Wike gbàjo̩ba e̩gbé̩ òsèlú PDP, ó fò̩nà ìta han Seyi Makinde àti àwo̩n mìíràn
Yínká Àlàbí
Ìjà tí ń ṣẹlẹ̀ nínú ẹgbẹ́ PDP tún burú sí i ní oni ọjọ́ Is̩e̩gun, nígbà tí apá ẹgbẹ́ tí Nyesom Wike ń darí kede pé wọ́n ti lé Gomina Seyi Makinde (Ọyọ̀), Bala Mohammed (Bauchi), àti Dauda Lawal (Zamfara) kúrò ní ẹgbẹ́.
Wọ́n tún kéde ìyọkúrò Bode George, Adolphus Wabara, àti Kabiru Turaki (SAN), ẹni tí wọ́n ṣẹ́ṣẹ̀ yan sípò Alákóso Àgbà ẹgbẹ́.
Eyi wáyé lẹ́yìn àpéjọ e̩gbé̩ àgbà PDP ní Ìbàdàn ní ọ̀sẹ̀ to kọjá, níbi tí wọ́n ti tún lé Wike àti àwọn ọmọ ẹgbẹ́ rẹ̀ kúrò ní ẹgbẹ́. Ìpinnu tuntun yìí ló fa ìjà tí ó gbóná láàrín ẹgbẹ́ méjèèjì ní ọ́fíìsì àgbà ẹgbẹ́ ní Abuja ní òní.
Apá NEC tí Wike ń darí tún fọ́ gbogbo àgbàjọ iṣe ẹgbẹ́ ipinlẹ̀ ní Ọyọ̀, Bauchi, Zamfara, Yobe, Lagos, àti Ekiti, kí wọ́n sì dá àgbàjọ ìtọ́jú (caretaker committees) sílẹ̀ kí wọ́n tó tún ṣe ìdìbò tuntun.
Nínú ìkéde tí Akọ̀wé Àgbà ẹgbẹ́, Senator Sam Anyanwu, kà, wọ́n sọ pé gbogbo àwọn tó dá lórí ìmọ̀ràn Alákóso Àgbà ń ṣe ìṣe alatako ẹgbẹ́, kò tẹ̀lé ilé ẹjọ́, tàbí ṣe ohun tó bà jìnà sí orúkọ rere ẹgbẹ́.
