‘Lílù tí àwọn ọlọ́pàá lu ọmọ wa, Dada Yusuf, ní àhámọ́ wọn ló paá’
Fẹ́mi Akínṣọlá
Ìdílé ọ̀dọ́mọkùnrin kan, ẹni ọdún mẹ́tàlélógún, tí orúkọ rẹ̀ ń jẹ́ Dada Yusuf ni wọ́n ti bẹ̀rẹ̀ sí ní fẹ̀sùn kan ilé-iṣẹ́ ọlọ́pàá ìpínlẹ̀ Òǹdó lórí ohun tó ṣokùnfa ikú ọ̀dọ́ náà, lẹ́yìn tó pàdánù ẹ̀mí rẹ̀ nítorí àtì mọ́lé ọlọ́pàá.
Idile naa ni, Yusuf dero ọrun lẹyin to farapa, eyi ti idile rẹ ni o wa lati ọwọ ileeṣẹ ọlọpaa lẹyin ti wọn ti i mọlẹ ni ọna ti ko ba ofin mu.
Nigba to n ba awọn akọroyin sọrọ, Afolabi Bisoye, to jẹ mọlẹbi oloogbe ni, ọwọ ileeṣẹ ọlọpaa tẹ oloogbe ni ọjọ kọkanlelọgbọn oṣu Kẹjọ ọdun 2025.
Gẹgẹ bi o ṣe ṣalaye, ileeṣẹ ọlọpaa mu oloogbe naa, ti wọn si ti mọle, lu ni ilukulu, de bi pe o daku.
O fikun pe awọn ọlọpaa fi iṣẹlẹ ọhun to mọlẹbi rẹ leti lẹyin ti wọn gbe oloogbe lọ si ile iwosan, nibi ti wọn tun ti gbe lọ si ile iwosan miiran.
Afolabi ni lẹyin ọpọ igbiyanju awọn dokita lati doola ẹmi oloogbe, o pada padanu ẹmi rẹ nitori ifarap to ni lasiko ti awọn ọlọpaa n lu u.
Afolabi sọ pe, ẹka ileeṣẹ ọlọpaa, Scorpion Squad, ti ọga agba Olayiya Kasim le waju fun ni ilẹ ẹkọ giga Federal University Technology mu oloogbe naa lasiko to n lọ si ilu Akure. Wọn lu Yusuf titi to fi de bi pe o daku.
“Lati fi daabo bo ara wọn, awọn ọlọpaa naa fẹ gba ọna eru lati fọwọ bo ohun to ṣẹlẹ. Wọn kọkọ gbe lọ si ile iwosan ileeṣẹ ọlọpaa ni Akure, nibi ni wọn ti sọ fun awọn idile rẹ pe wọn yinbọn lu u ni aya lasiko to wa ni ahamọ.
“Nitori bi ara rẹ ṣe ri, wọn gbe lọ si ile iwosan Federal Medical Centre, Owo, to si lo ọpọ ọjọ pẹlu afẹfẹ gaasi lati fi mi. O dun ni pupọ pe a pada padanu Yusuf ni ọjọ keje, oṣu Kẹsan an ọdun 2025,”
Afolabi rọ ijọba lati ri daju pe idajọ ododo waye lori ọrọ naa.
Nigba ti a kan si ileeṣẹ ọlọpaa nipinlẹ Ondo, wọn jẹ ko di mimọ pe ọrọ ko ri bi idile naa ṣe gbekalẹ, paapaa ko si nnkan to jọ mọ pe awọn lu oloogbe naa ni ilukulu.
Agbẹnusọ ileeṣẹ ọlọpaa nipinlẹ Ondo, Olushola Alayande, nigba to n ba akọroyin sọrọ ṣalaye pe kii ṣe nitori pe wọn lu oloogbe naa lo ṣokunfa iku rẹ
O fikun pe ọlọpaa gbe oloogbe naa lọ si ile iwosan lẹyin to bẹrẹ si ni ma ṣe aisan, ti wọn si gbe lọ si ile iwosan fun itọju dialysis nitori agbara ile iwosan ileeṣẹ ọlọpaa ko ka itọju naa.
“Ileeṣẹ ọlọpaa ipinlẹ Ondo ko ni tẹwọgba ẹsun ti idile oloogbe ka si wọn lẹsẹ. Ọmọ wọn ku ni ile iwosan Federal Medical Centre nigba to n gba itọju aisan, ti ko si ni nkankan ṣe pẹlu bi ileeṣẹ ọlọpaa ṣe lu.
“Ileeṣẹ ọlọpaa mu iṣẹ yii pẹlu ilana to yẹ, ti a si mọ ohun ti a n ṣe. A ko ki n lu eeyan tabi faye gba rara.
“A suure gbe ọmọ naa lọ si ile iwosan, ti wọn si ni ka tun gbe lọ si ile iwosan FMC nitori ile Iwosan ileeṣẹ ọlọpaa ko ni agbara lati ṣe itọju oloogbe naa, fun eyi, ẹsun pe a lu oloogbe naa ko fẹsẹ mulẹ.
Ẹwẹ, Alayande ni iwadii ti bẹrẹ lori iṣẹlẹ naa, ti awọn si ti n wadi awọn ọlọpaa to mu oloogbe naa.
“Lati le tan imọlẹ si ohun to waye, Kọmisana fun ileeṣẹ ọlọpa ti palaṣẹ pe ki iwadii bẹrẹ lori iṣẹlẹ naa.
