Awakọ̀ èrò dáná sún òṣìṣẹ́ LASTMA l‘Eko, ọ̀rọ̀ di bóòlọ yàgò fún mi
Fẹ́mi Akínṣọlá
Ohun tá ó jẹ là ń wá, bẹ́ ẹ̀ ádùrá ká má pàdé ohun tí yóò jẹ wá là ń tọrọ.
Ṣùgbọ́n kò jọ pé àdúrà yìí fi taratara gbà pẹlú
Ìṣẹ̀lẹ̀ à gbọ́ yanu tó wáyé ní ìpínlẹ̀ Èkó nígbà tí awakọ̀ bọ́ọ̀sì èrò dáná sun òṣìṣẹ́ àjọ tó ń mójútó ìgbòkègbodò ọkọ̀ ní ìpínlẹ̀ náà, LASTMA àti bọ́ọ̀sì rẹ̀.
Ninu fọnran kan to gba ori ayelujara ni ati ri bi ina se mu awakọ bọọsi, oṣiṣẹ LASTMA ati bọọsi ero naa.
Ohun to fa ariyanjiyan laaarin awakọ naa ati oṣiṣẹ LASTMA ni a ko le fidi rẹ mulẹ sugbọn LASTMA ti fi atẹjade sita lori opo ayelujara X pe otitọ ni iṣẹlẹ naa waye .
Gẹgẹ bii atẹjade naa ṣalaye, LASTMA ni iṣẹlẹ naa waye ni agbegbe Cele lọ ọna Mile 2 lẹyin ti awọn oṣiṣẹ LASTMA da ọkọ ero naa duro fun ayẹwo.
“Iroyin nipa iṣẹlẹ to waye to de ọdọ wa, ti a si ti ri fọnran bi awakọ bọọsi Volkswagen T4 pẹlu nọmba idanimọ LSD355 CK se dana sun ọkọ rẹ ati oṣiṣẹ LASTMA nigba to n gbiyanju lati ma jẹ ki wọn mu oun.
“Isẹlẹ yii waye ni Ọjọ Karun un Oṣu kẹrinla ọdun 2024. A da ọkọ naa duro nitori o ti tapa si ofin oju opopona ni agbegbe Mile 2.
“Nigba ti a fẹ mu, awakọ naa bẹrẹ si ni lo agidi , to si da epo bẹntiroolu si ara oṣiṣẹ LASTMA, to si gbana.
“Oṣiṣẹ LASTMA naa farapa yanayana , ti awọn akẹgbẹ ẹ si sure gbe e lọ si ile iwosan fun itọju.”
