Lórí pé àwọn akẹ́kọ̀ọ́ fìdí rẹmi nínú ìdánwò UTME, àlàyé rè é
Fẹ́mi Akínṣọlá
Àjọ tó ń rí sí ètò ìdánwò ìgbaniwọlé sílé ẹ̀kọ́ gíga ìyẹn Joint Admissions and Matriculation Board, JAMB ti ṣàgbékalẹ̀ bí èsì ètò ìdánwò UTME ọdún 2025 tó parí láìpẹ́ yìí ṣe máa lọ.
Gẹ́gẹ́ bí JAMB ṣe sọ, nínú èèyàn 1,955,069 tó ṣe ìdánwò náà, àwọn tó lé ní ìlàjì ni kò gba tó máàkì 200.
Àwọn 4,756 ló gba máàkì tó lé ní 320 nígbà táwọn tí wọ́n gba máàkì láti 300 lọ sókè sì jẹ́ 12,414.
JAMB ṣàlàyé pé àwọn ọmọdé tí ọjọ́ orí wọn kò ì tíì tó ìdánwò náà tí wọ́n fún láàyè láti ṣe nítorí ìkápá wọn jẹ́ 40,247 àmọ́ 467 nínú ló ní máàkì tí JAMB ń gbà wọlé fún irú àwọn ọmọdé bẹ́ẹ̀ níbi ètò ìdánwò tó parí náà.
Wọ́n tún ṣàlàyé pé èèyàn 97 ni ọwọ́ tẹ̀ fún ṣíṣe èèrú lásìkò ìdánwò ọ̀hún nínú gbogbo àwọn tó ṣe ìdánwò náà, tí àwọn 2,157 sì ń kojú ìwádìí fẹ̀sùn pé wọ́n ṣèrú lásìkò ìdánò náà.
Wọ́n fi kun pé èèyàn 71,701 tó forúkọ sílẹ̀ fún ètò ìdánwò náà ni kò kópa níbẹ̀ àti pé àwọn tó jẹ́ pé àwòrán ojú wọn ni kò jẹ́ kí wọ́n rí ìdánwò náà kọ láwọn máa pèsè àǹfàní fún láti kọ ìdánwò náà ní gbọ̀ngán táwọn bá mú tó bá yá.
Ní ọjọ́ Ẹtì, ọjọ́ Kẹẹ̀dọ́gbọ̀n, oṣù Kẹrin ni ètò ìdánwò 2025 UTME bẹ̀rẹ̀ káàkiri Nàìjíríà, tó sì parí lọ́jọ́ Ajé, ọjọ́ Karùn-ún, oṣù Karùn-ún.
UTME jẹ́ ìdánwò táwọn akẹ́kọ̀ọ́ tó bá fẹ́ wọ ilé ẹ̀kọ́ gíga, yálà ilé ẹ̀kọ́ aládàáni tàbí ti ìjọba àpapọ, gbọdọ̀ ṣe tó sì jẹ́ àjọ JAMB ló máa ń ṣe agbátẹrù rẹ̀.
bá gbà sí tí akẹ́kọ̀ọ́ sì lè:
Gbà láti kẹ́kọ̀ọ́ náà tàbí kọ̀ ọ́
Ṣe àyẹ̀wò bóyá wọ́n ti gba òun sílé ẹ̀kọ́
Fi èsì ìdánwò ilé ẹ̀kọ́ girama rẹ̀ síbẹ̀.
Láti lè ní àǹfàní sí CAPS, akẹ́kọ̀ọ́ máa wọlé sí CAPS lórí ayélujára, tó sì máa tẹ lẹ́yìn náà lo máa ló sí CAPS.
Ìgbéjáde àwọn tí ilé ẹ̀kọ́ gbà wọlé
Lọ́pọ̀ ìgbà, ẹ̀ẹmẹta láwọn orúkọ tí ilé ẹ̀kọ́ bá gbà sílé ẹ̀kọ́ wọn máa ń jáde.
Àkọ́kọ́ ni ti àwọn ti máàkì wọn pọ̀ dáadáa. Ìkejì ni àwọn ti máàkì wọn tẹ̀lé wọn, tí ipele tó kẹ́yìn sì jẹ́ táwọn tí m'[akì kò pọ̀ àmọ́ tí wọ́n le fi sí ètò ìkẹ́kọ̀ọ́ míì.
Ṣíṣe àyípadà ilé ẹ̀kọ́
Tí èsì ìdánwò rẹ kò bá wọ ilé ẹ̀kọ́ gíga tí o yàn tẹ́lẹ̀, JAMB fi ààyè sílẹ̀ láti ṣe àyípadà ilé ẹ̀kọ́ sí ilé ẹ̀kọ́ míì.
Ní orí ayélujára ni èèyàn ti lè ṣe èyí.
