O̩wó̩ o̩ló̩pàá ti te̩ àwo̩n jàǹdùkú tó ko̩ lu Obesere
Yínká Àlàbí
Ọ̀gá ọlọ́pàá ní Ìpínlẹ̀ Ondo ti sọ pé wọ́n ti mú awo̩n o̩kunrin afunrasi meji, awo̩n o̩lo̩paa ni o dabi e̩ni pe wo̩n kopa ninu ìkọlu tí wọ́n ṣe sí olórin fuji, Alhaji Abass Obesere, àti ẹgbẹ́ rẹ̀.
Obesere àti àwọn ọmọ ẹgbẹ́ rẹ̀ ni àwọn janduku kọlù níbi ìsìnkú kan ní Okitipupa, níbi tí wọ́n ti lu u, wọ́n sì gun ọ̀kan nínú àwọn ọmọ rẹ̀ ní ọbẹ. Wọ́n tún gba apo tí ó ní owó to N4 million, fóònù àti aago.
Alukoro ọlọ́pàá, DSP Olúṣọlá Ayanlade, sọ pé ìmú-ẹ̀sìn bẹ̀rẹ̀ lẹ́yìn tí wọ́n gba ìròyìn tó dájú pé wọ́n ti kọlù Obesere. Ìwádìí fi hàn pé ẹgbẹ́ àwọn janduku tí Michael Abbey (Emir) darí ni wọ́n ṣe ìkọlu náà.
Wọ́n ti mú Abbey àti Oniye Oke, wọ́n sì jẹ́wọ́ pé wọ́n kópa nínú ìṣẹ̀lẹ̀ náà. Owó tó tó N479,100 ni wọ́n tún gba padà gẹ́gẹ́ bí apakan owó tí wọ́n jí. Ọlọ́pàá ní wọ́n tún ń wá àwọn tó salọ kí wọ́n sì gba gbogbo nnkan tí wọ́n ji padà.
Alákóso Okitipupa LGA, Andrew Ogunsakin, tún jẹ́rìí si mimu àwọn afurasi, ó sì sọ pé ile is̩e̩ o̩lo̩paa kò ní gba ọ̀daràn tàbí janduku láàyè. Ó tún ní pé ó ti kan sí Obesere àti ẹgbẹ́ rẹ̀ láti bá wọn jíròrò kí iru ìṣẹ̀lẹ̀ bẹ́ẹ̀ má baa tún wáyé mó̩.
