Àwo̩n tó lówó ju Emefiele lo̩ pò̩ nínú àwo̩n ò̩gá NNPCL
Yínká Àlàbí
Ko tii to o̩se̩ meji bayii ti ijo̩ba apapo̩ ni ki ajo̩ elepo robi orileede yii lo̩ ro̩ kun nile.
Bi ijo̩ba se ni ki wo̩n fise̩ sile̩ ni tipa-tipa ni ajo̩ EFCC ti be̩re̩ ise̩ ni wara-n-sesa.
Ara awo̩n o̩ga patapata ti ijo̩ba fe̩yin wo̩n ti ni Mele Kyari, Abubakar Yar’Adua, Mele Kyari, Isiaka Abdulrazak, Umar Ajiya, Dikko Ahmed, Ibrahim Onoja, Ademoye Jelili, Mustapha Sugungun, Kayode Adetokunbo, Efiok Akpan, Babatunde Bakare, Jimoh Olasunkanmi, Bello Kankaya ati Desmond Inyama.
Ohun to fa awuyewuye ko ju ile ifo̩po orileede yii me̩ta to wa ni ilu Warri, Port Harcourt ati eyi to wa ni Kaduna.
Gbogbo o̩mo̩ Naijiria lo ti n se iye meji nipa awo̩n ile ifo̩po naa pe ko dabi e̩ni pe wo̩n n sise̩ bi iroyin se n gbee. Koda Aare̩ ana, alagba Olusegun O̩basanjo̩ ni iro̩ ni awo̩n ajo̩ yii n paa, baba yii ni ko si eyi to n sise̩ ninu wo̩n.
Ase gbogbo owo rogun-rogun ti ijo̩ba n ko kale̩ lo n wo̩ igbo atuu. Bi ijo̩ba se ni ki awo̩n o̩ga yii lo rokun nile ni wo̩n ti be̩re̩ si ni nawo̩ gan awo̩n ti o̩wo̩ wo̩n ko̩ko̩ te̩.
O̩kan ninu awo̩n ti ko si ninu awo̩n o̩ga patapata ti ijo̩ba da duro ni ajo̩ EFCC ti ka bilio̩nu lo̩na o̩go̩rin naira mo̩ lo̩wo̩.
Iwosi awo̩n ajo̩ EFCC ni pe ni igba ti awo̩n ba fi maa de o̩do̩ awo̩n o̩ga, owo ti awo̩n maa ka mo̩ o̩ko̩o̩kan wo̩n lo̩wo̩ maa ju ti oludari ajo̩ banki gbogbogboo ile̩ yii te̩le̩, o̩gbe̩ni Godwin Emefiele.
