ti oun ni itikuti. O ni lati bi o̩dun me̩san-an se̩yin bayii ni oun ti foju kan El-Rufai ke̩yin.
E̩gbe̩ Afe̩nifere naa ko sai gba awo̩n e̩gbe̩ awo̩n ake̩ko̩o̩ niyanju lati ma se je̩ ki awo̩n kan ti wo̩n ni itikuti lori iro̩, ki eto isejo̩ba awa-ara-wa le baa ke̩se̩ jari.
